تدفعون فلوس للمدرسة؟؟

[درر النور]

السلااااااااام عليكم جميعا ابلات ،،،، شخباركم وشلون التدريس ؟؟؟

حبيت اطرح موضوع اللي هوا هل تدفعين من مالج الخاص للمدرسه ؟؟
والمدرسه اللي تدفعين لها تقدر هالشي منج ولا ولكأنج سويتي شي؟؟
انا بصراحه معلمه جديده تعينت شهر تسعه من الكورس الاول وسمعت ان في ميزانيه للمدرسات بس سمعتت لكن ماشفت شي !!!
وكل ماصارت مناسبه يوم التخضير يوم الطفل يوم العلم يوم الوطن يوم الغذاء تطلب منا رئيسة القسم مطويات بطاقات طيب انا اولا كنت اشتري من خدمة الطالب بعدين اشتري حبر واطبع بالبيت واشتري واشتري ورق شفاف واسوي تغليف حراري هذا غير الهدايا اللي نشتريها ماصاااارت انا سألت المدرسات اللي بالقسم معاي وحدة تقول لا انا مادفع شي من جيبي اوراق اطبعهم بالاداره واوزعهم بس ؟؟
فشرايكم ؟؟

صراحة اقول انا أدفع ولناظرة تقول راح اعطيج وتطلع كذابه ... طبعا وطلبوا من ابتكار طرق جديدة في التدريس وهذه تحتاج فلوس قلت لهم ادفعوا صراحة انا ما اصرف على المدرسة حتى اهلي عصبوا علي وقالوا لا تدفعين فلوس لهم خاصة لما شافوني كل يوم في المكتبه وكل يوم في السوق اشتري هدايا وأغراض للمدرسة تصدقين حتى الملفات الخاصة بالمدرسة دفعت فلوسهم غير المطويات وبعدين قلت ما فيه فايده الوزارة تعطيكم ميزانية وين تروح ... صراحة قررت من هذا الكورس ماراح ادفع لهم شئ زقوم في بطونهم ما يستاهلون .. والمطويات على حساب المدرسة والبرامج الاذاعيه على حسابها .. اللي يشمل ميزانية المدرسة الوسائل التعليمية وهذا اذا شروا واذا كان هناك ورش عمل او درس ريادي .. واحيانا الحبر الخاص بالطابعة ونسيت اقول لج الصورة وهي تشمل الوسائل التعليمة اما الدفع على البرامج الاذاعيه لا وكذلك على المطويات .. وسلامتج أستغفر الله العظيم واتوب اليه ولا حول ولا قوة الا بالله العلي العظيم ..:eh_s(7):

 

[ابلة رسم كتكوته]

:eh_s(11): اييييييييييييييييييييييي والاسباب قالوها :eh_s(11):
والمشكله عندي نشره انه ممنوع ممنوع ممنوع بس الناظرات يخشون هالنشره :bbbiu:

 

[أميرة-]

انتوا مو موفرين عندكم بالمدارس طابعات وآلة تصوير وتغليف


انا شغلهم اطبعه عندهم .. يخسون اقط على تغليف وطباعة

واذا ما امداني اطبع بالبيت وانسخه بالفلاش بس اسوي له برنت عندهم ..

فيه شغلات اكلم الادارة ويوافقون على الفواتير .. وناظرتنا ظليمتها شينه موفره قرطاسية .. صج انه مو كل شي متوفر مرات اضطر اروح المكتبة بس وضعنا زين مقارنه بمدارس ثانية لاني جربت

وانتوا لا تعطونهم وجه .. طلبوا منكم طباعه شغل مو لصفكم مطويات ومادري شنو اوكي انا اشتغل بس ماتكفل بطباعتها انسخوها بفلاش واطبعوا عندهم ..

 

[نور العيون 32]

ندفع و ندفع و ندفع و بالأخير لا حمداً و لا شكوراً شنسوي إذا ما دفعنا صرنا من الفئة الضالة و المغضوب عليهم إذا تحملين نظرات الاستهجان و القيل و القال بانج بخيلة و مهملة فعادي .. حاولناا بس ما استحملت الوضع

 

[نور العيون 32]

صراحة اقول انا أدفع ولناظرة تقول راح اعطيج وتطلع كذابه ... طبعا وطلبوا من ابتكار طرق جديدة في التدريس وهذه تحتاج فلوس قلت لهم ادفعوا صراحة انا ما اصرف على المدرسة حتى اهلي عصبوا علي وقالوا لا تدفعين فلوس لهم خاصة لما شافوني كل يوم في المكتبه وكل يوم في السوق اشتري هدايا وأغراض للمدرسة تصدقين حتى الملفات الخاصة بالمدرسة دفعت فلوسهم غير المطويات وبعدين قلت ما فيه فايده الوزارة تعطيكم ميزانية وين تروح ... صراحة قررت من هذا الكورس ماراح ادفع لهم شئ زقوم في بطونهم ما يستاهلون .. والمطويات على حساب المدرسة والبرامج الاذاعيه على حسابها .. اللي يشمل ميزانية المدرسة الوسائل التعليمية وهذا اذا شروا واذا كان هناك ورش عمل او درس ريادي .. واحيانا الحبر الخاص بالطابعة ونسيت اقول لج الصورة وهي تشمل الوسائل التعليمة اما الدفع على البرامج الاذاعيه لا وكذلك على المطويات .. وسلامتج أستغفر الله العظيم واتوب اليه ولا حول ولا قوة الا بالله العلي العظيم ..

