تستخدمونها او لا...!! فادكتم!!

[MissChoco]

مشكوره ام وليد

 

[MissChoco]

مشكورين بنات

 

[أأأميرة الورد]

المره شم وغسول علشان الالتهابات من العطور والبخور

 

[(أم نونو)]

انا غسل بمرة بعد اسبوع اول الايام اعتمد على الكريمات والغسول الطبي

 

[عبث طفله]

المره اشم منها اول نفاسي عشان ما يشم الجرح ويلتهب ..

بس غسول غسلي فيها بعد عشر ايام يمدي الخياط صار زين .. لانه المره والجفت يطيحون الخيط ..

انا استخدمته عاشر يوم وماشاء الله 3 ايام وطاح الخياط ..

 

[NODA 2]

اول الايام نووووووووو بس خواجوا مع زيت زيتون

 

[أنفاسي دخون]

شوفي حبيبتي انا طريقتي المره بس نشربها ونشمه ونتوضى فيها عقب ما يطيح الخيط او تشيله الدكتوره لانه يشده قبل ما يطيح ويعور والغسول والمعقم والميبو يوفون بالغرض

اي صح نسيت اقولش عقب الولاده بعشرة ايام نحط على الفوطه خواجوا ومره وزيت زيتون عجيب للجرح ويمنع الشمم وبنفس الوقت ما يأثر

 

[MissChoco]

مشكورين بنات ،،،


انفاسي دخون حبيبتي شلون توضين بالمره؟؟

 

[ShoOog el3YoOoN]

حبيبتي عن تجربه المره مانفعتني ضرتني ..

التهب الجرح وصارت فيني حكه .. ولما رحت حق دكتوري (ماجد الشمري) هاوشني ليش اني حاطه مره
قال المره مفيده بس مو حق اللي عندها خياط وجرح .. حريم اول ماكو خياط وكانت تلم اللحم مع اللحم
اما احنا شق مايفيدنا .. احسن شي الكريم والحبوب حق اللي تحس بالم حييييييييييل وبس ,
وانا من استخدام المره انفتحت عندي غرزه وحدده ,,,,

هذي تجربتي ماادري ينفعج ولا لا ,,,

 

[kuwatiya]

اب اب اب اب لعيووونج​

 

[مضيعة برقعها]

انا بحمالاتي احط الطش بالحمام {وانتم بكرامه } وترسه ماي وكت عليه ملح خشن قفشه كبيره وحده عالطش
ويكون مسويه ببطل الماي الصحة حجم كبير حاطه داخله ماي ومره واخذ البطل واخضه عدل
اكت نص البطل بالطش من غير حبوووووب المره
معقم طبيعي بلا اكريمات ودهوووووووون*
اول عشرة ايام بس وبعدها لا

 

[Tom ♥ Jerry]

.

انا استخدمت زيت زيتون على طول يطيح الخيوط (=
مع الغسول و الكريم الي معطيني اياه الطبيب تمآم ..
بس المره مآ آستخدمتهآ صراحه (=
الزيت زيتون مو بنفس اليوم يطيح الخيوط
لا يعني يبيله اسبوع اسبوعين ..
على الاقل آحسن ممآ تروحين و يعورونج يشيلونه حقج !

.

 

[جوليانا الحلوه]

انا ما استخدمت المره لانها تخلي المنطقه لينه اما ماي وملح من صجج هاذا خياط وراح يلتهب استخدمي ميبو والغسول وبخاخ ومطهر على ما اذكر بس انا استخدمت المره للشم لان في حريم الله يسامحهم يجون حاطين كيلو من العطورات القويه كنت على طول اشم مره

 

[مرام1]

نعم من اول يوم شكرا

 

[Miss Chanel]

اشربيها وشميها
عشان لايلتهب الجرح من العطور

 

[ناتشوو]

انا بحمالاتي احط الطش بالحمام {وانتم بكرامه } وترسه ماي وكت عليه ملح خشن قفشه كبيره وحده عالطش
ويكون مسويه ببطل الماي الصحة حجم كبير حاطه داخله ماي ومره واخذ البطل واخضه عدل
اكت نص البطل بالطش من غير حبوووووب المره
معقم طبيعي بلا اكريمات ودهوووووووون*
اول عشرة ايام بس وبعدها لا

بس اشحادج على هالشي
وطشت وعفسة
وبعدين اشلون تاخذين راحتج وفي خياط ؟
الكريمات والغسولات ارحم واسهل
ربي حفظج ماشاء الله بس طريقتج كلش مو صحية بدون كريمات اعالج الخيوط!

 

[ناتشوو]

.

انا استخدمت زيت زيتون على طول يطيح الخيوط (=
مع الغسول و الكريم الي معطيني اياه الطبيب تمآم ..
بس المره مآ آستخدمتهآ صراحه (=
الزيت زيتون مو بنفس اليوم يطيح الخيوط
لا يعني يبيله اسبوع اسبوعين ..
على الاقل آحسن ممآ تروحين و يعورونج يشيلونه حقج !

.

يعني تستخدمين زيت الزيتون كبديل لمرهم الطبيب
اذكر وحدة لما كنت رايحة اطهر ولدي تقول
انها تستخدمه للطهور
بس مو شرط انه يطيح الخيوط
لأن على حسب نوع الغرز
في خيوط لازم يشيلها الطبيب مهما حطيتي كريمات

 

[المكسيكيه]

 

[مسك وطيب]

المره تشد الجرح وتنشفه ما انصحج بغسوول ,, اشربي منها اذا خلصتي مضاد وشمي منها بكل وقت عن الشمم واللي احسن منها تهدي الجرح الخواجوا حطيها عالجرح بقطنه وبتحسين براحه ,,,,

وجربي تبخرين بالمره حطي الفحمه بطاسه معدن وفوقها كسرة مره وخلي الطاسه داخل فتحة الافرنجي تكرمين وقعدي عالافرنجي وصكري رجولج بيصير بخور المره كله عالجرح والله هالطريقه تريحج وتخليج ماتحسين بالجرح ابد سويها بالليل قبل لاتنامين ,,, هذي طريقتي وادعيلي

 

[MissChoco]

مشكووورين بنات ماقصرتوو