تحبين الفيس بوك وتويتير حاطه اسمج وصورتج أو حاطه نك نيم وصوره مولج؟

[(كويتيه عسل)]

تدخلين الفيس بوك وتويتير
تعالو نتناقش :

*حاطه اسمج وصورتج أو حاطه نك نيم وصوره مولج؟

*ياريت تقولونلي ليش؟

*تضيفين كل من هب ودب أو بس رفيجاتج وأهلج ؟

*الاكاونت شخصي أو مسويه قروبات ؟

*شنو أكثر شي يشدج في هالسايتات ويعجبج فيه؟

*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟

*شكثر تقعدين عليهم في اليوم ؟

* شلون عرفي توتيتر والفيس بوك؟

* منو الأحلى عندج توتيتر أو الفيس بوك؟ وشنو السبب؟

 

[Monaliz]

*حاطه اسمج وصورتج أو حاطه نك نيم وصوره مولج؟
نك نيم وصورة مو لي

*ياريت تقولونلي ليش؟ عشان مابي احد يعرفني بس رفيجاتي الي معاي

*تضيفين كل من هب ودب أو بس رفيجاتج وأهلج ؟ بس رفيجاتي

*الاكاونت شخصي أو مسويه قروبات ؟ شخصي

*شنو أكثر شي يشدج في هالسايتات ويعجبج فيه؟ ولا شي غير التواصل مع رفيجاتي كتابه وصور واستمتع بالتعليقات

*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟ لا عاديه جدا آخر شي ادخلهم وممكن اقعد اسبوع ما افتحه عادي

*شكثر تقعدين عليهم في اليوم ؟ دقايق بس اجيك شنو تعليقات جديده من البنات

* شلون عرفي توتيتر والفيس بوك؟ والله ما اتذكر

* منو الأحلى عندج توتيتر أو الفيس بوك؟ وشنو السبب؟

الفيس بوك لان اعرف له اكثر من تويتر

 

[ĎєνiL.ĞιRL]

*حاطه اسمج وصورتج أو حاطه نك نيم وصوره مولج؟
حاطه اسمي وصوره مو لي

*ياريت تقولونلي ليش؟
لانه الفيسبوك فيه اهلي ورفيجاتي فأبيهم يعرفوني من اسمي اذا سوولي سيرج يلقوني ويضيفوني ..
ومو حاطه صورتي لانه ماحب اصور ..

*تضيفين كل من هب ودب أو بس رفيجاتج وأهلج ؟
بس رفيجاتي واهلي

*الاكاونت شخصي أو مسويه قروبات ؟
الاكاونت شخصي وبرايفت ومحد يقدر يشوف شنو فيه الا لما يضيفني واستقبل الاضافه ..

*شنو أكثر شي يشدج في هالسايتات ويعجبج فيه؟
يسهل التواصل بيننا وبين اهلنا ورفيجاتنا الي مثلا يدرسون بره ..
وفيه نوع من المتعه من ناحية الالعاب والكويزات ..

*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟
انا تويتر مو ذاك الزود معاه عندي اكاونت بس ماحبه كثر الفيس بوك ..
بس عادي اقدر استغنى عنهم ..

*شكثر تقعدين عليهم في اليوم ؟
مو وايد بس اجيك اذا يايلي مسج ولا كومنت واطلع ..

* شلون عرفي توتيتر والفيس بوك؟
ماذكر من سنين انا فيهم ..

* منو الأحلى عندج توتيتر أو الفيس بوك؟ وشنو السبب؟
الفيس بوك , لاني متعوده عليه واحب العابه ..

 

[ترانيم القصيم]

ما أستخدم لا الفيس بوك و لا تويتر ,, و لا أفكر

يقولون مو خوش مواقع ,, حتى لو كانت ( خوش مواقع )

أنا ما أفكر أسجل بها ,,

احترامي و تقديري

ترانيم القصيم

 

[CaKe_1988]

*حاطه اسمج وصورتج أو حاطه نك نيم وصوره مولج؟
لا أسمي ولا صورتي ..
*ياريت تقولونلي ليش؟
اسمي عادي احطة .. بس صورتي ماحس لة داعي احطها
*تضيفين كل من هب ودب أو بس رفيجاتج وأهلج ؟
لالا .. رفيجاتي واهلي واللي من صوب اهلي ورفيجاتي وبس
*الاكاونت شخصي أو مسويه قروبات ؟
برايفت
*شنو أكثر شي يشدج في هالسايتات ويعجبج فيه؟
كل شي فيهم .. خصوصاً الفيس بوك أحبة .. لتويتير مب ذاك الزود معاة
*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟
كثر ماحب الفيس بوك بس اقدر استغني عنة
*شكثر تقعدين عليهم في اليوم ؟
طول اليوم مفتوح وكل شوي واطل
* شلون عرفي توتيتر والفيس بوك؟
مادري من زمان .. :eh_s(1):
* منو الأحلى عندج توتيتر أو الفيس بوك؟ وشنو السبب؟
فيس بوك طبعا احلى .. يمكن عشان مب متعودة على لتويتير

 

[ما تخيلتك حبيبي]

*حاطه اسمج وصورتج أو حاطه نك نيم وصوره مولج؟

اسمي واسم العااائله .. و الصوره اختي الصغيرره :d ومرات اغيررهاا واحط اطفال العاائله ولا صور انا مصوورتهاا



*ياريت تقولونلي ليش؟

ليش شنو ؟ ليش حاطه اسمي .. حاطه اسمي علشان الي يعررفني يضيفني ..

*تضيفين كل من هب ودب أو بس رفيجاتج وأهلج ؟

لا بسس الي اعرررفهم .. رفيجاتي واهلي فقط ..


