تزيين كشاكيل ودفاتر اليهال للمدرسه

[FeShinGoOo]

دانسنق تدرين امي شتسوي قبل كانت تزين كشاكيلنا بالويك اند خمسصفحات حق الاسبوع كله


حاولي تسوين عالحركه اذا ماعندج وقت .. او شوفي احد من عايلتكم عنده موهبة الرسم وقوليله زين الكشكول صدقيني بتلاقينه يبدع اكثر من الستيكرات

انا قبل كنت اسوي كشاكيل خواتي لوحات فنيه ورسومات وحركات

 

[FeShinGoOo]

ياويليييييييييييييييييييييييييي

شنو هذا من صجكم
عيل اييب دفاتر من الحين اجهز حق 4 ولا 5 سنين جدام حق ولدي

ببجي من غير شي احاتي المدرسة وين ادخله والحين تقولون تزيين وااااي وريلي يبي بعد يهال
لا والله شكلي بسكر

بقوله تبي تعرف ليش كلم دانسنغ كوين


الله يعينج بس دقي على 66811137 ام خالد
قوليلها من طرف ام دعيج وشوفي بجم تسويلج خبري فيها تزين دفاتر تحضير ودرجات

المشكله اتزيينين وتطلعلج الابله اتقولج لا مابي الوان ابي تسطير بالرصاص :eh_s(11): وانتي تكونين مسطره كشكول كامل اهني الغثااااااااااا

 

[أم حسيب]

والله أول مرة أسمع عن التسطير
الله يعينكم

 

[Dancing^Queen]

يالله يابنات رفع
نبي تفيدونا اكثر
نبي شي زين واسعار معقوله
مو 4 كشاكيل ب 20 دينار

 

[اثمان]

ان شاء الله تحصلين ...بأسرع وقت

 

[نووووونا]

اهليييييين كوين الحلوه الاموره

الله يخليلج الاميرات


موضوع شيق ناخذ منه افكار حق المدارس , انا كل اسبوع اسطر 5صفحات حق اسبوع واحط ستيكرز


مشكورين بنات عالافكار

 

[رحيل المرافيء]

ويه من صجج
روحي كلمي الناظرة
التزيين على قد الطالب هو اللي يسويه مو اهله
ما تمادوا الا لما شافوكم ساكتين
كلش كلش روحي المنطقة التعليمية اشتكي
شنوو هذا من زين تدريسهم عاد

 

[ابـــ بنت ـــوهاا]

حبيبتي انا اطبع صور الطالب واسمه على غلاف الدفتر من برا وعالاقلام والجناط

راسليني وادز لج الصور

 

[randomy]

سبحان الله

انا من تعينت ( معلمة بالمرحله المتوسطة )

اول يوم ماعندي غير كلمتين للبنات

التسطير بالرصاص مابي الوان وستكرزات

المهم المعلومه اللي بالدفتر مو الزينه اللي فيه

وبعد ماشفت موضوعكم حمدت ربي على الالهام اللي خلاني اقولهم جذي لاني صج احس البنات يضيعون وقتهم على ( خرابيط ) اسمحولي الدفتر اخر السنه ينقط مايظل الا درجة البنت والدرجة تيي من المذاكرة مو من التزيين !!

 

[مفرفشه عالاخر]

الله يعينكم ويعطيكم العافيه

 

[ṦάЯỢηά ĚŁђĻώạ]

يالله يابنات رفع
نبي تفيدونا اكثر
نبي شي زين واسعار معقوله
مو 4 كشاكيل ب 20 دينار

شدعوا 4 دفاتر ب 20 ?? >> فيس مصدووم
اذا سعر الدفتر ما يتعدا الربع @
انا اسويلج اياهم فبلااااش لاني احب التسطير والتزيين وهالسواالف:rerrerek:
فاضية وما عندي شي اذا تبين لا يردج الا كيبوردج

 

[سيدة الذوق]

بنات عطوني رقم اللي تزين الكشاكيل تكفون

 

[مطيريه ماركه]

