ترااا بوووق والا ماتدروون ؟؟؟؟

[monmon12]

السلام عليكم بنات ​

اول شي بس تذكير قبل لا ندش موضوعنا عشان الردود ​

أصلح المسيء بحسن فعالك ودل على الخير بجميل مقالك

الهدف نناقش مشكله وليس انتقاد شخصي وأرجو استئذاني قبل نقل موضوعي ​

نبدي بسم الله الرحمنالرحيم​

واللهم صلي على محمدوآله وصحبه وأزواجه المنتجيبن جميعا من غير تفريق واحشرنا معهم يوم الدين​

شخصيا تعرضت لسرقة أحد مواضيعي وتم نقله الى منتدى آخر من غير علمي ​

وانا عرفت لما كنت أسوي بحث للموضوع​

الصراحه احتريت حييييييل حيييييل حيييل​

وانا ما أسامحها لأن ما اعتذرت لي ولا حتى كتبت منقول ​

لأنه هذا الموضوع انكسر ظهري وانا اكتب وادور مصادر من المذاهب المختلفة وتفاسير الآيات ​

وكان في رأيي الشخصي وكتبته كلمه كلمه بنفسي​

لكن البنت هذي خذته وسوتله كوبي بيست مع حذف كثير من التفاصيل المهمه ​

لدرجه انه خذته حتى مع العنوان والتنبيه الي دايما انا احطه بمواضيعي ​

وكان الموضوع لأنه منقوص ظهر بصورة من انا الي كتبتها ​

سجلت في ذلك المنتدى واعترضت ومشكورين حطو على الموضوع منقول​

لكن يوم حطيت موضوعي كامل مثل ما ايهو جان يقولون لأ موضوعج مكرر ولو أنتي صاحبة هذا الموضوع وفي أشياء مذهبيه ​

اهني اكتشفت انه منتدى كويتيات الصراحه فعلا راقي وانا جدا جدا مستانسه اني عضوه فيه ​

لأن فعلا فيه الحرية بالتعبير حتى بالمواضيع المختلفة لكن من غير المساس بالآخرين ​

اهني انا قلت أوجه هذي الرساله حق كل شخص سواء بنت او ولد ​

الي ياخذون مواضيع ناس ويحطونه باساميهم ​

سواء كان مقصود او غير مقصود​

هذي تعتبر سرقه وحرام لاتقولون كلام وبس ​

لأ ​

سرقه لجهد الآخرين ​

لكن مو غلط انك تنقل او راي شخص عجبك لكن بشروط وآداب تحفظ حق صاحب الموضوع الأساسي​

شنو هذي الشروط:​

1- أستاذان صاحب الموضوع :​

لازم تاخذون موافقته بأي شي من الأشياء صورة او كلام او أي شي يعبر عنه​

لأن هذا يعتبر ملك له ومن حقه ان يرفض او يرضى ​

2- كتابة كلمة منقول لا تكفي أبدا :​

لازم تذكر من وين خذيت هذا الموضوع لأن بعدين وايد ناس راح يمكن تنقل وتنقل وتنقل وراح يضيع صاحب الموضوع وجهده اذا لازم تذكر من هو صاحب هذا الفكر ومن وين خذيته​

3- نقل الموضوع كامل من غير حذف او تعديل :​

واذا تم الحذف او التعديل لازم انه ينكتب بالموضوع انه تم الحذف على بعض الفقرات او التعديل بما يناسب فكر او قوانين المنتدى الي انته فيه​

4- اذا نقلت الموضوع سابق من غير اساتأذانه صاحب الموضوع ​

لازم تطلب الاعتذار منه ولو كان في أحد ردودك ​

اذا لم تستوجب هذي الشروط ​

فانت سارق او سارقه ​

وياااااااا ويلكم من الله ​

ومن صاحب الموضوع لأنه ترى فيها اثم ​

سواء بقصد او غير قصد​

وهذا مو بس للنت هذا حتى في حياتك ​

لما تكتب تقرير او واجب او أي شي ثاني مثل تصميم ملابس او اكسسوار او حتى كيكه او طبق أكل ​

اي شي اي شي ​

لا تنسب لنفسك جهد اللآخرين وتعبهم​

وحبل الجذب قصير راح تنجكون​

الأمانه مع الله ومع نفسك حتى لو صاحب الموضوع او الفكره مايدري​

لأن الي يطالعك الله ​

 

[monmon12]

بنات الي عندها أفكار او شروط ثانيه حياها الله

يا ريت تفيدينا

 

[Tulips]

رد : ترااا بوووق والا ماتدروون ؟؟؟؟

للأسف السرقه الادبية عندنا ما جنها جريمه

 

[توته شيطونه]

اي والله انج صاجه وايد جذي ياخذون مواضيع كوبي وبيست بدون استاذان

والله يعين

 

