تزين العطورات وترتيب تسريحة العروس

[بدوية بملامح كشميرية 86]

انا عن نفسى شريت علبه ذهبيه كبيره شكلها روعه من سنتر بوينت بحط فيها كل عطوورى

وشريت صندوقين واحد للبخور والثانى لدهن العود

وباقى التسريحه احط عليها شمعدانات وشموع

ومكياجى ماراح احطه ع التسريحه

وبس


اى وبشترى مفرش للتسريحه ويكون نازل ع الارض شويه

 

[انشودة المطر]

اشكر كل من رفع موضوعي .......واشكر خواتي صللفه وq8sweeta و بدويه بلامح كشميريه <<متوقعه تردين علي موضوعي عسا الله يوفقج
اختى غبيه <<<<ياربي ليش مسميه نكج جذيه احباط ........حاولي تغيرينه .....الا اذا عاجبجج...زهههه يا حياتي الصور من النت

هذا صعب شلون اللي صاير فوق الصندوق شلون نسويه من تعرف

هذا سهل من راعي الكلف واذا تبين الورد ارخص روحي لبو 100 في شغلات حلوه وردات شكبرها

اذا في تفاعل عندي شكثر افكار بس ابي بعد انتم تساعدوني وتشاركوني بالافكار

 

[بدوية بملامح كشميرية 86]

يابعد عمرى انتى انشووودة المطر

حطى الافكار بعد

الاخيره حلووووه

 

[انشودة المطر]

بدويه >>>>من عيوني انتظريني الليله لاني الحين حدي مشغوووووووووووله .

ويارب اشوف تفاعل من عرايسنا .......................< تعبت من الطرررررررررررر هههههههههههههههه

 

[بدوية بملامح كشميرية 86]

ناطرينج

وانا لو عندى من عيونى وبحاول ادورلج وانزلج لعيووونج ياحلووه

 

[شوشه منفوشه]

رفع

 

[بدوية بملامح كشميرية 86]

لعيونج انشوده المطر ولعيووون العرايس الحلووه

 

[شـيـخــهـ الزيـنـاتــــ }..]

روحي سنتر بوينت و مري طيور الجنه والله فيه شغلات حلوه للتزيين انا يوم كنت بسوي تصميمي حق ماده التصميم الداخلي رحت و شريت كل شي حلو جدامي و لما رجعت البيت قعدت مع امي و زيننا الصندوق و صار شكله روعه لونه وردي و حطيت فيه ورده من فوق و شوارفسكيه منيه و شوارفسكيه مناك ليماااا طلع شكله يجنن ..

يعني انتي بس روحي اشتري كل اللي تحسين انه ينفع حق التزيين و ابدي فنتقي على راحتج ..

موفقه حبيبتي ..

 

[بدوية بملامح كشميرية 86]

هذى حييييل اعجبتنى وبسوى مثلها انشاءالله











ادرى هالصورتين داخلين عرض لانج تبين التسريحه هههههههههه

بس اعجبونى وقلت بحطها لكم

 

[صللفه]

اوووووووووووووف شهالعروس اللي مستعرضه شفرات الحلاقه
بدويه
شفتي الصوره عدل
فششله
انشودة المطر حبيبتي
شكثر عندي صور وبعضهم بايقتهم ((او مقتبستهم اذرب))
من المنتدى وبعضهم وصلوني ع الايميل
بس عندي مشكله ماااااااااااا اعرف انزل صور شسوي علموني
ولا عندي فكره خطيييره وحده حلوه وشطوره تدزلي موافقتها ع الخاص وادزلها ايميلي وتضيفني عندها
وادزلها الصور والايميل
وهي تنزلهم
وفي وحده بالمنتدى اسمها
امممممممممممممممممممم
مندوس العروس
شغلها حيل حلو ومرتب
وبس بسسسلمو انشودة المطر

 

[ربي أسألك الجنه]

ماعندي فكره وبالتوفيق

 

[faith1]

انا عن نفسي بصف عطورتي عادي عالتسريحه لاتور ولا خرابيط اذرب واحسن
احس هالاشياء مبالغ فيها حلات غرفة النوم تكون بسيطه
والمكياج شريت جنطه كبيره من سيفورا مقسمه وبحطه كله فيها وداخل الكبت محد ييشوفها
اما الاكسسوارات فصلت صندوق لها وشكله ذرب بحطه عالتسريحه مع العطور وهم شريت استاند على شكل كف الايد للخواتم وبس

 

[SRKمزوونSRK]

ولله ما عندي فكره شلون برتب اغراضي
منكم نستفيد
وشكرا

 

[كوارين]

up
up

 

[)( مسألة وقت )(]

السلام عليكم ..

أول شيء مبروك مقدما ً .. والله يوفقكم كلكم ..

ثاني شيء .. بالنسبة للأفكار .. أحس الصناديق والأشياء المغلفة حلوة لما تكون بمكان بروحها .. يا ستاند أو طاولة أو ع المدخل ..

يعني لو بتحطين صندوق حق العطورات على التسريحة أي حجم بتحطين ؟؟ بيآخذ مساحة كبيرة منها .. هذا إذا مو مآخذة بعد واحد ثاني

للبخور ..

بقولكم شسوينا بعرس أختي ..

إهي أثاث غرفتها كان عادي .. ما فيه شغل نهائيا ً .. تقريبا نفس هذي الصورة ..

كانوا مركزين حيل على صبغ الغرفة أكثر من الأثاث .. المهم .. حطينا ع التسريحة 3 قطع مفارش .. 2 مربعة و1 مستطيل كلها شغل ..

