تحبين وماصار من نصيبج ......خسارة

[* ملكني الخوف *]

ذكرتيني بأحلى ايام عمري حبيته سنه كامله واهو ما انكر انه حبني كنا نحب بعض بجنوووون وكانت اجمل ايام حياتي وماشوف غيره مجنونه فيه وليلحين اتذكره وابجي لانه عمري ماشفت واحد واحد نفسه بطيبته ولخلاقه حنوووون لدرجه ماتصورينها كان يبي يتقدملي بس امه واخوانه قومو الدنيا وقعدوها لاني من قبيله ثانيه الله لايسامحهم فرقونل واحنا اللي بنينا وبنينا وسمينا عيالنا قالهم ابيها تخيلو اطردوه من البيت وقطو اغراضه بالشارع بس عشان يتراجع عن قراره دقيت عليه بيوم قلتله تقدملي واحد واهلي راضين فيه قمنا نبجي انا وياه راح لاهله ثاني مره وردوه ياااااي لاتشوفين شصار فينا بس نبجي ولمه صار عرسي شفته واقف عند الصاله اللي بدش فيها وكل الحزن فيه وانا خانقتني العبره بجيت وعيني وحده فيها كحل والثانيه مافيها من البجي دخلت الصاله وشكلي غلط وقالي قبلها راح نتلاقى بالصدفه بس اهو عصب علي وقالي ليش ماصبرتي علي ليش مانطرتيني والله تحسفت بيومها اني ماصبرت بس اللي صار مو بيدي قسمه ونصيب واختي شافته بالجمعيه وكانت تنادني اختي لصغيره لمه سمعها تقول اختي قام يلتفت مثل المينون يدورني ياليتني كنت معاهم وشفت بس زوله ان شالله نتلاقى بالجنه والحمدلله سبحان الله الله يعطي الواحد على قد نيته الله رزقني بزوج يحبني ومايرضى علي وانا حامده ربي انا مانسينه ولا اقدر انساه بس قاعده اتنساه ولامقصره بحق زوجي كلش واغليه واحبه ومابي غيره ويارب لاتحرمني من زوجي*

 

[لكبريائي مهابه]

ملكني الخوف..عورتي قلبيي والله وماتدرييين ايش الخييره فيه.. ياربيي لييه الحبايب ماياخذون بعض,,,
والله مانبي من الدنيا الا هم..

 

[عز أهلها]

اخييييييييييييييييييييييييييه

والله الموضوع عوار قلب

انا قاعده امر بالموقف هذا ومتعذبه

تزوج من شهر وشوي وانا مثل المصدومه احس ان حلم
كل شي بحياتي تغير اهملت نفسي وصرت اتعب وابجي من اي شي
والله لما اتخيل ان مع وحده غيري امووووت من حسد بالناس
بس والله من عرفته وانا ارسم حياتي معاه بكل تفاصيلها
من عرفته وانا احس ان هذا ريلي وابو عيالي

عوار قلب الموضووع غرقت بدموعي والله

 

[لقيت حبي]

غلطتنا لما نتجاهل صوت القلب ونسمع العقل لاننا لما نحب من قلب لا زواج ولا غيره يخلينا ننسى حبنا راح نعيش طول عمرنا نتمنى الحبيب بس هذا نصيبنا

 

[لكبريائي مهابه]

لقييت حبي..بالعكس العقل هوو الصح دائمااا حتى لو نظغط على قلوبناااا
هو الصح شئناا ام ابيناااااا

 

[لابسة البرقع]

انا ماصارلي هالموقف بس عرفت من ناس ان بنت عم زوجي كانت تحبه و تبيه لدرجة انها قايله لوحده من قرايبي بعد ما ملجت انا انا مجنونه و ما عندي سالفه تزوجت هالانسان لانه مو صاحي و فيه و فيه و طلعت فيه عيوب الدنيا علبالها اني بهون عنه بس ما همني كلامها و الحمدلله طلع كله كذب بكذب

 

[* ملكني الخوف *]

صح كلام لكبريائي العقل هو الصح انا مرتاحه حيل بزواجي لو خذيت اللي احبه كان اهله مو مخليني بحالي ومطلقني لانهم يكرهوني

 

[خلود الزمان]

الحمدلله ماصارت معاي

والله يعين الجميع

 

[لقيت حبي]

لقييت حبي..بالعكس العقل هوو الصح دائمااا حتى لو نظغط على قلوبناااا
هو الصح شئناا ام ابيناااااا

احترم رايج بس لما بقلبج واحد ثاني شلون بتعيشين انا اقولج بتعيشين من اجل غيرج اهلج المجتمع لكن لما تختارين من قلبج راح تذوقين السعاده وتعرفين قيمتها الحب اهو اساس كل شئ وبالنهايه الحياه بتمشي جذيه او جذيه

 

[لكبريائي مهابه]

مااختلفت معااااك احنا لو نطاوع انفسناااا كان اخترنااا القلب بمااا انا بنات عاطفيييااات
بس اذا حنااا نفس حاله ملكني الخوف كان ماارتحتي ولاتهنيتي واخرتهااا طلاااق
خصوصا اذا كانت الظرووووف كلهااا ضدك يعني مارح تهنيييين فابالعقل تاخذيين اللي يريحك
واهلك فوق كل اعتباااار
بس اذا اسباب تافهه ويعني في امل يوافقوووون..لاوالله اكوون مع اللي احبه
لان في امل..

