تخطيط حق. امريكا ، ساعدوني

[سيكولوجية]

حبيبتي يعطيج الف عافيه عالمعلومات حيل فادتني بسيفها عندي

بس عندي استفسار
هل ميزانيتي ال 4 الاف و 500 تكفيني اروح لكل هالمناطق ؟

لان في ناس حبطوني قالوا ماتكفي تروحين كلهم
اختاري شي معين فلوريدا ) اورلاندو - ميامي ( و نيويورك او كاليفورنا )لاس فيغاس و لوس انجلس ونيويورك !

 

[miss_7sawiya]

ما ادري ليش فيه ناااس تبالغ تقووول ما يكفي
تبين نصيحتي رووحي ويعتمد على مصرفج اليووومي يعني قسمي فلووسكم على كل يوووم مبلغ واللي يزيد خليه لليوووم الثااني
ولالسووق حطليج مبلغ ثااني بس سوووق

 

[awashamen7asha]

شوفي انا عن نفسي ماادفع حيل بالفنادق لأنج من الصبح لي الليل طالعه و بس بتنامين احط ميزانيه الفنادق بشي يونسني , ريلي لأن يحب السفر متعود ياخذ فندق المهم يم محطات القطار فسكنت بمنطقه اسمها كوينز مو منهاتن فنادق منهاتن بحدود 100-150 دينار لليله. اما فنادق فيغاس و اولاندو ماعليها خوف50 دينار شحلوه و فيو وقريب. لوس انجلس كان ابيخ فندق جنه موتيل بس قزرناها وناسه و طلعات و مارحت اي ملاهي عشان وراي اورلاندو..
تذاكر اذا حجزتي الحين انتي و ريلج 550-600 د.ك
تذاكر طيران داخلي يمكن 300-400د.ك
السياره 200-250 د.ك
الفنادق 1500د.ك
حجز المسرحيات و الملاهي(كا-او- سبايدرمان- ليونكينج- شبح الاوبرا- يونيفيرسال- سي ورلد- ديزني ماجيك كينجدوم- ابكوت- ديزني سفاري- المتاحف و الجولات) 1500-1750د.ك
المطاعم (بيتزا-مكدونالدز- حلويات و ايسكريم- شيزكيك فاكتوري- و مطاعم مستوى فرايديز) 1250-1500 د.ك
رويال كاريبيان كروز 400-500 د.ك
هذي ارقام تقريبيه اذا بتسوين كل شي. دخلي موقع الطيران الداخلي-broadway- cirque di sulel - university studios - disney land- seaworld
تأكدي من الاسعار
توتال
5500- 6000
يعني يا تزيدين المبلغ شوي.. او تكنسلين كم شي صغار.

 

[سيكولوجية]

والله وايد 5000 و 6000

ماعتقد راح اقدر ازيد الميزانيه لان حيل محدوده

شكلي بكنسل جم شغله

بس حابه اسألكم لو رحت ميامي و نيويورك و اورلاندو ولوس انجلس
على ميزانيتي تكفي ؟

وادري بنات تعبتكم معاي ماقصرتوا عساها بميزان حسناتكم يارب
تسلمون حبايبي

 

[Meeesh]

يا لوس انجلس يا اورلاندو

 

[سعودية!!!]

 

[سعودية!!!]

والله وايد 5000 و 6000

ماعتقد راح اقدر ازيد الميزانيه لان حيل محدوده

شكلي بكنسل جم شغله

بس حابه اسألكم لو رحت ميامي و نيويورك و اورلاندو ولوس انجلس
على ميزانيتي تكفي ؟

وادري بنات تعبتكم معاي ماقصرتوا عساها بميزان حسناتكم يارب
تسلمون حبايبي

اي تكفي اذا تسوقك قليل او شبهه معدوم

 

[سعودية!!!]

8
8
8




تراها تكفى حتى لو فيغاس معهم لاصرتي بلوس انجلوس كذا كذا بتاجرون سياره روحها بر 3 ساعات وشيء وانتوا فيها والصدمه حدها حدها رخيصه يعني ابد ماترهقك ميزانيتكم فما اشوف له داعي تلغينها ممكن تروحين لكل اللي بخاطرك بس بتنازلين شوي عن مستوى بعض الفنادق والخدمات وحتى التسوق بيكون قليل او شبهه معدوم حال ردي عليك بالرد الاول وع كل مستويات الفنادق بامريكا انا عن شخصي ماتعجبني حدهم عملين اخذتي غالي رخيص واحد تفرقينهم عن فنادق اوروبا للى راح اروروبا بحس بالفرق وانا صراحه فرقت

عزمي وروحي انبسطي ولاتنسين هديتنا

 

[سيكولوجية]

حبايبي بنات
جد ماقصرتوا واستفدت منكم

يعطيكم الف عافيه

ان شاءالله ناويه رحلتي تكون شهر 4 او 5 عشان دردة الحراره ب اورلاندو تكون احسن و اخف من
اشهر الصيف الحار 6 و 7 و 8

ومثل ماقلتوا يبين بالحجز لي حجزت. واشوف جم يبقى ميزانيه للمصاريف وعلى اساسها اقرر


الف شكر لكم :*

 

[American.Life]

