تحكم الرياييل اول ايام الزواج لاثبات الشخصية دشوو و كتبو مواقفكم

[~ كرز ~]

يسلمو عالردود حبايبي

 

[| تفاصيل |]

خوش موضوع

 

[أبيك وحدك]

بدويه نفس الحااله ههههههههههه
بس أنا أستاانس لأنه الغيييره دليييل المحبه !!
فكل مازااد بالممنوعاات زااااد حبه لي فديته ��

 

[~ كرز ~]

يسلمووو عالمرور

 

[شيخه_البيض]

مرحباً
ماشوفه طخ. والله كل ماله ويزيد حتى المسموح صار ممنوع
كنت اسوق سياره ومن تزوجت ماسقت قالولي نطري تمر سنه وبيقولج روحي سوقي مرت ٤سنين
الطلعات مع اهلي مودايما طبعا الويك اند ماكو مطاعم ولا اكو سوق من تزوجته جذي بس ايام الاسبوع
بدويه تدري حتى ريلي في شغلات كانت عادي عنده بعدين تنح عليها ومنعها
شقول وشخلي ههههههههه
بس عادي اهم شيء مو مقصر اهوا ومرتاحين الحمدلله كل شيء يهون لجل عين تكرم مدينه *

 

[AL-DMERA]

وااااي كانت عقدتي اول الزواج بعدين فهمت إنه بس جذي اثبات شخصيه قلت خل أمشي معاه لي آخر المشواااار ,,

الممنوعات كانت :
ممنوع طلعه مع الرفيجاآت ,,
ممنوع قعده بالمطاعم مع خواتج ,,
ممنوع تطولين بالسوق حدي ساعتين :eh_s(2):
ممنوع كحله مسكرا عباية كتف :eh_s(16):
أي شي يدخل ويطلع من الببيت لازم استأذان حتى لو نفنوف بعطيه لأختي :rgewrg:
ممنوع انترنت ,, بلاك بيري ,,
اطلع من البيت مسج اوصل للمكان اللي رايحتله مسج وكل خمس دقايق اتصال اطمنه على نفسي :eh_s(10): اللي يقول رايحه حرب
إذا رحت زواره لأهلي كل خمس دقايق يدق علي :eh_s(11): مادري شحقه رايحه لأهلي جان قاعده عنده أحسن :eh_s(2): وياويلي وياسواد ليلي إذا مادقيت عليه وماقلت اشتقت لك لااااا وتصير جريمه إذا قلت خلاص بقعد مع اهلي ماصارت :eh_s(2):
يااربي كان خانقني في شغلات ووااجد مالهاآ داعي كانت تعصبه ,,,



المهم الحين كل شي تمااام وتغير 180 درجه :eh_s(9):

كل اللي فوق والممنوعات صارت مسموحاآت :yaaaaaarb:
مع إنه في شغلاآت لازالت تقثني فيه بس مطنشتهآ وأقول راح يتغير تونا بأول الزواج ,,

 

[-فلانة-]

لا لا لا لا ما يشوف شر يفرض شخصيته على أفااااااي!!!!!
خل يفرض شخصيته بعيد عني..
​

 

[om-3azo-83z]

