تخصصي محاسبة وبصير مدرسة

[اسبــانيــة]

قوة بنات


حبيت اعرف شلون اصير مدرسة وانا ماخذة دبلوم محاسبة


اذا كملت اصير مدرسة شنو؟ ويصير ولا لا؟


فيدونا بنات

 

[فديته يخرب بيته]

اذا عندج بكالريوس محاسبة تصيرين مدرسة حاسوب

 

[Angel_store]

لازم يكون عندج بكالريوس

 

[اسبــانيــة]

حلو يعني بس اكمل المحاسبه واصير مدرسة حاسوب


متاكدين بنات

 

[nonosha]

هالحجي من قبل جم سنة ان اللي عنده بكالريوس محاسبة ياخذ شهادة icdl
وتصير مدرسة حاسوب بس للحين هالشي يطبق ترا مو اكيد

روحي التربية وسالي بنفسج احسن

 

[السمبتيك]

اختي انا بقولج الي سمعته
انا تخصصي حقوق
ورفيحاتي الي يبون يصيرون مدرسات لم راحوا قالولهم لا
ماناخذ الا الي متخرج من كلية التربيه او التربيه الاساسيه
يمكن ياخذون من كلية العلوم تخصص برمجه كمبيوتر تصير مدرسة حاسوب

بس المحاسبه مااتوقع لان مالها شغل بالحاسوب

روحي اختي سالي بوزارة التربيه احسن

 

[ريانا]

روحي سالي افضل اعتقد مايصير

 

[om janoona]

اختي انا بقولج الي سمعته
انا تخصصي حقوق
ورفيحاتي الي يبون يصيرون مدرسات لم راحوا قالولهم لا
ماناخذ الا الي متخرج من كلية التربيه او التربيه الاساسيه
يمكن ياخذون من كلية العلوم تخصص برمجه كمبيوتر تصير مدرسة حاسوب

بس المحاسبه مااتوقع لان مالها شغل بالحاسوب

روحي اختي سالي بوزارة التربيه احسن

انزين حبيبتي و اللي عندها اداب انجليزي ما ياخذونها مدرسة .....؟؟

 

[فديته يخرب بيته]

رفيجتي تخصصها نظم معلومات توه قابلينها التربية راحت لهم قالولها تبين مدرسة ولا ادارية قالت لهم ابي مدرسة ورفيجات رفيجاتي ٢ تخصصهم محاسبة صارو مدرسات حاسوب بالابتدائي

 

[frawlah_83]

روحي الوزاره وسالي واخذي الكلام المضمون ترى كل يوم هالوزاره لها قرار

 

[ريانا]

التربيه مستحيل توظف دبلوم الا بس الموسيقى

بس سالي افضل

 

[اسبــانيــة]

انزين حبيبتي و اللي عندها اداب انجليزي ما ياخذونها مدرسة .....؟؟

انا خبري اداب انجليزي تصير مدرسة انجليزي

 

[* Snow White *]

توظفي بشهادتج المحاسبه باي مكان، وكملي دراستج بالجامعه العربيه المفتوحه "تقدمين بشهادتج الثانويه عليها"
اكو تخصص انجليزي، تبلشين بكالريوس من الصفر ودوامهم وايد مريح وسهالات وحيل مريح حق الموظفات
تتخرجين منها بتخصص انقلش، وجنه بعد بيفتحون تربيه عربيه وتاريخ بعدين

فلما تتخرجين تقدمين شهادتج اليديده عالتربيه وتطلعين من دوامج القديم .. وتصيرين مدرسه
انا مفكره اسوي جذي ان شاء الله ، وموفقه

 

[* Snow White *]

انزين حبيبتي و اللي عندها اداب انجليزي ما ياخذونها مدرسة .....؟؟

بلا اللي عندها اداب انجليزي تصير مدرسه انجليزي .. حده حلوه الشهاده هاذي
انا مفكره اخذها بالمفتوحه موفقه ان شاء الله

 

[ريانا]

روحي الجامعه العربيه فعلا مثل ماقالت الاخت اربع سنين تصيرين مدرسه وفي تخصص اجتماعيات ابتدائي حده عجيب انصحج

اداب انجليزي يقبلونهم تربيه اكيييييييد

 

[اسبــانيــة]

سالت بنات ويصير تصيرون مدرسات

بس لازم بكالريوس

ولازم تاخذين الف شهادة دورة حق الكمبيوتر

ههههههههههههههه

بس زين يعني يعني

 

[ام احلى خلودى]

انا بعد قاعدة افكر بس شلون الطريقه نسال منوديوان الخدمه ولا وزارة التربيه ؟؟ واحنا نحدد اى مرحله ولا اهما يحددون

 

[*caramel macchiato*]

اذا كملتي وصار عندج بكالريوس حراااااام تشتغلين مدرسة ....وييييييييييييع

وخصوصا انتو المحاسبة كل مكاااااااااان يبونكم وعندكم كادر ...اشتبين بالتدريس وغثاه....