تحضير الدرس .. يدوي والا كمبيوتر؟؟

[زوينة]

السلام عليكم

شلوونكم بنات ؟ ان شاءالله اتكونون مستانسين بهالعطله

المهم خواتي بغيت اسئلكم عن التحضير ... اي اي التحضير ليش مستغربين ؟؟ ترى كلها شهرين ورادين المدرسه..

حبيت اسئل التحضير بالكمبيوتر عادي والا فيه اشكااال وممنوع ؟؟

عفيييه كل وحده ادش اتقول تحضيرها كمبيوتر والا يدوي ؟؟

الله يجزيكم الجنه افيدوني يهالمسأله؟؟؟

 

[ضحـاوي]

انا تحضيري بالكمبيوتر

واغلب التخصصات الي اعرفهم تحضريهم بالكمبيوتر

 

[زوينة]

هلااااا والله اختي ضحاوي..

انا بصراحه ودي استغل هالعطله واحضر بالكمبيوتر ..

بس خايفه انه ايكون ممنوع او مايرضون رئيسه القسم والموجهه ؟؟

مع اني شفت رفيجاتي بالاقتصاد المنزلي كل تحضيرهم كمبيوتر مرتب وايهبل

 

[مشغوله و محتاسه]

حسب المديره و التوجيه ..


احنا مديرتنا رافضه بس التوجبه عادي ماعندهم مانع

سبب الرفض انها ما تبي ملفات ... علشان ما نغش او نغير بالتحضير

انا قمت احضر بالكممبيوتر و الصقه بالدفتر

 

[رفرف]

احنا حاسوب تحضيرنا بالكمبيوتر ارتب واسرع واحسن

 

[زيـטּ عَبْس]

تحضيري بالكمبيوتر


وعلى قولتج كلها شهرين ورادين للمدرسه ....... هههههههههه ماكو دوام بعد رمضان

 

[زيـטּ عَبْس]

تحضيري بالكمبيوتر


وعلى قولتج كلها شهرين ورادين للمدرسه ....... هههههههههه ماكو دوام بعد رمضان

 

[وردة نقية]

لا كمبيوتر شخباري العادي لجميع التخصصات

 

[سـكـر زيـادة]

انا تحضيري بالكمبيوتر

 

[هيبة ملك]

فيه إدارات تمنع هالشئ وإدارات لا

أنا كمبيوتر وربي أنظف وأسرع

تدرين :

جهزي شغلك بهالعطلة واحفظيه ولاتطبعي إلا بعد ماتشوفي

أنا كل سنة أسوي جذيه

 

[×. مـلامـح .×]

انا ميداني الكورس الجاي وحابه اسأل عن التحضير شلون يكون بالكمبيوتر ؟

سمعت ان في برامج معينه للتحضير حابه اعرفها ؟

دفتر التحضير نفسه يكون الاوراق اللي فيه طابعتها من الكمبيوتر صح ؟

ابلات عفيه لا تردوني انا تخصصي اجتماعيات متوسطه وحابه الكمبيوتر لان خطي يفشل ومااعرف بالترتيب

 

[استاذه اماني]

انا تحضيري كمبيوتر من اول ما تعينت واحس وايد احلى من العادي

 

[سـكـر زيـادة]

انا ميداني الكورس الجاي وحابه اسأل عن التحضير شلون يكون بالكمبيوتر ؟

سمعت ان في برامج معينه للتحضير حابه اعرفها ؟

دفتر التحضير نفسه يكون الاوراق اللي فيه طابعتها من الكمبيوتر صح ؟

ابلات عفيه لا تردوني انا تخصصي اجتماعيات متوسطه وحابه الكمبيوتر لان خطي يفشل ومااعرف بالترتيب

حبيبتي ،،،


مافي برامج معينة


انتي تضبطين شغلج على الكمبيوتر وتسوين لج نموذج لطريقة التحضير الخاصة لمجالج ،،


وتستخدمين هذا النموذج كل مرة أثناء التحضير ،، وتحفظين تحضيرج وتسوين له برنت ( طباعه ) ،،، حتى آخر السنة

وتستخدمينة للسنة الجاية


طبعا كل التخصصات سهلة طريقة الحفظ والنسخ لان كل سنة نفس الدروس اللهم اذا تم الحذف ،،


ما عدا اللغة العربية اللي معاقبينهم ويبدأون تحضير جديد في كل سنة :\
ويصير

 

[paraka]

انا معلمة حاسوب تحضيري لازم بالكمبيوتر أحسن وأحلى وأرتب وتتحكمين فيه على كيفج واطلعين فناتك ويكون مخزن عندك ووقت الحاجة تقدرين ترجعين له.
وانا أنصح بالتحضير بالكمبيوتر على الأقل مستخدمة التكنلوجيا.

