ترى النفاس مو مرض ايدز

[بدوره 22]

انا اتنفس عند امي بس ما اقعد جدامه مهتمله !

والله حتى البجامات الي اشتريهم اتنقاهم نقوه وكل نفاس بجامات يديده

صج ان الجسم والنفسيه اول ايام ما تساعدج بس ميخالف !

والله كنت استشور شعري واتعطر واتبودر ما كنت ابالغ بالميك اب علشان حق طلعة النفاس ..

ومافيها شي لو يصير بينا لقاء بحدود الحلال ..!

في بنات امي موووووووصج استغفر الله !

موعه عقد اشتراك ويا الحلبه !

انزين ميخالف تهتملي كيفج بس لمن ايلج تعدلي وتسبحي وتعطري وسوي شعرج !

على الاقل خليه يستعسل على رجعتج حق البيت مو بس انتي اللي تتحمسين!

 

[غنوة ستايل]

امس تهاوشت انا وريلي ع ها السبب
انزين ما تبي تقرب صوبي ولا تجي عندي .. ليش اخذتني من اهلي وقلت تنفسي عندي !!
قلت له ترا انا مو جربه !!
انصلح حاله شوي .. وحبني على راسي وقال كلام حلووو حيل حيل حلووووو ..
عسى الله يسخره لي يارب

 

[نور الكوثر]

انشاءالله بسوي الي تقولون عليه لان جد الزمن يخوف حيل

 

[**(فـيـلا دانـتـيـل)**]

والله اقعد عند اهلي
وجـــــــنه العــــــــــيد

عالاقل شهر

انتي شايفه الكرش بعد الولاده ووع!!

شامه ريحت الحلبه و.. ووع !

شايفه النفسيه .. وع!

انا نفسي موطايقتهاا...

غير العوار اول اسبوعين
غير الصدرر اللي يخررر حليييب

ومجابلته صارلي سنين
مايقدر يفارقني هالشهر

حياه الله كل يومين او ثلاثه يطل علي وعالبيبي
واكون حزتها لابسه قميص ناعم وتراجي

والسلام ختام

واللقاء بعد شهر
ههههههههههههههههه

 

[Leann]

بنات انا مو متزوجة بس ممكن استفسارات بسيطة ؟! ما عندي اخوان و خوات متزوجين و انا توني مخطوبة
اللي فهمته انه الريال ما ايي يشوف زوجته بالنفاس الا كل جم يوم ؟ زين ليش ما يبي يشوف ولده ؟ مو ولهان على زوجته ؟
وشحقه ما يقعد ويا زوجته تسولف و شي؟
وليش تقعد المرأة بالنفاس ٤٠ يوم ؟؟ يعني ما تطلع ما تروح مكان ؟
و مثل ما قلت محد من اخواني متزوج بس استغربت الردود بهالموضوع و هالموضوع يه بوقته لان كنت اسولف ويا احد من اخواني و اهو قعد يسألني يقول ليش المرأة اربعين يوم ريلها ما يشوفها و يسافر .. انصدمت منه قلت له شلون يسافر و يهد مرته جان يقولي الربع بالدوام كله يقولون جذي انه الريال من تولد المرا يهدها و يسافر لان ما يصير يشوفها
صراحة انا لو الله كتب و يبت عيال ماتوقع اقدر اقعد بالبيت ٤٠ يوم صج الولادة تعب و هذا بس انا متربية بغربة و معظم صديقاتي اجانب و ما لاخظت هالشي عليهم ..يمارسون حياتهم عادي اللهم الا اذا كانت فيه مضاعفات اثناء العملية و تعبت .. و الابو من اول ما ينولد الياهل اهو عنده يبي يشوفه و يراقبه
ليش الوضع مني غير؟؟​

 

[BiiShOoO]

صح لسانج

 

[@الليدي لين@]