موضوج روووووووووووووعه كان فبالي سؤال بسوي موضوع ... لي متى يفرض شخصيته متى تحسون انه خلاص طخ
بالنسبه حق موضوعج ماكلتها عدددددددددددددددددددل و كنت اعصب و اتنرفز و من اعصب الكلمه الشهيره اللي لي اليوم اقولها ((ما احبك - اكرهك ..يا الدب)) ههه حشى ياهل
ممنوع اسولف مع رفيجاتي فون بس عطاني الممنوع بطريقه مو مباشره كل رفيجاتي عنده حاس فيهم ان لما كرهني فيهم
ريلي عله درجه اولللللللللى و ادلعه (عله و عليله)
ممنوع اطلع بروحي الا بطلعه الروووووووووووووووووووووووووووووووووووح لا و الجمعيه اللي ورا بيتنا بس
قاده اتكلم فون ولا قاده عند امي .. شنو قلتو ليش شسالفه حتى لو قاعده احوس بالمنتدى و اكركر بروحي الا يعرف
ممنوع المكيج و التعطر الزايد و امس طالعلي بهبه يديده لا تحطين مكياج ترا قاعد اخذ اثم فيج قتله مشالله دام ما تبي تاخذ اثم لا تسم اغاني هم اثم ((م ان مكياجي خفييييييييييييييف كحل خفيف حيل و كريم و مسكره بسسسسسس و مو عاجبه))
ممنو اسولف تلفون بالغرفه الثانيه ممنوع امشي بروحي حتى لو بالجميه ايب شي من الرف اللي بالجهه الثانيه ممنوع اكلم ريال حتى لو راعي المطعم ممنوع اشتغل بمكان مختلط يا مدرسه يا اقعد فالبيت
ممنوع ممنوع ممنوع .......الخ عمري ماراح اخلص
يبتيها على الجرح خخخخخخخخخ

 

[Model Look]

انا ماكو ممنوعات يمكن لانه يعرفني عدل من قبل لا نتزوج

وبعدين انا اساسا ماخذني وانا ادرس برا ولما اكون بالكويت ماخذه راحتي عالاخر اطلع واروح وارد بس مره قفل علي ماتطلعين :/

ومره بنطلع شافني اتعطر وقالي جان تسبحتي فيه وقال ماكو طلعه وبعدها زعلت عليه لانه من زمان منا مو طالعين مع بعض وطلعني

بس فديته اللي اليه يخليني اسويه

 

[ماني من الناس]

مممنوع تمشين جدامي خخ

عاد انا مو تبع حركات لبقه مثلا لين رحت جمعيه او شي تضيعيني خخ احب افرهم قسم قسم واسجل حضور فمحد يلحق علي

ممنوع تتخذين قرار بدون مشاوره وحتا لو القرار تافه وليس له معنى

لين طلعتي مع اهلج تخلينهم يردونج قبل لا ارجع من الشغل خخخ عاد كلش راح اقول لاهلي ياله قفلنا خل نرد البيت وترككوا شغلكم عشان سي السيد وصل نو ويه خخ

واييد عايشين الدور بس على مين تلعبها هههه*

 

[سوزي الشرقية]

من بداية زواجنا واني احاول اقنع فيه عشان البس عباية كتافية ونقاب اريح لي ولله ..طبعا لازلت اكلمه بين فترة وفترة بالهدوء اقول اليه وش رايك البس نقاب لاني نظري ضعيف وساعات أخاف أني اكون حامل ولاشوف الطريق ويمكن اطيح طبعا ماااقتنع للأن..
قلت اله طيب العباية الكتافية استرمن عباية الراس يعني هي بتكون فضفاضه واسعه وسادة بلا زخارف والوان وحركات عادية جدا وأنت بتدخل وياي محلات العبايات وبتشوف بنفسك اذا عجبك كان بها ماعجبك في محلات ثانية تبيع أفضل والي نبيه بعد..بس حبيب القلب متنح ويقول الي وش حلات عباية الراس ساترة ..والي يلبسون عبايات الكتف بنظره قليلات ادب .....مره كنت وياه في مجمع الحياة بلازا مريت جنب محل عبايات قلت اله خلنا ندخل نشوف الكتف جان يقول الي مافي قلت مافي يعني مافي لاتحاولي وياي ...بس للأن بين فترةوفترة اكلمه عشان يقتنع

 

[~ بنت الهدى ~]

سوزي ولله جنج تتكلمين عن ابوووووي نفس التفكير هههههههه احس نفس المخ
ابوي يكره النقاب يقول يا تكشفين او تتغطين مره ةحده ماكو نقاب
بس شريت لي نقاب و هم مايدري و لما درى عصب و رضى بسرعه
بس اذا كشفت عادي عنننده مايهتم مع انه حجر حده
اما الكتف من كره اهلي لها كرهتها كرهوني فيها و الحين انا مابيها

