رد : تحب ولد خااالتها
والله أنـا آللي أعرفه , إن البنت ( المسلمة ) لازم تكون محتشمة بتصرفاتها ماهوب بس محتشمة بحجابها و لبسها
يعني زينة البنت حياءها ,, و الحياء تاج على راس النساء ,, يعني تبين له إنه تحبه ( هنا انتفت صفة الحياء )
النبي صلى الله عليه و سلم كان أشد حياءً من العذراء في خدرهـا ,,
و إذا بيّنت له إنها تحبـه فهنـا وقعت في ( الحراااااااام ) لأن الشيطان يبي يدخل هنا و قد يفتن الشاب و تتغير النية إلى شي محرم
و الحب هذا يبي ينقلب من حب عذري ( لا يتجاوز القلب ) إلى حب محرّم يجر معه علاقة محرمة و غزل ( لأنوهـ تجاوز القلب )
يعني واحد يحبني بينه و بين نفسه من دون لا يبين لي هذا حبه ( عذري ) ,
لكن واحد يحبني و يتميلح و يبين لي حبه ( هذا يُعتبر من وجهة نظري و الله أعلم بالصواب : مغازلجي ) و شخص ماهوب جالسن يحترمني ,
يبيني يدق الباب , ماهوب يسووي حركات تلفت انتباهي على أساس إنوهـ يحبني !!
الحياء حسن على الرجال لكنه على النساء ( أحسن و أجمل ) و البنت من دون حياء ترى ما تسوى شي يا الغاليـة ,,
أيش آللي تبيـّن له و ما تبيّـن له ,, معليش حبيبة قلبي ويـن حنـا فيه , لا ديننا يرضى بهالشي و لا عاداتنا و لا تقاليـدنا
يعني أحب واحد أروح أتميلح و أبين له إني أحبه ؟ سلامات ليـه وين حيائي ؟ ويـن كرامتي ؟ وين ديني ؟ ويـن عفتي ؟
ويـن عاداتي و تقاليدي ؟ ويـن تربية أهلي لي ؟
قولي للصديقتك يا الغاليـة هذا الكلام :
هل ترضين إن واحدن من أخوانك يدري بنيتك هذي ؟ إنك تحبين ولد خالتك و لا بعد جالسة تحاولين تبينين له حبك له و تلفتين انتباهه ؟
و مخلية صديقتك تنزل موضوع كامل حتى يساعدنك البنات على إنك ( تلفتيـن انتباهـ ولد خالتك ) ؟
تتوقعيـن وش ردة فعله لما يدري إن أخته تفكر التفكير هذا ؟ وش هي النظرة آللي يبي يآخذهـا ؟ و هل يبي يرضى ؟
مستحيـل !! و إذا ما كان يرضي أخوك فهو من باب أولى إنوهـ ما يرضي خالقك سبحانه و تعالى .. صح و إلا لا ؟
و شوفي يا قلبي , الرجال ما يحب البنت آللي ترمي نفسها عليه و تلاحقه و ترى الثقل زيـن .. حتى لو كان ولد خالتك ممكن يآخذ فكرة شيـنة عنك
أنـا أقول لا تحطين نفسك في موقف محرج أنتِ في غنى عنه
إذا ودك فيـه , ما لك إلا رب العالميـن , تفرشيـن سجادتك في الثلث الأخير من الليل و تدعين الله إنوهـ يكون من نصيبك
و صديقيني يا الغاليـة , إن كان من نصيبك راح تآخذينوهـ و لا بتقدر قبيلة كاملة إنه تآقف في وجه قضاء الله و قدرهـ ..
( يا صاحبة الموضوع وصلي هذا الكلام لصديقتك )
معليش يا الغاليـة لو كان شووي قاسي , يعني لو قلت لك غير هذا الكلام و أيدت تصرف صديقتك و أنا دارية إنوهـ غلط بغلط أبصير كذابة و منافقة و شرانية
و أخوك من وقف ضدك و أنت غلطان و نصحك ماهوب آللي يمدحك و يجاملك و يسايرك و هو يدري إنك غلطان ,,
احترامي و تقديري
ترانيم القصيم
