تربيه القطوه

[لياليـ]

السلام عليكم
بنات أنا باجر بروح اشتري قطوه جوفي شنو المواصفات او شنو اللي يشتري لها:
باخذ أنثى شيرازيه شهر او لونها متحيره بين البيضا او الملونه
هذا كان بنسبه لشكلها
الحين الأغراض اللي بأخذها
فراش
شامبو
اكل معلبات
لتربوكس
سله البلاستيك للسياحه
مشط الخاص
رمل طبي
طاسه للاكل





الحين الاسئله:
أخذ بيضا ولا ملونه بالأصفر او الابيض؟
شلون اعلمها على اللتر بوكس؟
او باريت وحده خبره اتقولي كلشي من الألف لي الياء من جميع النواحي لانه هذا اول حيوان إربي
مشكورين مقدما
*

 

[VET-Nour]

>> أهم شيء آنج تمسكين حيوانات و ماتخافين منهم ععشآن مآ تتوترين لمآ تتعآملين معآههًآ ,!

أخذي ملونه آححلآآ تفتح النفس مو بيضه ,
و بالنسبه لعمر القطوه , لآ تاخذين شهر , اخذي شهرين [ لأانه بتكوننً معتمده علآ نفسهآ و آنتي أول حيوآن لج تربينه <~ يمكن تكرهج بالحيوانات لآنج راح تتوترين و انتي تتعاملين مع قطوه ماافطمت ! ]
اللتربوكس مو لآزم تعلمينها , حطيها فيه و اهي بتشمه ,
انا ماعمري دربت قطوه ع اللتر صرآآحه , لآنه كل القطاوه الي صآدفتهم يعرفون يستخدمونه [ حتا قطاوةة الشوآرع ] ,

ألأكل , عطيههُآ أكل الصغار , أنآ أشتري فريسكآس حق ألصغار يحبونههً <~ بس القطوه الي عليه جيكره احس راسها كبير هههههههآآي ,
المهم ,
القطوه لا تطلعينها من دآرجج كلشش خليها 3 ايام [ ليلتين ] اب دارج ,
و اذا شفتيها تناقز بأماكن عاليه خليها عاادي
و لما تودينههًآ دآرج افتحي القفص [ الحماله ] و اقعدي ؛~ لازم عالارض و جنها مو هامتج او مالها وجود [ عااد مو تنسدحين و تصيرين كلاون اقعدي عادي ] و بتشوفينها تتحرش فييج تمسكج تنقز عليج ,
لاتسوين اي حركه مفاجأه <~ سآلفة القعده عشان تخلينها تتحرش فيج و ينكسر حاجز الخوفُ ~

و حطيلها ماي و اكل ,
<~ الصبح عطيهآآ حليب خآلي الدسم [ خل يكون دافي مو بارد و لآ حآر ] لانه احنا بالشتآآ,
و الارضض خل يكون عليها زوليه عشان ماتقعد ع الارض,
و أهَم شيء قبل تاخذينههآ فحصي شععرهآ [ لايكون فيه دوائر كبيره او صغيره فاضيههُ مافيها شععر ] ​

 

[ZAMessi]

الاكل وكليها دراي فوود مو معلبات لان الwet food يسبب سهال
لا تاخذين ويسكاس كلش ملش
اشتريلها treats بس مو تعطينها الا لما تصير شهرين على الاقل *
اشتريلها شوية العاب
خليها بالغرفة لمدة يومين او ثلاث لاتطلعينها
الليتر بوكس اول ماتيبينها حطيها باليتر بوكس بين مدة و مدة ردي حطيها مع ان قطوتي تعلمت من اول مرة بس احتياط احسن
مو تشربينها حليب خليها تشرب ماي احسن لان تسوي سهال ساعات
امممم قصي اضافرها اذا طوال لان راح تشمخ طبعا مو عمدا اهي جذي تلعب و ساعات تعض بس عضتها ما تعور
السباحة انا انصحج تودينها بيطري يسبحها و تشوفين شلون يسبحونها عشان تتعلمين او من يو تيوب
امممم و من تصير شهرين تودينها تطعمينها
لما تصير شهرين ابدي دربيها على اسمها طبعا تعطينها تريت او جبن مربع خالي الدسم (المراعي) زين المهم تنادينها باسمها و بيدج الجبن (قطعه صغيرة حيل) او التريت (قطعه وحده بس) لما تيي تعطينها و كل يوم جذي بعدين راح تتعود على اسمهاا بس طبعا اهي مو مثل الجلب متى ما ناديتها يتلج لا القطوة شوي شايفة رووحها لوووول
بس ما اوصيييج مو تشترينها بعدين تبيعينها ولا شي تقولين ماقدر عليها حرام لان
اهم شي تكونين قادره انج تودينها البيطري و جذي لان ماتدرين ساعات تصخن و تمرض ف انشالله تكونين قادرة تودينها بين مدة و مدة عشان يجيك عليها

 

[لياليـ]

اوكي مشكورين بنات بس انا راح ااذيكم بالاسئله اسفه انا امي مااتحب الحيوانات فقاعده اتكرهني فيهم بس ابوي راضي بياخذلي قالت لي :
القطاوه فيهم ينانوه انا اهني مت خوف قلت لو اقعد معاها بروحي يما يما
او انا الصبح اروح المدرسه او الكلللل دوام ماعدا الخدم فشسوي اذا رحت المدرسه احبسها او اذا حبستها بتصير وحشيه

