ترجاني اطلع من بيتهم :(((

[ثلجه]

السلام عليكم بنات

انا بدش بالموضوع على طوول لاني احس اني امشوشه :eh_s(2):

بنات انا صارلي 7 سنين متزوجه و عندي ولد و بنت الله يحفظهم و علاقتي الزوجيه علاقه عاديه و طبيعيه ماتخلو من المشاكل

الموضوع اني احس ان ريلي مايحبني ودايما يسوي من الحبه قبه كل صغير يكبره كل موضوع تافه يصير منه موضوع كبير و انتأزم بس عمري مارحت لاهلي او شكيت لهم و انرد طبيعين الحمدالله بس صارله فتره كله يقوللي ذلفي بيت اهلج و ذلفي بيت اهلج على اتفه شي ليما امس صارت مشكله على شي سخيف واكبرت لين اوصلت ذلفي بيت اهلج مره ثانيه و قاللي اصلا ملليييييت من كثر ما اقوللج و ارد القاج موجوده بالبيت !!!! انا انصدمت و حلفته اذا صج يبيني اروحح !! قاللي والله ابييج اتروحين و انا ما احبج و صارلي سنه مو بالعج و انتي تدرين بهالشي :eh_s(2):

انا خذيت اغراضي ورحت بيت اهلي مع اليهال بس امي حست و تضايقت و قالتلي المفروض ماتطلعيييين .. و على فكره اهوا قبل جم يوم ماد ايده علي و امس اتهمني يقوللي ليش كله اتقولين ماعندج فلوسس !!! معني ماطلبت منه فلوس قتله انا ماقدر ادفع تصليح سيارتي ماعندي هالشهرين جان يسويلي تحقيق انتي وين اتودين فلوسج صارلج سنين كله ماعندج معني انا اشتري حق نفسي كلللل شي و اخر شي قاللي اكيد اتعرفين واحد و ماسك عليج ممسك و يهددج و تدفعينله !!!!!!!!!

المهم قفضت اغراضي و طلعت و انا منجرحه ,, شسوي الحين شلون اتصرف اذا عمي دق علي اكيد راح يفقدني و اهلي محد يدري بالسالفه بس اخواني حاسيييييين

 

[[[ عيون جابر ]]]

لا حول ولا قوة الا بالله
الله يهداه بس
انا اقول لاتردين له الحين خليه يفكر ويراجع نفسه وانتي بعد فكري وكلمي الوالد يكلم عمج ويكلمونه يشوفون شفيه عليج
واذا من صجه مايبيج وطاردج بعد ما على مثله حسافه الله يسمح دربه وانتي عزي نفسج ومرده بيعرف غلطته​

 

[G!RLooNa]

يقولج ذلفي بيت اهلج و كل ما ارد القاج مليت !! لا هذي تهون هذا قاعد يتهمج بشرفج !!!!! و مد ايده عليج

شناطره ليش ما تقولين حق اهلج !!

باجر بعد يقولج هذول مو عيالي شوفي من منو يايبتهم !!!!

 

[ام زاكي]

لاتردين كرامتج الزم ماعليج ونشالله يحس بغلطته ويفقدج ويرجع لج مره ثانيه

شكلج طيوبه وحليوه وهذا الي يبط الجبد الرجال الي مرته نسره يركض وراها والطيبه الي شايله بيته

ومتملته يلعب فيها

 

[مملوحة_الوصايف]

مو كفو الصراحه اسمحيلي اسلوبه مثل ويهه شنو ذلفي وكل ما ارد القاج هذي اشكره طرده امبي عيب عليه عشرة 7 سنييين مو شويه مادري شقولج روحي حق اهلج او لا ترديله بعدين اهو ما ياب طاري طلاق او جذي ليش بس يبيج تطلعين من البيت يعني شنو اخرتها !!! والله خليه شويه يمكن اهو مل لانج كل مشكله ما تزعلين ولا تسوين شي وتهدين البيت خليه هديه شويه خل يحس بغيابج والله يعينج حبيبتي

 

[kuwaitya_zoGaa]

حبيبتي ريلج شايف له شوفة

 

[• JoJo •]

الله يعينك

 

[انا لحبيبي .]

لا حول ولا قوة الا بالله العلي العظيم ،

حبيبتي في اراء رح تفيدك واراء تشوش تفكيرك ، ما تتخذي بالوقت الحالي اي قرار

وانتي معصبه ومدايقه حاولي رتاحي ، وصلي الفجر وفكري بعد صلاة الفجر شو

الحل الامثل ، ولازم اخوانك يعرفو عشان يوقفو معك ويوقفو زوجك عند حده اذا

صار شي ، لانه مرات الانسان بكتم بقلبه بفكر انه رح يحل مشكله ، بس مو عارفه انه الصمت مرات بجيب مشاكل اكتر من العاده .


