ترضين تسوين بعيالج جذي؟؟؟ و ليش؟

[emankuwaiti]

لاحول و لا قوة الا بالله

:bbbiu: :bbbiu:

 

[دلع العتبان]

صدقتي بس اليهال هالايام صايرين موطبيعيين كلشششش

 

[زهرة الينبوع]

والله صاجه الاخت
لان مره سويتها وسافرت ماليزيا وخليت اعيالي2عند امي واختي
واحدعمره 3سنوات والثاني 2شهرين

وانا بالسفر كنت اقول المشي هذا كله حرام يتعبه الصغار وبنفس الوقت حس بالذنب
واذا اتصلت اسأل عنهم تقولي اختي تعالي شوفيهم بنفسج كرهتني بالسفره

والحيين مستحييل اخليهم لو اخذ خدامتهم معاهم بس قدام عيني ايتعبوني صح بس ضميري مرتاح



بنات وانتم ضامنين اهلكم بيهتمون بعيالكم حتى اذا اهتموااا صدقووني مراح ايجابلونهم كل الوقت الصغار عفاريت ماتدرين شيصير فيهم ولا الخدم اذا تجمعوا شيسون فيهم






نصيحه من حمل زهمل ربووووا اعيالكم مو جايبينهم رزه بس

صدقون بتلقونها باجر اذا كبروا واذا ما لقيتهم بالدنيا بتلقونهم بالاخرة......

 

[جوزائيه مغروره]

يمه قلبي مستحيل يصير هالشي

 

[om al ghaleen]

.., صأجه والله " بس اذا اسبوع اواقل عادي بس اللي يقعدون اسابيع لأ
خصوصا في ناس مضطره تسافر (( علاج - حج - دراسه ))

 

[White Musk]

الله يحفظ لكم عياكم ويحفظكم لهم يارب

 

[ذهبيه مرصعه بألماس]

ما يحتاج اخليهم عند اهلي لأن

امي لمن كانت تسافر عمرها ما خلتنا و سافرت مع الوالد الله يرحمه بروحها

و انا اساسا متعوده على عيالي و ازعاجهم و يا زينهم بالسفر اصورهم و احتفظ بهالصور ذكريات حلوه يكفي المغامرات الحلوه اللي يعيشونها و يكفي ان اكلهم و شربهم على عيني

اصلا انا ما اقدر اتحمل بعدهم دقيقه وحده... الله يحفظهم و يستر عليهم و يكافيهم كل مكروه

كل مرحله بالعمر لها حلاوتها

لمن يكونون معاي صج ارتاح ما احب تكون راحتي و سعادتي على حساب راحة اهلي



و احلى راحه لمن اتطمن عليهم انهم نايمين و مرتاحين اهني صج ارتاح انام وانا متطمنه ​

 

[Leann]

رد : رد: ترضين تسوين بعيالج جذي؟؟؟ و ليش؟

ما يحتاج اخليهم عند اهلي لأن

امي لمن كانت تسافر عمرها ما خلتنا و سافرت مع الوالد الله يرحمه بروحها

و انا اساسا متعوده على عيالي و ازعاجهم و يا زينهم بالسفر اصورهم و احتفظ بهالصور ذكريات حلوه يكفي المغامرات الحلوه اللي يعيشونها و يكفي ان اكلهم و شربهم على عيني

اصلا انا ما اقدر اتحمل بعدهم دقيقه وحده... الله يحفظهم و يستر عليهم و يكافيهم كل مكروه

كل مرحله بالعمر لها حلاوتها

لمن يكونون معاي صج ارتاح ما احب تكون راحتي و سعادتي على حساب راحة اهلي



و احلى راحه لمن اتطمن عليهم انهم نايمين و مرتاحين اهني صج ارتاح انام وانا متطمنه ​

ما شاء الله عليج صج انج ذهبية بردتي جبدي بهل الرد .. صحيح ان الموضوع قديم لكن هالظاهرة تتكرر يوم بعد يوم و الله يهدي الجميع و يخلي العيال حق اهلهم يا رب

 

[نور مغليها]

رد : ترضين تسوين بعيالج جذي؟؟؟ و ليش؟

لا حرام .. ليش جذي هذول عيالهاا المفروض تاخذهم وياها ..
بسراحه ما عندها سالفه ....
ما اتخيل ان ام تخلي عيالها وتروح ... ؟

