تحضيراتج لشهر رمضان فكره مني وفكره منج حياكم الله تفضلو

[كويتية بروما]

بسم الله الرحمن الرحيم


كل ما دش قسم الاحظ البنات ولويتهم
اللي تدور مواعين حق شهر رمضان




واللي تدور طبخات واكلات حق الفطور والغبقات



واللي تفكر بالبرامج اللي بتشوفها بالتلفزيون




واللي تدور لها موديل للعيد والقرقعان وتبي خياط زييين


مو معقوله شالشهر بتقضينه باشياء فانيه وتهدين اهم شي عبادتج
والشهر له افضال كثيره وما تتعوض
انيي للموضوع

كل وحده فينا تطرح فكره ونحاول نطبقها عشان نستفيد ويتضاعف اجرنا في الشهر المبارك ان شاء الله

ابتدي بنفسي
ناويه ان شاء الله اختم القران
وودي بالشهر التزم بالسنن وقت الصلاه وودي التزم بقيام الليل
وحاجزه انا وزوجي للعمره بالعشر الاواخر
وبكثر من الاستغفار
مبارك عليكم الشهر :eh_s(17): وتقبل الله طاعتكم
وانتي شنو ترتيباتج؟؟؟
المايك للي بعدي

 

[تبسم للزمن]

انا سويت جدول لي وباذن الله احرص اني امشي عليه برمضان اول شي

١-خصصت بعد كل صلاه ادعي دعااء

٢- اسجد سجده شكر (ان شكرتم لازيدنكم)

٣- سبحان الله الحمد لله الله اكبر (اكررها)

٤-استغر الله سبحان الله وبحمده اكررهم ميه مره

٥- اقرا ٢٠/٣٠ صفحه من القران بعد كل صلاه

٦- بحرص علي الصدقه كل يوم بعد صلاه الفجر بحطهم بظرف وكل اسبوع بعد صلاه الجمعه اوديهم لاني مااقدر كل شوي اطلع

٧-بقلل زيارات وبختصرها علي الاهل فقط امي اخواني اهل زوجي وتكون قصيره منها اديت صله الرحم ومنها ماضيع وقتي بالقيل والقال واكل لحم الناس

٨-بحرص علي قيام الليل والاستغفار بالاسحار وبروح اصلي التراويح بالمسجد هناك جو ايماني

خلصت شغل العيد بدري علشان ماضيع وقت برمضان بالفرفره بالسوق

بفطر صايم وبطبع اذكار اوزعها هدايا لاهلي وصديقاتي وبسوي مقاطعه مع النت والواتس اب فتره رمضان

هذا اللي الحين ببالي جهزته ولو عندكم افكار استفيد منكم وعسي ان يتقبل منا رب العالمين

 

[ريحانة 80]

الله يبلغناه لافاقدين ولا مفقودين اللهم امين


محاولة الالتزام بالسنن الرواتب والنوافل لاننا في زحمة الحياة احيانا نتساهل فيهن ونضيعهن ):

ختم القرأن كل اسبوع مره ان شاءالله

مقاطعة المسلسلات والبرامج اللي تشغل عن ذكر الله

المشاركه في تجمعات افطار الصائم في المساجد واحتساب الاجر

المداومه على الذكر والاستغفار في المطبخ لان اثمن الاوقات تضيع بين القدور والمواعين ):

تخصيص دعوه كل يوم عالافطار لشخص معين بحاجة دعوه بظهر الغيب والله بيرزقني على قد نيتي

وجزاكم الله كل خير

 

[αησмα]

السسلام عليكم


موضووعج في قمممة الرووعه مثل راعيته وربي ،،،


فعلن استغفرالله نص الناااااااس تلقينهم بعد الفطوور بالسوووق يحوسوون ونصهم بالمسجد يتعبدووون ويصلون التراويح


والخ ... فما ادري شلوون يختموووون ( القران ) ... الله يهديهم يارب







من ناحية الموضووع الاساسي


1 - الاستغفار ع مدار 24 ساعه مابي اترك الاستغفار بتاتا وحتى بين الصلوات بستغفر

2 - الاذكار اقرا اذكار الصباح + المسااء + اذكار النووم + الاستغفار بضيغه ( لا اله لا انت سبحانك اني كنت من الظالمين ) 1000 مره

3 - ولازم لاااااازم احافظ على رصيدي الاساسي اللي اهووووو ( قيام الليل ) ** + سورة البقره + **


4 - وطبعا ما ننسى باليووم اقرا 6 سور وبجذي اكوون ختمت القران برمضان 4 مرات ....


والله يبلغكم رمضاااان ويعينكم على صيامه وقيامه ...


كل عام وانتي بخير // ومبارك عليج الشهر



والسمووحه على الاطاله


اختج


انــوووومــاااا

 

[αησмα]

وللعلم هذي حياتي ع طوول وجدولي ما تغير مهتمه ومتعووده ع جذي الله يثبتني قولي امين

 

[كويتية بروما]

انوما الله يثبتج يارب
بنات مشكورين ع الافكار منتظره الباجي الله يهديهم

 

[لمسات فتاة]

السلام عليكم . ..

