تذكرون العابنا قبل؟ انا ناسيه تعالو ذكروني :))

[عالي مستواها]

مشاركة: تذكرون العابنا قبل؟ انا ناسيه تعالو ذكروني )

هههههههههههههههههههههههههه


مسك وناااسة أنتي صج عشتي حياتج

الله بنات والله أقرا ردودكم ومتحسرة يا خسارة على طفوولتي اللي راحت وما أذكر أني لعبت أي وحدة من الألعاب اللي تقولونها

كنت بس مقابلة التلفزيون ولا النيتندو وبعدها البلي ستيشن والنت أقعد اليوم كله مقابلة التلفزيون

بس ما عليه والله بعوضها ناوية من باجر أناقز بالحوش ويا عيااال خواني خخخخخخخخخخخ

 

[HoNeY_GirL]

مشاركة: تذكرون العابنا قبل؟ انا ناسيه تعالو ذكروني )

آآآآآآآآآآه ياقلبي ذكرتونا بأحلى ايام عمرناااااااااا أيام البراءه والطفوله بمعني الكمله من اللحين

اعتقد كل الالعاب قلتوها

بس فيه لعبه ماادري اذا لعبتوها او لا ؟

شرطي وحرامي اللي انشبر نفسنا وكل واحد يطلع يا شرطي اوحرامي ونركض ورا بعض واذا مكان مرتفع جنه بيته لووول والله نسيتها ايام راحت

اذكر لعبه اخترعناها من عندنا اانا واخواني واعيال عمتي تذكرون بباي عنابه وىله الزمن؟ كنا نييب طوق وقوري عمتي لووول :d ويالله يا آله الزمن سوف نطير وشوفوا اي زمنا رحنا ونلعب الدور لووووول ولا نتكلم جنه لغه عربيه بعد خخخخ

انا اللي اذكرها لعبه انا الذيب باكلكم مثل ماقالت قهوه ماذكر الالوان والشيطان

وبنات نط الحبل شبرا امرا كواكب نجوم والله نسيتها لووول امبييه الكبر شين لووووول :d

 

[قهوة عربية]

مشاركة: تذكرون العابنا قبل؟ انا ناسيه تعالو ذكروني )

تذكرت لعبة العكوس ..كنا نيمع الصور

وأكثر الصور اللي نحبها هيام يونس وسعاد حسنى

 

[سبائك]

مشاركة: تذكرون العابنا قبل؟ انا ناسيه تعالو ذكروني )

واي مسك وقهاوي هيضتوا الذكريات

عاد الباربي آنا ورنين أختي كننا نقعد نلعب فيهم بالساعااااااااااااااااااااات

أمي تنسى أصلا ان عندها بنات خخخخخخخخخخخ

هني جيرل أي عرفتها نط الحبل شبره امره شمس نجوم كواكب مراكب هههههههههههه

 

[HoNeY_GirL]

مشاركة: تذكرون العابنا قبل؟ انا ناسيه تعالو ذكروني )

اي صج بنات تذكرت لعبه تحت الكنبل عاد هذي كناانخورها لووووول

اللي كلنا انكون تحت الفراش وانغطي راسنا ومرصوصين على بعض عشان لايعرف من راسنا منو لووول وييه واحد ويقول هذا فلان وهذي فلانه وجذي

وفيه لعبه حار وبارد اللي واحد يخش شغله صغيره بالصاله مثلا وانروح اندور عليها واللي يكون بعيد عنها يقول له بارد واللي يقرب يقول له حاااار ليما انحصله

عالي مستواها عادي يبا لعبي اللحين شكلي انا بسويها وبلعب بس بشوف وين فيه حوش ينفع ننقز ونركض جنا يهال لوول

 

[سبائك]

مشاركة: تذكرون العابنا قبل؟ انا ناسيه تعالو ذكروني )

أيييييييييييييييييي حار بارد شلون نسيتها

تهبل هاللعبه

أي صج بنات ذكرت لعبه اخترعناها آنا ورنين اختي نقلد فيها كريستال ميز تذكرونه البرنامج؟؟

الي فريق يتجول بمتاهه ومعاهم واحد أقرع مقيرع طاح بالطاسه يحوس معاهم يدورون على الكريستالات

مره قلدناهم سوينا مثلهم بالحوش

الي للحين آنا مو فاهمته ليش كشخنا على آخر طرز حق اللعبه وأمي يابت كاميرتها الفيديو تصورنا!!!!!!!!!

