تخطيط حق. امريكا ، ساعدوني

[سيكولوجية]

السلام عليكم
اشلونكم بنات


انا و زوجي قاعدين نخطط حق سفره الى امريكا على شهر 4 او 5 إذا الله كتب لنا عمر ان شاءالله


بس بنات حيل محتاره واول مره بنروح ف ضايعين


وين تنصحوني اروح اي ولايات؟. مع العلم بس انا وزوجي بروحنا ماعندنا يهال

وحابين نقعد شهر او 25 يوم


ميزانيتنا 4 الاف و 500. مع التذاكر والسياره يمكن


ف انصحوني بوعطوني. من تجاربكم
ابي سياحه و وناسه وطبيعه اكثر من تسوق


وهل الميزانيه كافيه ؟


اقدر اروح نيويورك 4 ايام وبعدين فلوريدا اقعد ب اورلاندو 10 ايام و ميامي 5 ايام

و اروح كاليفورنيا اقعد ب لوس انجلس 5 ايام و لاس فيغاس 5 ؟

وله صعبه ؟

ؤمتى تنصحوني احجز ؟ اي فتره تكون التذاكر نازل سعرها؟

 

[H_R_S]

نفسج أبي معلومات عنها في انتظار ردود الخبيرات

 

[سيكولوجية]

اب
اب

 

[@ام يوسف@]

اااب

 

[نـعـومـه]

احنا بعد نفسكم نيتنا نسافر شهر ٤ و ٥ ودنا من الحين نخطط وانا ودي امريكا بس زوجي مايبي يقول اجراءتهم صعبه


٤٥٠٠ مادري جنه ماتكفي شهر حقكم ؟! ولد عمي راح مع ربعه قط ٤٠٠٠ حقه اهوه بس

 

[صفاء عبدالله]

ما ادري بس اعتقد ان الميزانيه حق شهر شويه

 

[صفاء عبدالله]

انا قعدت ١٧ يوم في لوس انجلس وتنقلت بين مناطقها وهي سانتا مونيكا وهولييود والجنوب ايرفاين ولاس فيغاس ومنطقه اسمها مونتري تقريا ١٠ الاف انا وزوجي بس

 

[صفاء عبدالله]

طبعا الطيران كان البريتش والمقاعد درجه رجال الاعمال وتسوقت

 

[سيكولوجية]

مادري والله بنات لان سألت رفيجاتي اللي توهم رادين قالولي تكفيج

وانا مو إذا بتسوق بتسوق خفيف ابي وناسه ورحلات اكثر شي

بس ابي جدول بنات وين احسن ولايات وين تنصحوني ومتى افضل وقت احجز يكون نازل سعر التذاكر !

 

[mafio98]

بالعكس من يقول ماتكفيج ؟! انا مارحت بس توني حاجز ه لامي واختي ومرتبه لهم كل شي
التذاكر تحصلينها على ٢٥٠ اذا على تيويورك او اورلاندو انتي وزوجج ٥٠٠ تيويورك لي اورلاندو بالطياره ٣ ساعات لذل موموسم تحصلينها ب٥٠ واذا موسم ب١٠٠ وفوق واورلاندو تاجرون سياره باليوم ٢٠ او اقل خلي اكثر المده بارلاندو لان سكنها وخيص ومنها بالسياره على ميامي ٣ ساعات نص .

انتي حسبيها على هلاساس تذاكر+ سكن+ سياره شوفي جم يبقى معاج وخلي تسوقج على هلاساس وترى اورلاندو فيها وايد اشياء حلوه يعني ماراح تملين

 

[awashamen7asha]

لا مايكفي كل هالاماكن التذكره حتى لو طيران داخلي تصلع عليج بالاميات لن أمريكا كبيره وايد من نيويورك لي فيغاس جنها الكويت لي اوربا.. و لازم تخلصين الفيزا و الحجز من الحين عشان ماتحوشكم الاسعار بالموسم. انا رحت نيويورك فيغاس من فياس لي لوس انجلس بالسياره و حسنا بالسياره بكايفورنيا . وبعدين بالطياره لي ميامي و بالسياره لي اورلاندو ..4000 بس التذاكر و السكن و المواصلات. غير السوق و الاكل و رسوم تذاكر العروض من 20 لي 100 دينار ..
طبعا السفره للأمريكا ولا أروع و اختيار موفق, لأنكم بروحكم ممكن تكنسلون اورلاندو و تخلونها اذا كبروا عيالكم . بس بما انكم خفاف بدون يهال ..(نيو يورك : مسرحيات برود واي "لlion king- spiderman- wicked- phantom of the opera" لاتطوفكم 3 ايام كافي
وبعدين طيروا لفيغاس 5 ليالي و اجري سياره من المطار ضروري تدخلين " سيركس دو سوليل عرض "O show" "KA"
O Show Las Vegas | Las Vegas Shows | Cirque du Soleil Las Vegas
طلبي التذاكر من موقعهم و دزيلهم ايميل نج من برا امريكا عشان يسلمونهم لكم عند الباب و تدفعون كاش او ماستر. نفس الشي للمسرحيات.
وتنعرض مسرحيه lion king- phantom of the opera> بفيغاس اذا طافوج بنيويورك
Premium Outlets: Everyday Discounts on Designer Brands و روحي هالاوتليت منتشر بكل أمريكا موجود بفيغاس.
سكني بواحد من فنادق 5-4 نجوم اللي على شارع لاس فيقاس الرئيسي و ترا اغلبهم حلوين و بحدود 40-70 دينار لليله . و كله مشي و للعروض و المسرحيات حلو تكشخين لبس كشخه و ريلج يلبس رسمي. و شارع فيقاس بس تمشين و تصورين جدام الفنادق و عندهم مول كبير بهشارع و قبل لاتطلعين طلعتج اخذي الموقع و الخريطه من الاستقبال و اهو يدليكم للاماكن .

