تربيت الهامستر من الـــــa-z (الجزء1)

[حصة]

بنات ابي هامستر روسي بس بموقع بالنت من وين مالي خلق اطلع افتر ؟

 

[AmOoNa-]

حصه والله مادري ومايحتاي تفترين بس سوق الحمام ولاكلمي بوعبدالرحمن يمكن يدبرلج


بنات في صوره بالموضوع قفص طويل بحديقه داخله ببغبغاء كوكاتو تره الصوره هذي يا انه بالغلط يا انه الموقع نفسه مبدل صوره القفص اللي حطيته بصوره قفص كوكاتو اتمنى من المشرفه تحذفها وشكرا

 

[ميااااار]

والله دخلتيه بمزاجي بس اخاف منهم لكن شكلهم يجنن

بس ماادري وين الاقيه بالسعوديه شمال المملكه

 

[بنت رؤس القبايل]

اناااااااااااا عندى هامستر روسي عجيب ,,,,
واللى تسال عن سعرة تقريباااا 13 او 15 ما اذكر والله

 

[فيفاstop99]

ابي واحد نفس هذا اهيء اهيء


يعطيج العافيه لنا عوده

 

[dady's girl]

انا ودي اربي هامستر واهتم فيه وجذي بس رفيجتي خرعتني
كان عندها هامسترين ذكر ونثيه لقت الذكر عاض راس النثيه عقب جم يوم! فماادري شلوون جذي يعني اذا باخذ هامستر ماابي اخذ واحد بس حرام برووحه جذي وهم اخاف اييب ثاني ويعضون بعض ولا يتعورون

 

[brat]

مشكورة عالموضوع خصوصاً إن توني شاريه هامسترز

بالنسبة حق القفص آنا عندي بو بايبات فعلاً يطلع ريحه والمشكله إن الهامسترين اللي عندي حاطين عشهم بنص البايب مع إن عندهم بيت فسؤالي: شلون أعودهم يقعدون ويعششون بالبيت؟

ملاحظة: البايبات اللي عندي الحلو فيها إن فك وتركيب ويصير نصين فتنظيفه سهل لكن مشكلته الريحه.

ومن وين القفاصه اللي بو جنطه؟ في محل معين؟

وشنو أحسن نوع أكل ما يكبر ضروسهم؟

وإذا بشيلهم شلون؟ ريلي يقول شيليهم من عتراهم لا تفقصينهم بس أخاف أعورهم. ومتى يبدون يتعودون عالواحد؟

وسوري على أسئلتي الوايده

 

[daloo3ah]

اول شي ..

Daddy's Girl ... اخذي النوع الروسي وما راح تحوشج هالمشاكل هاذي كلها ..

و

brat

شلون أعودهم يقعدون ويعششون بالبيت؟

من الافضل انج تصكرين الانفاق وتحطين لهم بالارضيه مالت القفص 3 قطع من الانفاق .. هم اسهل للتنظيف هم علشان ما يتعودون ينامون فيه .. وهم علشان الريحه تخف ..

ملاحظة: البايبات اللي عندي الحلو فيها إن فك وتركيب ويصير نصين فتنظيفه سهل لكن مشكلته الريحه.

نظفيه بالاسبوع مره بماي حار خليه يجري فيه لفتره .. و بعدين مع اسفنج و ديتول مخفف بالماي .. فركيه من داخل .. الشغله متعبه بصراحه علشان جذي اقولج صكريهم وحطيلهم جم قطعه بالارضيه .. انا كل اقفاص هامستراتي جذي

ومن وين القفاصه اللي بو جنطه؟ في محل معين؟

انا عندي واحد وترا مو ذاك الزود كلش مو عملي و مو حلو .. حدهم صغار يمكن طولهم 30 سانتي بــ 15 سانتي العرض .. هذا الحجم الاكبر .. عندج الاقفاص العاديه بو دورين وبو ثلاث ادوار او حتى لو دور واحد وااااايد حلوين حق الهامسترات ..

وشنو أحسن نوع أكل ما يكبر ضروسهم؟

اخذي اي نوع بس احسن انواع الاكل تلقينه عند محل رقم 11 في سوق الحمام موجود في علبه كرتون صغيره وعليها صورة الهامستر وسعرها 1.5 نفس سعر الجياس .. بس مكونات الاكل داخل القوطي يقول احسن من الانواع الثانيه ..وماكو احد يكبر الضروس لووووول .. بس يمكن انتي فاهمه غلط .. اهمه نمو اسنانهم ما يوقف .. فا قولي حق البياع تبين ( كـــلس ) أو ( كالسيوم ) هذا هم يعوض عن نقص الاملاح بالجسم + يساعدهم انهم يبردون اسنانهم فيه ..

وإذا بشيلهم شلون؟ ريلي يقول شيليهم من عتراهم لا تفقصينهم بس أخاف أعورهم. ومتى يبدون يتعودون عالواحد؟

افضل طريقه انج تشيلينهم تحطين ايد تحتهم و إيد فوقهم علشان تتجـــنبين انهم يطيحون او شي .. و اهم شي لما تشيلينهم تكونين قريبه من الارض لانهم ما يحبون احد يقيد حركتهم و بسرعه يتحركون و في احتمال انهم يطيحون من ايدج .. فا ديري بالج ^_^

ويتعودون عليج على حسب شكثر انتي تقعدين معاهم وتجابلينهم وتعاملينهم عدل .. بأسبوع بالنسبه لي .. تعودو علي هامستراتي .. بس في احتماليه انهم يتعودون عليج بأقل من اسبوع ..

