تخصمين على خدامتج اذا حرقت ملابسج بالاوتي ولا لا.........؟

[حصووونه]

قهرتني الخدامه اليوم حرقت شلحه ايطاليه للحوامل احبها حيل ومريحه ماخذتها ب8 كله البسها تحت الدراريع وماعندي غيرها الوحيده لاني موراعية شلحات وحتى انام فيها والبسها تحت العباه بارده بالممشى بس قهرتني يوم حرقتها واشوه اني على وجه ولاده الله يسهل علي لووووووووووول المهم
اهي جايه تقولي السالفه وخايفه وترجف كسرت خاطري والشلحه بيدها محترقه كلها بس بنفس الوقت حمرت عيني عليها وقلت لها هالمره سماح مره ثانيه خصم 5 دينار من معاشج الشهر الجاي بس هذى اول مره سامحتج قالت زين والغبيه شلون تبرر موقفها تقولي انا كنت اكويها عادي مادري منو طول على الاوتي اللهو الخفي خبله خدامتي هذى بترقع موعارفه ...

المراد
اذا حرقو الملابس الخدم تخصمون عليهم ولا تنطشون نفسي .

انا طرى على دلال النقي الله يرحمها يوم هاوشت الخدامه حارقه شيلتها وذبحتها بالليل واهي نايمه وخفت صراحه..

شراااااااااايكم

 

[ما أروعك!]

يا معودة لا تخصمين عليها

بروحج على وجه ولادة ومو ناقصة

كافي انج هاوشتيها و هددتيها خلاص

 

[زود الغلا]

بصراحة بالنسبة لي اخاف ياما كيرت لاصات وسكاين وحرقت لمن شبعت ساعات اهددها اذا احتريت حيييييييييل بس ما اطبق.

 

[حرم الحوت]

وي خليها على الله اشوه انها قالتلج بنفس الوقت احسن من اللي تحرق بالاوتي او تغير لونهم باللكلوركس وتخشهم وتقولج بعدين موا نا
وانا عن نفسي والله ما اخصم

 

[حصووونه]

لا انا ماخصمت عليها وكسرت خاطري فقيره ماتسوى اخصم عليها على شلحه رخيصه
بس انا اخاف باجر تتهاون وتحرق ملافعي وعباياتي ودراريعي الغالين
وحبيت اعرف انتم تخصمون على الخدم لي حرقو او كسرو شي او لا؟؟؟؟

 

[قوية وصابرة]

من ناحية الحصم طبعا ما اخصم حرام اهو المعاش جم عشان ينخصم منه بعدين انت ليش تكوين الملافع والشلحات بالاوتي العادي خلي الملابس الخفيفة الحراير على البخار وانت متطمنة مافي احسن من البخار لا حرق لا شي

 

[غلاي غير]

لا ما اخصم بس انبها

 

[مســـــافره]

لا طبعا

 

[جےـود الحےـزن]

::

بس انهدد بس ما انطبق ..
لان بعد هي مسكينه اكيد مو قصدها

..

 

[في بحرهم عذبوني]

لاا

 

[النوري]

لا أهدد .. وأكيد ما أخصم ..

لان لما تهددينها .. أحسن خوفتيها على فلوسها وعورتي قلبها ..

أهم كلهم جم دينار نقطهم مرات جاكيت لجاهل بو 5 سنين ..

أو غدوه بمطعم.. 5 ستار ..

حرام .. نغصم عليهم .. او حتى نقولهم هالبدله اللي حرقيتها بالمبلغ الفلاني .. ؟؟

 

[فـلـفـلـهـ]

لا طبعااا ماأخصم

كفايه انها خادمتني ومتحملتني ... علي شلحه بخصم عليهاا ؟؟؟؟؟

 

[رفرف]

لا ماخصم ولا اهدد بالخصم .. حتى ما ازف اكلمها بالهداااوة واقولها ديري بالج مرة ثانية لا تحرقين شي طبعا باسلوب حازم بس مو صراخ وزف ..