و بالسياره روحي لوس انجلس شوفي هالتقرير:
http://www.q8yat.com/t581227.html
ماخلت شي حلو ماحطته. لوس انجلس

 

[awashamen7asha]

بكمل لوس انجلس ديزني 3 ايام يونيفيرسال يوم .. تتمشين شوارعهم , rodeo driveبيفرلي هيلز /grove تصورين عند علامه هوليوود و تدخلين مدام تسود , سانديغو سي ورلد يوم و حديقه الحيوان يوم. يوم كامل للاوتليت في ديزيرت هيل اهو تبع اللي بفيغاس.. سانفرانسيسكو فيها شواطي و بحر اذا رحتي كل هالاماكن و زياده ماله داعي تروحين اورلاندو (لان الاماكن مكرره- الجو حار نفس الكويت - عائليه أكثر- مجمعاتها وتمشيها اقل اكثرها ثيم بارك) يعني تفرين كاليفورنيا بعشر أيام و اذا بتروحين ميامي الغي سانفرانسيسكو و روحي رويال كاريبيان ام اسبوع Search Results - Royal Caribbean International
هذي احسن و اكبر و اجدد كروز فيها السفينه اشياء مو موجوده بغيرها عروض مائيه . و شخصيات شريك و مدغسقر و مسرحيه برود واي شيكاغو. اكو ارخص ام 3-4 ايام بس السفينه اصغر و مافيها اللي قتلج عنه..
اسفه طولت عليكم.
و اي شي ثاني انا حاضره و نصيحتي تاخذين طيران البريتيش دايركت.

 

[سيكولوجية]

مشكورين بنات ويعطيكم الف عافيه عالمعلومات

بس يعني الحين تنصحوني ب لوس انجلوس ولاس فيغاس اكثر من اورلاندو؟
لاني حيل احترت ناس تقولي جذي وناس تقولي جذي
وانا صار ودي اروح للاثنين عشان مايطوفني شي : (

ولو حددت مثلا لوس انجلوس ولاس فيغاس نيويورك يكفي ال 4 الاف و 500 !
يعني لو قللت الولايات ؟

أدري ازعجتكم بس احترت حيل سامحوني

 

[سعودية!!!]

مرحبا ... أنا عشت بامريكا فترة ماهي بسيطه وتنقلت مابين شرقها لغربها لشمالها وجنوبها يعني حدي خبرة وميزانيتك حيل ممتازة ماعليك من يقول لك ماتكفي !!! تكفي وتزيد ولارجعتي تبين تذكريني بالخير

ع كل انا مستعدة من تحب اساعدها انا حاضرة ... موفقات

 

[cool zozoa]

تكفي وتزيد شدعوه
بس طلعي فيزا من الحين وحجزي التذكرة الطيران الامريكي رخيص وحجزي الفندق اذا من الحين يطلع عليه وايد ارخص بعدين التذكرة تسير حق الشخص ب ٦٠٠
محصلتها انت ٢٠٠ وشي

 

[سيكولوجية]

ريحتوني الله يريحكم
خاصه انا تسوقي خفيف ماراح اشتري ماراكات
مايهمني السوق كثر الرحلات والوناسه


بس بنات عفيه حطولي جدول ل 25 يوم
ماني عارفه اسوي جدول

وحابين نروح اورلاندو وميامي ونيويورك واذا في مناطق قريبه لها


وناوين نسوي فيز من الحين وبعدها نحجز

 

[zqertya]

حبيبتي تكفيج لان امريكا رخيصه وبعدين كل واحد على حسب طريقته في ناس ماتكفيهم ال 5000دك وناس تكفي وتزيد عرفتي يعني كل شخص وطريقته بالصرف هو اهم شي انج تحجزين الفنادق والتذاكر وتسوين الفيزا عشان تعرفين شنو بيبقى معاج والفنادق هناك مو غلي وفي رحلات غاليه يمكن ماتعجبج او مو مودج عرفتي يعني مالج شغل بحجي الناس اهم شي حجزي مبجر والباجي سهالات

 

[awashamen7asha]

كنسلتي لاس فيغاس؟؟؟؟ ولوس انجلس؟؟ خساره ماتشوفينهم عطيني تاريخ سفرتج و رجعتج و الحين اضبطلج جدول..