خخخخخخخخخخخخخخخخخخخخخخخخخخخخخخخخخخخخخ

يا حلو ذيك الايام

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

امواج

صاجه ذكرتينا بخروف مسلسل !! ناسيته والله

روز الكويت

افا عليج احنا اهل الذرابه ! ههههههههههههههههه

المقصي ماعرفها ممكن شرح؟؟

طموحه

عيل انا وبنت خالتي كان عندنا سالفة التفافيخ سر هههههههه ندري امهاتنا مايدرون

بالزواره نطرش سايق يدتي يشتري لنا تفافيخ ونترسهم ماي نصهم نحطهم بالفريزر والنص الثاني نحطهم بطشت ونقعد نلعب فيهم ماكو شغل ههههههههههههه

والمونوبولي احبها بس تحتاج لاعبين هم يحبون اللعبه مثلج لأنها تاخذ اياااام يبيلها وقت مو شويه واهم شي انا دايماً احل الأوتي ههههههههه شيلته سهله

فوشيه

اي اعرفها حركه حركه ولازم يكون في لاعب متخصص بتضحيك اللاعبين صح؟

عشان اذا صار ستوب يضحكنا واللي يضحك يخسر ويصير اهو اللي يضحك المره اليايه

كنت احب هاللعبه ههههههههه

جرح الليالي


شنو لعبة بات على النبي الصلوات؟ شرحيها بلييز


وآآآآخ على أيام البواربي .. الله وكيلج نقعد بالساعات بس نعدل البيت ونمشط البواربي ونسبحهم في بعض الأحيان ووصلت فينا المواصيل نستشور شعورهم هههههههههه ... ونضبط حق اللعب واذا يينا نلعب نكون ملينا من التضبط هههههههههه ولا عمرنا سوينا سيناريو سنع وكملنا القصه!

متعتنا كانت بالتعدل والتمشط! بس والله كانت متعه لين في يوم من الأيام صارت شغله .. بقولها لكم في أحد الردود القادمه.. تابعونا على الرابعه ههههههه

قمر

عاد انا احب هاللعبه خصوصاً اذا كانو امي ولا خالاتي حوالينا وقامو يغششونا متعـــــــه

بس لاحظتي انه في احرف ماتكمل فيها اللعبه؟؟

 

[منطلقة بطموحي]

مشاركة: تذكرون العابنا قبل؟ انا ناسيه تعالو ذكروني )

شخباااري لعبة حركة حركة ستوب ..

الحين عيال اختي يلعبونها .. و انا المشرفة على اللعبة >>> تطورنا شعبالكم ..

اراقب شيسوون ..

 

[قهوة عربية]

مشاركة: تذكرون العابنا قبل؟ انا ناسيه تعالو ذكروني )

ما مر عليكم يا بنات ..... بالحوش الوراني ببيتكم .....الطوفة تصير سبورة من كثر ماتكتبون عليها

كل واجباتنا على هالطوفة ....لا وبالفحم بعد

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

مسك



يايه برد على مسك من وين طلعو كل هالبنات اللي عقبهااااااااااا؟

ماشاء الله بنات متى رديتو؟ ههههههههههههههههه

المهم يامسك .. لعبة السير تقصدين السير الطويل اللي يكون في لاعبتين يوقفون جبال بعض والسير على ريولهم من تحت وتيي لاعبه تناقز وتسوي حركات بالسير وكل ماخلصت من مرحله يرتفع السير لين يوصل ركبهم؟؟ كنت احب هاللعبه بس اللي ماكنت فاهمته امي ماكانت ترضى نشتري سير!! ليييييييييش؟ لما الحين ماعندي الجواب تكفون انقذوني هههههههههه

