تراهم منحه &&&&&&&

[HearT ChocolaTe]

عسى الله يقر عينج بوليدج يا أم ناييف .. لا تقاطعينه بطلتج

 

[الصابرة المحتسبة]

رفع

 

[الصابرة المحتسبة]

رفع

 

[سمسومه الحبوبه]

مشكوره أختي الصابره
كلامك مثل البلسم الله لايحرمك الأجر
كنت في حال مايعلمها إلا ربي بس لما قريت كلامك ارتحت كثير
جعله في ميزان حسناتك يارب

 

[الصابرة المحتسبة]

العفو يالغالية
والحمدلله على كل حال

 

[الصابرة المحتسبة]

رفع

 

[الصابرة المحتسبة]

للتذكير

 

[دمعه ندم]

الله يجزاج خير ياصبوره والله يشافي ولدج يااااااااااااااارب ذكرتيني بولدي لمن كان يتشنج باليوم 7 مرات بس الحمدالله على كل حال

 

[فساتين فخمه]

صح لسانك

الله يشفي ولدك وبنت اختي وكل مريض

 

[الموهوبه]

السلام عليكم ورحمة الله وبركاته....


كل أم عندها معاق لا يضيق خلقها ولا تكدر ترى ربي ما اختارج انتي إلا فيه حكمه , يا تخفيف ذنوب ولا بيختبرج بتصبرين ولا بتجزعين, أدري انا مثلج أول ما تسمعين الخبر ان اللي في بطنج عنده إعاقة بضيق خلقج حتى لو بينج وبين نفسج انتي أم وكل أم تبي الصحة والعافيه لضناها, اهني يبين صبرج وقوة تحملج.
- حرصي على وجودج يمه وهو بأول أيامه ومهما تكون الإعاقة كافي انج تدعيله وتقرين عليه.
- لا لا لا لا لا يحبطج أي دكتور بالعالم مهما قال تفائلي وخلي الأمل جدامج تدرين ليش ؟ لأن ربج موجود سبحانه.
- احرصي ولا تكاسلين وتقولين تو الناس ولا بعدين تابعي حالته وعالجيها باللي ربج قدرج عليه أخذي بالأسباب وتوكلي ولا تواكلين.
- ولا تسمعين أي كلام من الناس اذا ما كان مصدر طبي وموثوق .
- اليوم يالله من فضلك كل شي متوفر وتقدرين وانتي قاعده بمكانج تعرفين عن الحالة والعلاجات الجديده من الأنترنت.
- وما يمنع اذا قدرتي روحي محاضرات ولا لقاءات تسويها الجهات المختصة واستفيدي.
- لا تستحين ولا تنزعجين انج تواجهين الناس فيه طلعيه ووديه له حق مثل مالهم حق.
- ركضي ورا حقوقه وشوفي شنو اللي له واللي عليه.
- احرصي على المدرسة من الحضانة لا تقولين البيت أحسن له أخاف يأذونه اتعبي على المكان الصح ووديه .
- دربيه على كل شي والأم هي الطبيب الأول للطفل تعرف شنو يحب واشكثر يقدر يساعد نفسه مع المتابعة بتنجحين.

بذكركم سالفتي مع دكتور أطفال الخدج : وانا بالمستشفى بعد ما مر 10 ايام على الولاده طبعا هذا كان أصعب موقف ان يمر اليوم وما تشوفين البيبي ...... ما قدرت أتحمل نزلت بالويل جير لأطفال الخدج وأول ما شافني الدكتور....... كان يقول : انتي جايه لمين ؟ رديت عليه بإبتسامه : جايه اشوف ولدي اللي حالته كذا وكذا . كان يرد علي بتهجم وبوجه مكشر: هذا لا يسمع ولا يشوف وراح يظل طول عمره متمدد على الفراش يعني حي وميت بنفس الوقت. عاد تصدقون وهذا من فضل ربي ومنته يالله لك الحمد ابتسمت وقلت: أأأأأأأأأبيه ولدي حبيبي مع انه مو البجر ولله الحمد عندي قبله عسى يحفظهم ويحفظ عيالكم المهم... رحت صوب الحاضنة وكل يوم أبي أشيله والستاف اللي هناك يمنعوني منعا باتا............... ليما شالوا منه أجهزة التنفس وما رضوا إلا لما ترجيتهم وقمت أبجي بس بشيله .......... كسرت خاطرهم وشلته وشلته وضميته ويا حلاتها من ضمه صج لي قالوا الضنى غالي يا عسى يرزق كل وحده ولا يحرمها آمين يارب العالمين تقبل في هذا اليو م المبارك,,,, وسميت عليه وتقريت عليه وعطيته .......... عشان يرضع اهني بجيت وقلت لك الحمد يارب ولدي كل هالتشوهات ويبي يرضع ولدي ما فيه شي ولدي ما فيه شي ولدي بيعرف وبتيحسن بقدرت واحد أحد الفرد الصمد اللي قادر على كل شي اللي يقول "كن فيكون " ما بين الكاف والنون .... وقعدنا من مستشفى ليما مستشفى وعملية ورا عملية .......... ولك الحمد والشكر راضيه بقضاء الله وارادته... ألحين أجمل عيالي وأحن واحد فيهم وعسى ربي يشفيه ويشفي كل مريض اللي عينه ماتنام آآآآآآآآآآآآآآآمين يارب العالمين.

