ترضين بنتج تروح بيت رفيجتهآ (زيآره) ..!؟ بروحهآ .؟

[Googleya]

على حسـب الرفيجـة واهلهـآ

 

[مجبورة احبك]

شنو يعني انا اذا رفيجاتي تجمعوا ببيت وحدة اروح لها
وامي قبل لا اروح تقولي انا واثقة فيج وامي ما تعرفهم
وتدري أني ما ارافج الا بنات سنعات وكل جمعه او خميس
تتجمع ببيت وحده ما فيها شي وهذا كلام مسلسلات لا يودي
ولا يجيب وأهل الكويت مو جذي يا ماما

 

[sunshine22]

انا امي قبل ما ترضي اروح

والحين لما صرت ام عرفت ليش امي ما ترضى


باجر تكبرين وتفهمين

 

[لمعة سراب]

شنو يعني انا اذا رفيجاتي تجمعوا ببيت وحدة اروح لها
وامي قبل لا اروح تقولي انا واثقة فيج وامي ما تعرفهم
وتدري أني ما ارافج الا بنات سنعات وكل جمعه او خميس
تتجمع ببيت وحده ما فيها شي وهذا كلام مسلسلات لا يودي
ولا يجيب وأهل الكويت مو جذي يا ماما

الله يخليها لج وانا موامج عشان تقولينلي ماما

وبعدين وايد ناس اعرفهم يزورون رفيجاتهم مع امهم
او بدون عادي اهم شي ان الاهل يعرفون بعض موشرط مسلسلات ..!!

وشنو اهل الكويت موجذي انا قايله اروح بيت اوادم
مانعرفهم ولايعرفونا ورفيجتي توني متعرفه عليها عشان تقولين جذي .؟

وملآحظه نسيت آقولهآ آهلنآ يعرفون آهل رفيجآتي للعلم يعني.!

وشآكره مرورج غلآي :eh_s(17):

 

[لمعة سراب]

Moon-ae

يعني إذآ رحت بيت رفيجتي آلروح بالروح آصير مومتربيه .؟؟ هههه والله دنيا

عموما الله يكافينآ شر هالبلآوي إللي تتكلمين عنهآ

ونورتي حبي (;*)


sunshine22

دآم عرفتي فيدينآ الله يخليج ..!

ونووورتوآ فديتككم

 

[سكوتي بذوقي]

أهلك يخافون عليكِ لاتلومينهم

الدنيا تخوف مو مثل قبل

مافيه امان وماتدرين شنو يصير

ترى حتى الصديقات بهذا الوقت مالهم أمان

ممكن يسببون مشاكل

الله يوفقك اختي

 

[لمعة سراب]

أهلك يخافون عليكِ لاتلومينهم

الدنيا تخوف مو مثل قبل

مافيه امان وماتدرين شنو يصير

ترى حتى الصديقات بهذا الوقت مالهم أمان

ممكن يسببون مشاكل

الله يوفقك اختي ​

آجمعين

حيآج

 

[تذكر خافقي رمحك]

اذا مايرضون
خليها اهي تيي بيتكم
او تطلعون مكان عام ، وامج او امها تيي معاكم

عاد ليما تصير بين اهلج والبنية معرفة وحزتها يعرفون طينتها عدل
وان شالله يسمحونلج انج اتروحينلها

 

[CUTIE-THUG]

امي ترضى لاني دايما اسولفلها عن رفيجاتي و شذي احسها تعرفهم اكثر مني هههه و لو وحدة مو واثقة قيها وايد تقولي عزميها البيت و اذا ارتحتلها اخليج تروحين عالاقل البيوت استر من المجمعات و الاماكن العامة و ناخذ راحتنا ​

 

[لمعة سراب]

امي ترضى لاني دايما اسولفلها عن رفيجاتي و شذي احسها تعرفهم اكثر مني هههه و لو وحدة مو واثقة قيها وايد تقولي عزميها البيت و اذا ارتحتلها اخليج تروحين عالاقل البيوت استر من المجمعات و الاماكن العامة و ناخذ راحتنا ​

هههههه

حبيبتي فديتج

نوورتي

 

[jod.q8]

بالنسبه لي .. لا , امي ما ترضى اروح لبيت احد ثاني
حتى لو نعرفهم عدل و يصيرون لنا ,

 

[Vdieta]

انا مآاحب كلش لروح لرفيجاتي

اهما يجوني احسن شئ

 

[لمعة سراب]

بالنسبه لي .. لا , امي ما ترضى اروح لبيت احد ثاني
حتى لو نعرفهم عدل و يصيرون لنا ,

يصيرونلكم معناه صلة رحم المفروض تروحون


ومشكوره على رآيج..!