وآخر مرحله لما قمت أقص شعور الباربيات منو مر معاي بهالمرحله

اي في ناس مرو بهالمرحله وخامرين على عمرهم

الله يسلمج في يوم من الأيام خواتي سباجه ورنين دخلو غرفة الألعاب اللي بالسطح وخمرووو فيها !! شيسووون؟ ماندري

وكانو كبار يعني هالبواربي كانو ملوتنا خلاص ورثناهم انا واختي قهوه فرنسيه!

وننطر عند الباب نبي نعرف شعندهم؟

يوم طلعو ( طبعاً عقب مـــــده) ولا جازين شعور البواربي

مو بس متنا من القهر انا وفرنسيه!! شكوووووووووووووووووو؟

بس يزاهم الله خير .. قصو شعور البواربي الخواره اما الأصليين ماسوو فيهم شي ! تصدقين ماذكر اذا قاصين شعر وحده من الأصليين!! المهم يوم سألناهم ليش؟

ماعطونا اجابه مقنعه حتى يمكن ماجاوبونا .. وصرنا نستخدم هالبواربي اللي مسوين لهم كاريه وبعضهم على الصفر خدم آآآآآه يالقهر

ويتني حالتج مالت صيد الحشرات بالحوش ههههههههه كنت اييب معاي صحن بلاستيك وملقط نايلون والقط دود الأرض من التراب <-- وييييييييييع ههههههههههههههههه

يكون عالمة حشرات

 

[* فوشيـــه *]

مشاركة: تذكرون العابنا قبل؟ انا ناسيه تعالو ذكروني )

اي اي صح تفااخية يكون واحد متخصص على قولتج بالضحك .. وعاد يمللقي شوفي شلون يضحكنا .. واحنا على اي شي كااااااك .. حد ام الملاااااقة هههههههههههههه ..
بس اللعبة حدهاااا تونس ..

ويييي البااااااربي المسكييينة ماكو شي ماسويناها فيها .. مكياااج وتقصص شعوور وتغيير ملااابس ونرقصهااا ووو كل شي يخطر بالباااال .. حددددددها اياااام ..

جماااد حيووان هذي للحين نلعبها .. اذا ضاق خلقنا وماعندنا شغل .. نلعبها .. ودايما اختار حرف الالف لأني بثانية افوز فيه .. لا وكل مانلعبها نفس الاشيااء نكتب .. هههههههههه حفظناااها ...


انزين .. تذكرون لعبة ( جو بر بحر ) ؟؟!!
اللي واحد يمسك شغله وجدامه نقعد احنا .. ويقول جو بر بحر .. ويقطها على واحد منا ويقول مثلا ً بحر .. ولازم نييب كائن حي يعيش بالبحر وبسرعه .. واذا خسر يطلع ويكمل .. وجذي ..

آآآآآآآآخ على اياام زماااااااااااااااااان ​

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

قهاوي

امبلا مرت علينا انا الذيب باكلكم كنا نلعبها بالروضه يلعبونا الأبلات ..

ولعبة الطبيب هذي مهمه جداً ولازم تقزقز ابر هههههههههه اهم شي جنه ماكو علاج غير الإبره

ولازم نشخبط على الأوراق يعني نكتب الدوا <--- مثل الطبيب يعني

وكسرت خاطري لعبتج اللي قوقا عليها الذبان ههههههههههه

انزين مالعبتو مكتب؟ وسكرتيره ومدير ؟؟ وآله طابعه وتطقطق جنه صج وملفات واجتماعات!

وسالفة الطوفه .. ماكنا نكتب واجباتنا! كنا نكتب ذكريات وبالرصاص عشان لا يبين من بعيد

عالي مستواها

يمديج ماطافج شي

هوني قيرل

سامعه بشرطي وحرامي بس ماكنا نلعبها وايد!!