 

[لقيت حبي]

انا لا اخترت بقلبي ولا بعقلي تبين الصراحه القدر اهو اختارني

 

[لكبريائي مهابه]

شلووون؟؟

 

[رواضي 20]

ااااااااااااه قلبتي المواااااجع ااااااااااااه

احبه ويحبني بسسسسسس السبب امه الله يهديهاااااااااا ماتبيه ياخذ الا اللي من اهله مع انا نفس القبيله بس اهواا من عايلة وانا من عايله والله العظييييم اني اتمنى قربه لو بغرفة ما ابي اي شي من الدنياااااااا الا حبه واقضي عمري معاااه مع انه اصغر مني بالعمر فرق سنتين او ثلاااث بس يحلف بالله العظيم ماهمه العمر كثر القلب والحب اللي بيننا وتكفوووووون يااا خوااااااتي تكفوووون ادعووووولي اني اخذه واقضي عمررري معااااااه بس اهواا ولا غيره والله اني ادعي ربي كل ليله وصليت الاستخارة واستخرت ربي فيه والله ماتصدقوون خوااتي اني قمت من نوومي وانا اسعد النااس احس بفرحة عمرري ماشفتهاا حلمت فيه انه بغرفة بيتناا ونزلت من الدرج وشفته وقلتله انت شتسووي هني قالي لا تخافين عاادي قلتله رروح لاينزل ابووي يشوفك قالي عادي وانا خفت وصعدت غرفتي وحسيت ان ابووي نازل على الدرج وجنه كان يتكلم معااه سمعته بس شنوو قالوا ما ادري ويوم قمت من نومي كنت مستانسه حيييييييييييييل يااااااااااارب كمل وناستي وسعادتي مع اللي ابيه ويبيني ادعوووولي فيه تكفوووون

اسمحولي على الاطااله خووااتي بس مالي الا انتم افضفض لكم ​

الله يفرح قلبج ان شاءلله ويجعله من نصيبج يارب ع فكره انا قصتي مشهابه لقصتج

الله كريم ان شاءلله الله يهونها ويفرجها عليج وتفرحين يااارب​

 

[HUDA2010]

الله يرزقنا اللي نتمناهم على خير يااااااااارب

 

[خاب ظن الشوق بك]

شهالموضوع الله يهداااااااااج
ترى الحين الفيير صج قلبتي الموااجع
الله كرريم يهون الجرح الالييم

 

[كويتية222]

إييييييييييييييه ذكرتيني بالذي مضي . . . . .

كنت اجمع صوره في دفتري واتابع اخباااره مجلة مجلة وجريدة جريدة وزنقة زنقة

يااااه والله اياام

تنصدمت لما قريت خبر زواجه والله صج انصدمت

كان فارس احلامي ذيج الايااام

راغب علامة

ترى والله صج ما تغشمر

 

[coralia]

اب اب

 

[تعبت اداري...~]

ما قول غير الله يكتب الي فيه الخير

 

[AL ANOOD]

بجيتوني حرام عليكم

 

[عيون جريئة]

موووضوع يبجي ويفتح جروح كانت متسكره​

انا حبيت واحد من اهلنا من الصغر وكان اسمي على اسمه(يعني خطبه ) من نحنا وصغار والكل يدري وكان في مشروع زواج واسره سعيده لكن الاقدار منعت هالشي
مره من الايام خطبني واحد (وهو الحين ريلي ) انصدمت شلون وانا احب واحد ثاني قلت اكيد ما رح اوافق لاني احبه
رضيت لا شعوريا انه اللي خطبني يي يقعد معاي
واذا بي اتفاجئ بتلفون من ام اللي احبه تكلم يدتي وتقولها خل البنيه تتزوج انا اخاف ولدي يدش الجامعه ويحب وحده غيرها وما ابي اظلمها و الولد ما يبيها
متتتت شلون ما يبيني بس عطيت الموضوع طاف ووافقت على ريلي لاني كنت احسن باعجاب تجاهه
لين ملجت وخلاص قررت اني اتزوج بديت افكر بالموضوع اني الحين بشوفه بيمعتنا (لما كنت مخطوبه ما كنت اروح بحجه اني مع ريلي )وبتذكر ايام الطفوله تزوجت وصرت اشوفه كل يمعه ومره من الايام كلم يدتي وخبرها انه متضايق مني شلون اتزوج وانا ادري انه يحبني فقالتله انه امه قايله انه ما يبيني تخييييلوا انه امه مطلعه الحجي من راسها والصبي ما يدري عن اي شي
كملت حياتي عادي وعشتها عادي لان ريلي انسان محترم وخلوق ويحبني واايد لكن بنات ام الصبي دقت علي وعزمتني على قص مهره تدرووون وش صار فيني مت دمعتي نزلت ما دري ليش ولما تزوج كل ما اشوفه مع زوجته احسن اني مرتبكه
واحيانا لما اتضايق من ريلي افكر بايام الطفوله معاه
شسوي بسويله مسح كلي من ذاكرتي
مع العلم اني احب ريلي بس ليش للحين اتذكر هذاك وافكر بالايام الماضيه
طولت عليكم بس طرحت القصه كما هي وسامحوني