تزوجتي واحد أقل منج ؟؟ تعالي سوي

[Pinky -cat]

والله هالاختلاف مردة راح يبين مع الايام ، وانا عن تجربة شخصية الفرق رح يبين لان التعود على شي وتلقين شي ثاني
راح يكون صعب شوي عليج ومع الايام بيصير واقع وان قلتي شي بيقول من البداية وافقتي

 

[البابانه توته]

اذا فرق بسيييط اعتقد بكون عادي
بس اذا فررررق شاااسع لااا بتصير مشاكل

 

[Om_Sanad]

اسمحوا لي

عيب جدا السؤال محد تفكيره جذي الي فيهم نقص و ارجع اقول اسمحوا لي

الناس سواسيه الا اتقاكم عند ربكم

و الي تفكر بيصير مشاكل معناته اهيه تفكيرهاا في شي

و تقبلوا مروروي

 

[أميرة-]

زوجي شهادته متوسطه وانا جامعيه وفرق العمر تقريبًا ١٠ سنوات واقل مني كمستوى معيشي بس ماحس هالامور مهمة وعمرها ماسببت لنا مشاكل الحمد لله .. ولا احس زوجي فارقه معاه

الزواج نصيب ماتدرين لو هالرجال وهو اقل شهادة منج بس اسلوبه طيب بيحبج ويعزج والعكس شهادته ووظيفته ممكن ماتنفعج بشي

 

[his only]

حبيبتي الاخلاق هي الشي الوحيد الي تقلل من قدر الانسان
باجي الاشيا مكملات ثانويه

 

[rose of kw]

والله ان كان الزوج محترم واخلاق و اقل مني انا من رايي الموافقة احسن
لأن ان كان فيه هالصفات بأذن الله يعطيني كل شي انا محتاجة له ... حب - حنان - الخ :eh_s(22):
اما اخذ واحد جامعي او عنده دكتوراة بس انه اخلاق ماكو شنو ابي فيه... بالحالة هذي لا حوار - ولا احترام ويمكن مايصرف عليه :eh_s(16):
اصلا شهادته حقه هو ... اما انا ابي هو لي انا
اكيد فهمتوا قصدي :eh_s(9):
انا مع الاخلاق حتى لو اقل من البنت ماكو مشكلة ... اما الفلوس تروح وترد والمكانه الاجتماعية بعد
ربي يرزق كل بنات المسلمين الازواج الطيبين :yaaaaaarb:

 

[بنت عطا]

والله احس بتكون مشاكل لانه الرجال بيبدا يحس بالنقص وتلقين ممكن يعوضها باشياء ثانيه يعني بالعصبيه وجذي وانا صراحه ماايد كلش

انا جامعيه بس دشيتها بعد الزواج وزوجي دبلوم وحاط دوبه دوب هالجامعه ومحد دشها الا انتي وقط حجي بالدخله والطلعه

 

[منورة 90]

انا جامعية و زوجي ثانوي
بالعكس عمره ما فرق هالشي بينا
على كثر ما تقدمولي قبله و ثنوي كنت ارفضهم حتى من غير ما اعرف أساميهم بس لأنهم ثانوي
لكن سبحان الله يوم تقدملي ما كنت عارفه شهادته و امي تمدح في أهله
شفته و ارتحتله و بعدها عرفت انه ثانوي لكن هالمره ماكان عندي اي اعتراض
لمن الله يكتب النصيب سبحان الله تتيسر كل الأمور
و الحمدلله الحين عايشين و لا مقصر علي بأي شي
و بالعكس احسه فاهم و وواعي أكثر من اللي معلقين شهادات على الخالي

 

[دلال الكويت q8]

والله انا اشوف تاخذينه اقل منج ابرك

لان الحين الرياجيل خلقه شايفين نفسهم على حريمهم وعندهم ثقه عمياء

بعد يكون اعلى مني

 

[فوفو22]

البركه والسعاده ونجاح الزواج من رب العالمين سواء في تمافيء او لا


ولكن انا مع الزواج من نفس الجنسيه وضد زواج الاجانب مهما كانت الاسباب

لانه لو يصير طلاق تاخذ عيالها وتروح لبلدها وتحر قلب ولدي

اما الشهاده والفلوس ما توقف لحد اللي ما عنده شهاده يكمل وعقبها تجيله الفلوس

فوفو

 

[بحور العنا]

اعتقد كل شي بيد الزوجة من ناحية عيشتها مع زوجها حتى لو هو حس انه اقل منها مستوى هي تقدر تغير طبيعة هالاحساس عنده
تقدر توفر جميع سبل الحياة في بيتها ومع زوجهاا بالمستوى اللي هي تبيه وتحبه
ولاتقولون لي ماتقدر امبلاا تقدر واللي تقول ماتقدر معناتهاا هي اللي حابه هالشي
وموفقيييين خييييير جميعآ

 

[Pinky -cat]

الامور سهالات الا اذا كان احد الطرفين نفسية عاد وحاس بالنقص بنفسه هني فعلا تبتدي المشاكل صج

 

[الغضى]

اذا ريال زين
وقد المسؤليه
ماراح تحس بنقص الشهادة أو المادة أو المستوى الاجتماعي
وياما شباب ماعندهم شهادات وبعد الزواج تحسنت ظروفهم وكملوا ,,,,