ترضين ريلج يتزوج عليج في هالحالة؟؟؟

[ماتغير شي]

اطلب الطلاق

 

[al6aylaaa]

لاااااا

 

[غراوي]

اكبر غلط وغباااااااااااء
اللي تطلب الطلاق بهالحاله
ليش بفهم تبين تعيشين بروحج بهم!!!! كافي ان عالاقل عندي رجال اكون دلوعته اذا مل من مرته الثانيه يجيني يدور الراحه والدلع

انا عن نفسي لاسمح الله ما اتطلق واخليه يتزوج بس شرط تسكن بعيد مو بنفس البيت
صج حرة قلب بس عالاقل مو اخسر العيال والزوج مره وحده
خلوني اخسر شي واحد عالاقل ولا اخسر اثنين
والمره مهما يكون تحتاج الرجال بشغلات واجد وغريزتها بعد تحتاج رجال
ما اتطلق واندب حظي واقعد ابجي علي الاطلال

 

[عشقك وطن]

انا ماتحمل فكره زوجه ثانيه

يعني لو هو عقيم انا ماراح اتطلق منه وبظل اصبر وادعي ربي يرزقنا



فعشان كذا الانفصال والله يستر عليه



وزود عليها لو احبببه مستحيل اقدر اناظر بوجهه وهو متزوج فـ ماراح اكمل


> طموشه :$

 

[كااريزما]

ااااااااااه
الله يعين ويرزقني وكل محرومه

 

[شموسة كيوت]

واحد من جماعتنا تزوجو صغار وزوجتة ماتنجب ولهم متزوجين 17سنة وهو يحبها وهيا تحبة وصبر عليها كل هالسنوات

واصرت علية العام الماضي انة يتزوج ويشوف عياله هو رفض بس بعدين ووافق واهلة خطبولة وتم الزواج بفترة قصيرة امكن شهر تقريبا وبنفس الشهر الي تزوج فية بشرتة بحملها ماشاءالله عليها صبرت ونالت رزقها

 

[faty87]

انا احب ان اشارك قصة جارتي
اتزوج عليها ريلها وما قال لها
لما عرفت زعلت لفترة ورجعتله
والله رزقه باولاد واهي حبت اول ولد له وايد
حتى قاعد يناديها ماما وتحسه هدية لها من رب العالمين
والحين تقدر تزعل الناس كلها منها
ولاتقدر تزعل ولد زوجها
حتى اهلها اللي هم كانو معارضين ع زواجه الثاني
قاعدين يقولو عن الولد كيف ابنك
والولد حسب ما اشوفه يحبها قدر امه او اكثر
ويقضي اوقاته معها اكثر من امه الحقيقية
سبحان الله كيف ربنا زرع الحنان والحب بقلب الزوجة الاولى والولد من الزوجة الثانية
والله قصة حقيقية عاشت ضيقة مالية كبيرة
وكان لها معاش تحرم نفسها من الاكل واتطعمي اولاد زوجها
وبعد تتهاوش مع زوجها وام زوجها عشان الاولاد
اتمنى منكم انكم لا تنسوها من الدعاء
عشان اهي مرضانة هالفترة​

 

[Dlôô3tãh]

اذا مافيه امل للعلاج وتربطنا علاقة حب بخليه يتزوج وانا على ذمته

 

[انونا]

الله لا ايب هاليوم يارب


انا امووووووووووووووووووووووووت فيه ومستحيل استغنى عنه ومستعده اسوي كل شي واستحمل كل شي علشان بس اكون معاه لكن مستحيل اقبل بالشراكه


راح يكون من حقه وماراح الومه لو قرر لكن ما اقدر اظل معاه عندي الموت عندي اهون من ان اسمع ان يكون مع غيري

اطلق واعيش حياتي وادعيله ان ربي يوفقه ويهنيه


حسبي الله على ابليسج يتني الدمعه وانا اتخيل الموقف

 

[You FOR Me Only]

اكيد بتطلق منه ماحب اشوفه مع غيري خل يتزوج ويطلقني

 

[صاعقة بيوتي]

الله لا ايب هاليوم يارب


انا امووووووووووووووووووووووووت فيه ومستحيل استغنى عنه ومستعده اسوي كل شي واستحمل كل شي علشان بس اكون معاه لكن مستحيل اقبل بالشراكه


راح يكون من حقه وماراح الومه لو قرر لكن ما اقدر اظل معاه عندي الموت عندي اهون من ان اسمع ان يكون مع غيري

اطلق واعيش حياتي وادعيله ان ربي يوفقه ويهنيه

حسبي الله على ابليسج يتني الدمعه وانا اتخيل الموقف

الله لاييب هاليوم والله حتى انا لما اتخيل موقف مثل جذية ابجي

 

[صاعقة بيوتي]