 

[ZAMessi]

اوكي مشكورين بنات بس انا راح ااذيكم بالاسئله اسفه انا امي مااتحب الحيوانات فقاعده اتكرهني فيهم بس ابوي راضي بياخذلي قالت لي :
القطاوه فيهم ينانوه انا اهني مت خوف قلت لو اقعد معاها بروحي يما يما
او انا الصبح اروح المدرسه او الكلللل دوام ماعدا الخدم فشسوي اذا رحت المدرسه احبسها او اذا حبستها بتصير وحشيه

اذا امج مو راضية اتوقع ماراح ترضى تتمشى بالبيت و بجذي اهي بتكون محبوسه اساسا لووول
لا وي شحلاتنا احنا كل وحده عندها قطوة مافيهم الا العافية امي حاولت تقص علي في هل سالفة لوووووول
ولا ماتصير متوحشة صدقيني من تروحين بتحط راسها و تنااام لين ترجعين لان القطو ينام على الاقل 15 ساعة طبعا انا قطوتي 20 ساعة و اربع ساعات تلعب ههههههههههه
انزين بما انج بالمدرسة يعني ماتسوقين عدل؟ في احد راح ايودي القطوة البيطري بين مدة و مدة؟ اذا عندكم سايق يكوون تمام جذي
و ماتأذينه ولا شي عااادي حبيبتي :d

 

[لياليـ]

اي البيطري بخليها كل ٦ اشهر
منوره

 

[لياليـ]

انزين عادي أحط لها رمل الحديقه يعني مو شرط طبي او المشط اي مشط ولا مشط خاص فيها

 

[لياليـ]

او الالعاب مثل شنو

 

[لياليـ]

او جم مره اسبحها أنا قلت اول ما اخذها اسبحها او بشهر مره او بالاسبوعين مره

 

[لياليـ]

اب
اب

 

[VET-Nour]

انا عندي 8 قطاوه مافيهم جن < امي دايما تقول فيهم جن
و طبععآً كله جذب تبي تخرعني لانها ما تحب الحيوانات ,
خنأقولج سآلفه و آنتي آحكمي
قطاوتي الصاحين vs قطوة مرت عم امي الي فيها جني​

يقولج قبل 13 او 14 سنه ّ, مو ذاكره بالضبط جم سنه امي قالت ,
مرت عم امي كان عندههُآ قطوه عمرها 3 اسنين و مربيتها من عمرها شهرين ’
مره كان عم امي طالع و مرته قاعده بالبيت بروحها و معاها قطوتها
و كانت غافيه , جان تسمع حس رجآل :/ اهيا اخترعت !! و الحين انا قاعده اخترع ليشش ماادري
هههههههه المهم , لفت علا الباب و لآ تششُوف قطوتها واقفه عند الباب و تتكلم بصوت رجال :|
و مرت عم امي طلعت من البيت ابملابسها حتا ملفعها مو حاطته عليها و اهيا تصرخ و تبجي و تركض بالشارع لي بيت جدي
..
و صجج سآلتها عن السالفه قالت صج و أحلفت , و قالت انها قطت القطوه ,
و بعد قطوة رفيجتي سوريه تقول ان قطوتها ضاعت و راح اخوها كبير يدور القطوه ..
و لقاها تحت السياره قاعده و والده , جان تناديه باسمه و تقوله وخر
اهو قاع يقول اسمه و وخر !!
و الولد الحين بمستشفئئ المجانين بس شنوو طلع!
رفيجه مسوي فيه دقه شاف انه قطوته والده و انخش ورئئ السياره و قاله وخر !,
و لي يومجج هذا الولد يقول اسمه و وخر .​

كسر خأطري ؛ ,
-
و بس
الرمل خليكون طبي احسن و انظف و عشان الامراض ,
الالعاب تلاقينهم بمحلات الحيوانات ,
و السبوح بالشتا كل شهرين مره عشان ما تمرض و الاماكن الي متوصخه امسحيها اب فوطه فيها ماي دافي ,
و الصيف مره كل شهر ., ​

 

[لياليـ]

مشكوره حياتي او اي سؤال ياادش موضوعج او اكلمج بالخاص

 

[ZAMessi]

اي البيطري بخليها كل 6 اشهر
منوره

اي زين و من تحسين شوي متغيرة كتبي موضوع هني عشان نساعدج

 

[ZAMessi]

انزين عادي أحط لها رمل الحديقه يعني مو شرط طبي او المشط اي مشط ولا مشط خاص فيها

لاااا طبي احسن عشان لاتمرض و صدقيني ماتبينها تمرض لوول
مشط خاص فييها لازم و مشطيها كل يوم خليها تتعود لان من تهدينها و ماتمشطينها اول شي بتطيح شعر و ثاني شي راح تاذيج اذا ماحست ان روتين

 

[ZAMessi]

او جم مره اسبحها أنا قلت اول ما اخذها اسبحها او بشهر مره او بالاسبوعين مره

لاتسبحينها و اهي عمرها شهر مايصير نطريها تصير شهرين و بعدين سبحيها
بالشتاء كل شهرين مرة عشان لاتمرض
بالصيف انا عن نفسي كل سبوع او سبوعين اسبحها لوول
و الالعاب مثل فيران صغار, كره صغيرة
اي و اشتريلها مال التشمخ يكون مثل عموود عشان تشمخة
كل هل اشياء تلاقينهم بACE hardware