تحليل البروجسترون ساعدوني

[اهـات]

قوه بنات





انا سويت تحليل البروجسترون في يوم 21 من الدوره

وطلعت النتيجه

1.73 / من 1.9 - 4.6

مكتوب جذي بس هل تقرا 1.90 - 4.60 او مثل أول شي كتبته

بنات طمنوني النتيجه زينه او لا


وسويت بحث لقيت البنات كاتبين مفروض اكثر من عشره بس مافهمت انا كاتبلي من 1 الى 4

على فكره دورتي مو منتظمه يعني انزله بحبوب اذا تاخرت اكثر من 20 يوم ما اخليها اطول

وطلع فيني تكيس الشهر الى راح

 

[عروسه 99]

ما عندي فكره حبيبتي بس ما حبيت ادخل موضوعج وما ارد وانشالله البنات يفيدونج والله يرزقج ويرزق كل محرومه يا رب

 

[ذكر الله]

انا والله ماعندى فكره يا حبيبتى بس ان شاءالله خير يلرب وربى يعطيك اللى فى بالك

 

[ابلة^روضة]

انا بعد توني مسويه وشافته الدكتورة وقالتلي نتيجتة زينه بس ياريت بعد احد يعلمنها شلون ينقرا هالتحليل

 

[اهـات]

مشكورين على المرور


ياليت كل وحده تقول نتيجتها علشان نعرف لان من مختبرا لمختبر يختلف

 

[بيرق الكويت]

حبيبتي لاتضايقين انا كان عندي 3 وهو لازم يكون 30 وعطوني ابر والحمدلله حملت الشهر الي بعده وجبت احلى بنوته

 

[ابلة^روضة]

انا نتيجة تحليلي فيها ارقام وايد اول رقم 19 ومكتوب يمه ng/ml
وباقي الارقام مكتوب يمهم اشياء بالانغلش مافهمها

 

[اهـات]

ماتقصرون حبايبي


الله يرزقكم بالضنى الصالح

 

[حبيبة زوجها2009]

والله ماعندي فكرة بس دشيت عشان ادعيلج الله يرزقج ويرزقنا الذرية الصالحة

 

[غيـ الناس ـر]

الطبيعي فوق ال 30

بس ممكن تكون في قراءات متعدده للتحاليل او نسبه مختلفه من مختبر لمختبر ..

 

[ايمانو حلوة]

19 ومكتوب يمه ng/ml


الهرمون ضعيف اذا رحتي مراجعتج الطبيب راح يكتبلج كلوميد وبعدها سونار داخلي عشان اشوف جودة التبويض واذا البويضات اوكي يعطيج ابرة تفجيرية والله يرزقج

 

[فتكات بنت كيداهم]

هذا معناه ان التبويض ضعيف بس مع الكلوميد والابر التنشيطية والتفجيريه انشالله يصير فيه تبويض وحمل ولا تخافين من شى كل على الله

 

[ابلة^روضة]

امبي بنااااااااااااااات صدمتوني من صجكم انا امس كان موعدي وقالتلي الدكتورة كل شي تمام وتبويضج زين امبي شنوو عفيه قولولي ان هذا يختلف من مكان لي مكان اهي مايبت انه التبويض ضعيييييييف خير شر قالتلي في تكيس صغير بس مو ماثر عالتبويض تحليلج زين وقالتلي اتابع وياها التبويض الشهر الياي وقالت اذا تبين اعطيج ابره تفجييرية
شسااااااااااااااااااااااااااااالفه يعني في ضعف ولالا

 

[ابلة^روضة]

ايييييي وبعد سوتلي سونار ورتني وقالتلي بطانه الرحم متينه هذا شي زين ومادرس خربطت وايد علي بس كلش مايبتلي طاري ضعف اففففففففففففففففف حمدالله على كل شي

 

[غيـ الناس ـر]

اي حبيبتي ممكن الارقام تختلف .. يعني ممكن 5 عند مختبر تكون 50 عند ثاني


انتي امشي على كلام الدكتوره دام انها طمنتج خلاص


انا صارت معاي بس بهرمون الحليب الارقام غير تماما وعبالي عندي ارتفاع وطلع طبيعي لان الارقم تختلف

 

[ابلة^روضة]

واااي بعد عمري والله مسكني عوار بطن ميته من الخوف اشوه انج طمنتيني قمت اوسوس اقول شكلي بدش على دكتورة ثانيه

 

[vevo]

حبيبتي شوفي كل مختبر له حسبه غير عن الثاني انتي شوفي النسبه النورمال تتراوح من كم الى كم يحطونها على طرف وقارنيها بالنتيجه اللي طلعت لك واذا ما عرفتي حطي صوره لتحليلك واقولج لاني خبره بقراءه التحاليل وعلى فكره موشرط تسوينه باليوم 21 من الدوره لا يعتمد على تبويضك اللي تبويضهم يصير يوم 14 يسوونه باليوم 21 اما اللي تبويضهم غير جذي يحسبون من يوم التبويض اسبوع ويسوون التحليل يعني اذا تبويضك صار يوم 16 تسوين التحليل 23 من الدوره هذا اللي قالته لي الدكتوره

 

[اهـات]

بنات عفيه انا سمعت يقلون ان البويضه تكبر بس في حال كان ناقص هرمون البروجسترون مايتم الحمل ويصير اجهاض صج بنات او لا

 

[اهـات]

حبيبتي شوفي كل مختبر له حسبه غير عن الثاني انتي شوفي النسبه النورمال تتراوح من كم الى كم يحطونها على طرف وقارنيها بالنتيجه اللي طلعت لك واذا ما عرفتي حطي صوره لتحليلك واقولج لاني خبره بقراءه التحاليل وعلى فكره موشرط تسوينه باليوم 21 من الدوره لا يعتمد على تبويضك اللي تبويضهم يصير يوم 14 يسوونه باليوم 21 اما اللي تبويضهم غير جذي يحسبون من يوم التبويض اسبوع ويسوون التحليل يعني اذا تبويضك صار يوم 16 تسوين التحليل 23 من الدوره هذا اللي قالته لي الدكتوره

اساس دورتي تلخبط صار لها سنه انا ما ادري كم تقعد علشان تنزال بس انا اذا تاخرت اكثر من 20 يوم اروح ونزالها


مافيني صبر

 

[vevo]

حبيبتي نقص البروجسترون مو مشكله اذا صار الحمل لانه الدكاتره تعطي تحاميل تزيد من البروجسترون ويثبت الحمل باذن الله حبيبتي ليش ما تجربين تروحين لام عبدالله اللي بالمنقف علاجها للحمل ممتاز باذن الله والله كل من دليته عليها وراح لها حملت بتوفيق من رب العالمين على اييدها وانا وحده منهم