[monmon12]

رد: رد : ترااا بوووق والا ماتدروون ؟؟؟؟

للأسف السرقه الادبية عندنا ما جنها جريمه

كافي جريمه بعين الخالق

فلا يطمأن هذا الشخص لأنه الله ايهو الشاهد

 

[monmon12]

رد: رد : ترااا بوووق والا ماتدروون ؟؟؟؟

بالتوفيق يا رب

الله يوقفج وياي يا رب
تسلمين

 

[monmon12]

اي والله انج صاجه وايد جذي ياخذون مواضيع كوبي وبيست بدون استاذان

والله يعين

عشان جذي انا حطيت هذا الموضوع عشان يقرون الشروط

والي يقراها وهم يستمر بغلطه يعنه مو معذور ويتعمد

والله فوقه

 

[دبي العز]

اوكي ما انكر قهر .........ألخ بس نحن يوم نحط شي بعالم الانترنت لازم نتوقع انه ينتشر ولا لا نحطه احسن

واحس جد جد ماله داعي مواضيع الانترنت توصل ان نرتب اشياء في ذمة بعض ليش ما تسامحين اختيه الله يصلحج؟؟ انتي تشوفين الموضوع يستحق لهالحد انج ما تسامحين الطرف الثاني عشانه ويستأثم والسبب موضوع!!!!!!!!!!!!!!!!!!!!!؟؟؟؟

انا حبيتج من مواضيعج وردودج واحترم عقليتج رغم اختلاف المذاهب الا انتي عندج ادب في طرح المواضيع وهالشي صعب يكون في اي شخص

فأستنكر هالشي فيج انج ما تسامحين شخص نقل موضوع لج


بعدين الغرض من الكتابة شو؟؟ مب الافادة؟ خلاص خله الافادة توصل بالطريقة الي بتوصل بها المهم اجرج انتي عند الله

يعني انتي بتدورين الشهرة بعالم الانترنت بكتاباتج؟؟ ما اعتقد هذا هدفج


يعني انا على كثر ما تعرضت للاذية في عالم الانترنت حتى وصل للتهكير بدون سبب بعد اقول الله يساااااااااااااامحهم دنيا واخره

اخرتها انترنت لا حياتي بتخترب ولا له اثر يسوى اني ما اسامح عشانننننننننننننننننننه !!!!!!!!!!!

^__^ وهذا رايي

والسموحة

 

[حظ من عنده انا]

رد : ترااا بوووق والا ماتدروون ؟؟؟؟

اي صح قهر بصراحه


بس حلووو بنفس الوقت لان لو اسلوبج وطرحج للموضوع ماعجبها مانقلته اكيد وانسبت هالموضوع لها

وانتي عسل وقلبج كبير اكيد بتسامحينها

تقبلي ودي

سي يوووو

 

[أبتسم ياقلبي]

رد : ترااا بوووق والا ماتدروون ؟؟؟؟

اوكي حبوبه اناا معك قهرررر وبس

بس لم تنزلين موضوع ديني او فيه فائده اكتبي فيه انك صااحبه الموضوع ولا احلل نقله بذكر المصدر

لان كثيرر مواضيع بالنت مو مكتوب صاحبهاا

والبنات ينقلونهاا للفائده والاجر

وبعدين حبووبه سامحيهم اعتبريهاا صدقه جاريه لك

شوفي كم وحده رااح تقراء الموضوع وتنقله>>>وشي هذا مراح يضرك بالعكس راح تلقينها عند الله الاجر

 

[monmon12]

اوكي ما انكر قهر .........ألخ بس نحن يوم نحط شي بعالم الانترنت لازم نتوقع انه ينتشر ولا لا نحطه احسن

واحس جد جد ماله داعي مواضيع الانترنت توصل ان نرتب اشياء في ذمة بعض ليش ما تسامحين اختيه الله يصلحج؟؟ انتي تشوفين الموضوع يستحق لهالحد انج ما تسامحين الطرف الثاني عشانه ويستأثم والسبب موضوع!!!!!!!!!!!!!!!!!!!!!؟؟؟؟

انا حبيتج من مواضيعج وردودج واحترم عقليتج رغم اختلاف المذاهب الا انتي عندج ادب في طرح المواضيع وهالشي صعب يكون في اي شخص

فأستنكر هالشي فيج انج ما تسامحين شخص نقل موضوع لج


بعدين الغرض من الكتابة شو؟؟ مب الافادة؟ خلاص خله الافادة توصل بالطريقة الي بتوصل بها المهم اجرج انتي عند الله

يعني انتي بتدورين الشهرة بعالم الانترنت بكتاباتج؟؟ ما اعتقد هذا هدفج


يعني انا على كثر ما تعرضت للاذية في عالم الانترنت حتى وصل للتهكير بدون سبب بعد اقول الله يساااااااااااااامحهم دنيا واخره

اخرتها انترنت لا حياتي بتخترب ولا له اثر يسوى اني ما اسامح عشانننننننننننننننننننه !!!!!!!!!!!

