تحذير من بائعة كلاب نصابه

[meem1976]

اخواتي سجلت مخصوص أبي أحذركم من صاحبة الأكونت q8superk9 عالإنستغرام، لأنها نصااابه و حسبي الله و نعم الوكيل فيها. شرينا منها يرو روتوايلر على أساس ان عمره 3 شهور و وارد الخارج و قالت معاه كل الأوراق و البيديجري. سعره 450.
بعد فتره قصيره شفنا الكلب مشيته مو طبيعيه ينقز خذيناه للبيطري قال الدفتر اللي عطتنا اياه مزور و الكلب عمره على الأقل 5 شهور من أسنانه و عنده عيب وراثي بمفصل الحوض و انه يحتاج عمليه تكلف 300 دينار بس عشان ما يتألم بالمشي. و البيديجري اللي قالت عنه طابعه ورقه من النت و تقول بعطيكم الموثقه بعدين لأني مو لاقيتها و عندي كلاب وايد و كل يوم تماطل و تتعذر و بالأخير لما قلنالها تبين تعرفين شنو قال البيطري سوتلنا بلوك عالواتساب.
حذار حذار حذار من التعامل معاها

 

[عروسه حلوه]

اببب

 

[shrouq]

شلون تاخذونه من غير ماتشوفون مشيته ولا تفحصونه الله ينتقم منها

 

[meem1976]

الحمد لله على كل حال. فعلا كانت غلطه حسبنا الله و نعم الوكيل فيها.

 

[Dolla]

بصراحه انا عندي اغلب الي يتاجرون بالانستغرام نصابين وطبعا قلت الاغلبيه مو الكل

 

[meem1976]

حسبنا الله و نعم الوكيل

 

[Loloki]

شفت محادثاتكم كلها بس تدرين فلوس حرام بيع جلب عزكم الله

معم بغيت اسالج صج اشتكت عليج ؟؟؟

 

[meem1976]

شكو تشتكي علي! إني وثقت فيها و ما أخذت منها الأوراق كامله و ما فحصت الجلب؟ أنا كل اللي سويته إني حذرت الناس و ما راح أوقف من باب الأمانه. لا عندها محل و لا تعطي بياناتها للمشترين بس ان اسمها أم بدر و كل مره تبي المقابله بجمعيه شكل. أصلا إهي معترفه كل اللي قاعده تقوله أنا أخليت مسؤوليتي يوم ما وقعتي على الإقرار إنج استلمتي الجلب سواء فحصتيه أو لا . يوم شرينا سألناها عن الجلب معاه شهادة السلاله (البيديجري) قالت إي أكيد و على أساسه وافقنا على السعر يوم يابته قالت عندي جلاب وايد و مو لاقيه شهادته بعطيكم اياها بعدين و كل يوم على هالمنوال و محادثات الواتساب موجوده و من رقمها اللي قاعده تبيع منه ماكو أي مبرر إنها ما تييب الشهاده إلا إنها مو موجوده من الأصل و فوقها إنه مريض مرض وراثي بالله ما تقول مرض عندنا. قاعده تقول أنا اتعامل بأسلوب راقي و حضاري و اهي يوم ما قلنالها إنا عند البيطري سوت بلوك مباشرة ما نطرت حتى تعرف شنو قال.
إحنا غلطنا يوم حطينا ثقتنا فيها و كان ضروري نحذر الناس إن هاذي وحده مو أهل للثقه و يجب الحذر في التعامل معاها و ما زلت أكرر.

 

[ظبية بوظبي]

الله ياخذ هالاشكال
المفروض تبلغين عليها عشان قد ما يمكن نقلل من تكاثرهم هههههه جد والله
وزين نزلتي هالموضوع
ونصيحه لا تشترون شي الا من مواقع او محلات مشهوره
هالكلام لي ولكم

 

[ظبية بوظبي]

بعد لو تسون هش تاق ع تويتر فيه اسامي هالبياعين النصابين بيكون عال العال
عشان قبل اي وحده تشتري شي تقوم تدور على اسمها هل عليه شكوى ولا لا
وبعده تتوكل

 

[ريم مزيونة 1996]

الله ياخذ هالاشكال @@"

 

[meem1976]

الله ياخذ هالاشكال
المفروض تبلغين عليها عشان قد ما يمكن نقلل من تكاثرهم هههههه جد والله
وزين نزلتي هالموضوع
ونصيحه لا تشترون شي الا من مواقع او محلات مشهوره
هالكلام لي ولكم

أكيد قاعدين نبلغ كل الجهات المختصه و ننشر الموضوع.

