تدفعون فلوس للمدرسة؟؟

[salamq8]

السلااااااااام عليكم جميعا ابلات ،،،، شخباركم وشلون التدريس ؟؟؟

حبيت اطرح موضوع اللي هوا هل تدفعين من مالج الخاص للمدرسه ؟؟
والمدرسه اللي تدفعين لها تقدر هالشي منج ولا ولكأنج سويتي شي؟؟
انا بصراحه معلمه جديده تعينت شهر تسعه من الكورس الاول وسمعت ان في ميزانيه للمدرسات بس سمعتت لكن ماشفت شي !!!
وكل ماصارت مناسبه يوم التخضير يوم الطفل يوم العلم يوم الوطن يوم الغذاء تطلب منا رئيسة القسم مطويات بطاقات طيب انا اولا كنت اشتري من خدمة الطالب بعدين اشتري حبر واطبع بالبيت واشتري واشتري ورق شفاف واسوي تغليف حراري هذا غير الهدايا اللي نشتريها ماصاااارت انا سألت المدرسات اللي بالقسم معاي وحدة تقول لا انا مادفع شي من جيبي اوراق اطبعهم بالاداره واوزعهم بس ؟؟
فشرايكم ؟؟

 

[كل شيء عادي]

بعد ماشفتي شي
راح تدفعين وتدفعين وتدفعين
طول ما أنتي بالتربيه نص راتبك راح يروح على المدرسه ومن غير تقدير بعد
أنا الترم الاول ما سويت ولى نشاط ولا قطيت فلوس
سويت بس درس ريادي ويبت لهم حلى وفطاير
كفايه علي هدايا البنات وشهايد التقدير والبنات الحين مايملى عينهم أي شي يبون هدايا غاليه
والترم هذا قطيت غصبا عني 30 دينار على معرض بإسم القسم على مستوى المنطقه
هذا غير اوراق العمل مرات كثيره اطبعهم على حسابي ولى منة احد
و وسائل الدروس كلها من جيبي كل درس يبيله طلعه للسوق وميزانية القسم نسمع فيها بس مانشوفها
غير قطيت الريوق 10 دنانير واخر اسبوع الثلاجه فااااضيه نطلب من المطعم
وغير قطيت الحلى والقهوه
الله يعين

 

[أبله^زوزو]

صراحه انا ادفع من جيبي ..

في عندج حل ممكن تطلبين من الطالبات يسوون لج كنشاط وعطيهم الشفوي كامل

تقللين من مصارفيج

واوراق العمل انا كل يوم مصورة لهم

امري لله شسوي بعد

 

[salamq8]

كل شي عادي @@ اختي والله صح كلامج لكن اللي يقهر محد يقدر !!
ابله زوزو @@ حلوه فكرة النشاط بس باالله جتج وليه امر تشتكي هم مشكله ؟!
بصراحه هذا ظلم للمعلمه ليش مايوفرون ميدانيه للمعلمات بدال ماتقط الوزارة فلوسها
على مدارس بره الكويت مفروض يساعدون المعلم عشان تزيد من كفائته ويرتقي التعليم !!!

 

[salamq8]

وينكم يابلات نبي نشوف مواقفكن مع المدرسه اذاا تدفعون لها هل يبين بعين الناظرة ولا لأ؟!!

 

[Winter Q8]

ندفع و ندفع و ندفع
و بالأخير لا حمداً و لا شكوراً
شنسوي إذا ما دفعنا صرنا من الفئة الضالة و المغضوب عليهم إذا تحملين نظرات الاستهجان و القيل و القال بانج بخيلة و مهملة فعادي .. حاولناا بس ما استحملت الوضع ..

 

[جـمـان]

اقط فلوس على وسايلي والشفافيات الي احتاجها بالحصه و المطويات والشغلات الثانيه اقط فيها على حسب مزاجي
المطويات اهي مطويه وحده اسويها بالسنه لان بتقطين عليها فلوس وبنفس اللحظه بياخذونها ويقطونها بالزباله شوف عيني
توج يديده ميخالف قطي فلوس بسسسسس مو وايد لا تخلين هالشغله مكلفه خليها بحدود المعقول شي بسيط ومرتب لان هذا همن يعتبر انجاز لج يشوفونج مبادره وشاطره و فيه ادارات تقدر الابله الي تشتغل وفيه ادارات تستغلها من طقة انها تدفع ياله خلوها
تسوي وخل تيب وتحط .


