تحبين وجبات الطيارة؟ شنو احسن طيران من ناحية الوجبات خخخخخخخخ

[الكرملين]

السؤال واضح


ناطره ردودكم:d

 

[جكورة]

مشكورة شاطرة على الموضوع... وطبعا أحب وجبات الطيارة على صغرها أحس إنها تشبع.....وأحسن وجبات ذقتها على الكويتيـــــه...

 

[bnt q8 in usa]

واي عاد انا اعاني من الوجبات يعني لو شنو مايحطون لي مااكل طول الطريج ماغير ماي او شوية دايت بيبسي وعن الحرام اكون يايبه بطاط وياي وكاكاووو
مع اني اقعد درجه اولي وساعات رجال الاعمال بس تيني حالة انسداد بالنفس موطبيعيه حتي بناتي مثلي بالغصب اوكلهم

ساعات درجة اولي يحطون صمون وكرواسون وياجبن هذيل الي ممكن اكلهم
بسسسسسسسسسس
تلاقوني من انزل الطياره راسي مفتر فر عاد احنا بالطريج 14 ساعه وقبلها مبدلين طياره يعني حوسه

 

[BaiTotia]

هههههههههه عاد الصراحة ولا طيران لقيت عنده أكل سنع الله يزيد النعمة

إللي آكله الصمون مع جبن ولا زبدة و عصير أو قهوة و إذا حطو سويت و عجبني آكله بسسسسسسسسس

 

[New Mum]

انا أصوم بالطياره من الأعصاب و المحاتات

 

[رفرف]

ماحب اكل الطيارة .. من ننزل اكل اي شي بالمطار

 

[Harmony]

ما احب اكل الطيارة كلش كلش بس حسب ما اسمه ان السعودية و الاماراتية اكلهم زين و وحده تقول اكل الكويتية متسنع بس عن نفسي ما اكل بالطيارة ابد خير شر

 

[الجــادل]

الكويتيه بدت تتسنع

والقطريه حلو اكلها

والسعودية مو شي

والبريتش لازم تطلبين اسلاميك ميل

اما الاماراتيه اكلها روووعه خصوصا الدرجة الاولى

 

[عسولة الكويت]

الاماراتيه اكلها روووعه يهبل
الكويتية مايعجبني ​

 

[رمانه كويتيه]

الكويتيه اكلها ولا بيزه ناشف يلوع الجبد رحنا مصر يابولنا وجبة غدا عيش ودياى كله ناشف بناشف

 

[زلابيا]

الله يزيد النعمه مايعجبني اكل الطياره ..

ماذكر ركبت طياره وعجبتني وجبتهم

 

[جنتي^و^ناري]

الإماراتية

اخر سفره حطوا جيزكيك على كشمش مادري اشلون الكشمش من فوق بس ماتوقعت إنه يكون لذيييييييييييييييذ بس ماكليت وايد لأن معدتي كانت تعورني من السفر

 

[Layz]

القطرية بعدين الكويتية

مرة كليت بطيران الخليج لاعت جبدي حتى ريحة الطيارة ويع ريحة طبخهم استغفر الله مو حلو ..

 

[بنت الحزن]

انا و ايد بصراحه اسافر و علي كل الدرجات
الايطاليه اكلهم مو طبيعي يمي
الكويتيه اكلهم حلو

 

[* LOVE STORY *]

الكويتيه الله يزيد النعمه ,, الاماراتيه حلو ونظيف .

 

[supermarket]

الاماراتية اكلهم حلو واييج حااار

 

[لوللي]

الكويتية حلو البريطانية نص نص
أما الماليزية استغفر الله ما انصحكم فيه

 

[Berlant]

بنات لا تضحكون زين
السيلانية اكلها فظييييييييييييييييييييييع قسما بالله برياني و شغلات دياي و عيش اصفر و مرق بس ماذقت مثلة
حلو حيييل انا و زوجي طلبنا وجبات مرة ثانية هيهيهي مشافيح
مالقينا حجز فاضطرينا نسافر على السيلانية

 

[FOZQ8]

انا غير القهوه مايطب ابطني شي ثاني
واييب معاي كاكاو

 

[ساره ستايل]

القطرية موشي اكلها

الكويتية رووووعه جني قاعدة اتغدى عند امي (طباخ بيت )

الاماراتية بعد حلووووو