ترضين زوجج يسافر مع ربعه !!

[أجرح وداوي]

لا طبعا مااوافق ...بس مطنش يروح.وانا زعلانه ماهمه

 

[sunshine22]

البنات نو كومنت والله !!
رجال ومع ربعه ورايح ديره الحرام عندهم حلال واذا اوروبا اكيييييييييييييييييد رح يخربط بليز بنات لا ترفعون ضغطي
وتغلطون غلطة رفيجتي وثقت بزوجها ثقه عميا واخرته راح مع ربعه على بو انه وناسه وبالاخير انصدمت انه رايح حق خرابيط مو وناسه
وبعدين الشيطان موجود وشاطر اذا احنا الحريم نروح عند الغرب ونشوف الحمر والشقر وعيونا من نفسها تخز فمابالكم الرياجيل
والرجال مهما كان اسمه ذذذذذذذذذكر وعنده غريزه كلش ما يقاوم ولاتجيني وحده تقولي غلطانه وكا زوجي ثقه ومايخون ومتأكده لاني انا عارفه شقاعده اقول ومتأكده من اللي اقوله
ومن وجهة نظري زوجي ما يسافر لو يموت الا رجلي على رجله
وبلا ربع بلا خرابيط
واللي تقول اللي يبي يسوي يقدر يسوي حتى هني اقولها غلطانه هني يخاف ويعمل الف حساب وعنده مره تسد شهوته بالحلال حتى لو مو مشبعته بس اسمها ساده شهوته وخلاص
اما هناك اذا شاف ربعه يسوون وشاف هالحمر والشقر والاجسام والرشاقه والزين كله وماعنده مره بالحلال تعوضه عن اللي يشوفه اقل شي رح يفكر فيه بيقول عادي زوجتي ماتدري واهيا مره وحده ومرح تتكرر واجيب البنات برخص التراب واكيد الشيطان بهالوقت رح يسهل له الامور ويزين له هالاشياء بباله
يعني بالنهايه بهيييييييييييييييص وانتو اقعدو خلكم على ثقتكم خلها تفيدكم وانا ما اقول لا تثقون بس الثقه العميا مصيبه

شوفي الرجال اذا بيسافر ويخربط
ماراح يرد على مرته رضيتو والا ما رضيتو


زوجك على حظك الحلو يسمع كلامج ويحترمج
بس مو كل الرياجيل نفسه
ويمشون على راي الزوجه



الرياجيل مو مثل بعضهم


واللي بيخربط يخربططططططططط لو بالكويت

والدليل
روحو شوفو مطعم مهراني بالفروانيه كله مغازل واصوات بالكباين الله يسترنا
ورياجيل متزوجين مع عشيقاتهم


وحده اعرفها طبت على زوجها بكبينه واخذت طقم الذهب اللي كان فاتحه لرفيجته


قمـــــــــــــــه الصدمه




الله ياخذ كل رجال على شاكلته

 

[فوفو22]

ما قريت الاجابات

بس اتوقع اجابتي رح تختلف

وياليت الكل يستوعبها

شي طبيعي كل زوجه تخاف على زوجها لما يسافر بروحه

ولكن

انا عن تجربه شخصيه

لما كبروا العيال وزادت الضغوطات وارتفعت المسئوليات

حسيت اني احتاج بين فتره والثانيه اسافر بو ايام محدوده

حتى اوصل لمرحله احتاجها وهي الصفاء الذهني

ارجع بيتي وانا رفرش داخليا وخارجيا

واقدر اعطي عايلتي حاله حلوه يحتاجونها مني

هذا بسبب انا متحمله مسئوليه 90% من المسئوليه

واتوقع اي زوج مسئوليات على راسه يحتاج هالفصله هاذي مثلي

عطوهم مساحه من الحريه يرجع لج بشوق اكثر

فوفو

 

[Tom ♥ Jerry]

.


ليش اتهاوش وياه :/ !

خل يروح ويا ربعه بس مو بزود يعني كل شهر أو شهرين !!
بس انا ريلي من النوع الي يسافر مع ربعه
الحمد لله أول شي واثقه فيه و ربعه خلوقين و ملتزمين ..
ما احب احكر ريلي ! بعدين لو قلت لا رآح يسافر
يعني جي جي مسافر يسافر برضاي احسن


.

