يآ بعد جبدي والله يبيلج بوسه ع الراس ع هالكلام الحلو
و اضيف عليج من عندي
بس شضيف لو بتكلم منيه لسنة جدام ما اخلص ديرتنا يبيله شغل
و اهم شي الوافدين صارو اكثر من عندنا
اللي ماله لزمة نطرده
والمستشفيات اه يالمسشفيات اسوي دبلهم مرتين مو ديرة شكبرها مستشفياتها الحكومة تنعد على الاصابع
و بالنسبة لوزارة التربية عاجبتني موضي الحمود بس حرام اخلي الدوام للوحدة بس
اي و امنع الدراسة باللابتوبات لسبب واحد
الاجهزة عموما مضرة فحرام اطفالنا من الصغر يجابلون اللابتوبات
و يخف النظر عندهم
احسن شي الكتب و الدفاتر
و بعد شنو
اي اسنع هالشوارع المحفره و ابني عماير و ابراج لا صارت ولا استوت
مو اقعد ابني بالشارع اربع خمس سنين يالله اخلصة نفس الشارع اللي يم الصيادين ع شارع الخليج
للحين يا بنات ما خلصوه
و ابني بعد جامعات مو الجامعه اللي بعبدالله مبارك ما تخلص الا 2025 ع ما اعتقد
و اهم شي اسكر سكوب و اي قناة سياسية
و ابني بعد ملاعب مو نفس استاد جابر اربع سنين يالله بطلووه
و اهم شي اجيب طيآآرة و الف على الكويت كلها و ارش ماي مقري
عشان الله يبعد عنها العين و يفكنا من الحسد
بس قبل هذا و هذا
اخلي الكويت مملكة مو امارة و اشيل المجلس اللي ما وراه الا عوار الراس
آي آخضر الكويت و اقولهم خضرو البلد نبيها خضرة
وارد الديوانيات كلها
و آحط رقابة مشددة ع الاسعار و ارخصهم الحين صاير كل شي غالي
و احط عيون على المواد الغذائية و الجمعيات و المخازن و المطاعم
و ابني مسارح للفن مسارح للتمثيل
تليق فينا كدولة
مو جم مسرح ولا يفشلون تصميمهم من سنة الطفحه
و نكرم الفنانين بوجودهم مو بعد مماتهم
يعني مثلا غانم الصالح رحمة الله عليه هرم من اهرام الفن الكويتي
اول شي اسويه ع الاقل احط شارع بأسمه او مدرسة او مسشفى او اي شي للذكرى
و اطور تلفزيون دولة الكويت و احطله برامج جديدة
و اشتريله مسلسلات جديدة
و ارده مثل اول و احسن بعد
و بالنسبة للجنسيات اللي يستحق اعطيه يعني اللي عنده احصاء خمس و ستين اعطيه
و اللي ما عنده و ما يستحق اهلا وسهلا
و اهم شي اشيل قانون اللي تزوج على زوجة مرة ثانية يعطونه سبع مادري ثمان الاف
و اخليها ديرة عدل و مساواة كلنا سواسية كأسنان المشط
يجمعنـآآ دين وآحد و تحت ظل رب وآحد
,’
هههههههههههههههههههه
يآ ويل حالي يا بنات والله احلامنا واجد
و آكيد مثل ما قالت وحدة من حبيباتي الموجودين ارضاي الناس غاية لا تدرك
بالاخير نسوي اللي نقدر عليه و نحاول نرضي ع الاقل 60% بالمجتمع
,’
سامحونا ماهي الا مجرد تخيلات
بس من حر ما فينا ع ديرتنا الدول تتطور و حنا نرجع لي ورى ليش ..؟
,’
بس نحبها والله نحبها بخضارها و يابستها
فديت الكويت واهلها
,’
شفتي شلون فديتج يا صاحبة الموضوع هههههه قلتلج لو اتكلم لسنة ما اخلص ..~
سامحوني هذرت وعشت الدور ..~
,’
ودآم عزكم يآلصبآح
:q8:
