تزوجت اهل زوجي ومعارفه!

[غلآ نوآف]

بسم الله الرحمن الرحيم
السلام عليكم

رمضان كريم لكل العضوات والادارة وعسى ربي يتقبل صيامكم وقيامكم

بخاطري كلمتين
عسى القى من يرشدني وينصحني
او يخفف عني
او يساعدني بخبرته :eh_s(17):

______

توي عروس وحامل
:eh_s(22):
واحس اني متزوجة اهل ريلي ومعارفه
اكثر من اني تزوجته اهو!
:eh_s(4):

بتقولون اشلون؟!

ماكو وقت نقضيه بروحنا
يا اكو احد يبي يروح مشوار
او يبي شي ناقص بالبيت
او يبي يطلع زواره او يشتري شي

ماكو وقت لي ولريلي
اهتم فيه
ادلعه
اقعد معاه اونسه ويونسني

ماغير اقوم اقعد مع اهله لين يرد اهو البيت ويفضى لي من مشاوير او قعدته مع ربعه

للعلم ساكنة مع اهل ريلي

وماعندي خصوصية
احس اني فاقدتها

من تزوجت عمري مارقصت له
ولا سويت له ليلة رومنسية
ولا لبست له اهو وبس

كله ماااااااااااكو وقت :eh_s(16):

لا شهر عسل
لا بيت خاص
لا طلعات نتهنى فيها ونرتاح
الا وشي يردنا البيت
فلان يبي وعلان يبي

وكل اللوم بعد ينحط علي
ريلي يلومني ما اهتم فيه
واهله يلوموني اني ما اقوم بواجبهم وبواجب معارفهم

يعني مافي احد يقول حرام عرسان
نخليهم ياخذون راحتهم
يقعدون سوا
بدون لاندقدق عليهم الباب نبلشهم بالاسئلة او بالطلبات

لا :eh_s(16):

حياتي مع ريلي صايرة وكان لنا عشر سنين
مو شهور معدودة

شوروا علي ياكويتيات
شسوي ؟ :eh_s(4):

شلون ابني لنفسي ولحياتي خصوصيتها
ببيت كله متطلبات ورسميات والتزامات؟؟!!

وشكراً :eh_s(17):
​

 

[ام فواازي]

عادي اكثرنا تزوجنا و سكنا بيت حمولتنا
انتي بنفسج نزلي لاهل رجلج و قت معدود وردي صعدي غرفتج رتبي امورج وسوي لياليج وتلقين زوجج واصل تونسي معاه
لاتحطين اهله عذر يعني تالي الليل شكو اهله بخصوصياتكم وزوارات بالعكس اتونس واتعرف عالناس بس بحدود مااخلي احد يمسك علي كلمه او فعله
رتبي وقتج و بتقدرين تسوين اللي تبين توج ماعندج بيبي
انا عندي 4 و 3 منهم اسم الله عليهم مشاغبين و حركيين حيل و واحد عمره شهرين و متوظفه و بالجامعه بس بنفس الوقت مااهمل زوجي بالعكس اخطط له يوم وليله حلوه اتونس معاه فيها
يعني مثلا اليوم اللي بخطط فيه اقعد عيالي مبجر عشان ينامون مبجر و انومهم عالثمان وعقب اضبط اموري لين يجي زوجي

 

[بولندية]

انا مع ام فواازي

عندج بليل تقعدين معاه و تسهرين على كيفج

و الزوارات مثل ما قالت بعد الاخت ام فوازي حلوة علشان تتعرفين على اهل ريلج دام انج عروس

مو معقولة كل يوم ريلج و اهله عندهم مشوار ولا اتفقي انتي معاه على يوم تطلعون بروووووحكم

و اذا تقدرين حجزي فندق يومين علشان تجابلون بعض وكل واحد يعطي حق الثاني

 

[لمى الهاجري]

شوفب انا اقول لج الحل انهم يحون لهم سايق خاص يسوي كاباتهم وكلهم يعطونه معاش

 

[غلآ نوآف]

فكرة السايق وايد جايزة لي
بس الظروف هالفترة كلش ماتساعد
اهل ريلي وايد طيبين ينحطون عالجرح واحبهم ويحبوني
لكن للاسف الحياة نفسها مومعطيتنا مجال
لو بسوي شي خاص وبقعد عندهم شوي
يعني تو الناس لاحقة او بعده بره البيت سهران ومطول
مايمديني اسوي شي ومرات يرد قبل موعده
ويكون خاطري اسوي شي افاجئه واهون
ومرات العكس يتاخر واكون مجهزة كل شي
واتملل من هالمواقف
حتى لو تالي الليل ماكو زوارات
لكن في شغلات ثانية يبونها
اهم متعودين يبون كل شي بكل وقت يعني حياتهم جذي مو متقصدين لشي
ولاني حامل كل شي ياثر في نفسيتي ويحبطني بسرعة
وخاصة ان ينحط اللوم علي ع الي لي ذنب فيه والي مالي ذنب فيه

واشوه نزلتوا موضوعي
مابغيتوا يالادارة

اتمنى الرد

 

[Mrs_Orchidia]

انا ليلحين مو فاهمة ليش يلومونج؟

مهما تكون طلبات اهله و حقوقهم هم انتي لج حق لا تعطين احد مجال انه يلومج

اقولج شتسوين؟ قوليله على غشمرة و انتي تضحكين ودي مرة اطلع معاك طلعة كاملة .. يعني ربعك اغلى مني؟ تسهر و تطلع معاهم و انا كل ما نطلع بسرعة نرد و الله ياليتني واحد من ربعك

و اهله لا تبينين له انج متضايقة من طلباتهم .. و ان شاءالله قولي ان شاءالله ان بيهدهم كلهم عشانج
خلج جذي بدون اعصاب وزعل .. وسعي صدرج حبيبتي

