~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

[so_what]

كملي حبيبتي ‏

 

[SoS <3]

tooooot B3D 8lBiii Na6ReeNeeCh

 

[البارونه*_^رونه]

وااااااااااااااااااااي تهبل


بدااااااااااااااااايه حلووه
كملي حبيبتي نااااااااااااااااطرينج

يعطيج العافيه

 

[غــلآهاا غير]

حبيبتيي مشكوورهـ عالبارت نااطرينج

 

[cup-cacke]

تسجيل حضور

 

[DALLY]

لي رجعه بالليل عشان اقرا البارتات

يعطيج العافيه حبوبه

 

[*toot]

مشكوورين على الردوود العسل واسفه على اتاخير
الحين انشالله انزلكم البارت السادس ^_~

 

[*toot]

البارت السادس
------



عبدالله قاعد بغرفته يفكر بدانه ... (ويقول بقلبه ) يليتج يا دانه تحسين بلي قاعد احس فيه .. صج بديت احبها مافيها شي ماينحب البنت كلها على بعضها حلوه اااخ بس شلون افاتحها بالموضوع شلون اخليها تدري اني بديت احبها وابيها .. ماكو غير دلوول تكلمها وتقول لها عني .. (وقرر انه يروح لدلال بغرفتها ويكلمها ....)
طلع من غرفته شاف غرفة دلال مبطله ومحد فيها !!
عبدالله قعد يفكر بشغله بس متردد انه يسويها بس قوى قلبه ودش غرفة دلال وقعد يدور موبايلها لمن لقاه وخذا رقم دانه ورد كل شي بمكانه قبل لا يطلع من غرفة دلال ... وراح غرفته

-------

قعد على السرير يطالع الرقم ومتردد ( ادق ! ولا مادق! )
تذكر كلام سعود لمن قاله صارحها بمشاعرك !
عبدالله بقلبه ( صح كلام سعود ليش ماصارحها ليش اسكت واحط بقلبي واخر شي تروح البنت من ايدي وثاني شي انا موقاعد العب عليها انا ابيها واكيد نهاية علاقتنا راح تكون زواج... ) وقرر انه يتصل عليها ...

-------

دانه مويايلها نوم قاعده تسمع اغاني بالايبود ...
شوي ولاتشوف رقم غريب !!
دانه : منو هاذا ! (وطنشت ماردت على الرقم)
عبدالله : ( ليش ماترد )!!!
رد عبدالله دق مره ثانيه ومع كل رنه يحس انه دقات قلبه تزيد
رد دق نفس الرقم الغريب عند دانه
دانه : ولين يعني وبعدين ! وقررت انها تشيله
دانه : الو؟
عبدالله : الو
دانه : منو؟
عبدالله : قوه دانه
دانه : (استغربت منو هاذا ) !! قوتين منو معاي ؟
عبدالله : انا عبدالله
دانه : ( فزت من مكانها منصدمه ماكانت متوقعه انه اهو ) هلا عبدالله
عبدالله : شلونج دانه ؟ شمسويه؟
دانه : ( مستغربه ومستانسه بنفس الوقت ) تمام بخير انته شلونك؟
عبدالله : عسا دووم .. انا بخير دامج بخير
دانه : تسلم
عبدالله : يسلمج .. دانه انا في شي بقلبي وحاب انج تعرفينه واتمنى انج تسمعيني لي الاخر وماتفهميني غلط
دانه : ( عرفت شنو قصده ) تفضل قول ..
عبدالله : دانه انا بديت احبج من اول ماشفتج حسيت بشي جذبني صوبج مادري شنو اهو لمن اشوفج ارتاح انسا همي .. مابيج تفهميني غلط اني قاعد العب عليج او اني العب على بنات الناس .. دانه انا حبيتج وموقاعد العب ابيج بالحلال .. بس مادري اذا انتي تبادليني نفس هالشعور ولا لا او بالج احد مثلا؟
دانه : ... (ساكته)
عبدالله : شفيج ساكته دانه تكلمي قولي اي شي ريحيني
دانه : عبدالله انا ماجذب عليك اني بديت اميل لك والصراحه ماسمعت عنك الا كل خير ومافيك شي ينعاب ودلال فاتحتي بالموضوع... (عبدالله قاطعها)
عبدالله : فاتحتج بالموضوع !!! متى؟
دانه : لوول اي قالتلي اليوم
عبدالله : كلش مايابت طاري اصلا انا كنت ابي اكلمها واقول لها تكلمج بس قلت ليش اهي تكلمج واخلي وسيط بينا انا اكلمج من نفسي واقولج الي بقلبي احسن
دانه ..( مستحيه ) اي
عبدالله : ها دانه يعني افهم من كلامج انج موافقه انه نرتبط !
دانه : ( مستحيه ) اممم
عبدالله : بدينا عاااد بدلع البنات
دانه : لووووول امممم اي موافقه
عبدالله : فديت هالضحكه ... وتمو يسولفون ويضحكون ليمن داخو ونامو

-------

الصبح .....

دلال : هاذي وينهي تأخرت وادق عليها ماترد اف منج يادوين كله مأخرتنا
وقعدت دلال ادق على دانه لمن قومتها من النوم بالغصب
دانه : ( بصوت تعبان ) : الو
دلال : ( معصبه ) ليش ليش قعدتي ردي خيسي نوم
دانه : وااي دلوول انزين بقوم خلاص الحين الساعه جم ؟
دلال : مومن صجج دانو الحين الساعه 8 ونص واحنا محاضرتنا 8
دانه : (قامت من لفراش مخترعه) .. شنو @@ امبي مادري ماحسيت بروحي راحت علي نومه
دلال : لا والله نامي مالت عليج ماراح يمدينا
دانه : وااي دلوول لو تدرين شصار ماتلوميني .. المهم انا اقوم اغسل وابدل وامرج راح انسكب على هالكلاس شنسوي بعد مايمدي
دلال: شالكلام بدينا انسكب بالكلاسات من متى؟
دانه : دلوول وااي يعني قاعده متأخر ماراح يمدي خلاص
دلال : خلاص يلا لا تتأخرين عشان نلحق على لكلاس الثاني
دانه : اوكي يلا باي
دلال : بايات
دانه موقادره تبطل عيونها بس تذكرت شصار امس وابتسمت .. شافت مبايلها لقت مسج من عبدالله ( احبج ) ابتسمت ...
وجان ادزله ( وانا بعد احبك )
وقامت غسلت وبدلت لبست جينز سكني مع قميص بولو ابيض وسوت شعرها ستريت وحطت فيونكه صغيره كحليه على جنب وميك اب خفيف وكانت طالعه زوغه ... وطلعت من البيت

-------

مريم ( بنت خالة عبدالله ) كانت قاعده بالدوام وماعندها شغل .. فكرت انها تسأل وادق على عبدالله
مريم : ( بقلبها ): خل ادق على عبيد اشوفه شلونه شخباره مادري عنه من مده .. وشالت موبايلها ودقت عليه

عبدالله بالدوام وكان لاهي بالشغل ... رن موبايله ( مريم يتصل بك )
عبدالله : ولين وقتها عاد !!!
وحقرها مارد عليها
وردت مريم ادق ..... وهمن حقرها عبدالله مارد .. وردت ادق مره ثالثه
سعود : شفيك عبيد ماترد ؟
عبدالله : ماني راد هاذي مريم
سعود :انزين رد عليها شوفها شتبي يمكن في شي ضروري
عبدالله : ماتوقع بس جذي فاضيه داقه تسولف اعرفها ... بس على قولتك خنشوف شنو اخرتها وياها..( ورد عليها عبدالله)
مريم : (بدلع ) الوو
عبدالله : الو هلا مريم
مريم : هلا فيك .. شلونك عبدالله ؟
عبدالله : تمام الحمدالله .. انتي شخبارج ؟
مريم : بخير دامك بخير ... وينك مادق ماتسأل ؟
عبدالله : والله لاهي شسوي ارد من الدوام هلكان ادور لفراش ماعندي فرصه كلش
مريم : الله يعطيك العافيه ... عبدالله عندك شي هاليومين؟
عبدالله : ليش خير انشالله؟
مريم : لا بس قلت من زمان موطالعين ودي انروح سينما او مطعم المهم نطلع
عبدالله : لا والله مشغول ماقدر
مريم : امممم خلاص عيل انخليها وقت ثاني متى مافضيت قولي عشان انشوف لنا يوم ونطلع
عبدالله : انشالله .. ( عبدالله يبي يصرفها وبنفس الوقت موفاضيلها ) يلا عيل مريم اخليج الحين لاني بالدوام ومشغول
مريم : اوكي عيل .. مع السلامه
عبدالله : مع السلامه

عبدالله يكلم سعود : ماقتلك فاضيه ماعنددها سالفة داقه تسولف ولا بعد تقولي شرايك نطلع ياخي هالبنت حدها جريئه وماتستحي قاطه روحها قط علي
سعوود : ( يتطنز )ههههههه شعليك شعليك احد لاقيله جذي وحده ميته عليه ويتغلى!
عبدالله : سعيود انته حدك فاضي ..

