تحذير من بيت الحيوان الفاشل

[سكارف.فوشي]

شلونكم بناتيت شخباركم


عندي خبر مو زين:0bee2e8d89:


رفيجتي توها شاريه قطو ذكر وكان عزكم الله يطلع مع بوله دم وانا قتلها وديه البيطري حرام بذمتج
وقالت في بيطري توه فاتحينا بالسالميه بيت الحيوان اسمه
قتلها لا تروحينله محد مدحه بالمنتدى ...... اهيه ماتدش اهني معانه
المهم وهالحجي قبل 3 ايام
ماشبكت الا اليوم قتلها شلون قطوج .......... وهذا الحجي الي دار بينا

Te Amo :
هاو هاو
وين قطيوتج
خليتيها عند منو
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان:
يا معوده اي قطوه اي حاله
اقولج وديتها البيطري الي صوب ستي سنتر
حق**** المصريه
شافت حرارتها وله مرتفعه ومن جذي قام يسهل ويزوع
المهم
غزته ثلاث ابر بلعضل
رديت البيت اله القطوه ميته
Te Amo :
جذااااااااااااابه
اوف اوف
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان :
والله العظيم
Te Amo :
حقيره هذي
شلون جذي سوت شنو معطتها
واااااااااااااااااي حريتيني
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان:
تخيلي ماكان مافيه شي يلعب ويمشي وياكل
انا مت من القهرررررررررررررر
Te Amo :
انا قتلج لا تروحينلها ليش تتليقفين وتروحين
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان :
اقولج بس كان فيه سهال
غزته ثلاث ابر بلعضل
Te Amo :
قتلج روحي الري الي يم سوق الحمام هذي غبيه وماتفهم وشكلها مو طبيبه بعد
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان :
رديت البيت حده مخثل وما يبي ياكل وكلا منسدح مرت عليه ساعتين اله مهو مودع الملاعب مات
مت من القهر
حقدت عليها
Te Amo :
اووف
والله العظيم حقيره هذي
انا ادري محد مدحه والبنات يذمون فيه بالمنتدى يقولون ان اي شي الدكتوره حماره وثوله ماتفهم ولايعه جبدها تمسك حيوان والله العظيم لو انتي معالجته بالبيت احسن
انا ياما قطوي مرض وعالجته بروحي بالبيت
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان :
اقولج ترفع ذيلا تحط مال الحراره تقول اف ايه اريحه الوحشه دي
Te Amo :
اول كنت كله اودي البيطري اي شي يصير اركض اغزه ابره الحين صارلي 6 شهور ماوديته البيطري اي شي يصير فيه اعالجه بالبيت والله يعافي قوقل اي شي تكتبين فيه يسطرلج العلاجات
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان :
كككك
حدي محتره سكتي
Te Amo :
مو قتلج تلوع جبدها والله لشتكي عليها واصكه
بتشوفين
والله العظيم راح اصكه لها وقولي **** ماقالت
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان :
اقولج لو مر عليه يوم ومات قلت ميخالف يمكن من المرض بس تمر عليه ساعتين من غزت الابر ويموت اله منها
البلى
Te Amo :
اشكره
واااااااضحه منها
غبيه
ضيعتني من يديك وانا اللي مجنون فيك.. شيل من راسك اجيك واعتذرلك وارتجيك.. خبرك تغير ولا عاد لك بقلبي مكان :
وماسكه ذيله من غير نفس وتافاف اي ريحه الوحشه دي
Te Amo :
يعني حيوان شنو تبينه يفوح ورد ومسك
ثوله

:0bee2e8d89::0bee2e8d89::0bee2e8d89:
بنات ديرو من هالبيطري وبصراحه انا راح اعفسه عفاس وعندي احساس مو دارسه طب وبس حاطينها عشان يمصون فلوس الاوادم وهذي مو اول شكوى اسمعها من هالبيطري
انا اول ما شفت البيطري استانست وقلت اخيرا فتحو بيطري قريب من بيتنا بس للأسف انا بصراحه مستعده اطق درب لي الحدود عشان صحة قطاوتي عيالي فديتهم ولا احطهم بيد هالسفاحه المجرمه​

