تسجيل البدون في الخدمه المدنيه

[اخر صمتي انين]

في احد صار معاه شي ؟؟؟

 

[انوار المحبه]

كله كلام فاظي

 

[أم سليمان دشتي]

صباااح الخير والنوير يالغاليات

احنا عيال جيرانا بدون والي قاموا فيه كالتالي

1. راحوا لجنة البدون (المقيمين بصورة غير قانونية) حدثوا بياناتهم
وقالولهم ان لازم اوراقهم تكون كلها صالحة يعني البطاقة الامنية وعندهم شهادة ميلاد وجذي

2. التسجيل بس لحملة الدبلوم والبكلريوس والشهادات العليا (يعني الي عندهم بس ثانوي ما يسجلونهم)

3. بعد ما ضبطوا اوراقهم باللجنة قالولهم الحين روحوا الوزارات الي نفس تخصصاتكم وتسجلون عن طريقهم
مو عن طريق ديوان الخدمة المدنية لاأ ... واول شيء لنفرض انهم قدموا ع وزارة الكهرباء والماء مثلا كمساعدين مهندس
اول شيء يكتبون كتاب ترشيح من الوزارة وياخذونه ويروحون ديوان الخدمة المدنية ، وبعدها الديوان ياخذون كتاب الترشيح

4. الديوان ياخذون كتاب الترشيح ويجيكون ان بهالوظيفة (مساعد مهندس كالمثال الي قلناه) في كويتيين ويتنق ولا لأ

الحالة (1) في كويتيين يحطون اسم هذا الشخص ورا اخر واحد كويتي .. وعاد ينطر
الحالة (2) ماكو كويتيين ناطرين على طول يسوون اجرائاته ويتم مخاطبة الوزارة وتمشي الامور

للأمانـــــــــــــة ،،، ماكو من الي نعرفهم للحين واجهوا الحالة (2) نظرا لان كل التخصصات مشابهة للكويتيين وفي كويتيين ناطرين ف ان شاء الله ربي يسهل والخيرة وفيما اختاره الله ...

بنات ترى كل وزير من الوزراء له يوم بالاسبوع يقابل مراجعين وياخذ منهم طلباتهم وجذي
في حال ان واحد/وحدة يحسون انهم مؤهلين للوظيفة يكتبون كتاب ويرفقون كل اوراقهم وبياناتهم
ويحطون ارقامهم ويودونه للوزير ويشوفه وان شاء الله يارب تتم امورهم اللهم امين...


انا عندي صديقتي مو كويتية امها كويتيه مولودة بالكويت ودارسة كل مراحلها بالكويت ومتخرجة من جامعة الكويت
كل ما تروح وزارة يرفضونها عاد اخر شيء قدمت كتاب لوزير التربية واعتقد قالت يومه يوم الاثنين من 8-9.30 ص
ارفقت كل او راقها وشهادتها الجامعية وجنسية امها وجذي سوالفها يعني وان عندهم احصاء 65 وجذي

والحمدلله الوزير وقعلها بالموافقة وودت اوراقها بعدها حق الشؤون الادارية عاد هالحجي بشهر 9 الي فات
قالولها نطري ليمن شهر 11 ببس يفتحون الباب مال تقديم الوافدين تعالي قدمي
وراحت قدمت على شهر 12 اول ما فتحوا الباب والحمدلله قبلوا اوراقها .. والحين ناطرة تسوي مقابلة شخصية
واذا عدتها ان شاء الله راح يقبلونها على بداية السنة اللهم امين ادعولها

الله يوفقكم كلكم ياااااااااااااااااااااارب

 

[عرش الأنوثه]

الله يوفقكم

 

[aryaam]

بنات جيرانا اثنين بدون ماعندهم إحصاء 65
و راحوا لوزارة و طردوهم عشان الاحصاء !​

هذا اللي قالوه البنات :/
و الله يوفق الجميع و يفرج عنا وعنكم يارب​

 

[●•∫ استثنآئيهـ]

وحدة اعرفها قدمت عالتربية وقبلوا اوراقها
بس قالوا نطري اتصال
فمادري الظاهر ماكو شئ لان ما دقوا على احد
والله يوفق الجميع ،،

 

[بشوررة]

يحليكم مصدقين ... ماشفنه شي
ان الله مع الصابرين