موضوع حلو تسلم اناملج يالغاليه

نصايج :

1- المحافظه على الصلوات بوقتها
2- بعد صلاة الفجر قراءة القرآن واذكار الصباح وبعد الشروق صلاة ركعتين
3- المحافظه على اذكار الصباح والمساء
4- الحرص على النوافل
5- صلة الارحام
6- الكلم الطيب والابتسامه الدائمة
7- الحلم عند الغضب
8- بر الوالدين
9- تحري اوقات الاستجايه للدعاء
10- الاكثار من الدعاء
11- ترطيب اللسان بذكر الرحمن في كل الاوقات
12- الدعاء للغير بظهر الغيب
13- قيام الليل
14-ختم القرآن اكثر من مره بتدبر
15- المحافظه ع اذكار بعد الصلاة
16-تطبيق سنة الرسول
17-التصدق ولو باليسير
وبإذن الله ناويه اطبق هالنصايح وعسى الله يقدرنا على صيام رمضان ويتقبله منا

 

[αησмα]

كويتيه برومااا


ويثبتج يارب

اسئل الله العظيم ان يحقق فاللي فخاطرج يارب

لا تحرمينا من جديدج لو عالخاص اتشرف فيج وربي

 

[شهرزاد الحكاية]

الله يبلغنا وياكم رمضان بالصحة والعافية لافاقدين ولا مفقودين اللهم اميييين

والله افكاركم روعة

بحط برنامج وبرجعلكم فيه باذن الله تعالى ​

 

[كويتية بروما]

وووووووينكم بنات
ناطره تفاعلكم

 

[كويتية بروما]

لاحول ولا قوه الا بالله
البنات ال132 اللي دشو محد فيهم مزهب شي لرمضان
اللهم اني استعفرك واتوب اليك

 

[ريحانة 80]

عدت والعود احمدو


طرا على بالي فكره راح اطبقها بين عيالي

حفظ عشر ايات من اول سورة الكهف لقوله صلى الله عليه وسلم ( من حفظ عشر آيات من اول سورة الكهف عصم من الدجال_ وفي روايه من اخر سورة الكهف) [ رواه مسلم ]

مسابقه وكل واحد راح ياخذ جائزه حسب سرعة حفظه واتقانه..


واااصلوووو بنات

 

[كويتية بروما]

الله يخلي لج عيالج ويطرح فيهم لخير والبركه
بنات ناطره تفاعلكم
لاحول ولا قوه الا بالله

 

[Vous jamais]

موضوع حلوو الله يجزاج خير

جدولي إن شاء الله :

- احتسب نية أن من صام رمضان ايمانا واحتسابا غفر الله ما تقدم له من ذنبه

- أختم القرآن

- الصدقة يوميا لو مبلغ قليل لإن الملائكة تدعي للمتصدق كل يوم تقول اللهم اعطي منفقا خلفا و اعطي ممسكا تلفا
احطهم عندي و يوم يصيرون مبلغ اتصدق فيهم

- مساعدة الوالدة بالمطبخ منها بر و فيها أجر اطعام صائم اللي اهما اخواني وخواتي

- مقاطعة التلفزيون و المسلسلات

- التقليل من النت

- الاستغفار وقت الشغل بالمطبخ عشان ما يضيع علينا الأجر

- صلاة التراويح

- الدعاء وقت الفطر لا تنسون يا بنات أن دعوة الصائم مستجابة عند فطره

- بعد توزيع الاكل على الجيران منها ادخال السرور على قلب مسلم و منها اجر الصائم

 

[Vous jamais]

هذا جدول لختم القرآن في اسبوع :

الفجر : 5 صفحات
الظهر : 5 صفحات
العصر : 9 صفحات
المغرب: -
العشاء : 9 صفحات
السحور : 10 صفحات

 

[كويتية بروما]

ما شاء الله خوش ترتيب وتنسيقج لقراءه القران وايد حلوة وبطبقها ان شاء الله
على طاري الدعوه عن الافطار مستجابه بادن الله عن تجربه
كنت دايم ادعي انه بجمعني بمن يحب قلبي بالحلال وسبحانه ربي ماردني واستجاب دعائي
الحمدلله صار زوجي وابو ولدي
هالسنه بيكون دعائي انه يعوضني عن الاجنه الثلاثه اللي ماتو لي
اللهم لاتدرني فردا وانت خير الوارثين
اللهم امين

 

[black rose BH]

اهلين حياتي
ناوية ان شاء الله اختم القران
واصلي بالليل ركعتين شكر الى الله
والاستغفار بكثرة
وقاعدة افكر اعلم اليهال وابوي الله يخليه لان مايعرف يقرا عدل
اعلمه القران كل يوم مجموعه سووًر
والله يبلغنا ان شاء الله

 

[كويتية بروما]

بعد عمري جزاك الله خيرا ع بر ابوج

 

[Vous jamais]

هذا جدول لختم القرآن في اسبوع :

الفجر : 5 صفحات
الظهر : 5 صفحات
العصر : 9 صفحات
المغرب: -
العشاء : 9 صفحات
السحور : 10 صفحات

الجدول لقيته بالنت بس لما حسبت
طلع تختمينه باسبوعين مو اسبوع
يعني برمضان مرتين :eh_s(17):

 

[Ma7rosa]

كويتيه بروما الله يجزاج كل خيير و بمسزان اعمالج

1- اختم القران مرتين لان كل سنه اختمه مره و احاول اني اتذبر بالقراه لان فيها اجر مضاعف
2- اعقد نيه الخير في كل شي حتا الاشياء البسيطه حيل ..
3- احفظ اول جزء من سوره البقره ( الله يعيني علي النسيان ) ؛((
4- اكثر من الاستغفار و الصلاه علي الرسول عليه الصلاه و السلام ..
5- الصدقه
6- احاول قد ما اقدر اني ما اغتاب احد و انصح الي حوليني
7- قطعت المسلسلات ولله الحمد كان عبالي بكون شي صعب بس الحمدالله طاف اول يوم و لا اهتميت
المسلسلات ما وراها الا الذنوب و مضيعه للوقت و رمضان مو شهر مسلسلات

كلها 30 يوم ليش نطوفها علي شي تافه و لاحقين عليه ؟!
8-قيام الليل و التراويح و ما اطوف النوافل و لا السنن


الله يعينا علي ذكره و شكره و حسن عبادته

و سامحوني علي الطواله