 

[فوفو22]

هذه طبيعه الحياة

ولكن لو رتبتي وقتج

رح تلقين وقت لكل شي

حددي وقت لهم

ووقت لراحتج

ووقت لوناستج

فوفو

 

[omaseel]

الله يعينك

 

[miss.unique]

اي زوري اهله وبليل لج وقتج الخاص ويا ريلج

قوليله اليوم حابة اسهر وياك و صعدي شفتج مبجر

 

[الزيـــــ^^ـــــن]

حبيبتي انتي الغلط منج ..مولازم كله تقعدين وياهم خصصي وقت لهم
ووقت لج قبل لايجي زوجج روحي تكشخيله وزهبي الغرفه وحطي البخور وسوي اجواآء حلوه بالغرفه
مولازم كله قاعده عندهم بيملون منج وتملين منهم ... وقعدي قعده رومنسيه مع زوجج وصارحيه وقوليله
ابي يوم معين نكون فيه بروحنا بدون ربعك ممكن وتدلعي عليه .. والله يوفقج بس يبيلج تنظيم وقت*

 

[غلآ نوآف]

ان شاء الله راح احاول اقسم وقتي اكثر
وما اترك كل وقتي عندهم بس
وعسى ربي يفك الهم

 

[هيبة ملك]

البنات ماقصروا

وعسا ربي يوفقج

 

[((غلاي))]

حبيبتي لازم لازم تقسمين وقتج
يعني انتي طول اليوم قاعده عندهم؟؟؟؟؟؟؟؟؟؟

غلط
باجر لي مانزلتي قالو ليش
انزلي لكن ساعه ساعتين
مو طو ل اليوم
قعدي بشقتج
نظفي رتبي
مو معقوله زوجج طول اليوم بالديوانيه

جسمج له حق عليج
كلنا سكنا عند حموله
ماسوينا جذي بالعكس لنا خصوصيه
و ممكن اليوم الي تزورين اهلج تتفقين مع زوجج يمرج مبجر على الساعه8 او7 و تطلعين تتمشين معاه و تتعشون تاتانسون و لي رديتي من الطلعه صعدي شقتج و بدلي و قعدي مع زوجج

انتي مصعبه الامور و الا كلها سهالات
الله يوفقج

 

[كويتيه شماليه]

فعلاً اللوم عليج المفروض مو كل وقتج عندهم قعدي بدارج ورتبي الجو ودقي عليه وقوليله تعال مسويتلك مفاجأه وراح تشوفينه كل يوم راح يجي ويقعد معاج بوقت معين وتشبعين منه مو شرط بالليل شوفي وقت الظهر وعادي مع الايام يتعود عليج والقعده معاج اهو مو مهتم فيج لان حاط في باله انج قاعده على طول الوقت مع اهله ومنتي فاضيتله اللي يقربج للرجال وبصراحه الفراش اهو اللي يحقق لج كل شي بعدين والله يوفقج *

 

[Gifts&Occaions]

قسمي وقتج

 

[غلآ نوآف]

ايه مو انا شالي خلاني اقعد معاهم واقابلهم
لي صعدت يسالوني تعالي نزلي تونسي مشتاقين لج
بقول مرة مرتين ثلاث مشغولة او اسوي شي او انظف
طيب خلصت اعذاري
والحقيقة بعد اتونس انا فيهم لان ماقدر اقعد بشقتي وايد ارتب اتعب من كثر هالشغل وملل اشوف التلفزيون وحدي وماكو نت اتسلى فيه

وما ابي لي مليت فوق بروحي وخلصت شغل
انزل تحت واقعد طالعة نازلة فوق وتحت
وانا حامل ثقيلة

وريلي لانه يكون مشغول بره من قبل الايام الي كنت انزل فيها
اقول لنفسي ليش اقابل اربع اطوف و اقعد بروحي
ف صرت انزل اقعد معاهم

بس ان شاء الله بقسم وقتي ومابخلي الامور تفلت من ايدي
بعودهم ان ما اطول تحت وايد

 

[بخـــارى]

الله يسهل امورج

 

[Le chat]

بين فتره وفتره اخذيه روحي فندق اخذي تلفونه وسكريه لاتخلين شي يشغلكم عن بعض او طلعي معاه طلعه حلوه سينما ولا عشا وقوليله ابيك هالساعتين لي بروحي تدلعني وادلعك خلنا نسكر تلفوناتنا مابي شي ياخذني منك روحي معاه البحرين العمره اي مكان لو بالسياره مو شرط لي طلعتو تبلغون الكل
دقي عليه واهو بالدوانيه قوليله تعال المكان الفلاني واعديه باي مكان عشان لحد ينقز ويروح معاكم اشتريله هدايا الريال نفس الياهل يحب هالسوالف حتى لو ورده بدون مناسبه طرشيله مسج انتي كاتبته يعني احبك او ولهت عليك او ابي اشوفك ضبطي امورج يا امي وان ماطاعج بالحركات قوليله عيل لا تقول انتي ماتهتمين فيني انا قاعده احاول وانت ماتساعدني

 

[Le chat]

وليش ماتطلعين مع رفيجاتج اهلج بيت ابوج خل يوله عليج

 

[شادن33]

اي غلوي خليلهم وقت ولج وقت يا حبيبتي موصعبه
يعني عقب الساعه سبع في الليل خلاص يخلص الشفت مالج ههههه

خليهم يتعودون ان خلاص هالحزه انتي بغرفتج وهذا الحق حامل لازم ترتاحين

يوم ورأ يوم بيتعودون
عاد انتي لاتقصرين فيهم خصوصا انج قلتي انهم طيبيين