انا وأعوذ من كلمة انا ما تجرأت وكتبت الا علشان الأمهات وخصوصا البجر انها تعلم وتصبر ولا يضيق خلقها ولا تكدر........ وتعودي انج دايم تبتسمين ......... وقوي نفسج ولا تضعفين تدرين ليش؟؟؟؟؟؟؟؟؟ لأن معاج ربي سبحانه ما يخلي عبيده.......... وليدي عسى ربي يشافيه ويشافي كل مريض أول حالة تشنج كنت مرتبكه وخايفه وما عرفت أتصرف وخرع الأبو....... شوي شوي ربي لك الحمد ألهمني اني ما أجزع ,,,,, لي تشنج احطله التحميله ووديه المستشفى وبالطريج اتقرى عليه واسمي لا أزعج ابونا واقوله اسرع وما تسرع عندي ربي هو الشافي المداوي اللي يقول كن فيكون الحمدلك يارب كل ما حطينا أول لقمة بحلوجنا تشنج وطرنا فيه برمضان ألحين ربي الودوود الرحمن الرحيم خفت منه بالشهر أربع ولا خمس مرات .... فيا أمي يا حبيبتي لا تقولين انا قلبي رهيف انا ما أتحمل لازم عندج قوة علشان تشيلينه وتوقفين معاه اهو بحاجتج والقوة اللي اقصدها مو قوة العضلات ولا الجسم قوة التفكير والتدبير الصح ........... وقولوا آآآآآآآآآآمين عسى ربي ما يضيع التعب ولا يحرمنا من رحمته .......

الله يجزاج خير ويشافي ولدج ويشافي بنتي ويشافي جميع المرضى ان شاء الله
ولي تعليق بسيط قالوا جميع الدكاتره ان مستحيل بنتكم تكتب بالقلم ممكن تكتب بالكمبيوتر وتجمع الحروف واصر زوجي انها تكتب وبلغ الدكتور ان يحط برنامج الكتابه من يوم الي 4 سنوات
والحمدلله بدات تكتب اسمها وبعض الاحرف والارقام خلال 6 شهور

 

[مواضي]

الله يجزاج خير يالصابره
ذكرتيني انا ولدي ماشفته الا سابع يوم من الولاده وانا الي رحت له بالويل شير وكان ياقلبي حاطين له الاوكسجين بالحاضنه بس قلت ابي
اشيله وشلته ياقلبي وقالولي ماراح يرضع ابد من صدرج وجتني اخصائية التغذيه علشان توريني وشلون احط اتيوب بحلجه بس مارضيت قلت راح يرضع من صدري قريت عليه وفتح حلجه ودموعي تنزل واطلب ربي انه يرضع ورررضع تصدقون الله رحمته واسعه هذا من غير التشنجات والحمدلله على كل شيء عسى ربي يشفيه ويعافيه واشوفه باذن واحد احد يمشي ويسولف معي
والله يشافي عيال المسلمين جميع ان شاالله

 

[الصابرة المحتسبة]

هلا بخواتي

عسى ربي ياجرنا ويمسح على قلوبنا ومافي شي عند رب العالمين صعب سبحانه يقول للشيء كن فيكون

 

[مباركيه]

صح لسانج وعسى ربي يزيدج صبر وايمان

والله يثبت كل ام عندها ابن معاق

والأجر عند رب العالمين

ومثل ما قالت الغالية الصابرة الله سبحانه له حكمة بكل شي يصيب الأنسان


قل لا يصيبنا الا ماكتبه الله لنا


ونحمد الله ونشكره على عطاياه

 

[الصابرة المحتسبة]

اللهم آمين

 

[الصابرة المحتسبة]

رفع

 

[شيخة الغيد]

الله يجزاج خير يا الصابره و يصبرنا على الشقا و يشافي عيالنا امين
اااااه قلبتي المواجع يا صابره شهرين ما نام بحضني من انولد

الحمدلله على كل حال و يشافي وليدي و عيالكم

 

[الصابرة المحتسبة]

أجمعين يارب

ويعل ربي يبلغج فيه ويشافيه