الله يهدي بالك يارب حبيبتي ويصلح الحال ،

 

[ماني من الناس]

كل شي ولا الشرف

شنو يعني اكيد تعرفين واحد

لا يبيلها وقفه من اهلج

 

[ام كوشه منكووشه]

الله يعينج ويفرج همج ان شاءالله
حبيبتي نطري شوي لين تهدى الامور وزوجج يراجع نفسه ويحس باللى سواه تالى قعدى تفاهمي وياه مع اهلج

 

[بخـــارى]

السالفه بصوب
واتهامه لج انتي اتعرفين احد بصوب

السالفه ماينسكت عنها دخلي الرياييل فيها

 

[مـزآج ــــية]

طاردج اشكره و يقول تعرفين واحد و يطق بعد !!

يا يتسنع و يصير ادمي يا فرقاه عيد الصراحة

 

[Nicki Minaj]

خيولي يمعوده .. وحده من الثنتين يمكن كل ما تتمشكلون يلقاج بالبيت فزهق .. خليه يحس بغيابج ولما يفقد الشي يعرف غلاته .. وقولي حق أهلج قبل لا يطلع سالفه اهوا ويلزقها على ظهرج .. قولي الصج قولي انا مادري شسالفته علي طلعي وطلعي قولي كل شي لا تخشين .. أو يمكن صج شايفله شوفه ما يندرا حبيبتي ..
خلج بيتكم عزي نفسج ألزم ما عليج كرامتج وانتي على نياتج وشكلج حبوبه وتصونين العشره بس اللي مثل هالاسلوب رخصي العشره نفس ما أرخصها والله يكتب اللي فيه الخير

 

[اهداب]

ليش ما تقولين شلون تصرفين راتبج .. وقولي اصرف على الصالون وملابس ومصاريف ثانية ..الخ

( قولي انت جم عندك بالبنك.. من راتبك ؟)

بعدين اذا قال روحي للبيت اهلج لا تروحين ( قولي هذا بيتي وانت اهلي )

وبعدين ما طعن بشرفج يبي يعرف وين تصرفين راتبج وانتي ساكتة :_ ( ومجتمع الرياييل غير و سوالف الرياييل اكثرهم عندي رفيجتي متزوجة ووموظفه : ويابت لي نظارة او عطر او اي فووون ..)

 

[لولو برونزاج]

دخلي رياييل بالسالفه !!!!!!!!!!!!!!!! @@
شناااااااااااااااطره ؟؟؟؟؟؟؟؟؟

قولي حق اخوانج !!!
اي شي شالسالفه يتهم شرفج ويمد ايده
ولا بعد ياريت على سنع
اهوو الغلطان
وهم فوق هدا طاردج من بيتج بـــيتج !!!! @@
مو من صجه :/

استغفر الله ياربي يهالناس
مابي احط بذمتي
بس يمكن شايفله شوفه؟
او انه مسحور
مادري لان مستحيل يتغير فجأه جذي!!
اوكي تصير هوشات بين المتزوجين بس هاذي المرحله خطيره اللي قاعدين تمرون فيها

اسمحيلي بس تطلعين صج صج صج غــــــــبـــــــيــــــــه اذا
ما قلتي حق اهلج واخوانج
قوليلهم كل شي
انتي صج مراه
بس عندج اهل و سند
وهاذي فايدتهم وقت حاجتهم !!


الله يعينج صراحه شي يغث

 

[نونه المنكوشه]

والله مادرى شقولج لكن الزم ماعله الانسان كرامته والله يسرلج امورج ويصلح حالج

 

[Tom ♥ Jerry]

.،


لا حول و لا قوة الا بالله العلي العظيمـ :/ !

الصراحه ريلج يجرح ! كلآمه وآيد جآرح ! و محد يستحمله .،
شوفي قولي حق آبوج هالـ كلآم
صراحه هاذا كلآم مآ ينسكت عنه قاعد يطعن بـ شرفج !

خل ابوج يتفاهم معآه ! مآ تحبها طلقها بس مو كل يوم
تسمعهآ حجوة مثل راسج ؛@ !


صج يبط الجبد !

 

[sosa_23]

الله يكون بعونج ومادري شقولج بس لازم يتأدب و لازم تقولين حق اهلج
اكثري من الاستغفار والدعاء
الله يفرج همج و يشرح صدرج

 

[ShaGRa NoiSya]

يقولج ذلفي بيت اهلج و كل ما ارد القاج مليت !! لا هذي تهون هذا قاعد يتهمج بشرفج !!!!! و مد ايده عليج

شناطره ليش ما تقولين حق اهلج !!

باجر بعد يقولج هذول مو عيالي شوفي من منو يايبتهم !!!!

معاها :rerrerek:

صراحه انا حيييل انغثيت عيل انتي شلون متحمله

كلمي اهلج وقولي لهم لازم يوقفون معاج

 

[عبير-الشرق]

حياتي لازم ادخلين اهلج بالسالفه شدعوه عليه كل ماتهاوشتو قالج ذلفي يت اهلج وليش يقول صرلي سنه مو بالعج في شي غيره يمكن في وحده ملهيته عنج انا ماابي اشككج بس لازم تبحثين ورا هالموضوع وماتفتحين مجال لوحده تاخذه منج ولازم اهلج يوقفونه عند حده من ناحيه يمد ايده عليج عشان مايتمادى باجر تخف ايده ويطقج جدام عيالكم