وزعنا عليها كل العطور العربية والفرنسية .. وكان معانا بنورات كرستال صغيرة تقريبا اكبر من فنجان القهوة العربية .. حطينا فيها شموع

حمراء صغار ومعاها ورد مجفف .. و وزعناهم على التسريحة وحطينا ورد مجفف أحمر في الفراغات .. وكان فيه صندوق عطورات

مترووس ع التسريحة هذا رتبناه وضبطناه وحطيناه على الأرض يمين التسريحة .. لأن التسريحة صارت فللللل .. والمكياج

والإكسسوارات والقطن والكريمات كل باقي الأغراض تقريبا رتبناهم داخل أدراج التسريحة ..

الشفنيره هم نفس الشي .. حطينا نفس المفرش المشغول بس الطويل .. وحطينا 3 بنورات كرستال حلوووين وحجمهم وسط .. ولهم قاعدة ..

وحدة ترسناها عود والثانية معمول والثالثة علك لبان .. ووراهم حطينا الخلطات والمرشات والمبخر .. ومبخرها طويل من الشايع شكله

كان توب مع الأغراض بعد الترتيب .. وهم حطينا من البنورات الصغار أم شموع والورد ..

وبالحمام الله يكرمكم .. كانت مآخذه ستاند فضي .. حطينا فيه الكريمات والمقشر والشامبو والشور جل يعني رتبنا الأغراض فيه .. ووزعنا

شموع بس بدون البنورة الكرستال .. ووزعنا ورد .. وفوق الستاند حطينا كرستال أحمر خيوط طويله نازله للنص تقريبا ً ثبتاهم داخل كرستالة

حمراء كبيرة نفس اللي يدخلون فيها المفارش ملوت الطاولة .. وباقي الأطقم ( الشامبو + الشور ... ) صفيناهم ع البانيو ..

وهم الكمدينو .. حطينا مفرش صغير وعلبه الكلينكس ووزعنا بنورات الشموع الصغار ونثرنا شويه ورد ..

طلعت الغرفة تهبللل ما شاء الله لا إله إلا الله .. مع إني لما شفت أثاث الغرفة ما عجبني ليش إنه ناعم .. بس زين إنه ناعم .. لأن شغلنا وترتيبنا

والأغراض صارت فخمة .. وصار فيه تناسق بينهم ..

أتمنى أكون ساعدتكم ..

وبالتوفيق للجميع ..

 

[صللفه]

الله يهنيها يارب ويوفقها
تصدقين نفس غرفتي اثاثها ايطالي ناعم جذي موديلاتهم
يعطيكم العافيه مبين عليكم سنعين وذربين
اب
اب

 

[*^*مــــزيــــانــــا*^*]

أفكــــاركم عجيــــــبه

وبالتوفيـــق للجميـــــع

واللي حطوا الصور تسلم يمنـــاكم وماقصرتوا على الشرح الحلووو

يعطيكم العافيه

مزمز

 

[)( مسألة وقت )(]

الله يعافيكم حبايب قلبي .. من ذوقكم والله ..

أحرجتوني ..

وحاولوا تنسقون الأشياء مع بعض .. كم شريطه على كرستالة على وردة يمشي الحال ..

ومو شرط تآخذون أشياء غالية .. دوري مني مناك تلقين شغلات بسيطة بس إنتي وترتيبك لها ..

وشنو تحطين معاهم .. يعني إحنا االورد اللي حطيناه من بو 100

والبنورات الصغار كنا شارينهم حق مدخل عرس أخوي .. بس شكلهم ناعم وحلو ..

الباقي منهم حطيناه على تسريحة أختي وضبطناه بكم شمعة ووردة

لا تخافون .. كل وحدة فيكم عندها جانب إبداعي حلو ..

وإن شاء توروني صور فناتقكم على التسريحات بعد العرس

الله يوفقكم ..

دمتم بخير ..

 

[حبوبة الأطفال]

راح أرتب طاولة بهالشكل

7

7

7

7


7


7

7


7


7

7

7

7

7


7

7

أخاف صج .. هههههههههههههههههههههههه






لا صج صج .. إن شاء الله راح أحط على عطورات وشموع ووسوالف زينة فقططططط ... مكياج نووووو وييييي
وجمعت لكم بعض الأفكار إن شاء الله يعجبكم


- إذا عطوراتج وايد مو شرط تحطينها كلها ... بس حطي أحلى شي والباقي خشيه

- حلو تزينين العطورات بكلفة حلوة .. كريستال .. شوارفسكي .. فيونكة >>> هذا إذا لج خلق

- حطي زينة حلوة على الطاولة .. بس لا تكثرين .. مثل شموع .. تحف صغيرة من الكويستال

- وبعد شنو شنوووووووو

إي تذكرت .. حطي صورتج انتي وبعلج .. بإطار حلو

واعليه شكله تحسف هههههههههههههههههههه








هذي شوية صور جمعت مني ومناك ...

إن شاء الله أكون ساعدج​

 

[حناينq8]

انا عن نفسي بصف عطورتي عادي عالتسريحه لاتور ولا خرابيط اذرب واحسن
احس هالاشياء مبالغ فيها حلات غرفة النوم تكون بسيطه
والمكياج شريت جنطه كبيره من سيفورا مقسمه وبحطه كله فيها وداخل الكبت محد ييشوفها
اما الاكسسوارات فصلت صندوق لها وشكله ذرب بحطه عالتسريحه مع العطور وهم شريت استاند على شكل كف الايد للخواتم وبس

انا معاج بهالراي