تركيا اسبوعين

[al7reyaa]

السلام عليكم
حجزت بروح تركيا اسبوعين انا وزوجي وطفلين 6و7 سنوات
ابي ترتيب وتنظيم جدول لسفرتنا اذا ممكن
ابي منطقتين غير اسطنبول بعرف الطقس فيهم شهر 6 اشلون حر وله برد
ملاهي اكوابارك دلافين اكواريوم شاليها اي شي بس يصلح حق اعيالي ويستانسون منه
مشكورين

 

[مدرسة طفشانة]

حبيبتي عندج منطقة يلوا وبورصة فيهم مجمعات وطلعات عالجبال والشلالات وجوهم حلو مو حار ولا بارد ربيعي عجيب
والله يوفقج

 

[al7reyaa]

مشكوره وماقصرتي والله انا قاعده اسعى اني ادور لي مكان زين ابي نستانس واهم شي اليهال خل يستانسون مابي يقولون ملاغه

 

[مدرسة طفشانة]

حياج الله
عندج بيلوا منطقة تيرمال فيها قرية جوكشجرا هذي كلها خليجيين وفيها مقاهي الانترنت والبلي ستيشن ونطاطية وقطار يلفج القرية كلها يعني وناسة
وراح تشوفين ينابيع الماي الحارة والحمامات التركية حقج وحق ابو العيال واليهال لهم مسابح
وإن شاء الله تستانسون فيها

 

[عنووشه]

موووووووووووفقه

 

[مجنونة قطر]

تابعي تقريري

 

[ام زهره]

مرحباااااااااااااا
انا بعد رايحه تركيا شهر 7 انا وريلي وعيالي 6 و 4 سنوات
بس يمكن اروح قروب اسطنبول وبورصه وابانت

 

[ام زهره]

ياريت تفيدونا بعد
يعني جم يبيلنا مصرف حق 10 ايام بدون التذاكر والسكن واالمواصلات

 

[al7reyaa]

الحمدلله استقريت على اسطنبول وبروصه ويلوا

 

[¤§ زيتونة §¤]

حبيبتي

اختيار موفق ان شاءالله


تركيا كل مناطقها حلوة وكل منطقة لها ميزة سبحان الله

بورصة جبلية وباردة وحلوة وتنفع للعوايل واليهال وتطلعين منها للجبل بالتلفريك ولا سيارة

فيها مطاعم منوعة حلوة واهم شي تاكلين وانتي مرتاحة انه اكلهم كله حلال ولا تحاتين بشنو طابخين ولا شنو ضايفين


واسطنبول بعد حلوة فيها اهم منطقة تقسيم وميدان تقسيم حلو والمحلات حواليه وللتمشي عجيب


وطبعا فيها مدينة العاب ومدينة مائية بس مااذكر اسمها



دخلي المسافرون العرب تلاقين مكتب بدن حاط معلومات حلوة وتقدرين تحجزين من عنده كل شي احنا خذينا منه بكج كامل حتى تاجير سيارة حق 20 يوم حق اختي بالصيف بتروح



على فكرة ابانت هاااادية هدوء قاتل ههههههههههههه بحيرة خضار يمها حصانين يتمشون وفندقين بس لا تسوق ولا شي وما تسوى اكثر من ليلة ليلتين بالكثير


موفقة ان شاءالله

 

[al7reyaa]

زيتونه يازيتونه والله يا حلوج
تبردين القلب ابانت شلتها من الحسبه مالنا خلق نموت علشان حصانين
خلينا على اسطنبول وبورصه ويلوا
يعني اخذ شتوي بشوف حالة الطقس عندهم دشيت جيكت درجة الحراره 22 يعني لي وقت سفرتي بعد اشوف