ونط الحبل كنت احبها بعد

وحار بارد هذي عاااد ام الألعااااب .. تهبل وفيها توتر اعصاب <-- غاويه عذاب هههههههه

خوش لعبه هذي مالت الفراش!! مافيها هيله تنفع حق عمرنا الحالي هههههههههههههه

سباجه

اشرايج نحط لهم شريط اللعبه؟ عشان يصير شرح وصوره

اهم شي آخر كرستاله بظهر اخوي الصغير هههههههههههههههههههه

عاد شنو الكرستاله؟؟ مقطات عطر هههههههههههههههههههههههههههههه مانتعطل

 

[زلابيا]

مشاركة: تذكرون العابنا قبل؟ انا ناسيه تعالو ذكروني )

وااااااااااي تره حده الموضوع ضحك :....)

تسلمين تفوخ

الله يونسج بالعافيه

 

[jolie_q8]

مشاركة: تذكرون العابنا قبل؟ انا ناسيه تعالو ذكروني )

كل الالعاب مرت علي الا مالت الشيطان تفوخ

حار بارد- جيله- حركه ستوب- تلفون خربان-باربيات- بروي- بر بحر - غميضه

خروف مسلسل - الاعمده اللي بالمدرسه (الاعمده ملونه)

وفي لعبه على مربعات الكاشي نوقف سطر كامل واي لون نمشي خطوه ابيض واسود لازم ما انتحرك

واللي يتحرك يطلع بره

وطاق طاق طاقيه - وايد العاب

 

[jolie_q8]

مشاركة: تذكرون العابنا قبل؟ انا ناسيه تعالو ذكروني )

جيله = حيله

 

[سبائك]

مشاركة: تذكرون العابنا قبل؟ انا ناسيه تعالو ذكروني )

هههههههههههههههههههههههه

أيييييييييييييي والله ذكرتيني بالتفاصيل تفوخ هههههههههههههههه

وانتي وقهوه فرنسيه المساعدات عشتو هي هي هي هي

لا يا معوده شنحط حق البنات ستري على ما وايهتي خخخخخخخخخخخ

شذنبهم البنات ينصدمون صدمة عمرهم الابديه خخخخخخخخخ

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

فوشيه

اي والله ملاقه اذا ضحكنا عليه

وابسط حركه يسويها يقلد اللاعبين ههههههههههه ويقلد حركاتهم

لعبتج مالت (بر بحر جو) ماعرفها مثل ما انتي شرحتيها

انا اذكر بر نحط ايدنا على راسنا وبحر ايدنا تحت شي جذي ويكون في واحد واقف يقول لنا بر واحنا نحط ايدنا على راسنا وبحر ننزل ايدنا واللي يغلط يطلع ويكملون الباجي لين يبقى اثنين

معروفه اللعبه كله يلعبونها في برامج الألعاب

هم هذي احبها

بس اللعبه اللي شرحتيها ماعرفها .. بس هم شكلها حلوه وتدوده

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

جوووووووولي !

ذكرتيني بهذي اللعبه مالت الألوااااااااان!!

كنا نوقف بوسط الساحه ومن اول الفرصه لي آخرها واحنا نلعب والشاطره اللي توصل اعلى مستوى واللي تمشي لما البنت اللي جدام تقول اسود ولا ابيض ترجع ورى وتعيد من الأول

وااااااااي وناسه ذكرتونا بألعاب حلووووووووووووووووه

<--- يتها البجوه اهيء اهيء

 

[* فوشيـــه *]

مشاركة: تذكرون العابنا قبل؟ انا ناسيه تعالو ذكروني )

اي صح صح تفاخية .. يلعبونها بطريقتين .. نلعبها بعد مثل ماقلتي

يحليييلنا مو مخلين شي مو لاعبينه

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

سباجه قريتي ردي على مسك؟

ترى فاضحتكم فضيحه عدله هههههههههههههههههههه