تذكرون موضوعي الي امس حماي الحقير؟تعالو اقرو عدل

[تعويذة]

عقول حريم .. !!​

 

[اسووومـ]

حمدلله والشكر ..شكلكم تحبون المشاااكل اقول انشغلن بالعبادات احسن وبذكر الله افضل من القيل والقال وفكروا بالموت افضل تراه يجي فجئة ...ولعلمكم ثلث عذاب القبر الغيبه
ناس فاضيه وتدور المشاكل كل وحده تمسك لسانه عن الثانيه

احمدن ربكن انك متزوجات ومنسترات الزمن بيوتكن وانسترن ضحك بحظور رجال واعيباه صوت المرأة عورة

 

[كارلوفي فاري]

طولتيها وهي قصيره

 

[..<< ندى الورد >>..]

اولا خال زوجج مايستحي شكوو يقول لهم عيب

ثانيا غلطتي يوم قلتي زوجي مانعني منج جبتي المشاكل لعمرج

ثالثا خلي علاقتج مع حمولتج حلووه اذا اهم زينين لاتخسرينهم

 

[منال $]

الصراحة المشكلة كلها من البداااااااية مالها داعي
وانتي كمان غلطانة انك تقوليلها زوجي مانعني عنك
الموضوع كلة على بعضو مو مستاهل

 

[اريج الجوري]

السالفة قديمه من سنه صكروا الموضوع

ههههههه

 

[Koka_alotaibi]

حبيبتي انتي متناقضه وراكبج الغلط مع احترامي لج
رابط الموضوع الاول قلتي ان مرت حماج سمعت السالفه لما كنتي تتكلمين فيها مع خالة زوجج
والحين كاتبه انج انتي الي قلتيلها السالفه

يمكن مرت حماج راعية مشاكل فعلاً لكن انتي لعبتيهااااا عدل
انا حما ومرت حما وعندي حموات واعرف الغيره الي تكووووون بينهم
انتي حاابه تطلعين على طول المميزه عندهم وخايفه تتحسن علاقتهم في مرت حماج بعد مشاكلها وياهم
فحبيتي تزيدين الطين بله
وتقولين لنا الساالفه وانتي عاجبج انها طالعه بهالصوره عند حمولتج
نصيحه من قلب لا تطالعين فيها بهالنظره ماتدرين باجر لو ينقلب الحال

حبيبتي انتي الي كبرتي الموضووع يوم نقلتيلها السالفه لاتقولين ما اقدر اخش شي بقلبي
لان السالفه الي سويتهااا ماتجيب الا المشاكل والحقد (( الفتنه اشد من القتل ))
وتالي تقولين لها ان اهم يقولون بعدي عنها
طبيعي المرا بتزعل عليج وعليهم
وبعدين طلبج ان البنات يعلمونج شنو تدزين لحماج. ويكون المسج قوي !!!؟؟

وين رياييلكم !!!؟ شنو دورهم
وشلوووون يرضون


اسفه يمكن كلامي مايعجبج بس اناي لعبتيها صح
اما اهي <<< اهي الي بقلبها على لسانه


اسمحيلي ماقدرت اجاملح براي

 

[اسووومـ]

من ستر على مسلم ستر الله عليه بالآخره

ماله داعي تطلعين مشاكلكم للعالم اذا ماتبين المشاكل اسكتي ولا تنقلين الكلام بين الناس وتصيرين نمامه
وين اللي يقولون البيوت اسرار انتي طلعتي المشاكل لكل العالم
عقلك براسك وانتي كبيرة وتعرفين الصح من الغلط وحرام الفتنة
واللي تحب المشاكل معروفه تلقينها دام تشكوى وتطلع مشاكلها والهاديه ما يسمع منها لا خير ولا شر

((عن أبي هريرة -رضي الله عنه- قال: قال رسول الله -صلى الله عليه وسلم-: من كان يؤمن بالله واليوم الآخر فليقل خيرا أو ليصمت))

 

[اشلون يعني &]

مسويه نفسح مظلومه وانتي الي شبيتي الحريقه
خال زوجج عقله ناقص وانتي وقالت سوالف وتحرش ومسنين برئيه وحبوبه
مستانسه انهم معاج ضدها
دائماً الطيب يراعي مشاعر الناس ولا يكدرها
بنت إحلال يمكن ردت فعلها عنيفه بس لانه أنقهرت من السوالف القويه الي بشرتيها فيها
احسن لا تكلمينها فكيها من شرج وسوالفج تراج انتي اساس للمشكله مع. الخال

 

[امـ خــزامـى]

لاتعليق على اللي انت كاتبته

بس حبيت اوضح ان هالقسم اسمه الحياة الزوجيه
يعني المشاكل اللي تكون بين الزوج وزوجته فقط


وانصح الاداره يفتحون قسم الحموات والحموله عشان اللي عايشين وكل همهم اخت زوجها تغار منها
والا ام زوجها فشلتها قدام الحريم
ومثل مشاكلك طبعا

يفضفضون وياخذون راحتهم

 

[أم فـرح الحلوه]

مسويه نفسح مظلومه وانتي الي شبيتي الحريقه
خال زوجج عقله ناقص وانتي وقالت سوالف وتحرش ومسنين برئيه وحبوبه
مستانسه انهم معاج ضدها
دائماً الطيب يراعي مشاعر الناس ولا يكدرها
بنت إحلال يمكن ردت فعلها عنيفه بس لانه أنقهرت من السوالف القويه الي بشرتيها فيها
احسن لا تكلمينها فكيها من شرج وسوالفج تراج انتي اساس للمشكله مع. الخال

معاج بكل كلمه انتي شوفي درودها ع البنات اي نقد تتحمله وع قولتهم تبي حيلهم بينهم

 

[حياتي مختلفه]

سالفه جهال ومالي داعي نكتب بالمنتدى شتبين نقول لج يعني ..

 

[tannooona]

صراحه السالفه غلط من البدايه ومفروض ماتكبر
ونصيحه ترا الدين الخلق ،،، وترا اللي صار يعتبر نميمه والانسان يخاف ربه بكل التصرفات سواء على غلط او على حق
والخال اكيد حز بخاطره ضحككم كان لازم تحترمون المكان انتي ومرت حماج لان مهما يكوون يضل الخال والحموان حرام عليكم وللمكان حرمته واحترامه بالاول والاخير واااجب
وسوووري عالصراحه بس ردودكم بنات على بعضكم يدل على اسلوبكم انصدمت ان في بنات للحين مايعرفون يتكلمون ويردووون
ارد واقول الدين الخلق ....

 

[شموسة كيوت]

الله يعينك

 

[هواك عنواني]

هههههههههههههههههههههههههههههههههههههههههههههههههههههههههههه
نفسي اعرف مين يطلع المواضيع القديمة
القصه صار لها سنه فين المشرفات ما يقفلو المواضيع القديمه
وبعدين القسم صار ميت المواضيع ماتنزل بسرعه عشان كذا اتوقع الناس تدور في المواضيع القديمة
ياليت القسم يرجع زي زمان آه بس وآهين

 

[اسووومـ]

سبحانك اللهم بحمدك اشهد انه لا اله الا انت استغفرك واتوب اليك

بنااات احس انه قسينا على البنت ماندري الصراحه منو الغلطان الله اعلم ....والبنت ماندري وش صار عليها ان كان هي حية الله يرزقها ويغفر لها ويوفقها
وان كانت متوفيه الله يرحمها ويغفر لها ويعفو عنها
لان الموضوع قددديييييييييم
والله يستر على الجميع
استغفروا بارك الله فيكم ما نبي نكسب اثمها لانها مو موجوده