 

[نور العيون 32]

انا اقط لاغراضي ومااقط وايد بحدود 30 دينار لطول السنه بداية السنه اشتري كمية بطاقات ووسايل ملونه للسنه كلها واقلام لوح ودفترين تحضير واشتري للطالبات هدايا واستيكرزب3 دنانير من بو100 وتدرين يزيدون للسنه اللي وراها وفي دفتر استيكرز يكون متروس استيكرز سعره 100 فلس وتقريبا فيه 200 استيكرزيكفي للسنه كلها ويزيد والبنات يموتون عليه كلا اشتريه وفيه منه اشكال في كل حصه آخذ معاي دفتر لطول الكورس اوزع على الطالبات وانا مااعطي كل من هب ودب الا المميزهواشتري كمية مغناطيس اللي يكون على شكل شريحه مقطع اشتري 20 شريحه بدينارينمن بو100 لطول السنه ويزيدون للسنه اللي وراها والاغراض المكتبيه مثل اقلام ومساطر ونوتات واوراق وهالسوالف ماشالله عندي وايد ملوت اول ماتعينت ويدد ماجستهم مقطوطين في الدرج واقلام حمر انا عندي كرتون مال العام ولحد الحين ماخلص الكرتون فيه يمكن 20قلم احمر سعره بدينار وشي ولحد الحين ماخلصوعندي كرتون ثاني يديد مااستخدمتهواقلام شفافيات عندي وكرتون شفافيات عندي وفي ابله سوريه معلمتني اذا خلصت من الشفافيه وماابيها امسحها بمزيل واكتب فوقها جنها يديدع بس خرابيط الدوام القطيات والسوالف ماادفع الا اذا مناسبه واحس الابله تستاهل ادفع

 

[نور العيون 32]

بس ترا مو اجباري تدفعين ولا راح يقولون بخيله

 

[نور العيون 32]

ندفع و ندفع و ندفع و بالأخير لا حمداً و لا شكوراً شنسوي إذا ما دفعنا صرنا من الفئة الضالة و المغضوب عليهم إذا تحملين نظرات الاستهجان و القيل و القال بانج بخيلة و مهملة فعادي .. حاولناا بس ما استحملت الوضع ..

 

[دكتواره]

عساه زقوم ببطن الحرامية. قبل جم سنة كانت عندنا ناظرة تقول اشتروا وجيبوا فواتير وتاخذ الفواتير لها. تقاعدت هالناظرة ًلكن حقدنا ماتقاعد

 

[خلوها منطق]

ابعطيكم الزبدة واللي يفهم.... يفهم!!! واللي مايبي يفهم يتحمل مايجيه:

فاز باللذات من كان جسورا​

 

[toto84]

والله انا ما اقط حتى فلس واحد ....لانه مو كفووووووو.... شي حق استعمالي الشخصي اقط غير جذي ماكوووووو.....العام الناظرة تقول الاقسام كلها تقط حق حفلة التفوق.....قتلهم لا انا ولدي وبيتي اولى بالخمسين الدينار مال شنو اقط وين ميزانيتكم ؟؟؟؟ انا حتى بنت ماعندي بالمدرسه حق شنو اقط......مالت يا ريت يقدرون

 

[أم أنور]

للأسف ندفع قصبن علينا
انا احب كل شي مرتب ويديد ما عرف

 

[sasa1234]

بنات جم ميزانية كل قسم ؟؟

 

[كويتية222]

داومت هالفصل وانا مقتنعة ان اي شي اسويه لتلميذاتي من وسائل احتسبه أجر، لكن لدي قناعة تامة ع السنة القادمة بإذن الله ماراح اقط دينار ع اي فعالية او خربوطية اذا بسوي شي اسويه لتلميذاتي او احتكره ويطلع باسمي بس، رئيسة القسم تبي وتبي علشان شغلها اهي وتقريرها وانشطتها اهي. خل يعتبرونا مثل الوافدات ما يخلونهم يقطون شي ويشاركون مجانا ، هم احنا ورانا اجار واطفال واقساط وقروض شيلمهن شيلمهن علشان تيي المدرسة وتبي ميزانية اطفالنا احق فيها .يازين المعلمين لا قط ولا سووا وترقيات ومناصب بالهبل. خل يقولون بخيله وخل يدشون ويشوفون شغلنا بالحصة.