 

[M!SS.LOBY]

اب


اب

 

[meem1976]

رفع للتحذير

 

[lojeeen]

مثل هل مبلغ الكبير كان لازم تسالين اهل الخبره
المشكله بالبديجري لما تطلبينه من الموقع الرسمي لازم ما تكتبين بالبيانات ايميلج و لا راح يرسلون بس صوره على الايميل فاحسن الحين تسوين تسجيل جديد حتى تحولين ملكيه الكلب على اسمج و حطي عنوان المنزل بدون ما تكتبين الايميل حتى ينجبرون يرسلون لج رساله فيها البديجري مطبوع على ورقه

اما سالفه الاعاقه هاذي مصيبه حرام تخبي عليج هل معلومه الحين ما سوت عليها دعاوي البنات عشان كم دينار
جربي تستشيرين بيطري ثاني يمكن الكلب طايح و حصل معاه شرخ بعظامته و محتاج لتجبير اهني عندنا للاسف حتى البيطريين جنهم تجار كل واحد يقولج شي حتى يستغل و ياخذ فلوس اكثر

و ان شاء الله ما لكم الا العافيه

 

[Loloki]

اسعار جلابها عزكم الله وايد غالي شنووو ماخذه كقم الماس ولا شنو

انا اعرف جيرمن شيبرد اسعارهم ٥٠٠ هذا الي عادي

وهذي قوقازي قززوها ١٧ يني بخاربه ٧٠٠

وشيواوه ٨٠٠ وين قاعدين ترا اسعارهم اقل مو جذي بس هذا ماخذه عموله وزياده

يعني ناصبه ناصبه واحسن جلاب من المانيا لاتقوليلي امريكا. الي يدشون مسابقات وياخذون مركز اول. ترا كل من المانيا واسعارهم رخيييصه

ساليني انا لان عشت بالمانيا وهذي حاطه اسعار غاليه انا يوم شفة الاسعار انصدمت

حسبي الله ونعم الوكيل علىها لان تاجر كله بجذب ترا تقدرين تشتكين عليها وترد فلوسج كامله وكامل الله

ويسون لها كمين يعني تحط السانها بلحها وتسكت وماتبيع جلاب معاقه استغفرالله

 

[meem1976]

مثل هل مبلغ الكبير كان لازم تسالين اهل الخبره
المشكله بالبديجري لما تطلبينه من الموقع الرسمي لازم ما تكتبين بالبيانات ايميلج و لا راح يرسلون بس صوره على الايميل فاحسن الحين تسوين تسجيل جديد حتى تحولين ملكيه الكلب على اسمج و حطي عنوان المنزل بدون ما تكتبين الايميل حتى ينجبرون يرسلون لج رساله فيها البديجري مطبوع على ورقه

اما سالفه الاعاقه هاذي مصيبه حرام تخبي عليج هل معلومه الحين ما سوت عليها دعاوي البنات عشان كم دينار
جربي تستشيرين بيطري ثاني يمكن الكلب طايح و حصل معاه شرخ بعظامته و محتاج لتجبير اهني عندنا للاسف حتى البيطريين جنهم تجار كل واحد يقولج شي حتى يستغل و ياخذ فلوس اكثر

و ان شاء الله ما لكم الا العافيه

حبيبتي الجلب معاق ما يصير له بيديجري من الأصل أنا فحصته عند المستشفى البيطري الدولي و سووله آشعه و شفت مفصل الحوض شوفة عيني مشوه و عظمه الساق طالعه مو داخله بالمكان الطبيعي للمفصل و البيطري خلاني أشوف آشعة جلب طبيعي و جلبي للمقارنه. كل كلامها كان جذب سواء عن عمر الجلب أو إنها مستورداه من أوروبا أو ان معاه بيديجري كلللله جذب.

 

[meem1976]

للمعلومات المرض اللي في جلبي مرض وراثي ويصيب سلالات الكلاب اللي حجمها كبير مثل الروت وايلر و الجيرمن شبرد و اللابرادور و غيرهم. اسمه hip dysplasia و له درجات لو وصل لحد معين في الجلب ممنوع توليده من الأصل لمنع إنتاج جلاب مريضه. طبعا اللي بيلتزم بها الشي اهم أصحاب الكنيلات المحترمه لكن اللي غرضهم فقط الربح و لو على حساب الناس و على حساب الحيوان المسكين يسوون مثل اللي سوته الأخت أم بدر.

 

[lojeeen]

واي جذي صج قهر لازم تقدمين بلاغ بالمخفر هاذا اسمه غش

 

[meem1976]

واي جذي صج قهر لازم تقدمين بلاغ بالمخفر هاذا اسمه غش

حبيبتي الحل ويا الأشكال هاذي إن أمرهم ينفضح و الناس تاخذ الحذر من التعامل معاها. مثل ما قلت قبل أنا هدفي تحذير الناس من باب الأمانه و الغلط كان غلطنا يوم ما وثقنا فيها. إحنا مو أهل مخافر.