تذكرون العابنا قبل؟ انا ناسيه تعالو ذكروني :))

[تفاخيه مبطوطه]

السلام عليكم

شلونكم بنوتاات؟

هذاك اليوم كنت منبطحه وافكر <--- ماكو شغل

المهم جرني التفكير .. وتم يجرني ليييييييين وصلت الى لعبة ( الوان شيطان) تذكرونها؟

حسيت اني ناسيه بعض من قوانينها فسألت سباجه عنها <-- عايله فاضيه ههههههههههه

ويوم يت تذكرني قامت تخوره وبالنهايه انا اللي ذكرتها

المهم شنو من هالألعاب تذكروووووووون؟

وطبعاً اغلب العابنا كانت بالحوش وبالحر عشان يصير لها طعم وريحه هههههههههههههههههه

وفيها حركه ..

وللي تبي تذكر لعبة ( الوان شيطان) الله يسلمكم هذي لعبه يكون فيها ام وشيطان وباجي اليهال يصيرون عيال الأم

تبدي اللعبه بأن الشيطان يوقف بعيد <--- اهم نقطه

وتبدي الأم تعطي اليهال اللي عندها ( طبعاً كبرها بس امهم باللعب) <-- حلفي

تبدي تعطيهم اسامي الوان مثلاً ( وحده احمر ووحده اصفر) واذا بتعطي وحده لون صاروخي وفنتق تقولها لونج ذهبي ولا فضي ولا سماوي ! ههههههههههههه

ايي اخونا الشيطان <--- خوى ينبه ... ويبدي بأهزوجته ويقول :

طق طق طق

يردون عليه : من في الباب

الشيطان : انا الشيطان

اليهال: اشتبي ؟؟

الشيطان : ابي يهال!

اليهال : ماعندنا

الشيطان : ابي اقلام <-- اي شي يطري على باله.

اليهال : ماعندنا

الشيطان : ابي الوان

اليهال: عندنا

يدخل الشيطان <-- طبعاً باب وهمي

ويقول ابي اللون ( ويبدي يشير)

لين يطيح على لون من الألوان الموجوده تقوم صاحبة اللون وتمد ايدها والشيطان يمد ايده لي اقصى حد يقدرون عليه ويخلون اصابعهم تتلامس ( عشان يمدي البنت تركض) وتقول الأم 1..2..3.. ويركضوون

اذا صادها تصير من اتباعه واذا ماصادها ولمست ايد الأم ترجع مره ثانيه مع الفريق

وااااي تعبت وانا اشرح عاد ياويلكم اذا مافهمتووووووووها

يلا شنو الألعاب اللي تذكرونهاااا؟؟

 

[* مـذهـلـه *]

مشاركة: تذكرون العابنا قبل؟ انا ناسيه تعالو ذكروني )



ذكرتيني بالعابنا اول ونااااااااااااااااااااسه صج قمت البراءه احيانا العاب او كلمات ما لها معنى

بس كنا صغار اي شي يونسنا ..

انا اتذكر لعبة بلووووووووووووه اللي وحده تصرخ ليما ينقطع نسمها و اهيا تقول

بلوووووووووووووووووووووه و تصيد اللي حواليها ..

و ناسيه و الله بعد شنو بس هذا اللي اتذكره الحين و كنا بعد نلعب الوان شيطان و غيرها

طبعا و غير لعبة الحريم اعتقد ماكو احد ما لعبها نلبس عبي امهاتنا و نحط ماي يعني جاي

و كل وحده تزخلها وحده اصغر منها يعني بنتها و تعالووو سمعووو السوالف طبعا كلها مبيوقه

من لكبار

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

اي مذهله كنا نلعب هذي اللعبه اللي تقولين عنها مالت اللي تركضين لين ينقطع النسم بس ماكنا نقول بلووه كنا نقول ( شوبوطييييييييييييييييييه) لا تسأليني شنو يعني لأني مادري هههههههههههههه

ولعبة الأمهات هذي ضروريه اسمها ( بروي ) ولازم نحدد منو الأم وطبعاً لازم في ابو واذا بنادي بعض لازم يلا يا عيالي قومو حق المدرسه ويلا يبا طلعنا <-- تحديد الشخصيات شي ضروري هههههههههههههه

 

[jolie_q8]

مشاركة: تذكرون العابنا قبل؟ انا ناسيه تعالو ذكروني )

ما اعرفها !!!!!!!!