 

[زهرااا]

لا طبعااا

 

[غمزه وإبتسامه]

ووووووووووويه خداممتي مافي عباة ومافي ملفع مو حارقتهم احسهاا تتعمد هشي بس شسووي تكسر الخااطر ماعرف اكلمهاا ولا اهاوشها

 

[الأميرة جوري]

لالالالالا حرام تراهم ناس فقاااااااااااارى ........انا اهددها ......ومرات اخذ منها مبلغ اللي تكسره او تحرقه ....زوبعدها بكذا شهر ارده لها واقول انتي حيل زينه الفتره اللي راحت وعلشان جذيه برد لج فلوسج وتستانس وتحافظ ..........تكفين لاتاخذين منها تري حتى الخدم لهم حووووووووووووبه واحنا غنينين عن هالشيء .....

 

[*أبلة*]

قال الله تعالى "والكاظمين الغيظ والعافين عن الناس والله يحب المحسنين"

تدرين شكثر ثوابج عند ربج

معنى الاية هذي ينطبق على موقفج مع الخدامة

انا ضد اللي يقول ان اذا ما زفيتها راح تتمادا

لا يا اخيتي

اذا زفيتيها ممكن تحتر وتتمادا

لكن

اذا عاملتيها بلطف راح تخاف على زعلج لانج ذهبة معاها

بقولج سالفة وحدة اعرفها

هالوحدة هذي ما شاء الله ملابسها كلها من برا

فرنسا ايطاليا لندن امريكا

ومتعودة انها تودي ملابسها اليديدة المصبغة قبل لا تلبسهم

وفي يوم كانت قاعدة تجرد ملابسها

فعزلت الملابس اللي تبي تقطهم وعزلت الملابس اليدد اللي بتوديهم المصبغة

شنو صار بعدين ؟؟؟

قومي يا الخدامة قطي الملابس الكشخة اليديدة

وبرزت جيس الملابس القديمة علشان يودونهم المصبغة

رفيجتنا قالت بجيك على الملابس قبل لا يروحون المصبغة

فتحت الجيس والا شتشوف .. طبعا الملابس القديمة

ويا فلانه وين ملابسي اليديدة

طبعا عرفتوا الجواب

الملابس الكشخة اليديدة اللي ما انلبست .... انقطت

تهقون شنو سوت المعزبة؟؟؟

زفتها ؟؟ صرخت عليها ؟؟ خصمت من معاشها ؟؟؟

طبعا لا

ليش؟؟
لانها توها كانت حاضرة درس عن الآية اللي حطيتها اول كلامي

""والكاظمين الغيظ والعافين عن الناس والله يحب المحسنين""

كظمت غيضها .. وعفت عن خدامتها .. وفوق هذا راحت السوق وشرت حق خدامتها ملابس

الخدامة مسكينه ذابت بهدومها من الخوف اول السالفه .. علبالها معزبتها بتعاقبها

لكنها تفاجات من ردة الفعل

خدامتها كانت زينة

وصارت احسن واحسن واحسن وقامت تتفانى بخدمتها ..

وربنا اكرم هالمعزبة كرم ما بعده كرم .. وفتح عليها من خيره فوق ما عندها من خير

وخيتي

لا تخصمين عليها

وربج يعوضج باحسن من اللي اخترب

والسالفة ما تسوا

تحياتي لج
​

 

[dob106]

ما اخصم بس مع الاوتى البخار لا حرق بعد اليوم قاعدة اسوى دعاية

 

[ام الدرر]

يوووووووووووووووووه ياكثر مايحرقون ويكسرون
توها والله المغرب يتني بايدها دشداشة زوجي تبولع واتأتأ بالكلام حارقتها صوب المخباة
لا هاوشت ولا هددت قلت لها قصيها بالمقص وقطيها بالزبالة
لانها اذا خربت على طول بنفس الوقت تقول
انا اللي يحرني الثانية تخرب وما تعلم ولا تسالينها عن الشي وهي كاسرته وتقعد ادوره وياج
وعقب تقولج ايه هذا بيبي كسر وانا كنت ادور حسبالي عندج واحد ثانيييييييييييييي
هذي بالله شتسوين فيها
والله اتعوذ من ابليس وامشي عنها
ياقلبي مايسوى والطيبه بتظل طيبه وياج
اما الشينه لو تتهددين وحتى ماتنفذين بس حجي بتحقد زيادة
هم فقارى ويايين هادين عيالهم يترزقون
بنصيراحنا والزمن عليهم​

 

[بدر البدور.]

مااا أخصم حراام يكسرون خاطري​