نصيحة بعد نيورك روحي أورلاندو وإنتي مغمضة وبعدين جوها مو وايد وايد حار نفس الكويت لا طبعا نفس جو الكويت بشهر 4 ودرجة الحرارةبتكون بشهر 4 و5 تقريبا 29 واحر درجة عندهم بشهر 6 و7هي 32 يعني جوهم معتدل وبالليل حلو وانصحج قعدي بأورلاندو اكثر من ميامي لان اولاندو مطاعمها وبعض محلاتها تصكر متأخر بس بميامي المجمعات تصكر 9ونص ويوم الاحد تصكر 7 ونص يعني لاتتسوقون بيوم الاحد او ايام الاجازات الرسمية ميامي تحتاج 3 ايام كافي طيعا تروحلوها بالسيارة من اولاندو تاخذ 3 ساعات ونص او اكثر شوي ونسيت انبهج على شي ضروري واللي اهو ال gps اتوقع عنده بالكويت بس خليه يضيف خريطة امريكا ويفضل الجارمن لانه الوحيد اللي مايفصل وقت المطر لان اولاندو وميامي على طول ينزل فيهم مطر روحي ميامي بيتش بالنهار بس لان فيها مناظر مو حلوة بالليل وروحي مجمع الدولفين والافنتورة في ميامي واذا تبين تتسوقين باسعار معقولة عندج النورد ستورم والمارشيلز حبيبتي انتي اي سؤال انا حاضرة ياقلبي انا قضيت في ميامي 6 شهور واي استفسار انا حاضرة

 

[red dream]

نصيحه اذاما معاج اطفال لا تروحين اورلاندو --- عواشه حطت لج اهم الاماكن في نيوورك وكاليفورنيا بس انا اقترج تسكنين التايمز سكوير في نيويورك في فندق مميز Marriott Marquies هو اشوي غالي بس موقعه مميز وما تحتاجين سيارة لان كل شي يمج -- الطيران الداخلي مو غالي بس اذا كان موسم ممكن يزيد -- الحجز البكر وايد يوفر عليج وعلى فكرة الاسواق في نيويورك وكاليفورنيا وايد احسن من الولايات الثانيه ---- واذا تبين مكان مميز روحي بافلو وشوفي شللالات نياجرا وارجع واقول كلام عواشه صحيح

 

[سيكولوجية]

امريكان لايف

يعطيج الف عافيه حبيبتي عالمعلومات وماقصرتي
أنا بروح مياممي عشان الكروز امدحوه لي رفيجاتي وتشوقت ف قلت 5 ايام كافي فيها


رد دريم
هذا اللي احترت فيه وعشان جذي بخاطري ماطوف الانثنين واروح لهم اثنيناتهم كاليفورنيا وفلوريدا
يبين لي بغيت احجز عالميزانيه
ومشكورة حبيبتي عالمعلومات


الف شكر لكم بنات :*

 

[Om_Ksha]

تكفي ميزانيتج اذا ماشريتي ماركات كمصرف بس بدون طيران داخلي وفنادق وغيره

كل يوم تابعي الاسعار ومتا ماشفتي السعر زين حجزي
وروحي نيويورك 4 اياام او 3 وصج من نيويورك لي سان فرانسيكو طيران 6 ساعات
سان فرانسيسكو 4 او 3 ايام
منها طيران داخلي لفيغاس ساعه قعدو 3 ايام
بعدها بالسياره لوس انجلوس 10 ايام
5 بالجنوب و 5 بالشمال


اذا ماودج بنيويورك خلي روحتج كلها بكاليفونيا
وعجبتني سالفه الكروز

اورلاندو حلاتها مع اليهال *

 

[سعودية!!!]

في كروزات من نيويورك اذا بتروحين لميامي لها السبب ترى الكروزات بعد تطلع من نيويورك وكاليفورنيا

 

[سيكولوجية]

والله احترت بين اورلاندو وبين كاليفورنيا
ناس تمدحلي اورلاندو وناس كاليفورنيا



الف شكر بنات يعطيكم العافيه

 

[عواشه القرقاشه]

حبيبتي انا توني راده
رحت من اخر ٤ لي نص ٥
نيويورك و اورلاندو و ميامي ٢٥ يوم
كلفتني ٥ الاف مع تسووق يمكن الف وشي بس سوق
يعني فلوسج ان شاءالله تكفي
الجو بنيويورك هالحزه بارد بس حلو
والمعيشه ارخص من اوربا وتقريبا مشابهه لاسعار الكويت


اما عن كاليفورنيا ماعندي فكره بس يقولون اغلى بالتاكس يعني نفس نيويورك
اتمنى فدتج

 

[عواشه القرقاشه]

ايي وامريكا تهبببل ونييسه وشعبها اينن

 

[سيكولوجية]

حبيبتي يعطيج العافيه وماقصرتي :* مشكورة

 

[hazel eyes]

انا بامريكا الحين تحديدا بلوس انجلوس اذا حسبتيها صح وخصوصا انج ماتبين تسوقين المزانيه اللي حددتيها تكفي لكن اذا مع تسوق ماتكفي

 

[روعة خيال]

انا حجزت سفرتي من ١٥-٢ لي ٨-٣ كويت- نيويورك-اورلاندو-سان دييقو-لوس انجلس-كويت

انا و ريلي و عيالي الاثنين تذاكرنا كلنا ٩٦٥ دينار ع التركش ايرلاينز

فندقنا باورلاندو ١٣ ليله ب ٣٧٥ دينار توتال

ميزانيتنا بدون التذاكر و الفنادق الفين و كفتنا اول مره و زادت امريكا رخيصه مووووت راح تكفيج لا تخافين