عورت راسج بالحنه بس بالاخير اقولج لا تكلفين على عمرج وايد سوي بحدود المعقول والله يوفقج ان شاءالله

 

[همس دافئ]

رد : تدفعون فلوس للمدرسة؟؟

بصصصرراحه
والله هالادارات ماتستحي
هم احنا عندنا سالفة الاسابيع
يعني كل قسم يمسك الاذاعه اسبوع ويتفتق
وكل مرة كنا نقط عشان هالاسبوع::
بس الساااالفه مصخت؟؟؟؟
حتى بيوم النفوق قطينا عشان الفقرات
يس وحياااتج
مااارااح اقط بعد اليوم
مو سالفة بخل بس وين المنطق وين الميزانية
كل شي علينااااا
شششسالفه
حتى هالخرابيط ما تدش بتقييمج
التقييم على ادائج بالحصة بسسسس
طولت عليج بالرد بس ممممووو مني
قلبي متروسة :::

 

[منال القلب]

انا بالضبط اقط على الوسايل واوراق العمل + هدايا طالباتي وبس وباجي الاشياء ما أقط ولا فلس يبون يحطون لي تقييم جيد ولا ضعيف ماعندي مانع أقبل هالشي برحابة صدر.. انا طاقة كل شي بعرض الحائط لول

 

[salamq8]

انا بالضبط اقط على الوسايل واوراق العمل + هدايا طالباتي وبس وباجي الاشياء ما أقط ولا فلس يبون يحطون لي تقييم جيد ولا ضعيف ماعندي مانع أقبل هالشي برحابة صدر.. انا طاقة كل شي بعرض الحائط لول[/q

المشكله انا حساسه واذا حطولي جيد ولا ضعيف اموت لا كل هالتعب وضعيف ياليت عندي رحابه صدر وطنش تعش تننتعش

 

[salamq8]

وينتر كويت مادام ماتشوفين شكر ليش تستمرين انا لو منج يجيني احبااااااط بس ماادفع واذا في ورشه ولا شي اغيب اعاملهم بالمثل بس ننطر هالسنه تجربه ونشوف التقييم والله يستر ،،،،.،....
جمااان ياكل الجمال بالعكس ماتعبتي راسي ومنكم نستفيد انا عندي اقط فلوس لكن
بحدود المعقول عقولتج لكن هل في تقدير امتياز هل في اعجاب من الناظرة ورئيسة القسم اللهم صبرني لاني دفعت وتعبت بشوف تقييمهم ،.،.،.
همس اختي العزيزة والله كلامج عين العقل اذا ماحد يقدر والله مايستاهلون ،،.،.

 

[جيتك تعال]

عن نفسي ... انا عندي ميزانية

ابدا ما احط شي من جيبي " موو ملزوومة "

واورااق العمل احطها بمكتبة المدرسة والطالبة ترووح تصورها وانا اصلحها "

ومن الميزانية اشتري حبر للطابعة عشان تحضيري وشغلي بس

وكل قسم في المدرسة له ميزانية لازم تخلون رئيسة القسم تشتري لكم طابعة واحبار

" عيل ليش تستلم ميزانية دامها ما تييب شي "

اما الدروس والحلوو والخرابيط انا ابدا ما سويت درووس وكاني ترقييت ما عااقني

انا اعتبر كل يوم دروسي رياادية ليش اتخسر على درس وااحد

والبنات الي كسالى ومافيهم رجاا اكلفهم بوسيلة او سي دي

ما اعطيها درجة بدوون شغل

وانتوو ممكن من ميزاانية القسم تسوون بنك وساائل الكل يستفيد منه

 

[قفشـه]