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

وي جولي؟

عيل شنو تعرفين؟؟ نورينا

 

[سبائك]

مشاركة: تذكرون العابنا قبل؟ انا ناسيه تعالو ذكروني )

أييييييييييييي تفوخ يا حلو ذيك الأيام

وعندج لعبه ما أذكر أسمها يوقفون أثنين ماسكين أيد بعض ويمدونها لي فوق ويمرون

تحتهم باقي اليهال وغنون طاق طاق طاقيه اللص اللص اللصيه

اليوم العيد اتعشينا......اتعشينا فاصوليه واللحمه المشويييييييييييييييييييييييييييييييييييه

والي يمر بهاللحظه يجقدونه ويروحون على كتر يقولون له تختار أي أسم

مثلا الورده الذهبيه ولا الشوكه الفضيه خخخخخخخخخ أسامي ببلاش

ويصفون اليهال قسمين بعدين ما أدري شيصير خخخخخخخخخخ

ولا عنبر طاح وتكسر يا حلاتها

ولا الحيله تهبل

شوقتيني ودي العبهم ألحين

علشان كل شي فيني يختض خخخخخخخخخخخخخ

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

اي سباجه يكونون البنتين متفقين من الأساس على كل وحده شنو اسمها واذا جقدو اللاعب اللي يمر على آخر كلمه من الإغنيه يسألونه اذا قال مثلاً الورده الذهبيه يروح ورى البنت صاحبة الإسم ويصيرون فريقين لييين يخلصون اللاعبين ويسوون شد الحبل والفريق الأكثر طبعاً يفوز

اهم شي حيله ياحلووووووووها بس نسيت قوانيينها الحين

انزين تذكرون اللعبه اللي تشبه الحيله مالها اسم

بس نلعبها على الرمل او الطابوق نسوي مستطيل ونقسمه 6 اقسام ونختار مثلاً اسامي بنات

لازم اللي يكون دورها تلعب تنط كل المربعات واهي تقول اسامي البنات وماتوقف ولا تعيد اسمين نفس الشي ولا تخسر .. اذا فازت تختار مثلاً اسامي صبيان لين تخسر ويصير دور اللي عقبها

اللعبه صج صعبه ومو دايماً نفوز فيها

 

[* فوشيـــه *]

مشاركة: تذكرون العابنا قبل؟ انا ناسيه تعالو ذكروني )

ابييييييييييييييييييييييييييييييييييييه

تفاااخية مبطووووووطة .. حددددددددددددددددددددددددددهاا قديمة ..اول ماقلتي الوان شيطان ماتذكرتها بس لما قريت شرحج حدي تذكرررت .. ابيييه حدهااا ايااام .. اياام الطفوولة والبراااءة واللعب الظريف ..<< روووووحي زييييين ..

ووووووو لعبة سبااائك .. شكلج تخربطتي اللعبة اللي يمسكون ايادي بعض ولي فوق وينقون اسامي عجيبة غريبة هذي باص باص باصية ..اللص اللص اللصية ومثل ماقلتي ..

اما اللعبة اللي يقعدون دائرة .. وواحد ياخذ اي شي لعبة اي شي ويقول ( طاق طاق طاقيه رييين ريين ياجرس والثعلب فات فات بيدينه سبع لفاات .. عندييييي مكتوب لصااحبتي .. وحده منكم اخذتوووو بعدين تحطه ورا وحده وطبعا يكونون مغمضين عيونهم ومنزلين رااسهم .. بعدين فتحوا عيونكم ياشطاار واللي يفتح اهوه حمااااااااار .. )) << خخخخخخخ قوية ...

ابييه حده شخباااري ..


واذا تذكرت راااده لكم ​

 

[* مـذهـلـه *]

مشاركة: تذكرون العابنا قبل؟ انا ناسيه تعالو ذكروني )



تذكرت بعد لعبة تلفون خربان اللي نقعد بالارض لازم نكون واجد ونسوي مثل دائره و وحده

تقول كلمه و كل وحده تقولها باذن الثانيه و اخر وحده تقول شنو الكلمه طبعا لازم الكلمه تطلع

غلط لان السمع مو ذاك الزود والسرعه مطلوبه

 

[سبائك]

مشاركة: تذكرون العابنا قبل؟ انا ناسيه تعالو ذكروني )

أيييييييييييييه صح ماشاءالله عليكم تفوخ وفوشيه

ولعبة تلفون خربان تذكرونها

ولعبة صول معكرون صول ميريو.....ميريو ميريو

والله كننا مونسين عمرنا

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

فوشيه ..زين اشوه يعني شرحي واضح؟

بس ترى عندج غلط في اللعبه اللي حاطتها

بعدين فتحوا عيونكم ياشطاار واللي يفتح اهوه حمااااااااار ..