 

[om_3azoz]

لا مارضى

 

[أكذب عليك]

زوجي ماسافر مع ربعه من تزوجت
بس عادي لو بيسافر اعرفه واعرف ربعه
ماعندي مشاكل بسفر زوجي دام مايقصر ويسفرني اوكي
ودام اعرف زوجي انه مو من اللي يموتون ع السفر

 

[جولينار]

يسافر داخل السعوديه ايه

برا لا

مو لشي

بس زوجي مانعني من شغلات اشوفها عادية

فبالتالي انا مانعته من السفر برا

يعني السن بالسن

 

[* Snow White *]

اكثر التعليقات تدل على صاحبتها انه تفكيرها ومخها سلبي.. ودايماً تفكر بالاشياء السلبيه والسيئه .. وهالشي ياثر على نفسيتها
للاسف مجتمع متخلف. شفيها لو سافر مع ربعه؟ الطيور على اشكالها تقع .. اذا زوجج زين اكيد ربعه زينين ونفس طبعه
بس اذا انتي فيج مرض الشك والوسواس .. ماتشوفين شر والله يعينه عليج. الرسول عليه الصلاة والسلام كان يطلع مع ربعه "اصحابه" ويحارب وياهم ويسافر وياهم ولا وحده من زوجاته تمنعه. لان الريال اهو راعي البيت .. واذا مرته اعرفته عدل وماتقعد تفكر بالاشياء السلبيه اهيه و وياه بيرتاحون وبتكبر الثقه. قال صلى الله عليه وسلم تفائلوا بالخير تجدوه. ياحظي فتحو مخكم.

 

[قمة^الانوووثة]

وااااااي
بنات من صجكم؟
ليلحين موجودة فكرة الريال ما يشوف غيري ما ينعجب بغيري؟ و انا البنت الوحيدة بعينه و تفكير يناقض طبيعة الرجل

عطو الرجل فجة شوي خليتنفس
بذمتكم كل وحدة فيكم لو زوجها قال سافري مع رفيجاتج بس مو شهريا عالاقل بالسنة مرة ؟؟؟
شنو شعوووووركم؟


يلعن ام الوناسة والله ابوسه على راسه و اخلي السفرة كلها على حسابي انا و رفيجاتي لان تفكيري اروح استانس نضحك نغير جو

فما بالكم رجال متعود مايرد بيته الا الفجر لما كان عزوبي وفلة و على كيفه و يقعد مع ربعه اكثر من اهله

النشبة ترى تنفر الزوج منها قطيعة
لاتروح لا تسوي لا تقعد لا تتاخر !!!!!

مو شرط يسافر يخربط و حتى لو خربط خير يا طير بيجي يعلمني يقول ترى خربطت؟؟؟؟
خليسافر و يستانس و يفر الدنيا فر عشان يرد مشتاقلي و يحس اني مو مجلبة فيه و لاصقة بمخه

الرجال نفس الظل كل مالحقتيه ينحاش
بس مو كل شهر و لا كل سنة مثلا بين فترة و فترة طويلة و السفرة ماتتعدى اسبوع 10 ايام

و على فكرة منو قال لكم ان اللي يخربط بالكويت يخاف و يحاتي احد يشوفه؟؟؟؟؟؟؟؟

حبيباتي لا تنسون ان في شي عندنا اسمه كباين و شقق و فنادق
و اللي ابيكم تحطونه داخل مخكم الريايل يغطون على بعضهم بعض يا حبيباتي
هذيل احنا اللي لي شفنا وحدة مع واحد نشرنا الخبر و فضحناها الرياييل قلوبهم على بعض خصوصا بسوالف الوناسة و العشق و الروحات البطالية

عالاقل يخربط برا احسن ما يعشقله وحدة بالديرة
و الثقة مثل ماقال وحدة م البنات مو كل شي ياما خسرنا ناس بالسبب الثقة
الموضوع ومافيه كل وحدة وثقتها بنفسها و بعلاقتها بزوجها

 

[Miss trfa]

مجنونه غالي ... بردتي جبدي الله يبرد جبدج

 

[أنثى..]