^__^ وهذا رايي

والسموحة

حبابيت انتي مشكوورة على ردج

وانتي اعتقد عارفتني

المشكله مو مشكلة اني انشهر او لأ

عمري انا انسانه أكاديمية وعلموني شغله حييل مهمه وكل واحد يدرس علوم او اي تخصص ثاني يعرف انا شقول

انا اقول عن الأمانه العلمية

هذا يسمونه plagerisim

هذا في الدول الغربية ينصل الطالب او ينحرم منالدراسة نهائي اذا جكوه انه ماخذ معلومات من مصدر من غير ما يقول مصدرها

لأنه يا عمري هذا الجملة الي اكتبت يت من تعب ومجهود شخصي

اعتبريها فلوس

هل يصير اقول والله واحد باقني دينار عادي؟؟؟؟

هذي دليل عدم الأمانه العلميه

هذا أسلوب الناس المتحضرة والمتعلمه

انج دايما تقولين من وين لج هذه المعلومه

عمري لا استهينون يهذه الأشياء ترى جدا جدا مهمه تقدرين تسالأين اي واحد جامعي او ماجستير ودكتور

شوفي شقولج عن refrencing and citaion

دايما دايما اذا اقتبستي كلام من احد تقولين منو الي قاله

 

[monmon12]

رد: رد : ترااا بوووق والا ماتدروون ؟؟؟؟

اي صح قهر بصراحه


بس حلووو بنفس الوقت لان لو اسلوبج وطرحج للموضوع ماعجبها مانقلته اكيد وانسبت هالموضوع لها

وانتي عسل وقلبج كبير اكيد بتسامحينها

تقبلي ودي

سي يوووو

حبايبي عمري انتو لازم تفهون اهمية هذا الموضوع في حياتنا

مو مشكله اسماحها عشان خاطر عيونكم بس

بس حبايبي النقاط الي انا ذكرتها جدا جدا مهمه

لازم تنتبهون لها

لأن ما يصير ننسب تعب ناس حق نفسنا

هذا هم يعتبر بوق حاله حال بوق الفلوس

الا اذا اذكرت تنه هذا مو كلامها كلام فلان

ترى هذا سي علمي على فكره

 

[monmon12]

رد: رد : ترااا بوووق والا ماتدروون ؟؟؟؟

اوكي حبوبه اناا معك قهرررر وبس

بس لم تنزلين موضوع ديني او فيه فائده اكتبي فيه انك صااحبه الموضوع ولا احلل نقله بذكر المصدر

لان كثيرر مواضيع بالنت مو مكتوب صاحبهاا

والبنات ينقلونهاا للفائده والاجر

وبعدين حبووبه سامحيهم اعتبريهاا صدقه جاريه لك

شوفي كم وحده رااح تقراء الموضوع وتنقله>>>وشي هذا مراح يضرك بالعكس راح تلقينها عند الله الاجر

عشان جذي انا بديت أحط أرجو اساتأذاني قبل نقل الموضوع

ولعيونكم حاااااضر على هالخشم اسامحها

بس السالفة مو جذي السالفه لازم انه الي تنقل لازم لازم تصير أمينه

ولازم تذكر انه منقول وهذا الشخص ايهو صاحب هذا الكلام

 

[monmon12]

بنات حبايبي

خلو القصه مالتي بس اعتبروها مثال

وعشانكم مسموحه البنت

بس يا عمري يا حبيابي هذي شروط نقل المواضيع لازم تلتزمون فيها والا تعتبر سرقة فكريه

 

[G!RLooNa]

ويه توج تدرين البوق بكل المواضيع حتى الروايات حرام شوفي البنات بقسم الروايات كل يوم وحده مشتكيه تقعد تكتب بالروايه على شهور واخر شي اييون ياخذونها كلها كوبي بيست و ينسبونها حق روحهم لما قاموا يحطون ما احلل احد ينقل مواضيعي بدون ذكر اسمي.. عموما انتي اذا كتبتي موضوع وتعبتي عليه و من مجهودج الشخصي حطي ما احلل اللي يبوق موضوعي ولا ينقله بدون ما يقول اسمي

 

[بالروح احساس]

رد : ترااا بوووق والا ماتدروون ؟؟؟؟

انا بالنسبه لي عادي ينقلون الموضوع هاذا النت ,!!بس بشرط انهم يقولون منقول على الاقل مولازم يذكرون من منو بالضبط واللي يبي يحفظ حقوق شيء لا يحطه بالنت لان ماعليه رقابه ولا حكومه والناس اللي فيه كلهم مجهولين ,, وللاسف لوتكلمين مني لبكره ماراح يتغير شيء هاذا نت وماعليه ولي .. واذا كنتي متضايقه لان مواضيعج انسرقوا واللي يقهر انهم من مجهودج الخاص ,, مولازم تحطينهم بالنت سويهم مقاله مثلا بالجريده, plagerisim ماتصلح للنت كلش لان الناس مستويات بالحضاره والرقي والفهم وبكل شيء يخلفون ويمكن في نااس يختلفون معاج وفي ناس طرف محايد وناس معاااج ...,
وتقبلي مروري ...

