ترضين يسافر لـ ............. ؟

[gmo0ory]

انا معاج ومع تصرفج اذا اهو مضغوط خل يغير جو

وانتي احكمي بعلاقتكم خليها بينج وبينها ترى كثرة الاراء تشتت الواحد دامج واثقه فيه لاتشورين احد فكري بعلاقتكم انتي وياااه بس ولا يهمج احد

والله يوفقكم يارب

 

[L I N D T]

اللي بيخربط بيخربط بالديره ..

السفر مع الصحبة مو دليل على الفساد ..!

واثقة بزوجج لا تخلين تفكيرج يروح بعيد ..

عسى الله يتمم عليكم =)

 

[بطوووطة$بيضة]

حبيبتي الخرابيط اللي عندنا صارت اكثر من بره

يامعودة روحي البحر بالويكند وشوفي جنة مو بلكويت ابميامي

خليه يروح الخرابيط ابكل مكان

اصلا راح يستانس ان عطيتيه الثقه

لان ان رديتيه راح اتحز ابنفسه حيييل

 

[غلاتي غلا]

حبيبتي انتي ادرا بزوجج
في رياجيل مايسافرون خير شر واهم اهل الخرابيط والحرام تراه موجود هني
بعدين لاتجيج وحده تقولج لو شنو مارضي حبيبتي الكويتي بالذات مارد علي المره وقت السفر واغلبنا ازواجنا يسافرون واحنا موراضين لانقعد نقص علي بعض هو رايح لوناسه
انتي نفسي والله واثقه بزوجي وعااااارفته عدل ماعنده خرابيط الحمدالله بس ماحبه يسافر بدوني بس هم يسافر مع ربعه قليييييل يمكن مرتين بس سافر مع ربعه والباقي معاي
اهم شي انج تستودعينه الله والله يحفضه لج عن الحرام

 

[ام احمد الزاهر]

ياعمي دامج وثقه في خليه يسافر احياه حلوه اتصيرين نكديه والله انا صارلي شهر احن علا زوجي يروح يجيبلي جناط مناك وهومو راضي بس بجيب راسه يروح يعني يروح والله عاد زوجي بالخرابيط عدي وخربطي بس حمدالله ربي مبرد قلبي من هالناحيه لاتقولون ماحبه ولاغار بالعكس ماستغني عنه بحياتي بس والله عجزنت من كثر التفكير لوووول بس عفيه قوليلي ع المحل الي يسوي جناط عفيه ع الخاص الله يوفقج لاني الحين في طور الحن الحين تكفييين لاتبخلين علي عفيه ناطرتج

 

[وآحشنــي زمآنـك]

خلآص دآمج مرتآحه ماا عليج من رآي غيرج ..


بالنسبه لي مع ثقتي فيه بس ماا أرضى يسآفر من غيري ..

 

[ToOoT"Q8]

أنا حتى لو واثقه فيه 100% ... مستحيييييييل اخليه يروح مع ربعه وإذا كلش كلش بخليه يروح بس بكون مو راضيه وإذا دق ما أرد أخليه يحاتي لين يكره السفره

 

[انا هيفا انا]

بنسبه لي يمكن صعب الموضوع لانه مااثق بربع زوجي صراحه

 

[ام سعود ديكسون]

ما ادري ش اقولج فجيتي علي جرووووح
مع أني واثقة ان الريال لو بيخربط بيلاقي الخرابيط أهني بالديرة
بس للأسف الكويتي لي حط براسه يسافر يسويها راضية انتي والا مو راضية
ما باليد حيلة بعد امه و اهله يدرون نفس حالاتي

بس أنا اعتراضي علي هالديرة بالذات
الجنس والانفتاح يبهر اي ريال يروح هناك حتي الغربي
و ليش الريال ما ينطر يجمع و ياخذ زوجته يونسها معاه شنو أهي مو روح ما تبي تسافر و تستأنس عقب الضغوط !!!
سؤال : لو انتي تسافرين سفرة رفيجات بيوافق والا يقلب الدنيا؟؟؟
أنا ما احب أنا بصوب و ريلي بصوب
الزواج شراكة حلاته رحلة عائلية
ما اشوف الأمريكان و إخواننا العرب يسافرون بروحهم الا اذا سفرة عمل

 

[ام حسون24]