 

[hayzabona]

أووووووووووووووووف بذمتهم


ياكره العليميه


انا جذيه قطوتي يسهل ويرجع وكان جايخ وديته الدهناء احنا نتعامل على طول وياه ثلاث ابر والحمدلله ثاني يوم اسمالله عليه عادي

بس عادا القطوه وخليتها بس حطيت مضاد بالماي


امبيه ذووول بذمتنا والله

 

[سكارف.فوشي]

شفتي شلون حيزبونه والله وهذي مو اول شكوى
في عضوه قبل فتره نزلت موضوع اهني تشتكي من علاجهم ومن معاملتهم لهم

 

[ياعشيري جعلك السلال]

لا تقولين

امس خذيت رقم من اهنيه واختي دقت عليه قال العياده البيطريه ليكون هذا اهو
سالناه عن الاربه الي تمنع الحمل قال مدتها 6 اشهر

بس ماراح انييبه البيت

بنورديها الي بالري احسن واظمن

 

[سكارف.فوشي]

حبيبتي ديري بالج وقبل لا تسوين شي سألي واتشيري

 

[sweet cake]

حسبي الله عليها .. هذي شنو مو آدميه؟؟
يعني هذي روح مو تجاره .. بس همهم الفلوس وبس.. شتنفعهم فيه دام بتجيب لهم الذنوب!!

استغفر الله العلي العظيم.. سكارف قولي لرفيجتج تشتكي عليهم خليهم يصكونه..
والله انا ماوديت قطوتي للبيطري الا للتطعيم.. ولما تعبت شوي كلمت لوجين وساعدتني وانا قايله ما اروح الا اذا الحاله قويه اما هالنصابه هذي يا ويلها من عذاب ربها..

 

[سكارف.فوشي]

سويت رفيجتي ماتهش ولا تنش ادري فيها
بس انا بتصرف بهالموضوع
بنات لا تعتمدون بكل شي على البيطري خلوه اخر الحلول البيطري

 

[sweet cake]

صاجه والله آخر الحلول البيطري..

تدرين انا شسوي؟؟ ادخل على مواقع اجنبيه وعربيه واقرا عن الاشياء اللي ممكن تضر القطاوه والامراض وعلاجها.. ولما اشوف ان المعلومه ثقه واكثر من مكان اتفقوا عليها انسخها عندي واحفظها بملف خاص .. وبعدها ان شاء الله بسوي لي فايل واطبع الأوراق واخليهم عندي للحاجه..


بس نسيت لا اقول..
جزاج الله ألف خير وبميزان أعمالج ان شاء الله والله يرزقج على قد نيتج

 

[fatosha]

حسسبي الله عليها

 

[سكارف.فوشي]

حبيبتي سويت زين تسوين
ومشكوره عل هالدعوه الحلوه
والله مابي المضره لكم
فتوشا مشكوره عالمرور

 

[girl0lisheis]

اي والله حسبي الله عليها ماهمها غير الفلوس

 

[Kawaii GiяL]

هذي من صجها ,,,, شهالاستهبال ,,, قهرتني ال @#%؟!

اتخيل نفسي مكانها والله حرااااااااااام شئ يضيق الخلق

و اليوم رفيجتج باجر في ضحايا ثانيه

فوفو حبيبتي لا تخلينها تصرفي لا يصير شئ بناس ثانييين حراام

 

[a7la-86wa]

اي شيييييييييي
انا عندي سؤال اسمه بيت الحيوان
ولا pet house
؟؟؟؟
لان pet house
كنت دايما اودي قطوتي عندهم القحها من همالايا ب30
بس صكر
زين سكارف
هاذي المشكله احنا كلنا نعاني منها
تيي وحده تمدح بهالبيطري وتيي وحده ثانيه تطيح بحظه
مو قادرين نثبت عند واحد
في واحد يديد عند الري وعند الدهما زين بس مشكلتهم فلوسهم ناااار
الموعد بس عشان الدكتور يشوفه ب12
كل بيطري لازم عنده عيوب

 

[بــدويه]

من صجها هذي والله ؟؟ مسويه نفسها طبيبه وتقص ع العالم اللي ما تخاف من الله ..
<.. حدي انقهررت ,,
الله لا يسامحها ولا بعد تعطي ابر .. ياجماعه ديروا بالكم لاحد يروح له واللي عندها اهل يربون حيوانات لازم تبلغهم ..