وعليكم السلام والرحمه

يظهر اختي ان ماعندج عيال
او عيالج مو سن مدارس
او انج ما تزينين كشاكيل عيالج
او انج ربه منزل ماعندج دوام ووقتج كله لعيالج الله يهينج

مبين من ردج انج مو مجربه اكيد

لما يصير عندج اكثر من ياااااااااااهل بالمدرسه وانتي موظفه وتدرسين اليهال من ال 5 لين العشر بالليل قوليلي متا يصير عندج وقت او مزاج تنقشين وتلزقين ستكرزات بصراحه العام مليت اخلص تدريس وواجبات 10 اقعد ساعه بعدين الف علي الكشاكيل اسطر وازين لين 12 او 12 ونص بصراحه الام مو مكينه مهمتها تكمل علي الابلات اللي مايعجبهم العجب

اول يبونج تسطرين بلون وستيكر
الحين يبون الدفتر لوحه فنيه والا الدرجات تنزل
واليهال يعايرون بعض

شحقه اتعب نفسي !! هين قرشك لاتهين نفسك
مو مسأله رفاله وكسل
مسئله رحمه شوووووووووووووي ترا لاامهاااااااااااااااااااات بششششششششر للعلم
يازين الخاص والله كنت مفتكه من هالتفاهات مالت الحكومه
الابله تبجي الياهل عشان دفترها مسطر بلون وفيه ستيكرز مو منقش لوحه

:bbbiu:

شهـ آلآبلآت آللي تبي دفتر مسطر بـ آللون آلفلآني ومزين بـ آستيكرز
آنآ آسوي حق آلطلبة دفآترهم صغيرونة من مكتبة وتغليفهآ حلزوني
ومكتوب عليهآآ عنوآن آلدرس وهـ آلخرآبيط آهم بس ينقلون آللي ع آللووحة وآلديبآجة ثآبتة
ومسطر ومزخرف طبآعة جآهز آسود
ولآ آحب آكلف ع آلجهآل وآهلهم
لآ وآلدفآتر من فلوسي
وفوق هذآ مو عآجب نآظرتي آلغثيثة
!!
آلمهم جيبوآ دفآتر عيآلكم لي ترآ هوآيتي آتفنتق في دفآتر آلمبزرة
:eh_s(8):

 

[مطيريه ماركه]

هيييييييييييييه
صدقتي

يبون كوادر واعمال شاقه بروح هذي الجمله خاف وزاره النفط ولابسين بلوستات ومن حقل لحقل ومايرجعون الا تالي الليل ولهم 40 يوم بالسنه
اي نص اليوم الدراسي اللي من الساعه 7 ونص الى الساعه 1 ونص يتخلله فراغ للأبلات
وشاي وقهوه
وغير الغياب
أبلات آآآآآآآآخر زمن انا بس ابلتين مرو علي يشتغلون بالطالبه وبضمير الباجي ينطرون اخر الشهر الراتب والصيف وعطله الشتا عشان السفرات
الله يخلف على عيالنا

آسمحيلي عقلج على قدج ترآ آلتعميم لغة آغبيآء آذآ مآعندج فكـرة
شنو تذمين كل آلمعلمآت عشآن عينآت شفتيهآ
وآلله بعض آلموآضيع تسد آلنفس
عسى مآيجيبون طآري قلم آلآ غلطوآ على آلآبلآت
مآدري حسد و آلآ شنو بـ آلضبط ؟
على طول على آلمعآش
آحترم تُحترم

 

[فاقده ابوهاااا]

اشدعوه

حاولي انتي تسوين هالشي ولا تقولين مو مجربه تبارك الرحمن عندي يهال بالمتوسط والثانوي وللحين انا اجلد دفاترهم واسطرلهم وازين وفوق هذا حامل تقدرين تنسقين يعني من الحين اخذي ستيكرات والوان وهالسوالف واول اسبوع خليه للتجليد والتزيين الخارجي والاسبوع الي وراه على فضاوتج سطري وحطي ستيكرات والله لج خلق كل شوي تودين المكتبه تزينيين الدفاتر . او سوي مثلي شفتي شفاف الخرايط من كانوا عيالي بالابتدائي وانا اطبع رسومات سنعه واحتفظ فيهم وانسخهم على دفاتر اليهال كل يوم ارسم رسمتين او ثلاث وبهالطريقه صار عندي وايد رسومات محتفظه فيهموعلمت عيالي ينسخون ويلونون بروحهم ..

