تخيلوا قالي اخطبي لي !!!

[TIC TOK]

الله يبليه بالفقر وانتي بترتاحين

 

[گـحِـلْ |~]

‏ ‏

مو من صجه :/

خليه براحته وإهتمي بنفسج ودلعي نفسج لنفسج ماعليج منه

الله يهديه !

 

[زوجة عزيز]

حرام يسوي جذي في بنات الناس انتي المفروض ما اتوقفين معاه واذا رحتي تخطبين لازم تنبهين بنات الناس واشلون يوافقون يعطونه بنتهم مايسئلوون عنه ريلج الظاهر مريض نفسيا !!

 

[هيبة ملك]

حبيبتي شتبين فيه !!

أنت عيشي لنفسج وعيالج وهذا بيت أحساس لا راح ينفعج ولا ينفع غيرج

حسبي الله عليه بنات الناس مو لعب

 

[يارب نور حياتي]

بنات الله اخليكم ابي النصيحه ليش انقلب جذي وتغيرت احواله شنو المفروض اسوي بعد هذا ابو عيالي ابي حلول بليز

 

[انصاريه قمره]

قطيعه صج عديم احساس
عسى ربي يخليه مداس تحت ريلج

 

[om deaj]

شوفي حبيبتي

سايريه وقوليله رحت اخطبلك ورفضو تدري ليش



محد راضي يبيع بنته حق واحد مزواج ومايخاف الله في بنات الناس
واسمحلي انا افتشلت مع الاوادم ولاعاد تقولي اخطبيلي


انا لومكانج ماياني منه عيال وهذي سواته جان انحاش منه اذا هذي سواته

 

[حبوبة الجميع]

الله يعينج والله يهديه شنو بنات الناس لعبه عنده
يتزوج ويطلللللق
حبيبتي اول ماتولدين بالسلامه اعتني بنفسج بخلطات طبيعيه
اخذيلج فره في قسم العنايه بالبشره واااجد خلطات تبيض بتلاقينها وحمامات مغربيه وتقشير وصنفره او سويلج بيلنق تقشير عند دكتوره للبشره مثل المشاهير كله يسوون بيلنق
وصدقيني بتغيرين وسويلج نيولوك بلبسج وقصة شعرج وجذي
ماعليج منه وقوليله ماراح اخطبلك

 

[ام غمازهـ]

الله يهديه

 

[يارب نور حياتي]

بعد ماحملت حملي الاول سار جذي وتزوج ونا بنفاسي وعقبها خلاص انقلب حاله علما اول زواج له ابو البنت قاله مرتك عندي هذا اللي سنعته من حماي والله اعلم*

 

[ابدا يالغالي مانساك]

الله يهديه لج
وانتي معطيتيه وجه سوري وتسالئينه شو الموصفاااااات
لاتمدين معه بهالموضوع وكل مايتكلم فيه حقريه
وسكريه
وقولي ليه مو تارسه عينك تبي تتزوج

 

[اطياب طيبه.أم عبدالله]

نصيحه ماكو شي يسوي لا تلعبين بنفسج لا ابر ولا شي

 

[جولينار]

تدرين الشرهه مو عليه

على الللي بترضى تتزوجه البنات استخفو ؟؟؟

يتزوج ويطلق ويرضون فيه ؟؟


وانتي يابردك صراحه يمكن ربي له حكمة في برود اعصابكـ


عموما الله يهديه لكـ ويسخركم لبعض


اهم شي شديدة البياض وطيبة <<<< ايه هين ان ماطلعت غبرا وقشرا وتنسيك حليب امك

 

[احبك اكثر]

طبعا ما راح تخطبين له لو يعطيج مليون تخيلي يحبها ويهملكم عاد لا زعلتي قال هذا اختيارج
المهم قوليله حسبي الله ونعم الوكيل قوليها دايم بوجهه ولي قال ليش قولي اتحسب على الظالم ما فيها شي والا انت شاك بنفسك

وعسى الله يسخره لج مسخر البحر لموسى

 

[دلع العتبان]

هذا ويحبج يسوي شذي ؟

انا اقول اتركيه يتخم وراح يرجعلج < يعني حلت شي خخخخخخخخخخخخ

 

[نونو العصله]

من صجج انتي
طايح بلحريم وانتي عادي عندج وتبين تكشخيله بعد
لا تدخلين روحج معاه وبمشاكله
راح تاخذين ذنبهم بعدين\

 

[جوانا2011]

بنات الناس لعبه عنده ...:rgewrg:
احنا الحريم احيانا تصكنا حالة غباء مالها طب لما نوافق على الزواج من هالنوعيع من الرياجيل:eh_s(14):
الله يعينك اختي على الرجااال المزواج:yaaaaaarb:

 

[يارب نور حياتي]

بنات مشتحيل اخطب له نو وي لكن ادور حل كل شي سويته حقرته طنشته زعلت رحت بيت اهلي انا اول مره اصمم القا له حل لمشكلته لو استشير اكبر اخصائي لحالته واول شي بستعين بالله واجتهد بالدعاء ثم بهتم وبرد نفس قبل بعطيه اهتمام وبشوف لان مل المده هذي انا مو نفس قبل متغيره عليه حيل وذا مافاد فيه خلاص على الاقل اسم اني حاولت *

 

[سكوتي بذوقي]

الله يهديه

 

[MissChoco]

الله يعيينج والله ريلج مزواااااااااااااج

حبيبتي لا تغزين ابر واتعبين حالج ريلج لو يشوفج ملكة جمال وناصعة بياض وسنعه بيتزوج عليج سووري ادري كلامي مو حلو بس هذا الصج ريلج يموت بالحريم الله يصبر قلبج والله
ونصيحه قوليله انا مو مره ماعندي احساس!! قوليله الرسول عليه الصلاة والسلام قال رفقا بالقوارير (النساء) وانتا قاعد تجرحني بكلامك يعني الحريم مايغارون؟؟ افرض مثلا انه واحد تحرش فيني تغار! اذا تغار اشلون انتا تبيني ادورك مره يعني ماغار ولا اموت من الغيره!
وبعدين بنات الناس مو لعبه عندك تمشي وتزوج واطلق باجر ربك بيبليك ابناتك يطلقون لانك انتا جذي سويت ابنات الناس وكما تدين تدان, وحوبتهم ماراح تعداك وبتشوفها
وانتي لا تقصرين خوووفيه قوليله جم حديث خليه يخاف