 

[نور مغليها]

رد : ترضين تسوين بعيالج جذي؟؟؟ و ليش؟

مرت اخوي ليما سافرت كانت توها والده واخوي مسفرها لـ أوربا هديه طلاعتها سافرت وخلت البيبي عندنا بس كان توه مولود يعني عمره 44 يوم تقريبآآآآ فـ ماله داعي تاخذه اصلا مو زين عليه يتغير الجوووو

 

[brettey]

رد : ترضين تسوين بعيالج جذي؟؟؟ و ليش؟

عشان جذيه انا اتخذت قرار ما اسافر الا بعيالي لانه كبروا انا جربت السفر من غيرهم 4 ايام دبي تعبت مرتين سويتها بس بصيف 2007 خذيتهم معاي ماليزيا والله كافي فرحتهم ووناستهم

 

[dnyay_mll]

رد : ترضين تسوين بعيالج جذي؟؟؟ و ليش؟

مشكوره حبيبتي عالموضوع

مع اني مااسافر وايد

بس صج قلبي يعورني على عيالي ومايهون علي اسافر واخليهم

بس يمكن اكون مجبوره وبسافر اكيد بأمن بامي وخواتي واهم ماراح يقصرون مع اليهال

ولي رجعت راح اعوضهم بشاليه او بسفره اكيد واهم راح يقدرون

 

[صمت المرافئ]

رد : ترضين تسوين بعيالج جذي؟؟؟ و ليش؟

الله يكملج بعقلج
كلامج عين العقل
آنا أشوف اللي تخلي عيالها وتسافر
قلبها جاسي
اشلون تستانس وتخليه 3 أسابيع وأكثر
اشلون تهنالها اللقمة اللي تاكلها وعيالها مو عندها
أقولج عن نفسي مرت علي ظروف
نفسيتي كانت صفرأخذني زوجي للعمره
خذيت معاي ولدي الكبير
والصغير ما تم سنه خليته عند أمي
وأمي حنونه عليه ما تعطيه للخدامه ابد
والله ... والله ...
ان الدمعة ما وقفت من عيني
زوجي يهديني ويمسح على راسي
ولدي يضمني ويقول بس ماما
اتذكر شكل ولدي الصغير وأرجع للبجي
قلبتها مناحه
هذا وآنا رايحة بيت الله
وكلها 4 أيام
وتبت بعدها توبه
ما أهد عيالي لو شنو
​

 

[miss_jamsheer]

ليش جربتي تسافرين مع ياهل بو اقل من سنه ترا مافي ام قلبها يطاوعها بس شنسوي مجبورين الحين مجابلينهم طول السنه مانقدر اسبوعين نرد فرش لج خلق وانتي مسافره كل شوي حمام وغيري حفاظه وترا ارروبا دوله مو اسلاميه اشلون بتوكلين عيالج احنا الكبار اي شي يصبرنا وبعدين يهال اقل من سنتين ٣ ماينفع سفر كلللش
واوكي اتقولين اشلون اتخلينهم عيل باجر اشلون بتحجين هم مايصير ياهل اخذيه معاج يحن لج صح ولا انا غلطانه ولا تقولين غير مهما كان سافرتي وخليتيهم عموما كل واحد وله وجهت نظره ن
وبعدين خل اكون صريحه معاج انا سافرت مرتين بدونه وبس بالثانيه حييييل حييييل تعبت قلت توبه خلاص لو شنو مااسافر وهذا كان عمره اقل من سنتين وحرام حتى اهو نفسيتع حيل اتعبت بس شنسوي بس من اليوم مستحيل اسافر بدونه
بس هذاك حرام كبير يعني مايضر لو خذته

 

[cherry67]

معاها
اسبوع او اسبوعين او ثلاثة ماراح اتضر الياهل
ولازم الام اتفج عن عيالها اشوي عشان يعرفون يدبرون امورهم شوي

معاها
لأني ما راح اطول بالسفرة واكيد برجع لهم واذا السفرة اضطرارية ووقت مدارس اشلون اخذهم معاي اسافر واخليهم عند ابوهم موجود ويدتهم شنو المشكلة وانشاء الله سهالات

 

[angel bysho]

رد : ترضين تسوين بعيالج جذي؟؟؟ و ليش؟

انا مو ام ولا زوجه بنت عمري 18 سنه
امي مسافرة للحج وكل يوم دمعتي بعيني واهي بعد تبجي بجي كلما اتصلت انا وياكم لازم الام ترتاح بس مو تهد عيالها حراااااااام
خلينا مانبعد الحين بروضة يسوون حفلات او استدعاء االاولياء الامور في بعض الجهال امهاتهم مايحضروووووون برايكم هذا مايحز بقلبهم
والله باجر يكبر ويقول حق امه هديتيني في احسن اوقاتي
نصيحه ياامهااااااااااااااااات عيالكم امانه استانسوا بس وياهم

 

[دلوعة روحي]

مستحيل اسافر و اهد ولدي

انا الحج كل سنة ااجله عشان ولدي احسه صغير

ولدي عمره 5 سنوات الله يخليه و يحفظه

بس احس صعب

و بعدين انا اروح استانس و اوهق الناس معاي ؟؟

شذنبهم يتحملون عيالنا !!

 

[النشبه88]

انا الطرف الثااااني من هالمشكلة :jumpon:
يعني انا الخاااله اللي ينقط عليها العيال:flower:
للاسف الحين الامهات ولا تزعلون في حريم وايد جذي بالكويت يغلب عليهم صفة الانانية ويحطون الزوج قبل اليهال
عكس حريم قبل اللي الاولوية حق العيال .. ما اقول هذا صح وهذا غلط بس لازم نوازن بين الاثنين
وبعدين تعالي خواتج وامج ما وراهم شغله غيرج وغير عيالج .. نسكت ونداري لانه نحبج بس هم ترى نبي نسافر هم ورانا مشاوير نبي نقضيها مو معقوله من الصبح لي الليل بس نتابع شيسوون وحتى دراسة قمنا اندرس :eh_s(11):
صايرين تحملون ويالله بالطقاق ما تفكرون بصعوبة الوضع هذيل يهال منو يصرف عليهم يكبرهم يربيهم
عدم مبالاة تدرون انه المسؤولية مو كلها عليكم يالله عندي خواتي عندي امي عندي خدامة
واذا راحوا كل هالاشخاص ما تتحملون تقعدون مع اليهال يوم واحد
شنو وناستي على حساب غيرررررررررري ؟
والياهل وايد كسر خاطري
انا احب اليهال وايد واقعد العبهم واقعد وياهم بس لي زاد الشي عن حده انا مااتكلم عن اسبوعين 3 .. يوم بالاسبوع ..اتكلم عن سبع سنين نفس الحاله.. هم انا وراي حيااااتي ما يصير تجبرينهم عليي باوقات انا ودي اسوي اشياء ثانية
................

الله كريم
نصيحة مو حلوه الانانية وخل عندكم احساس بغيركم
ومشكورة يا صااااااااحبه الموضوع ولو انج بطلللللللتي الجررررررررروح:eh_s(2)::eh_s(2)::eh_s(2):

 

[Japanese]

بالنسبه لي امي ان سافرت استخف مره راحت الحج ومدري احس اني ضعتتتتتتت وصرت مااقدر اجمع ولا اسوي شي اصلا ان اطلعت من البيت كمن ساعه احسن اني ابيها ترد

مادري ليش يمكن لآني وايد متعلقه بآمي :/ او يمكن لآني كنت ادرس برا ومب مصدقه رديت لها

يمكن ويمكن

المهم

شخصيا عندي اني ماجيب عيال دام اني مب قد مسؤوليتهم لين مايصيرون هم قد المسؤوليه ولا اني اغيب عنهم

فتره طويله وايد غلط ونفسيه الطفل تتاثر بهالغياب

لاتقولون لي مايتآآآثررر!!! انا ان ماجفت امي يوم استخف واحس انه في شي ناقصني هذا وانا عمري فوق العشرين!!

شلون الياهل وعليه :/

ومشكوره ع الموضوع صراحه يبيله اقرا عن هالشي زياده واجوف آراء الخبراء النفسيين للآطفال بخصوص هالسالفه

 

[كويتيه مذهله 87]

اذا انا قاطه اعيالي عند امي وسافرت شوي باخذ بريك ما اشووفها مشكله
,,,