-------

انروح عند دانه ... وصلت لبيت دلال ....
دلال : واخيرا وصلتي
دانه : وااي دلوول بدينا عاد خلاص ماصار شي كاه يتلج
دلال : بدون مقدمات قوليلي شنو الي صار امس ومادري عنه؟
دانه : ( اطالع دلال وتبتسم )
دلال : دانو خلصي قوليلي شصاير ؟؟؟؟
دانه : امس كلمت عبدالله ( وتغمز لها )
دلال: ( دلال تقصر على الراديو بسسرعه )@@ حلفييي شلون ومتى صار !
دانه : ( لوووول دانه تضحك على شكلها شلون تنحت) شلون؟ اهو دق علي .. ومتى ؟ باليل بعد مارجعت البيت بجم ساعه
دلال : وشصار شقالج بالضبط؟
ودانه قالت لها كل شي بالتفصيل الممل ....
دلال : واااي فديتكم والله لايقين على بعض وعبيد هالملعون مادري عنه انه جذي موهين يسويها من وراي ها انا ااعلمه
دانه : لووووووووووول موصاحيه

-------

مريم بالدوام قاعده مع رفيجاتها ....
سهى : ها كلمتي حبيب القلب !
مريم : اي بس مشغول بالدوام ماخذيت راحتي وياه
ناديه : وهاذا كل ماتكلمينه مشغول وبس !!! والله انا احاسه انه قاعد يصرفج
سهى: جذي تكون باله وحده ثانيه ويحبها وانتي ماتدرين!!
مريم : فال الله ولا فالج اصلا اهو لي مو لحد غيري ولي تفكر انها تاخذه مني والله بتندم اهي وياه .......​

 

[so_what]

مريم حددددها لزقه الله يستر منها ‏
كملي حبيبتي ‏

 

[cup-cacke]

اممممممممممممممم..مريم حياتي هوينا شوي..لاتصيرين لزقه وااااايد

الله يستر منها..بس لا اسم القصه يدل على نهايه سعيده

 

[الحلوه وبس]

اخخخخخخخخخخ
مسكيييييييينه دانه
لانه مريم ان درت عنها ماراح تخليييها
الله يعينها
واتوقع راح يتزوجوون بالنهايه لوول

 

[SoS <3]

Mryam << '3aThtniiiiii
DaNa << wh Ya nas FdiTha
Dlal << a7sHa 6yBaaaaa
Ummm 3BdallaH << Ya 7lelaaH
msHkoooRa 3 alPaRt :eh_s(22): :eh_s(22):

 

[*toot]

مريم حددددها لزقه الله يستر منها ‏
كملي حبيبتي ‏

اي والله الله يستر من هالمريم :\

cup-cacke رد:اممممممممممممممم..مريم حياتي هوينا شوي..لاتصيرين لزقه وااااايد

الله يستر منها..بس لا اسم القصه يدل على نهايه سعيده

انشالله تكون سعيده

الحلوه وبس رد:اخخخخخخخخخخ
مسكيييييييينه دانه
لانه مريم ان درت عنها ماراح تخليييها
الله يعينها
واتوقع راح يتزوجوون بالنهايه لوول

اي والله مسكينه مايندرا شراح تغبر فيهم مريم :\
انشالله الله يسمع منج

SoS <3 رد: Mryam << '3aThtniiiiii
DaNa << wh Ya nas FdiTha
Dlal << a7sHa 6yBaaaaa
Ummm 3BdallaH << Ya 7lelaaH
msHkoooRa 3 alPaRt

العفو حبيبتي

 

[cup-cacke]

اخخخخخخخخخخ
مسكيييييييينه دانه
لانه مريم ان درت عنها ماراح تخليييها
الله يعينها
واتوقع راح يتزوجوون بالنهايه لوول

لا لا ان شاءالله ماتسوي شي..وان سوت لهم شي انا اوريها:rgewrg:

 

[غــلآهاا غير]

مشكوووووووووووورهـ عالباارت الرووعه نااااطرينج حبيبتي

 

[*toot]

مريم حددددها لزقه الله يستر منها ‏
كملي حبيبتي ‏

لا لا ان شاءالله ماتسوي شي..وان سوت لهم شي انا اوريها:rgewrg:

لوووول كب كيك خلاص من اليوم ورايح بعتبرج محامي الدفاع حق دانه وعبدالله ان سوت لهم شي مريم

 

[*toot]

مشكوووووووووووورهـ عالباارت الرووعه نااااطرينج حبيبتي

العفو حبيبتي .. انتي الروعه :$

 

[cup-cacke]

لوووول كب كيك خلاص من اليوم ورايح بعتبرج محامي الدفاع حق دانه وعبدالله ان سوت لهم شي مريم

وانا مستعده لهالمنصب

 

[Noufa ala]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

لا لا لا انتي عجييبه
ابــ ابــ ابــ ابــ
اسلوبج زووغه حبي
تسلمييين البارتات اتينن ::***

 

[البارونه*_^رونه]

واااااااااااااااااااااااااااااي فديتهم عبود ودندون لااايقين على بعض وربي

ربي يسعدهم


يعطيييييييييييج الف عااافيه الباااارت جوووناااااااااان