هالجمله تنقال قبل لا تحط الشغله لما تقول وحده منكم اخاااذيتووووووووو تقول عقبها علطول قمضو عيونكم ياشطار واللي يفتح اهوه حمار ماشاء الله علينا لساننا نضيييييف

مذهله

اذا لعبنا تلفون خربان وطلعت آخر شي الكلمه صح يضيق خللللللللقي

اي صاجه سباجه صول معكرون تعرفونها بنات؟؟

صول معكرون صول مييريو .. ميريو ميريو. ميريو ميرو دب دب دب <--- لوووووووووووووول

 

[* فوشيـــه *]

مشاركة: تذكرون العابنا قبل؟ انا ناسيه تعالو ذكروني )

وييييي طاااع انا قطيت بدلية .. شنو ((فتحوا)) عيونكم ياشطار واللي ((يفتح)) اهوه حمار ..

ههههههههههههههههههه

ويي صول مكروون شخباااري ..

انزين ..

تذكرت لعبة .. منو يذكر (( عنبر )) .. اللي يكونون فريقين.. ويحطون بطل بيبسي جدامهم .. مع كرة العنبر الصفرة ..(( تعرفونها )) مالت التنس الأرضي .. المهم .. لازم ينقشون البطل والفريق اللي ينقش البطل ينحاااش .. وكلهم ينخشون والفريق الثاني لازم يدورونهم ويصيدونهم والصيدة تكون طقة بكرة العنبر ...
واللي قدر ينحاش منهم يروح يترس البطل رمل .. ولازم ماينطق عشان ماينصاد واذا انصاد يقدرون ربعه اللي مو مصيودين يحيوونه ويطلعونه من الاسر << شفيني شادة حيلي ..

المهم .. والفريق الفايز اهوه اللي يترس البطل كله رمل .. واذا انصاد الفريق كله يخسروون ..

اللعبة حدها حلوة .. بس يبيلها ركض ونحشة .. ​

 

[نجمه*]

مشاركة: تذكرون العابنا قبل؟ انا ناسيه تعالو ذكروني )

والله انا اذكر لعبه الكراسي ........بس ماعتبرها قديمه حيل

وفي لعبة الحيله.........حلوه احبها ولو القى احد يلعبها معاي لعبتها ماعندي مانع هههههههه

ويسلمو عالموضوووووووع الحلو

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

فوشيه

اي حدها بدليه ههههههههههه

عنبر كنا نلعبها بصخر نركبه على بعض ونطيحه بالكره ولازم نرجع نركب الصخر .. انا مالعبت هاللعبه وايد كانت من الجيل القديم لذلك لم ازاولها كثيراً

كانو جيل سباجه يلعبونها اكثر


نجمه*

اي الكراسي مازالو يلعبونها .. بس حلوه وتشد الأعصاب وااااااااايد

والحيله ما اذكر قوانينها عدل ! وايد فيها تفاصيل ناسيتها .. منو الشاطره اللي تذكرنا فيها؟

 

[عالي مستواها]

مشاركة: تذكرون العابنا قبل؟ انا ناسيه تعالو ذكروني )

ياااااااي تفاخية عليييج مواااضيع فلللللللللللللللللة صراحة

كملي وياليت كل لعبة تحطينلها شرح كامل بقوانينها

<===== محرومة من الألعاب بالطفولة وناوية تعوض على كبر

لا جد ناوية العب ويا عيال خواني ألعاب شعبية ماكو شغل شسوي

ما اذكر ألعاب كنت أزاولها بالطفولة يمكن بس الحجلة وبيت بيوت إذا اجتمعنا مع عمامي أو خوالي يعني بالسنة مرة بحكم انه أغلب أهلي بالسعودية وما نشوفهم دايم

وما كان أحد يلعب معااي بالبيت كنت أنا أصغر وحدة ووما عندي احد كبري

قلت قصة حياااتي ههههههههههه

لا بنات لا توقفون كملوا كل لعبة تكلموا عنها باسهاب ( حلوة اسهاب هذي ) وأنا متابعة

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

اشوه ياز لج الموضوع عالي مستواها

انا ماعرف كل الألعاب القديمه ماشاء الله عليها سباجه لاحقه على كل شي

<-- بتندبغ

بس ان شاء الله بسوي سيرج بين كبارية العايله وبييب لج التفاصيل ولا يهمج

الحين انا قاعده احط اللي اعرفهم واذكرهم

 

[سبائك]

مشاركة: تذكرون العابنا قبل؟ انا ناسيه تعالو ذكروني )

هههههههههههههههههه

تفوخ يوزي آنا للحين عمري طعش سنه ههههه

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

اي هين هههههههههههههه

 

[شهدQ]

مشاركة: تذكرون العابنا قبل؟ انا ناسيه تعالو ذكروني )

ذكرتونا بالذي مضى تذكرون الحجله ؟؟

 

[تفاخيه مبطوطه]

مشاركة: تذكرون العابنا قبل؟ انا ناسيه تعالو ذكروني )

شهود الحجله = الحيله ؟؟

انا ماذكرها عدل قاعده اقول حق البنات ابيكم تذكروني بقوانينها!!