حاسه فيج والله لاني مثلج ويمكن اكثر موظفه وعندي عيال وحامل يعني منشقه شق بس شتسوين حاولي تضغطين على عمرج شوي وبالاخير ترتاحين سوي طريقه الشفاف وراح ترتاحين

 

[ற!ŚŚ 7ŎǾř]

اب اب اب

 

[بازار الفارس]

هلا خواتي اللي تبي مساعدة تراسلني عالخاص

 

[فطووومة]

الله يعينكم خواتي

الصراحة مااله دعي هالتسطير والعبالة

اذا كان اجباري اشتكوا
انا طول عمري اقول حق الطالبات سطري بالاحمر واكتبي بالازرق او الاسود

ويا حلو دفاترهم خطهم مرتب ونظيف


هالتزيين ماله داعي الا خسارة الوقت والتعب

اذا كلش خليهم مع بنات خالاتهم يتساعدون بيوم الزوارة واهم يستانسون مع بعض يزينون
احنا بناتنا جذي يبدعون في الزوارة

والحين ازين دفاتر بنتي بس وردة مني
ونقشه بسيطة مناك
وما شي الحال
المهم انها تعرف تكتب وتقرأ وتييب امتياز ان شالله

والله يعينكم

 

[Dancing^Queen]

علي فكره بنات
ترا السنافر مايزنون كلمتهم قالتلي ازينلج الكشكول من بره بس من داخل لأ

 

[راعية الطويلة]

اللهم إني أسئلك بكل اسمٍ هو لك​

سميت به نفسك ​

أو أنزلته في كتابك​

أو علمته أحدً من خلقك​

أو إستأثرت به في علم الغيب عندك​

تشافي كل مريض وتعافيه​

آمين





حبيبتي دانسنغ كوين


مو تدخل بقناعاتج

بس ليش تزيين دفاتر عيالج!!!


ترى هذا يفسد عليهم أفكارهم
صج مو مبالغة!!

يحسسونج إن التعب و المجهود لج إنتِ و عشانج

و بهالطريقة ما راح يكونون قد المسؤولية في المستقبل <<لا قدر الله


إحنا داشين على زمن زاخر بالأحداث السريعة

و يحتاج حق شخصيات مؤهلة

و هالشي يتحقق إذا عطيناهم كامل التصرف و الحرية بالنسبة لتعليمهم

و إحنا نشجع و نتابع فهمهم و نختبر استيعابهم
عشان إذا كان عندهم مشكلة في مادة
نبلغ القسم المسؤول..


أنا مع الخوات اللي قالوا لج:

ستيكرزات بسيطة و حلوة يختارها الطفل بنفسه
و يحطهم بطريقته الفنية الخاصة

شجعيه و عطيه كلمات حلوة

و الله يهداهم بعض المعلمات اللي يطلبون من الأم
تزين و تدرس و تحفظ جميع المواد !!!!!
و تدفع فلوس التخرج


و مو ناقص إلا تدش الإمتحان و تمتحن
أو توقف في الطابور
هالنوعية من المعلمات >>و أنا أعني البعض مو الكل<<
مو واثقة من قدراتها
و تبي ترتاح و ما لها خلق
و تقط عليج أسباب فشلها في توصيل المعلومة للطالب
إحنا نبي الصالح لعيالنا و نبي لهم الخير
و لازم ما نعوم على عوم دعاة الفشل و الإنحطاط في المستوى التعليمي
و لو كلنا يا أولياء الأمور إتفقنا على كلمة وحده
هالنوعية من المعلمات
يا إما بتتدارك نفسها و تصلح حالها

أو تقدم إستقالتها ترتااااح و تريحنا منها

الله يوفق عيالنا في دينهم و علمهم و دنياهم

و يوفق معلماتنا و معلمينا لكل خير و إخلاص و همة و نجاح


آمين آمين آمين




الله يوفقج