 

[×. مـلامـح .×]

امممم يعني مافي برامج .. وحده قاصه علي تقول لي برنامج تحضير تنزلينه من النت جان اقولها انزين ليش انتي تحضيرج بالايد قالت بس جذي مالي خلق احضر بالكمبيوتر ..

 

[السموو]

انا تحضيري كمبيوتر طبعا
اريح من اليدوي ,,,,, بس في موجهين ما يرضون .

 

[(كويتيه عسل)]

احنا تاركينلنا حرية الاختيار انا صارلي سنه ادرس

معنى انا ماشالله علي والحمد الله شاطره بالكمبيوتر واطبع بسرعه

بس احضر يدوي اليدوي اسرع

واذا لاسمح الله لابتوبج اخترب تتوهقين

الطباعه يبيله تنسيق وعباله واذا الطابعه مافيها حبر تتوهقن وتتعطلين

ولازم تروحين المكتبه تشترين حبر ومصاريف اوراق وحبر اسود وحبر ملون

واذا غلطتي بالطباعه ديكور الطباعه يخترب لما تصلحينه بايديج

واذا تبين تحضرين بالمدرسه لازم كل مره تشنقلين معاج لابتوبج

وانتي يالله تقدرين تشيلين جنطتج ودفاتر التحضير ووسايلج والريوق وكتب وفاتر اليهال اذا مامداج تصلحين

بالمدرسه وقعدي دوري فراشه علشان تشيل اغراضج والحين اغلب المدارس مافيها فراشات

اليدوي دقيقتين تكتبينه بالالوان وتحطين استيكرس ويصير شحلاته

بعدين الوقت بسرعه يطير وماكو وقت وغير شغل التحضير في شغل ثاني

طباعة الامتحانات والحصه المسانده وبروشورات و تصليح الامتحانات والكتب والدفاتر

وتسوين وسايل والدرجات

 

[كوكاكولا]

احنا تاركينلنا حرية الاختيار انا صارلي سنه ادرس

معنى انا ماشالله علي والحمد الله شاطره بالكمبيوتر واطبع بسرعه

بس احضر يدوي اليدوي اسرع

واذا لاسمح الله لابتوبج اخترب تتوهقين

الطباعه يبيله تنسيق وعباله واذا الطابعه مافيها حبر تتوهقن وتتعطلين

ولازم تروحين المكتبه تشترين حبر ومصاريف اوراق وحبر اسود وحبر ملون

واذا غلطتي بالطباعه ديكور الطباعه يخترب لما تصلحينه بايديج

واذا تبين تحضرين بالمدرسه لازم كل مره تشنقلين معاج لابتوبج

وانتي يالله تقدرين تشيلين جنطتج ودفاتر التحضير ووسايلج والريوق وكتب وفاتر اليهال اذا مامداج تصلحين

بالمدرسه وقعدي دوري فراشه علشان تشيل اغراضج والحين اغلب المدارس مافيها فراشات

اليدوي دقيقتين تكتبينه بالالوان وتحطين استيكرس ويصير شحلاته

بعدين الوقت بسرعه يطير وماكو وقت وغير شغل التحضير في شغل ثاني

طباعة الامتحانات والحصه المسانده وبروشورات و تصليح الامتحانات والكتب والدفاتر

وتسوين وسايل والدرجات

والله صدقتي بكل شي قلتية .........

انا مدرسة علوم التحضير اليدوي أسهل اسوية بالدوام......

 

[الناعمة]

مرحبا انا تحضيري بالكمبيوتر بس شوفي علشان ماتتعبين وبعدين يرفضون تحضيرك حضري مرحلة وحدة من الي بدرسينه وشوفي صراحة تحضير الكمبيوتر قمة الراحة الله يتمم علينا انا وربعي سارلنا خمس إسنين على هالحال اول السنه توجيهنا يرفض وبعدين الله يهديه
:yaaaaaarb::yaaaaaarb::yaaaaaarb:

 

[N.springflawer]

تحضيري كمبيوتر وبالعكس المديره والموجهه مستانسين عليه