 

[سيكولوجية]

انا مخططه على شهر 4 او 5 ان شاءالله ونقعد 25 يوم

 

[awashamen7asha]

لازم من الحين تشوفين تواريخ عشان تحجزين الفنادق و الطيران والكروز بطريقتين( مكتب الباز للسياحه أو تفتحين اكاونت paypall عشان امريكا مواقعهم يحتاجون حساب بنك امريكي و هالشركه ممكن تشترين بفيزا الكويت من حلال موقعهم)
و شوفي الكويتيه دايركت نيويورك اذا بخاطرج تكون اول محطه او عندج البرتش توديج دايركت ميامي او اورلاندو.. وشوفي كم يوم ودكم بالكروز لأن رحلات محدده بتواريخ معينه عشان جذي قتلج عن التاريخ. انا ماقدر اسويلج جدول تمشين عليه بالضبط ل 25 يوم.
بس افضل شي 3 ليالي نيويورك (اول يوم حجزي تذكره رحلات الباص السياحي ليومين او ثلاث من بلانيت هوليوود بالتايم سكوير و عندهم تذاكر لتمثال الحريه تروحونله بسفينه لان التمثال بجزيره و حجزولكم مسرحيه سبايدر مان حق اليوم الثاني او الثالث من المسرح نفسه طبعا تسألين المكتب اللي ببلانيت هوليوود و يدليج) (اليوم الثاني ممكن تتمشين بالتايم سكوير عندج محلات ام اند امز و هيرشي و متحف الشمع و صدق اولا تصدق و بالليل تدخلين مسرحيتج اللي تكونين حاجزتلها من قبل) (اليوم الثالث ممكن تروحين سينما و حديقه السنترال بارك وايد كبيره و شرحه فيها بحيرات و تمشي روحيلها مبجر و صوبها بعد اكو متحف كبير و بالليل زهبوا حق رحلتكم)
معلومه ترا نيويورك وحشه بالليل تفادوا تمشون بروحكم او تدخلون المحطات و كل شي يصك و الافضل ترجعين الفندق بتاكسي اذا استاحشتوا. او تاخذين فندق يم التايم السكوير لان فيه حياة .
حجزي الطيران الداخلي من انتي بالكويت نيويورك للاس فيغاس قعدي 5 ايام تكونين حاجزه للعروض من وانتي بنيويورك او اول ماتوصلين فيغاس ضروري من النت او المسارح او استقبال الفندق (وزعي على كل يوم عرض (او, كا, شبح الابرا, ليون كينج)
للعلم التذاكر غاليه لأن شي متعوب عليه ممكن من 50-90 للشخص و يعتمد عالمكان بس حتى المسرح عجيب.
كل العروض بالليل فطول النهار تتمشين بريولج بالشارع و بتعجبج اشكال الفنادق من برا و داخل و كله محلات و مطاعم و اكو مجمع سألي الاستقبال عنه, و مطعم بي اف شانج و شيزكيك فاكتوري و اوتلت فشوفي حاجتج للسياره او تعتمدين عالتكسي لأن فيقاس صغيره لاتنسين و انتو طالعين تصفطون عند علامه ويلكم تو فيغاس و ممكن تأجرين السياره اخر 3 ايام حق مشاوير النهار وتروحون فيها للوس انجلس تبيتين 3 ليالي تشوفين بيفيرلي هيلز و هوليوود .
بعدين طيروا لميامي و تكونون حاجزين رحلتكم من الكويت لانها ترتفع اسعارها كل يوم و الكروز اهم يخططون رحلتكم بس ترجعون اجروا سياره من ميامي لي اورلاندو سكني بشقق فندقيه نظاف و حلوين و كل يوم روحي مدينه ملاهي نفس الموجودين بكاليفورنيا بس اكبر(ماجيك كينجدوم-ابكوت- ديزني سفاري) تذكره شامله مفعله ل3 ايام, ولازم تشوفين الالعاب الناريه في ابكوت و ماجيك كينجدوم. (سيورلد- يونيفيرسال) كل وحده يوم و ليقولاند و ديزني فيلج هذي ابلاش كلها سوق و مطاعم, اورلاندو يبيلها سبع ايام.
ملاحظات: امريكا يبيلها فزعه من الصبح عشان تتهنين و تحللين المكان و الجو يختلف بكل منطقه. نيوبورك برد و مطر تلبسين ثقيل و فيغاس حر قته لانها بصحرا. لوس انجلس حلو الجو بالنهار و بارد بالليل. و فلوريدا حر و رطوبه و مطر نفس شرق اسيا .