تحبين تسافرين مع زوجج ولا اهلج؟ ليييييييييييش؟

[قمر ضاوي33]

السفر مع زوجي حلو لأنه يونس بالسفر كله طلعات وسهرات ومطاعم واماكن سياحية بس سوق لا .... واهلي وناسة يمعة وضحك وسوق ...
مع زوجي السفرة رومانسية حدها ... ومع اهلي عائلية حدها ....
كل سفرة ولها طعمها ... وكلهم نحتاجهم ...

 

[* LOVE STORY *]

مع ريلي وناسه ومع اهلي وناسه .. فعشان جذيه نسافر آنا وريلي اي دوله نبيها ونستانس وبالاخير نخلي محطتنا الاخيرة لندن عشان نلتقي بأهلي وأهله لأنهم مايحبون يروحون غيرها تعودوا عليها .....

 

[Amory]

افضل اسافر مع زوجي طبعا علشان اعيش شهر عسل من يديد

اذا رحت مع اهلي راح اوله على زوجي وماراح استانس من غيره الله لا يحرمني منه انشاء الله.

 

[طنط سميحه]

يا شطوره يا حلوه وموضوعج حلووو )

آنا ما أحب أسافر لا مع أهلي ولا مع زوجي :-} خلينا فري أحسن وإلا اشلون الواحد ياخذ راحته بالله عليك يا شطووووره @@

تبين الصج عاد أفضل طبعاً السفر مع الزوج ،،، لأن تجديد لحياتج الزوجية وشهر عسل متجدد أنصحكم والله السفر مع الزوج من غير أطفال وأهل

 

[ريماا]

والله ضربتى عالوتر الحساااااااس
جم مرة يتيمعون خواتى ويسافرون سفرة حلوة
مرة بس رضى اسافر والحين متواعدين خواتى على سفرة وسى سيد عشان مااروح مواعدنى بسفرة
بس انا افضل مع زوجى صج اهلى وناااااسة لكن اعيالى يخربون على الان انا من النوع اللى ماارتاح الا وعيالى معاى بسوق وبمطعم واخواتى من شروطهم ممنوع اى ياهل يروح كل يوم خصوصا اذا سوق يقعد بالشقة
لكن زوجى مايحب يترك اعيالة كللللللش لازق فيهم مثلى

 

[جروح تبتسم]

انا احب السفر مع اهلي وااااااااايد واساسا متعلمه على هالشي من الصغر
بس هم السفر مع زوجي ماينمل منه ....

الصراحه حيره هههههههههه مره جذي ومره جذاك خخخخ على قولتهم

 

[ضحكة الدنيا]

انا ماجربت السفر مع ريلى ومع ذلك
افضل السفر مع اهلى

 

[FANDA]

يعتمد على السفره وين
اذا كانت دوله سياحيه وفيها آثار ومحلات وناسه فاحب اكون مع ريلي لانه يحب هالاشياء واذا نسافر نرد كانه بشهر العسل
اما اذا كانت سفرة تسوق او زيارة اهل وموجب فمع الاهل اكيد