بنات حبايبي بنصحكم نصيحه من وحده مجربه وسمعوا الحجي مني ..الريال كثر ما تحكرينه وتضغطين عليه وتقيدين حريته كثر ما يكرهج وينفر منج!
الحين اهو لازم يكون له وقت برايفت مع ربعه لأنه سفرته معاج غير عن سفرته مع ربعه , ولما تشككين فيه انه بيخربط وجذي الريال على طول يرسم بباله انج موواثقه من نفسج وانج مو مريحته !!
لما يقولج بسافر مع ربعي خليه على راحته بس طبعا ما يزودها
لما يقولج بطلع بسهر بتأخر مع ربعي خلييييه على راحته خليه يتنفس
أصلا حتى لما يكون طالع طول اليوم او مسافر بدونج راح يردلج واهو متشوق وولهان وتحسين انكم معاريس , واااااايد غلط انج تخلين الريال لازق فيج 24 ساعه
يمكن الحجي ما يعجب البعض بس والله عن تجربة جذي بيصير خاتم بصبعج بس لا تضايقينه ولا تنكدين عليه طولي بالج ووسعي صدرج

 

[PuPa^^SWeeT]

انا ريلي ان سافر ما اقدر امنعه




الله يثبته عندي ان شالله

 

[انثى عاشقة]

البنات نو كومنت والله !!
رجال ومع ربعه ورايح ديره الحرام عندهم حلال واذا اوروبا اكيييييييييييييييييد رح يخربط بليز بنات لا ترفعون ضغطي
وتغلطون غلطة رفيجتي وثقت بزوجها ثقه عميا واخرته راح مع ربعه على بو انه وناسه وبالاخير انصدمت انه رايح حق خرابيط مو وناسه
وبعدين الشيطان موجود وشاطر اذا احنا الحريم نروح عند الغرب ونشوف الحمر والشقر وعيونا من نفسها تخز فمابالكم الرياجيل
والرجال مهما كان اسمه ذذذذذذذذذكر وعنده غريزه كلش ما يقاوم ولاتجيني وحده تقولي غلطانه وكا زوجي ثقه ومايخون ومتأكده لاني انا عارفه شقاعده اقول ومتأكده من اللي اقوله
ومن وجهة نظري زوجي ما يسافر لو يموت الا رجلي على رجله
وبلا ربع بلا خرابيط
واللي تقول اللي يبي يسوي يقدر يسوي حتى هني اقولها غلطانه هني يخاف ويعمل الف حساب وعنده مره تسد شهوته بالحلال حتى لو مو مشبعته بس اسمها ساده شهوته وخلاص
اما هناك اذا شاف ربعه يسوون وشاف هالحمر والشقر والاجسام والرشاقه والزين كله وماعنده مره بالحلال تعوضه عن اللي يشوفه اقل شي رح يفكر فيه بيقول عادي زوجتي ماتدري واهيا مره وحده ومرح تتكرر واجيب البنات برخص التراب واكيد الشيطان بهالوقت رح يسهل له الامور ويزين له هالاشياء بباله
يعني بالنهايه بهيييييييييييييييص وانتو اقعدو خلكم على ثقتكم خلها تفيدكم وانا ما اقول لا تثقون بس الثقه العميا مصيبه

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[miss swan]

فوفو انتي مسموح لج البريك إحنا البريك بس حقهم عاد الله والضغط محد مضغوط كثر المره بيت ويهال ودوام
وعلي ايام الرسول كانوا يروحون لهدف نبيل وهو نشر الاسلام
مو رياييلنا اللي عسي ماحرك عضله الا محتاج بريك

 

[حطمۈكہ يآقلبي]

ااااااااااااااااه

ذاك اليوم يقول لي بسافر مع ربعي بالعيد
تهاوشت معاه وزعلت هههههههههههههههه
طبعا باعترض وبزعل اذا سافر زعله قويه
شنو رايح مع ربعه اكييييييييييييييد فيها خراب

 

[يارب يطيب عبود]

أكيد كل وحده ما ودها زوجها يسافر الا معها

وجهة نظري أن الرجال إذا نوا يسافر سافر ولا عليه من أحد
فإذا كانت سفراته قليله وقصيره وطبعا أماكن قريبه يعني خليجيه مثلا
ومو مقصر علي
أحس عادي أسكت أحسن من إني أسوي مشكله وبالأخير ما راح يصير اللي أبي
الا اللي عارفه أنها إذا منعته من السفر ماراح يسافر تمنعه ولا تخليه يروح

 

[العفاسيه]

هههه اتضحكون يعني الرجال ينطرج توافقين او لا

 

[كويتيه مذهله 87]

استغرب من البنات الي يقولون ما اخليه
ليكون انتي راعيه البيت وكلمتج هي الي تمشي
اقول كبروا عقلكم ووثقوا بريايييلكم