حسبي الله عليهم علبوون حيوانات مالها حول ولا قوه قالوا نلعب لعب

 

[lojeeen]

يا الله من صجج >< حسبي الله عليها اللي ما تتسمى انا جنووووووووني ادخل على طبيبه مصريه ما أأمنها على روحي فشلون أأمنها على قطو مسكين
الظاهر قطوه رفيجتج اصولها نادره و عمرها اصغير و هاذي ثقلت عليها الجرعه و عطتها ابره مثل مالت البالغين الغبيه

استغفر الله بس هاذي والله يبيلها اللي يشب فيها حريجه مثل ما حرقت قلب رفيجتج عسى الفلوس اللي خذتها منها زقوم ان شاء الله

واسي رفيجتج و خليج معاها أكيد مقهوره حيل الحين و قولي لها خل تسجل معانا في هل منتدى عندنا اللي ينحط على الجرح يبرى و ماشاء الله عليهم خبرات احسن من اي بيطري

 

[MaLSoNa]

مسكييييينه رفيجتج صج عورت قلبي .. انا رحت حق هالمستشفى وكتبت تجربتي بعد ويا هالدكتوره الفاشله .. اول مره اشوف دكتوره جذي استغفر الله عذبت قطوتي وماتعرف اي شي غشيمه حدها ..

 

[ام البنين2000]

سلام عليكم بنات
صج الموضوع يخرع
بس انا عندي سؤال .. انا عندي قطو عمره شهر وثلاث اسابيع لمي شريته وديته الري يفحصونه والدكتور قالي بس يكل شهرين ييبيه نطعمه بس انا اللي اعرفه انه التطعيم علي 3 شهور ...اوديه شهرين ولا انطر 3 شهور ؟؟
واي هو احسن بيطري اوديه الري زين ولا الدهماء؟؟؟
صراحه هالموضوع وااااايد خرعني والقطو اللي عندنا عيالي تعلقو فيه حيل حتي ريلي لمي يروح الدوام يسأل عنه
وانا واااايد خايفه عليه صرت من التطعيم اخاف يعطونه ابره بالغلط

 

[MaLSoNa]

لا عادي طعميه بعمر شهرين .. وواذا سالفه تطعيم عادي وديه الدهماء عند دكتور جوزيف

 

[lojeeen]

الدكتور جوزيف وايد زين انا على طول اروح عنده بالدهماء
و سالفه التطعيم انا اقول احسن نطري عليه لما يصير عمره اكثر من ثلاث شهور حتى مناعته تتحمل تقاوم الفيروس اللي ينحط بالأبره حق التطعيم القطوه وايد تتعب منه

 

[NouNoO]

امبيه امبيه هذي مو دكتورة هدي ثووووو...... انا مرة رحت لها تخيلوا والله قعدت بمكتبها نص ساعه

تتوقعون شنو اسوي انطرها تخلص مكالمتها مع الكهربائي اللي يايبته لبيتها وتقول له شغلك مو عدل وربي عرفت قصتها

بهالنص ساعه مو محترمه يعني عندج احد ياي المفروض اقل ما فيها تنهي المكالمه وتشوف شنو ابي والله نص ساعه اذا مو اكثر

مالت عليها انا قلت بعد ما راح اروح لها مرة ثانيه وعلى اساس انها قريبه لا والله مافي شي اللي بالري صج شوي بعيد بس احسهم ناس فاهمه

كافي الدكتووور نفسه حلوه لما يسمك القطوة ويع الدكتورة هذيج عكسه