انا عادي
خليته يسافر المغرب مع ربعه الحمدلله واثقه فييه 


 

[كلاسيكال]

خليه يروح استودعيه ربج / ومو شرط الكل يدري وين مسافرررر ، لاتخلين احد يتدخل ، قوليلهم اي دوله ، وبس

 

[غيرتي نار]

والله الربع أهما اللي يخوفون الله يصبرك 10ايام وانا ضد السفر مع الربع

 

[شـيـوخـهـ]

امم الموضوع بالنسبه لي صعب وفيني تناقض بهالخصوص

انا قعد يلمح لي بانه يبي يدرس لغه في مكان معين اهو حلم حياته انه يسافر له ،،، ودراسه اللغه معناته كورس ٣ شهور ! تخيلي

ومو بس جذيه اهو قبل عرض علي انا معاه بس بحكم ان عندي عيال مستحيل اخليهم واروح معاه لو شنو ما اتحمل ،، انا الي عرضت عليه يروح بروحه!!!

عجبته السالفه وقاعد يخطط لها وانا من ورى قلبي اسوي نفسي عادي

تقولين اثق انا قد اكون اثق فيه بس مو لي هالحد وبهالوقت ما اعتقد ثقتي فيه تتجاوز ٧٠ ٪ بس اتمنى بيني وبين نفسي انها تكون نزوه ويشيل الفكره من راسه ولو ما شالها اعتقد من بعد هالرحله بتتغير حياتي معاه قد يكون للافضل او للاسوء!


ماني ضد سفر الزوج وعندي قناعه ان الخراب موجود بالكويت وبالعكس انا اوافق وياخذ رايي ولا يسافر ويحطني امام الامر الواقع انا الحين يستشيرني قبل بفكر الفكره احسن من اني انشال من الحسبه خلني انزل راسي اشوي واتقبل ان الرجل مرات يحتاج ان يشوف نفسه مو شرط سفر يعني خرابيط خصوصا لو المده قصيره احسها تجديد للحياه بين الزوحين

بس انا الي مخوفني طول المده لو سفرته صارت بس عندي امل كبير انه ماراح يكون قادر عليها

 

[بدوية بملامح كشميرية 86]

انا بيسافر. بالعيد مع ربعه للمغرب


بجيت

زعلت

طنقرت عليه


مانفع.

وانا مليييت.

 

[أم عزيـز]

الله يتمم عليكم حبيبتي


انا عن نفسي مستحيل يسافر مع ربعه غير العمره !!
مو لاني مو واثقه فيه ؟ لا يا قلبي بس لان الحين اهو متزوج وعنده مسؤوليه والوقت اللي بيضيعه مع ربعه بالوناسه انا وعياله اولى فيه
يبي يروح تايلند مافي مشكله بس اروح معاه انا وعيالي نستانس كلنا ونغير جو !!
والا بس اهو اللي مضغوط ونفسيته تعبانه ومحتاج يغير جو واحنا مالنا رب ؟؟

انا واثقه بزوجي 1000% ريلي يخاف الله لله الحمد وما يقصر معاي ومع بيتي وعيالي
لكن فكره السفر مع الربع احسها مالها داعي لاني واثقه بزوجي بس مو واثقه بربعه يمكن اهم يخربطون ويشوهون سمعة زوجي معاهم !!

وهذي قناعتي وما احسها نانية مني بالمقابل ما افكر اسافر مع اهلي والا مع بنات خالتي من غير زوجي وعيالي
يعني المفروض اهو يفكر نفسي ويخلي الوناسه حق بيته وعياله مو حق ربعه

 

[قوس قزح]

اول شي استوديعه الله
واهم شي ان اخذ رايج مو طق التذكرة راخذ جنطته وسافر
بس لو انا مكانج اوكي اخليه يروح وبس يرد يسافر معاي اهذا اول شرط من شروطي
ههههههههههه
الله يسعدكم
واهم شي ماينسى الجناط اللي وصيتيه عليهم
هههههه

 

[iswerah]

*



انا ريلي كلششش مايواطن الطياره واصلن زين منه وداني شهر العسل

هو بس حق سفرات مقناص بالسياره .. بس بعد حتى لو قالي انه بيروح تايلند مع ربعه ماتوقع انه بيخربط

واهم شي انج واثقه منه وان شاءالله ثقتج ماتروح ع الفاضي الله يصخره لج ​