انا عن نفسي مستحيل اوافق على هالشي مو انانيه مني بس لو كان الحال بالعكس مستحيل اتخلى عنه وبعدين موبالضرورة يكون عندنا عيال يمكن خيرة لنا محد يدري وين الخير يمكن يطلع الطفل عاق او معوق لاسمح الله
وياكثر اليتامى ناخذ منهم ونربيه زي مانحن انحرمنا من الطفل هم اليتامى انحرمو من الوالدين

واللي تقول من حقه يتزوج انزين تخيلي تزوج وحده فوقج وطلعت بعد عقيم شنو بتسوي بتقولين له طلقها اوتزوج ثالثة ورابعة يمكن الله مو كاتبله عيال عشان جذيه زوجته ماتيب عيال
واللي تقول من حقه يكون عنده ذرية ليش اتنازل عن ريلي عشان ياهل ايش دراه يمكن يموت ابنه قبل لايموت وتنقطع ذريته

ويمكن اذا صبر على مرته الاولى الله يشفيها انا الله مع الصابرين
طبعا هذا رايي الافتراضي الله لايحط ولاوحده مننا في هذا الموقف

وبعدين عددولي جم ريل يقدر يعدل بين زوجاته وخاصة اذا وحده ام عياله والثانيه لا؟؟؟؟

 

[ام الحلوااات]

انا بعيد الشر مستحيل اشور عليه هالشور بس اذا هو قرر واصر بقراره برضى بعد شسوي هذا حقه و بقعد معاه ليش اتطلق وافلس من الولد والرجل يمكن الله يرزقني ويمكن زواجه خيره لي. محد يدري بالغيب
يعني عقيم ومطلقه منو بيخطبني بعده والكل عارف مااجيب عيال اقعد معاه اذا معاملته زينه وخايف الله فيني بس اطلب منه يعدل بينا

:eh_s(15): :eh_s(15): :eh_s(15): :eh_s(15):

تـــســـلـــم ايــــدج وبــيـــض اللـــه ويــــهــــج
قــلـــتــــــي اللــــي كــنــت بـــقـــولـــه

 

[STILL G L A M ~]

الله لا يقوله اخليه يتزوج ويشوف عياله بس يكون عندي شروط مثل شقه و يعدل مايقصر معاي بشي لان
حياتي ماراح تتوقف علشانه وعلشان اهوا يبي عيال راح استمر واونس نفسي واعيش حياتي واظلني معاه خصوصا اذا كان خوش ريال ويخاف ربه ويقدرني ..

اما اذا كان مو زين ومقصر لا والله اتطلق منه و انتظر نصيبي وحلو لو اتزوج واحد معاه عيال ومطلق واكمل حياتي .,

,

 

[رحماك ربي **]

انا مو متزوجه بس مخطوبه

تصدقين كنت افكر بسؤالتس اقول لاسمح الله لو كنت ماجيب عيال

وش بسوي كيف بتصرف اخليه يتزوج وتطلق منه :eh_s(2):

او اعيش معه اذا كان طيب معي

بس اخاف مع الايام يقلب علي وتصير ام عياله كل شي :eh_s(2):

ياااااارب احمل واجيب عيال مابي اعيش هالموقف والله صعب :eh_s(2):

وكل وحدهـ يارب ماتنحرم من الشخص اللي تحبه ويرزقهم الذريه الصالحه​

 

[سارونه السنيوره]

انا عن نفسي لو يصيرلي هالشي اتطلق منه وادور واحد ارمل او عقيم نفسي بس ابقي علي ذمته استحاله والله اموت من القهر

 

[قسى قلبه وخلاني]

صعبه
ممكن اخليه يتزوج واطلق
بس يتزوج علي ما استحمل

 

[رنيم الروح]

اذا العيب فيني طبعا ارضى ليش احرمه من الابوه وانه يكون اب سوا عدل او ماعدل اهم شي سويت الي يريح ضميري ولا اتحاسب عليه بالقبر ويمكن عياله الي راح يجون يكونون عيالي الي احتاجهم للزمن عون

 

[pusy cat]

اذا مافاد العلاج امري لله شسوي بعد

هم اهو من حقه يصير عنده عيال

ارضى انه يتزوج علي ليش اطلب الطلاق وانا احبه بعد هم ماعندي عيال وهم اكمل حياتي بدون زوج !

العوض ولا القطيعه

 

[om al ghaleen]

..,, ليش أكون انانيه اذا يحبني ويبي ذريه ليش احرمه
يتزوج وماراح يتغير شي احسن من اني اخسره واكون مطلقه
ومشتته .. لحد يقول انه المرا بدون ريل راحه
لآ والله رغم المشاكل والصعوبات يتم الريال ريال
والله ماحلل الزواج للريال اكثر من وحده الا للآسباب هذي


بتضايق ايه .. بحتر أيه .. بس اكون بأمان
ويكفي آكون كبيره بعيون آهلي وطاعه ربي

\\