وموفقه انشالله وأي سؤال احنا حاضرين .. ^^

 

[dady's girl]

يعطيج العافيه دلووعه
انزين انا الحين بشوحيني بأقرب شي يمج ادري هههه
اذا ابي اغسله شلون؟
ولازم اذا خذيت نثيه اييب لها ذكر؟ ولا مافي مشكله لو صار عندي هامستر واحد بس؟
يعطيج العافيه خيتوو

 

[daloo3ah]

لااااااااااااا لا تغســـــــــــلينه أبد ابد ابد ابد ابد !! ولا تفكرين حتىىى

يموت بالماي لوووووووووووول !!

حطي له بالقفص طاسه بلاستك فيها رمل وبدليها باليوم مره أو بالاسبوع مره ( اذا كان روسي ) >> او حتى سوري انا اتبع الاسلوب نفسه مع النوعين .. واهمه بروحهم ينظفون نفسهم فيها وماله داعي السباحه ولا الغسيل ولا شي ! وديري بالج ترا الهامستر بسرعه يمرض ويستبرد ..

وووو اذا تبين هامستر واحد .. انصحج تاخذين النوع السوري >> نثيه .. وماراح تحتاج ذكرها .. بس لا تاخذين الذكر لانه يحتاج نثيه من فتره لفتره ..

يريت افدتج وهذا الي اعرفه على حسب معلوماتي ^_^

 

[dady's girl]

لا بعد عمري كفيتي ووفيتي ماقصرتي والله
بس مره قريت هني ان السوري مفترس << سوته مفترس هههه
القصد ان يعض او شي جذي
وانا ابي شي مسالم لاني خوافه بصراحه

 

[daloo3ah]

لا حرام لا مفترس ولا شي لووووووووووول شنو اسد !!

السوري يبيله احد يعرف يتعامل معاه مو اي احد يقدر يربيــه انا الصراحه مو قادره عليهم ^_^ .. و بالغصب الحين توهم توهم عقب شهرين تعودو ياكلون من ايدي بس للحين يخافون ..

حلو النوع السوري يهبل و يضحك والوانه تهبل .. بس صعب ومتعب بصراحه .. خاصه انه كل واحد بقفص ..

انا افضل الروسي اكثر ..

 

[dady's girl]

عيل ماكو الا اخذ روسي ذكر ونثيه شرايج؟

 

[daloo3ah]

حلو .. والله وايد بتستانسين منهم ..

 

[يا حبني لك.!]

الله انا اموووووووووووت بشئ اسمه هامستر
بس للاسف........
امي ما رضت اشتريه تقول لما تخلينه عندج يجيب (((مرض الطاعون)))
لأنه نوع من انواع الفيران..!
بس الحين اقتنعت لان ماكو احد ما عنده هامستر مو ما شفنا احد جاه
هالمرض الله يكفينا شره...

بكره بروح سوق الحمام و بشتريلي روسي..!!
ونـــــــــــــــــــــــــــــــــــاسه محد قدي..

 

[daloo3ah]

يا حبني لك .. سوي سيرج و كل مكان بتلاقين انه 100% ما يسبب الطاعون .. واهوه اصلا مو من فصايل الفيران ^_^ وري امج وانشالله تقـــــــــتنع ..

 

[يا حبني لك.!]

ان شاء الله......
انا قلت لها انه مو من فصايل الفيران بس مو راضيه تصدق
لان اختي الكبيره بعد قالت لها انه فار...
و امي تقول
هذا فار
بس ذرب...^_^
هههههههههههههه
الله يهداها و ان شاء الله ما تنصدم و تزعل اذا خليت ابوي يشتريه من غير ما تدري.!

 

[Dare to challenge]

جزاااااااااااكم الله الف خير صرااااااااحه وااااااااااايد اكتسبت خبره في تربيت الهامستر

 

[Japanese]

مشكوووره وايد

انا شريت من قبل تقريبا همسترين او 3 ماذكر والله المهم

خل اقولج شسويت فيهم :/ !! >> ترا ليحين ضميري يآنبني ع اللي سويته

اخبر اثنينهم خذتهم وانا بآعدادي يعني ياهل << بديت اطلع اعذار لعمايلي السوده خخخ

واحد منهم ماخليت شي ماسويته فيه !! اوبييييه ماصدق

شقرت شعر ضهره وكنت اسبحه كل كم يوم وعلييييييييييييييييه =( لعبت ف حسبته عدل

المهم الين شرد بالحوش :/ !!

الثاني ،، وديته وياي المدرسه بآيام الامتحانات ،، عاد يوم ييت باروح اللجنه توهقت وين احطه :/ !!

قمت دعسته بشنطتي وخليتها اشوي بس اشووووووي مفتوحه ورحت

ويوم رديت له ولا مسكين مخوضررر وصاير لونه بعد على بنفسجي ( اختنق ومات ) =( =(

وبس هاي قصتي مع الهامسترات ،، من زمان ابي ارد اخذ لي بس من اتذكر هامستراتي وعمايلي فيهم

يعووووورنيييي قلبييييي خخخخخخخخ

باجوف ان شاء الله هالآسبوع بامر ع محل الحيوانات ويمكن آخذ لي هامستر

واكيد بانزل لكم صورته

=)

 

[AmOoNa-]

مشكوورين كلكم عالمروووور ومشكوره دلووعه انج تردين على استفسااراتنا)

جبانييييييز حرام عليج بروحه نتفه ولاعبه في جذي