تخصمين على خدامتج اذا حرقت ملابسج بالاوتي ولا لا.........؟

[Maltesers]

يمعوده يت عالخدامه .. اذا الشي بيصير يصير .. احنا يا ما حرقنا وببيت ابوي قبل لا اتزوج مرات خواتي يكوون لي شي يحرقونه لي وانا يا ما حرقت هدوم يت عالخدامه مسكينه

بس على حسب الخدامه اللي عندج اذا تحسينها نوعيتها تحقد وتتعمد تستاهل تخصمين منها مع اني ما أيد الخصم الاحسن انج تودينها وتفتكين منها واتييبين لج وحده ترتاحين لها وتشتغل بضمير .. واذا بالغلط بعد الله كريم يسلم راسها ههههههههههههه

 

[om al ghaleen]

مااخصم كله معاشها 50 شنو يبقى لهآ ؟
بس اهدد واتنرفز بعد هالشي مو بيدي انا بطبعي عصبيه لوول

\\

 

[مارشيلو]

اذا يت وقالتلي انها خربت شي او كسرت شي

ماازفها بس انفسسس عليها شوي عشان ماتتعود

بس اذا درييت انها حارقه او مخربة شي من ورااااي ياوييييييييييييييلها خخخخ

لا اتغشمر ازفها واقووولها اني بخصم من معاشها بس ما اسويها بس عشان تخااااااف وماتعيدها

بس وانا مو من النوووع اللي احب اطق او ازف الخدم

 

[ورد الطايف]

لا حرام فقيره بعدين خايفه وتافت معناها ماتقصد

ب انتي حطي لها على درجة حراره معينه تكون امنه وقولي له لاتغيرها

 

[خشف الرعآبيب]

لا مانخصم عليها مرات امي تهدد بس بالصج ماتخصم ولافلس

 

[غالية زمانها]

ولا يطري على بالي كلش اخصم لها .. حتى التهديد ماهددها ..
لاني خايفه على اعيالي وعلى نفسي وزوجي ..

 

[حصووونه]

سبحان لله
انا خدامتى بليده ماتستوعب
تعبت معاها وكاسره خاطري

 

[@شمس الضحى@]

اعرف وحده كانت تخصم من معاش خدامتهاا كل شي تخربه اوتكسره ولاتحرقه حتى لو مايسواااااا
ولما خلصت مدتهاا وجت بتسافر عطتهاا كل الي خصمته منهاا تقول عشان اخوفهاا بس وصج الخدامه بغت تمووت من الفرحه

 

[ليال ليان نواره]

لاحرام هي تتغرب وتخلي اهلها عشان جم فلس واحنا نلعب فيه ولانشتري لعبه للياهل واخرتها تنكسر وبالزباله حرااااام

 

[.:SuGar^GirL:.]

إذا أول مره وهي جايه تعلمج بنفسها
حتى الزف فيها حرام
بس أقول لها تدير بالها مره ثانيه
وأعلمها على درجة حراره معينه لكل نوع من الملابس
ولا تضيقين خلقج ترا السالفه حدها ما تسوى
يعني تصير بكل بيت وترا الدعوه كلها شلحه يعني لو حارقه لج ملفع غالي وإلا دراعه شبيصير فيج
وسعي صدرج عالآدميه وعسى الله يهون عليج حمالج ويقومج بالسلامه