ترك السياره .. شنو رايكم !

[حسينه حلوه]

اي عادي اختي نفس الشي صار معاي *وهذا كان شرطه تركت سيارتي لكن اول ما صار ولدي بالروضه ما كان يقدر يوديه ويبه واجتماعات المدرسه والجمعيه وجذي ورديت اسوق مره ثانيه اهو يسوي جذي بس بيثبت شخصيته بعدين بيوافق لا تردينه علشان سياره وافقي واكيد*

 

[انت مناي]

اذا كنتي مرتااااااااحه له وكل شي زين وافقي عليه
ومع الايام راح يلين وتقدرين تقنعيهن هم جذيه يحطون شروط واشياء ماله داعي و مع العشره كل شي يتغير .......

 

[PuPa^^SWeeT]

ما اشوووفها جايدة السالفة



يا اهو يوصلج ولا مع الايام و مشاغل الحياة يأمنلج سايق


ولا تقولين وحدة من خواتج ولا حمواتج يودوونج


مادري انا ما اشوووفها جاايدة


بس يمكن انتي لج نظرة

 

[منال القلب]

من صجج مترددة ومسوية موضوع تبين راينا!!!
يبا وافقي وحطي ببطنج بطيخه صيفي
صدقيني اهو بعدين من نفسه راح يمل ويقول خلاص سوقي
لما يشوف المشاوير بتكثر
وهذا ويهي ان ماصار جذي..
موفقة حبيبتي

 

[Patcholli]

مادري والله حبيبتي نفس الكلام ريل ارفيجتي قالها قبل لا يتزوجون ووافقت والحين لا تيمعنا تكسر خاطري تطق ويهها حق فلانه وعلانه عشان يردونها البيت يقولها انا اوديج بس مالي خلق ارجع اخذج شوفي احد يوصلج وحتى حق ولادتها كان يوديها تجهز بطلعة الروح مادري انتي كيفج اذا ظامنه الريال توكلي على الله

 

[الغـــــزال]

بالآمكان أنه ما شرط عليك قبل الزواج..لكن بعد الزواج قالك أنا ما أبيك تسوقين وأنا بغنيك عن السياره
بوديك واجيبك...وش بتقولين
طلقني مثلا علشان سياره؟!!

يا أختي أذا الرجال ما فيه عيب..توكلي ع الله

والله يوفقك

 

[زوجة عزيز]

وي ماعليج في البداية كله جذي معا الايام والمسؤوليات بيرجع في كلامه قولي له حطي لي سايق يمكن يرجع بكلامه

 

[ELFAD3Ah]

والله اريح شي بصراحه انا صارلي 6 سنين اسوق ولو عندي بيت جان حطيتلي سايق شلج بالزحمة والناس ياكافي سباق بالشارع والتحرش ولوعة الجبد جان زين ريلي يوديني وييبني<<< قرقت وايد ادري

اب

 

[miss_jamsheer]

امممم يمكن اهوه مايحب المره الي تسوق بس تري مع الايام راح يتغير ريلي ماكان واضي اسوق كللللش كله يقولي مومحتاجه بسلما ولدت واهوه دوام واحتاج اروح مكان واهو مو موجود وتخرجت وبروح الكليع وجذي فلازم سياره
اهوه يمكن موراضي بالبدايه لانه ماعندج التزامات بس مع الايام واتييبين اول بيبي راح يتغير ويعطيج السياره اانه راج تكثر التزاماتكم ودوامه ودوامج ولويه بيغير رايه

 

[bride2011]

لاترفضين عشان سياره
بالعكس المفروض تستانسين تقولين اوكي بيصير مسوول عني
بتحسين نفسج ملكه
تدرين اعرف وحده معاها ليسن مو راضيه تسوق وريلها مات يبيها تسوق
تبيه يوديها ويبيبها و يكون مسوول عنها يحاتيها ويشيبل هم مواصلاتها

 

[صاعقة بيوتي]

من وجهة نظري مثل ما الريال له شروط أنتي بعد شرطي علية وخلي الشرط بالعقد ان في حال أهوة رفض يوديج مكان ولا تحجج بشي وأنتي محتاجة الطلعة أنج تسوقين السيارة .
ويمكن تقدرين أنج تقنعينة بعدين لان الريايل ماينعطون ويهة الحين سيارة باجر وظيفة لين يقظي على شخصيتج مولية.

احلى وجهة نظر

 

[دلـــع]

رايكم كله صح وجميل .. ولكن السبب اللي ما يبيني اسوق ماعرفه ! بس اهم ماعندهم بنات يسوقون كلش بيئتهم جذي اهو شرطه اترك الوظيفه والسياره والوظيفه بديهيا بتركها لان طبعي كسول بس السياره رفض رفض تام !! وصليت استخاره بس ما احس بشي شنو اسوي؟ او اي وحده فيكم تعرف بالاستخاره !

 

[كلمتك هزة وريدي]

ياحبيبتي يعني بعد ماصليتي
ونمتي حلمتي بشي حلو او لا
او صحيتي من النوم مضايقه
ولا مبسوطه وترى عادي
تصلين اكثر من مره
والله يكتبلك اللي فيه الخير

 

[فوفو22]

وافقي وبعد فتره هو بشتري لج سيار ه

فوفو

 

[رنيم الروح]

حبيبتي اذا اهو زين وسنع وافقي والسياره مو مهمه الى درجة انه ترفضين وعلى قولت خواته بكرا تتزوجون تقدرين تقنعينه او يطفش من ودني وجبني كل يوم ويقولك سوقي

 

[دلـــع]

ماحلمت بشي ابدا // اصحى عاديه لا متضايقه ولا شي واستخرت كذا مره ..

 

[بوح الحنين]

اذا انتي قادره تتحملين بدون سواقه وافقي

 

[دلـــع]

احس نفسي مشتته .. لازلت تحت التفكير ..

 

[مـعـجـبـة]

كلا لا أتنازل .. بالنسبة لي السيارة اتيي عقب الماي والهوا

يعني ارتبهم جذي الهوا والماي والسيارة لووول

ما تدرين شيصير يمكن اهو يتعب يمرض يسافر ينشغل

فإذا انتي مستعدة تتنازلين على راحتج

في الأخير هذي قناعتج وحياتج شلون تبين تعيشينها

 

[نشيج الروح]

اذا بس عالسيارة تهون عادي وانتي عيشي ملكة حزتها زين يت منه ،،، بس شرطي في حالات الضرورة او الحاجة تسوقين اذا حابة