رد : تدفعون فلوس للمدرسة؟؟

والله ماادفع هذا اللي ناقص

والتغليف الحراري يسوونه لنا التقنيات

انتي اذا من النوع اللي تحبين تدفعين وتسوين فناتك استمري

بس ترا مو اجباري تدفعين ولا راح يقولون بخيله

 

[وردة الود]

رد : تدفعون فلوس للمدرسة؟؟

الله يعين

 

[ليت للطيب علامه]

رد : تدفعون فلوس للمدرسة؟؟

والله ندفع للمدرسة وميزانية القسم يدوب اطلعها رئيسة القسم من حلج الناظرة
ندفع قطيات واذا عندنا حفلة اتسويها لنا الناظره احنا ندفعها من دينار الى3دنانير على حسب الحفله
غير الوسائل واذا عندج درس
غير قطية الريوق
غير قطيه الوالده والمتزوجه والمريضه
يمالج من الخير

 

[ضايعه بالطوشه]

لا طبعا ما ادفع كل قسم له ميزانية من الوزارة من ادوات و حبر و اوراق a4 وغيره من البنود كل توجيه ماده كاتب بنود الصرف و موزعينها في المدارس فامور المطويات و مجلات و هدايا اذاعة كل من الميزانية

عندنا رئيسة قسم بماده ثانية حتى اقلام سبورة تشتري لقسمها من الميزانية

 

[(نبنوبه)]

انا كنت ادفع مرات ما يكون عندي تدرون اخر الشهر نفلس والله كنت اتسلف واعطيهم استحيييييييييييييييييييي مالت علي

الحين لي فترة مطنشة اقول ما عندي سوالله عادي بالعكس احس انهم احترموني واشتغل وابدع بس ادفع على وسواائلي داخل الصف

تبين نصيحتي تعيري قولي ما عندي شنو بيفتحون جيبك غصب وانا سمعت اي فلس تدفعينه يدخل من باب الرشوة

 

[salamq8]

اعوذ بالله رشوه ؟؟!

بس الميزانيه تاخذها رئيسة القسم وتحط نص لها ونص للمحضرات احنا ماشفنا شي ؟!

 

[(كويتيه عسل)]

انا اقط لاغراضي ومااقط وايد بحدود 30 دينار لطول السنه

بداية السنه اشتري كمية بطاقات ووسايل ملونه للسنه كلها


واقلام لوح ودفترين تحضير واشتري للطالبات هدايا واستيكرزب3 دنانير من بو100

وتدرين يزيدون للسنه اللي وراها وفي دفتر استيكرز يكون متروس استيكرز سعره 100 فلس وتقريبا فيه 200 استيكرزيكفي للسنه كلها ويزيد والبنات يموتون عليه كلا اشتريه وفيه منه اشكال
في كل حصه آخذ معاي دفتر لطول الكورس اوزع على الطالبات
وانا مااعطي كل من هب ودب الا المميزه


واشتري كمية مغناطيس اللي يكون على شكل شريحه مقطع اشتري 20 شريحه بدينارين

من بو100 لطول السنه ويزيدون للسنه اللي وراها

والاغراض المكتبيه مثل اقلام ومساطر ونوتات واوراق وهالسوالف ماشالله

عندي وايد ملوت اول ماتعينت ويدد ماجستهم مقطوطين في الدرج

واقلام حمر انا عندي كرتون مال العام ولحد الحين ماخلص

الكرتون فيه يمكن 20قلم احمر سعره بدينار وشي ولحد الحين ماخلص

وعندي كرتون ثاني يديد مااستخدمته

واقلام شفافيات عندي وكرتون شفافيات عندي وفي ابله سوريه معلمتني اذا خلصت من الشفافيه وماابيها امسحها بمزيل واكتب فوقها جنها يديدع بس


خرابيط الدوام القطيات والسوالف ماادفع الا اذا مناسبه واحس الابله تستاهل ادفع

 

[PuPa^^SWeeT]

من جيبنا اكيد

لنا ميزانية بس بموافقة الناظرة اتشوف هالشي يسوا ولا

عرفتي