لا لازم تقعد عالاقل لو 20 يوم او اسبوعين فبيت امها ,, وبخلال هالفتره اذا زارها خل تكشخ مو شرط كشخه كشخه ,, لا يعني عادي


وبس عقب اترد بيتها حتى لو ما نظفت عادي اترد بيتها جنه ايام الدوره



وترى لي الحين ماجربت الحمل والولاده .. بس هذا رايي

 

[kuwaitya_zoGaa]

والله انا اعرف وحده تقول
اذا دريت ان زوجي بيي رحت وتعدلت وتبخرت وطلعت قمصان النوم الذربة ويا روبها وسنعت شعري واستقبلته
ونتعشا مع بعض ويشوف بنته ومرات الزم عليه ينام عندى واذا بغا حقه الشرعي اعطيه اللى يبيه على اللى اقدر عليه
نقول لى كلش ما اكسر بخاطره وبالعكس اشغله بالبيبي كل ساعه رايح الجمعيه يايب لى غرض حق البيبي
ولى صار وقت طلعتى من الاربعين اروح الصالون واتزهلق له شوى شوى والقص والصبغ اخليه اخر شى
عاد تسولف تقول يا حلو فرحته لما ندخل انا والبيبي شقتى مو عارف شيسوي جنه ياهل بو 5 سنين شارين له لعبه

 

[خليفة العظماء]

والله الوحده نفاس مالها مزاج له الشغلات انا مو معاج نهائيا
أصلا موزين زوجها يقرب يمها ولا ليش خلوها 40 يوم ,, ولما اقول موزين مو معناته أن الوحده تهمل نفسها لأ تلم شعرها بشكل ذرب
ولبس شئ ناعم ويدفي وكحل خفيف وخلاص
لأن الوحده لازم تبعد عن زوجها عشان يشتاق وبعد هالفتره تسوي نيو لوك تصدمه فيطير فيها

 

[لارا2009]

كلامج صح جدااااااااااااااااا

 

[om deaj]

صاجة والله

 

[جوك احلى جو]

الاهتمام في كل وقت حق نفسج

 

[حمره حمرا]

رد : ترى النفاس مو مرض ايدز

انا مو متزوجه بس قاعده اتطمش
انزييييين سؤال..صج اللي توها والده ما يصير تتسبح؟؟!! :/

 

[الغاليه نونو]

صااجه والله يمه يسلم بؤج

النظافه والسنع مالهم وقت محدد انتي غصبن عليج تتسنعين له ريلج بوعيالج حتي لو انتي نفاس لبسي هالقميص الحلو الذرب وسوي شعرج يوم علي كتر ويوم عنقوص ويوم رفعيه فوق ويوم مفلول كل يوم سويله نمونه والمكياج الخفيف مايضرج بالعكس تكسبين الاجر واذا شفتي نفسج زينه وقادره ترفعين عمرج ليش الاربعين يوم بالكمال والتمام في بيوت اهلكم انا اقول شيلي شلايلج وروحي بيتج عالاقل يرد من الشغل يلقاج انتي وضناه جدامه تبين شي ماشيات اهو اييبه لج ولي خلصتي من النفاس روحي الصالون وحفي وشيلي شيره وتسنعي وتعالي بيتج دارن درا ودارن مادرا

 

[فـديـت ^-^ روحـي]

يما خيانه كش براااااااااااااااا وبعيد

شوفي حبوبه بإذن الله بطبق حجيج اللي قلتيه كله وزيادة شغله

نفاسي اكيد بيكون ببيت اهلي بخليه ينام عندي جداام عيني عشان مايروح بعيد ويفكر بغيري

 

[الدميره ..]

كلامك عجبني

 

[ماني من الناس]

اكيد فوفو

الكشخه مطلوبه بكل الاوقات

وانا ما استحمل اذا تروجت يشوفني زوجي بدون المستوى اللي كان يشوفني فيه قبل,,,,

لازم احافظ على برستيجي ولا ما يشوفني بنوووووووب

مشكوره حبي

والله يهدي الكل