 

[monmon12]

ويه توج تدرين البوق بكل المواضيع حتى الروايات حرام شوفي البنات بقسم الروايات كل يوم وحده مشتكيه تقعد تكتب بالروايه على شهور واخر شي اييون ياخذونها كلها كوبي بيست و ينسبونها حق روحهم لما قاموا يحطون ما احلل احد ينقل مواضيعي بدون ذكر اسمي.. عموما انتي اذا كتبتي موضوع وتعبتي عليه و من مجهودج الشخصي حطي ما احلل اللي يبوق موضوعي ولا ينقله بدون ما يقول اسمي

والله هم فكره خاصة اذا موضوع تعبت عليه

مثل موضوع الزواج

والله اني قعدت عليه 3 ساعات أكتب

فعشان جذي لما شفته منقول ومقروم عصبت الصراحه

لأني جهدي كله راح

وهذا للأسف احنا المسلمين ناسينه

 

[monmon12]

رد: رد : ترااا بوووق والا ماتدروون ؟؟؟؟

انا بالنسبه لي عادي ينقلون الموضوع هاذا النت ,!!بس بشرط انهم يقولون منقول على الاقل مولازم يذكرون من منو بالضبط واللي يبي يحفظ حقوق شيء لا يحطه بالنت لان ماعليه رقابه ولا حكومه والناس اللي فيه كلهم مجهولين ,, وللاسف لوتكلمين مني لبكره ماراح يتغير شيء هاذا نت وماعليه ولي .. واذا كنتي متضايقه لان مواضيعج انسرقوا واللي يقهر انهم من مجهودج الخاص ,, مولازم تحطينهم بالنت سويهم مقاله مثلا بالجريده, plagerisim ماتصلح للنت كلش لان الناس مستويات بالحضاره والرقي والفهم وبكل شيء يخلفون ويمكن في نااس يختلفون معاج وفي ناس طرف محايد وناس معاااج ...,
وتقبلي مروري ...

حبيتي

لازم يبدون عيل يفهون ويعرفون

انه playgirisim

هذي كلمه تعني نسب الأفكار والمعلومات او الجهد الشخصي للناس لنفسه

وهذا يعني سرقه

لازم اشوي الناس هم تتثقف مو بس تكتب موضوع وبس

يعني ما يصير اروح أصلي وانا ماعرف اشلون أصلي اقول يالله بس اسجد واركع

لازم تعرفون ابسط اسايات الكتابة

اعتقد الي قدر يفتح كمبيوتر ويسجل بمنتدى ويستخدم انترنت

يقدر انه يستوعب هذي المعلومه

عمري الرقابه من منو لازم تيي؟؟

من نفسي انا

الله سبحانه عينه ما تنام

ما اقول اروح ابوق دينارين من أحد اقول ايه محد شافني

الله يشوف

واحنا مسلمين شنو طلبت منكم غير تصيرون أمينين في نقل المعلومه

انج تكتبون من وووين لك هذا المعلومه

هل هذا جدا صعب ومحتاج ثقافه عاليه ومستى كبير؟؟

هل هذا شي مستحيل؟؟

خو مثل ما نقلتي الموضوع

نقلي العنوان الي فوق

بس

وجذي حفظت حقوق كاتب الموضوع

 

[حظ من عنده انا]

رد : ترااا بوووق والا ماتدروون ؟؟؟؟

اي صح


انا مااذكر بس كان في منتدى من الشروط انج لااازم اذا كنتي ناقله موضوع تكتبين منقووول


وهذا شي حلوو ...

 

[FeShinGoOo]

رد : ترااا بوووق والا ماتدروون ؟؟؟؟

صج قهر وشي يبط الجبد واللي يقهر اكثر لما تنسبه لنفسها ..
انا مثلج تعرضت لمثل هالموقف بس مو بموضوع كنت مشاركه بمنتدى ثاني وعارضه رسماتي ووحده الله يسامحها باقت الرسمات وانسبتها لنفسها وظحكتني كاتبه بالموضوع (( تعبت عليهم حيل ))

لاحول ولا قوة الا بالله