و ترى الراس احسن

 

[~ بنت الهدى ~]

احس ردي داخل عرض هههههه
بس لفت نظري رد سوزي

 

[~ كرز ~]

طلعتو كلكم نفس الحالة زين مو بروحي كاااك بس شنسوي ريايلنا و لازم نتحمل بس اذا مصخوها يبيله فلعة على هالصماخ
المتحجر ههههه



ثاانكس عالمرور و سوري مااقدر ارد عليكم وحدة وحدة لان شابكة من الايفون التعيس

 

[اميره1980]

الحمدلله ما في ممنوعات
بس مره كنت اتغشمر وياه و قلت له بسافر مع امي و كان شكلي جني جاده بالكلام مع ان مو صحيح اني بسافر لكن شفت ان ما يرضا اسافر من غيره
و ما يرضى انام بره البيت انا عموما ما احب انام عند اهلي لاني البيت ما فيه احد مو وناسة كله شباب بس امي و انا من نفسي ما احب انام هناك

 

[كويتيه شقرا]

،



اي قالوا قبل لا اتزوج اول الايام بس
والحين صار لي سنه وشي متزوجه وكل ماله العن والعن ماطخ ليش :S


عاد زوجي يتحكم واجد مثلا اول امر عطانياه ( غيري نغمة تليفونج ممنوع تحطين اغنيه نغمه @@ بس حقه عادي ) لوول قلتله شمعنى بس لك قال انا اذا بدق عليج بتكونين بالبيت بس انتي بتسمعينها

ممنوع منعا باتا اطلع مع رفيجاتي ومازال المنع جاري

ممنوع اطلع مع امي وخواتي الا للضروره القصوى القصوى !! لزواره او شي اقوى
ساعات يخليني اطلع بس ممنوع ادش مطعم بدون لا اقوله ممنوع اطول اكثر من ساعتين حتى لو سوق @@ واذا طولت اكثر اهو يمر ياخذني :| اول ماركب السياره ادق عليه اوصل المكان ادق عليه كل خمس دقايق اذا مادقيت اهو يدق يقول ليش مادقيتي اقوله للحين انا بنفس المكان ماطلعت يقول حتى لو طمنيني عنج :/ بدش مطعم او اقعد بكوفي ادق اركب السياره ادق اوصل البيت ادق

والمشكله تدرين ويييييييين؟ ان الممنوعات كل مالها تزيد ماتنقص

لدرجة يختار الملابس الداخليه الي بلبسها حتى لو بروح لاهلي !! اقوله ليش خل اختار محد بيشوفهم ملابسي الداخليه غيرك يقول اي عشان محد بيشوفهم انا بختارهم :/:| وممنوع البس داخلي دانتيل او لونه حلوو او يعجبه او ... اوو ... او ... :/ :|

ممنوع احط صبغ اظافر مع ان كان عادي بس توه هالشهر منعه :/ واخر هبه يقولي مابيج تلبسين كعب لبسي فلات !! بس حامض على بوزه الكعب غراااامي
توه اشترى لي عباية راس يقولي لبسيهااا حق المجمعات مابيج تلبسين عبايه عاديه :| مع ان اول الزواج كان يخليني البس بدل والي ابي !!

كل ماله ويزيييييييييييييييييد :/

خوووش موضوع متااابعه

عاااااااد الملابس الداخليه حده قوووووووووي:rgewrg::rerrerek:

 

[~ كرز ~]

يسلمو عالمرور حبايبي

 

[ميسم]

ع الجرح موضوعج

ممنووووووع المجمعات بدونه
ممنوووع مطاعم وقهاوي مع غيره
ممنوع اتاخر برا الببيت لي 12
ممنوع المناسبات استقبال عرس طلاق عزا ورا بعض
3ايام بالاسبوع اشوف اهلي فيهم بس
عبات راس ولبسناها
سناب وانستا ماكو
ان مارديت عليه او ع الوتس تقوم القيامه
ماكو شاليهات

 

[مزيونة الخبر]

اذا تزوجت اشوف