ترضين يسافر لـ ............. ؟

[ديمة بنت غنيمة]

السلام عليكم


بنات مادري يمكن حطيت الموضوع فضفضه وبشوف منو مثلي ويمكن ماكو شغل

المهم ارتاح لما اكتبه

بنات انا عندي قناعه ان ماكو ريال يستحق الثقه 100%

يعني ممكن اكون واثقه بزوجي كحد اقصى واعلى درجات الثقه 95%


لان الرياييل مالهم أمان
ف عشان الوحده لاتنصدم لا تثق بزوجها ثقة عمياء
لان حتى المطوع يتزوج

عيونهم زايغه

ف انا اقدر اقولكم الحمدلله ماشاءالله واثقه بزوجي حيل

ملج علي عمره 20 ونص
لان قال لامه ابي الحلال وربعي راحو للحرام
طاعته

وتزوجته بعمر ال22

الحمدلله عندنا بيبي الحين
صارلنا سنه وجم شهر متزوجين

متفاهمين ونحب بعض لله الحمد

مو مقصرة معاه بشي وأي شي قالي اسوية سويته له

واهو بنفسه يشكر الله علي الحمدلله تبارك الله

المهم

اهو هالفترة مضغوط
حيللللللللللللل

ذبحه التفكير بموضوع يخص مستقبله

ف حب يغيرررر جو
وربعه بيسافرون تايلند

استأذن مني
رفضت الفكرة مبدئيآ

خوفا من كلام اهلي وشكوكهم

اهم مايدرون عن اللي بيننا

باجر بيقولون اي قطها وراح تايلند يدور الحرام خصوصا ان تفكيري مثل معظم الناس
الصبي لي راح تايلند يدور الحرام مو مقتنعه انها سياحه

رغم انها دولة ونيسه وسياحية خصوصا اني رحت لها مع اهلي من قبل حيل حبيتها
وبخاطري ارد لها


بس انا مقتنعه 100% ان رايح يغير جو وللبحر والوناسه والرحلات مع ربعه

ماراح يطب بتايا
لان اخوي و ولد خالتي هناك قتله لا تفشلني ويشوفونك وتكون قاص علي

قال لا تطمني ماراح اطبها ولا ابيها
بس بوكت وجزيرة مادري شسماها

الممهم انا بالاخير وافقت
لان قال لا تخليني انحرم من وناستي مع ربعي علبوني انا الوحيد اللي تزوجت

اانا لاني واثقه رضيت

واهو مايحب التايلنديات ينقد عليهم ويستأرفهم


قلت لامي رايح إييب بظاعـه مع رفيجه

خوفآ من انها تفهم غلط

لان محد يعرفه عدل غيري وغير امه

وامه مستانسه اني وافقت
وقالتلي ان حرام بيغير جو
وربعه ماعندهم الا حق تايلند لانها رخيصه ويحبون الرحلات والبحر
وانا ولدي واعرفه ماله بالخرابيط

المهم يرد ويقول اانا مادري شلون بخليج 10 ايام
وجنه معورة قلبه علي ان ماسفرني وراح مع ربعه

انا كبرت بعينه وماصرت دعله




بس بعرف الحين انتو شنو تسوون لو مكاني ؟

لو نفس وضعي
؟

هل راح تشكين فيه
او هل راح تقولين ممكن ينقص عليه؟


اي طرشته على جناط تقليد خخخخ اعرف محل طبق الاصل 100% وغالي مو هين
بداعوس ويتعاملون بالسرية خخخخ

 

[Dancing^Queen]

الله يوفقكم ويخليكم لبعض ان شاءالله

المهم انتي مرتاحه ومقتنعه معاه وواثقه

بالنسبه لي حتا مع ثقتي فيه - السفر مع الربع غير العمره موضوع خارج النقاش بتاتاااااااااااااااااااااااا نهائياااااا جذريا

 

[فوفو22]

بالنسبه لي عادي

لاني انا احيانا اسوي هالفصله هاذي

انظلق مثل الطير الحر اغير جو بعد الضغوطات

فوفو

 

[رنيم الروح]

بالنسبه لي اذا تغيير جو مع ربعه عادي وبعدين احمدي ربك ماطق تذكره وحطك قدام الامر الواقع وهذا حال اغلبنا بس ضروري يكون فيه ثقه بس مو الثقه العمياء لا يكون فيه حدود واعطيه مجال بس مو حريه مطلقه

 

[Perfume]

حبيبتي عادي خل يسافر ويغير جو
بس اذا متظايقة من البلد وخايفة انه ربعه يجرونه لشي ممكن يغيرون تايلند لبلد ثاني مثل ماليزيا هم حلوة وفيها وناسة
بالنهاية انتي ادرى بزوجج وواثقة منه واللي بيسوي الغلط يقدر يسويه واهو معاج بنفس البيت
انا اذا شفت زوجي متحير يسافر مع ربعه والا لا اقوله روح غير جو ، عادي مافيها شي
الله يوفقج