 

[بولندية]

حبيبتي شكلج بالثانوية انا لما كنت بالثانوية كنت كله اقول ليش و ليش بس لما كبرت عرفت انهم يبون مصلحتناااا و يخافون علينا و اذا ان شاءالله صار عندي بنات اكيد بخاف عليهم ولا راح اخليهم بروحون =)

واكيد انتي بعد =)

وانا عن اهلي امي ما خلتني الا لما تخرجت وتزوجو رفيجاتي صرت اروح حق اللي توها متزوجة و لا وحدة تكون والدة عرفتي

بس لما ملجت كنت بروح حق رفيجاتي 2 والدات ساكنين بالقرين وامي ما خلتني بروحي راحت معااااي يعني شوفي حتى لما كبرت وتزوجت ما خلتني الله يخلي لنا اهلنا يارب . .

يعني لا تلومينهم و لكل شي نهاية ان شاءالله تزوجين وتروحين كل مكان تبين وموفقة حبيبتي =)

 

[مآمآتي]

انا كلش اهلي مايرضون عادي يزورني بس ما اروح لهم إلا ومعاي وامي وماطول بالكثير بوساعه واحد ينطرني بر


بعد انا الحين مملجه وزوجي همن ما يرضى

مادري ليش لووول

بس اروح لأستقبال ولاده لرفيجتي اشياء جي وماطول مايرضون

واحنا حيييل متشددديييين عرفتييي


ولاااازم من نفس القبيله

 

[محتاجه حنان]

عادي يا الغلا حتى انا اهلي ما يرضون وبالعكس عادي عندي لان ما احب ادخل بيت يعني غريب ما اعرف اهله .. امي من كثر ما اسمعت سوالف اتخاف لروحتنا لرفيجاتنا .. تقول اذا تبين ناديهم عندج بس هم ما احب .. الجمعه بالجامعه تكفي صراحه

 

[Şhώasha . . ~]

انا لو عنديُ بنت بخليها بس لازم اعرف رفيجاتها عدل !
وامي وابوي فالبدايه كانوا مايرضون بعدين صار الامر عادي ..
وبعدين شفيها لو رحتي بيت رفيجتج عاد ترا ! ، الدنيا صح تخوف لكن مولهدرجه !!
اذاعندها اخوان شباب او شي ، نقعد نصك على روحنا او بغرفتها نسولف ونضحك
بس مع ’آكيييد ، لان ابوي يسئلني عن البنت ابوها لازم اسمه الكامل لوووول واذا ماجاوبت يهاوشني اجباري
مشكوره ع الموضوع ويعطيج الف عافيه

 

[احلى فـراولـه]

انا اول شي ما كانو يرضون بس لما تخرجت من الثانويه صرت اروح لهم بس لما نتيمع كلنا بيت وحده فينا
وامي تعرفهم عدل و اسولف لها عندهم ومرات نتيمع باي مكان عام واذا رفيجتي تزوجت ولدت ولا نروح عندها
بس صدقيني الاهل وااايد يخافون على بناتهم من جذي مايرضون انا اول كلش مستحيل يرضون واختي الحين عمرها 15 ايونا رفيجاتها واهيا تروح بس نااااااادر ولازم امي معاها اما انا بروحي ونكون بروحنا بدار ماكو ياييل ولا احد

 

[classicyah]

اممم ،

على حسبْ ،

يعني قبل أيآم الثآنويه ، كنت أروحْ عشآن عندنآ بروجكت و جيه ،

و بعدْ الثآنويه ، سوينآ عزيمه و اتميعنآ كلنآ ، بنآت كلآسنآ ، و رحت ،

عآدي ، اتخليني اذآ فيه عزيمه و جمعة بنآت أو فيه سبب ،

أمآ بروحيْ أنآ ، و مب جمعة بنآت ، و أروحْ بس عشآن أسولف ، أنآ بروحي الي أرفض

و أساساً أنآ ألحينْ أدرس في الجآمعــه ، و سآكنه في سكن الجآمعه ،

و عآدي اميه وآثقه فينيْ ، ووآثقه بالبنآت الي أرآبعهمْ ،

و آلحمدلله ، عآيشه و مآ اختربتْ ،

مع اني عآيشه بعيد عنهم ، و مآ أرجع البيت الآ بالويكند !

و شكراً ،

 

[Blonde B]

اختي عادي هي بالمتوسط وتروح بيت رفيجتها اذا سوت يمعه
ومره هي سوت يمه لهم ببيتنا والاغلب يو
وكلهم بصفها
وانا قبل كنت اروح يوم كنت بالمتوسط والثانوي بس مو وايد
لان ماكنا حييل عرفتي
الحين انا مدرسه وعادي كذا مره رحت بيت رفيجتي ومره عزمتهم
عادي