 

[~*~الملكة~*~]

استودعيه الله

انا راح اسوي نفسج الريال ماتقدرين تمنعينه واذا منعتيه راح تتهاوشون

ويسافر غصبا عنج خليه يسافر وانتو متراضين احسن

والله والله الخراب بكل مكان واللي يبيه يدل مكانه

 

[Gifts&Occaions]

انا ماارضى اي دولة يسافر من غيري

 

[ديمة بنت غنيمة]

مشكورين عالردود بنات

نشوف اراء ثانية

 

[om_3azoz]

انا مارضى لو شنو ,,

 

[انثى عاشقة]

عن نفسي ما ارضى يسافر بروحه مع ربعه
لاني عارفة زوجي وطبعه وربعه =)

بالنسبة لك وافقتي وانتهى الموضوع ..
الي عليك انك تستودعيه الله ..​

 

[تعبهم حلاي]

لو منج اصلا مانزل هالموضوع

ماراح يخون ولا بطيخ الله يثبته ويخليه لكم يارب ويبعده عن العين ​

 

[WAAAW]

مستحيل اخلي زوجي يسافر منطقه مثل هذي بالذات مع ربعه ................... بلابحر بلا خرابيط

 

[ryoonah]

لا للسفر مع الربع هههههه

 

[Tame]

عادي انا زوجي سافر مره ويا ربعه واستاذن مني قبل اول شي رفضت عقب قلت له روح بس مو راضيه واذا مو راضيه ماراح تستانس وتم يحن عشان مازعل ولما سافر كل شوي متصل يقول متملل جان زين اتيين بس ربعي اهني المشكله وبعدين كانو ربعه يطلعون قالي مو عاجبه الوضع لان بعضهم يخربطون حجز قبل موعد الرجعه ورد واللحين بسافرون قال مابيروح مع ان قبل الزواج كان يسافر بس قليل مره فالسنه بس اللحين مفكر يروح العمره وياربعه طبعا هاي مستحيل اعترض الله يهديهم ان شاء الله وكل وحده تعرف زوجه شلون ؟؟؟ هل ينفع يسافر او لا ومو كل واحد لازم تحكره

 

[L A T T E]

حبيبتي.. اللي بيخربط مو ناطر يسافر علشان يخربط.. يقدر يخربط واهوا قاعد يمج

واللي بيحترم نفسه لو تقطينه ببار هم بيظل محترم.

والله يوفقج يارب

 

[pusy cat]

اخليه يستخير على السفره

لان لو هالسفره فيها شر له في دينه ومعاشه وعاقبة امره راح تتنكسل او الله يبعد عنه الحرام

واستودعه الله الذي لا تضيع ودائعه

 

[مشتطـه]

مثل حجي الي فوقي

الله يخليكم لبعض

 

[امـ خــزامـى]

شوفي بالنسبه لي
انا اعررف زوجي واعرف لذوقه وطبعه
مستحيل يسوي شي مو التزام لا وسواس يخاف من الامراض واصلا ميشتهيهم
يعتبرهم شغاللات وتايلند اندونيسيا وماليزيا وطقهم يعتبرهم قبيحات جدا
انا احبهم ويعجبوني يضحك علي يقول ماعندك ذوق كيف يعجبك العيون الصغغار والبراطم ههههههههههههه

ومع كل هذا مستحيييييييييييييييييييييل ارضى يروح شرق اسيا تدرين ليش؟
لانهم يرمون انفسهم غصب على الشباب يعني من غير احم ولادستور يطقون باب غرفة وتدخل وهي لابسه قميص نوم
وبهالطريقه اتحدى اي رجل مايغريه بليس ويتهوووووووور الا من رحم ربي واتوقع بعد اندثروا خلاص

ممكن اسمح له يروح لبنان وتركيا ولا اخليه يروح شرق اسيا


وبيني بينك اصلا ماسمح له يسافر لاي مكان طفشان ويبي يغير جو حتى انا طفشانه
شفيها لو نغير جو مع بعض

ودايم اقول لزوجي لو بتغير جو مع اصحابك ترى انا بعد بغير مع خواتي وبنات خالاتي
ويهووووووون عقبها خخخخخخخخخخخخخ

 

[granted]

انا طموشة بس بصراحة ماراح اقبل ابسط فكرة بتيي ابالي انه ممكن يسوي مساج وهالسوالف على اساس انه مومخربط

 

[قمرية الفيس]

الرجال ماقصر معاج شاورج واخذ رايج. ومن حقة ياخذ جو مع ربعة وهم منها يجيبلج هدايا
حبيبتي. ترى لو على الخراب تراه بكل مكان مو بس ببتايا