*الاكاونت شخصي أو مسويه قروبات ؟

شخصي ..

*شنو أكثر شي يشدج في هالسايتات ويعجبج فيه؟

كله حلوو .. واكثر شي اني يجمعني مع نااس ما شفته من زمااااان



*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟

الفيس بوك ما استغني عنه ..


*شكثر تقعدين عليهم في اليوم ؟

بالفوون حاطته وكل شووي اشووفه نفس المسسن هع واشووف شنوو الجديد


* شلون عرفي توتيتر والفيس بوك؟

الفيسس بوك من رفيجااتي .. والتوترر من كثرر ما اسمع عنه



* منو الأحلى عندج توتيتر أو الفيس بوك؟ وشنو السبب؟

الفيس بوك .. توتيرر ماا عجبني .. وبالنسبه للي اعررفهم اغلبهم فيسس بووك



وووســـــــلاامتكم

 

[اماين]

*حاطه اسمج وصورتج أو حاطه نك نيم وصوره مولج؟ ​

اسمي و صوره رمزيه يعني مو صوره شخص اصلا =)

*ياريت تقولونلي ليش؟

ما في داعي للنك نيم ! و عشان رفيجاتي يعرفوني و بالنسبه للصوره بس جذي ما احب احط صور اشخاص ..

*تضيفين كل من هب ودب أو بس رفيجاتج وأهلج ؟

رفيجااتي

*الاكاونت شخصي أو مسويه قروبات ؟

شخصي

*شنو أكثر شي يشدج في هالسايتات ويعجبج فيه؟

اني اقدر اتواصل مع رفيجاتي واعرف شصاير بالدنيا خاصة اني مو وايد مع اخبار التلفزيون


*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟

مهمه بس مو لدرجة اني ما استغني عنها .. يعني مرات اظل 4 ايام مو مبطلتها

*شكثر تقعدين عليهم في اليوم ؟


دقايق اجيك اليديد واطلع ..

* شلون عرفي توتيتر والفيس بوك؟

الاعلام + رفيجاتي .. الناس كلها تتحجا عن مواقع التواصل الاجتماعي وحتى القنوات الاخباريه لها صفحات فيه فاكيد راح ينتشر بسهوله

* منو الأحلى عندج توتيتر أو الفيس بوك؟ وشنو السبب؟


فيسبوك لاني اعرفله اكثر

​

 

[الليدي ديانا]

*حاطه اسمج وصورتج أو حاطه نك نيم وصوره مولج؟
اسمي بس الصوره مو صورتي

*ياريت تقولونلي ليش؟
اسمي علشان الاهل و رفيجاتي يعرفوني .. و ما احب احط صورتي

*تضيفين كل من هب ودب أو بس رفيجاتج وأهلج ؟
بس رفيجاتي و اهلي

*الاكاونت شخصي أو مسويه قروبات ؟
شخصي

*شنو أكثر شي يشدج في هالسايتات ويعجبج فيه؟
التواصل و اخبار المقربين

*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟
عادي اقدر استغنى عنهم

*شكثر تقعدين عليهم في اليوم ؟
مو كل يوم ادشه .. ساعات اقعد5 دقايق و ساعات اكثر من ساعه على حسب المزاج

* شلون عرفي توتيتر والفيس بوك؟
من الاهل و رفيجاتي

* منو الأحلى عندج توتيتر أو الفيس بوك؟ وشنو السبب؟




بصراحه انا مو داشه تويتر بس الفيس بوك .. لانه ما اعرف احد داش تويتر

يسلمووو

 

[ليلو جبريت]

حاطه اسمج وصورتج أو حاطه نك نيم وصوره مولج؟
حاطه اسمي بس صورتي لا



*ياريت تقولونلي ليش؟

لاني كاتبه ولي ناس يتواصلون معاي بها الطريقة ولي فان بيج انشر فيها مقتطفات من كتاباتي


*تضيفين كل من هب ودب أو بس رفيجاتج وأهلج ؟

عندي حسابين حساب للمعجبين << عدال بس
وحساب خاص فيني


*الاكاونت شخصي أو مسويه قروبات ؟
شخصي


*شنو أكثر شي يشدج في هالسايتات ويعجبج فيه؟

التواصل مع الناس


*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟


ما اقدر استغنى عنه << الفيس بوك بس


*شكثر تقعدين عليهم في اليوم ؟

مو كل يوم ادخل


* شلون عرفي توتيتر والفيس بوك؟

اول ماصار سمعت عنه واشتركت فيه وتعلمته


* منو الأحلى عندج توتيتر أو الفيس بوك؟ وشنو السبب؟



ماعرف للتويتر ​

 

[~ miss NERD ~]

تعالو نتناقش :

*حاطه اسمج وصورتج أو حاطه نك نيم وصوره مولج؟
اسمي بس مو صورتي

*ياريت تقولونلي ليش؟
عشان الكل يعرفني!

*تضيفين كل من هب ودب أو بس رفيجاتج وأهلج ؟
لا مو كل من هب و دب بس في ناس ارتاح لهم اوكي

*الاكاونت شخصي أو مسويه قروبات ؟
شخصي

*شنو أكثر شي يشدج في هالسايتات ويعجبج فيه؟
انا بس عندي بالفيسبوك اممم احلى شي التواصل و تعرفين وايد اخبار منه!

*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟
مادري على حسب بس حاليا لا!

*شكثر تقعدين عليهم في اليوم ؟
لما تكون عندي فجه ادش عالفيسبوك من تلفوني

* شلون عرفي توتيتر والفيس بوك؟
اعرفهم من زمان!

* منو الأحلى عندج توتيتر أو الفيس بوك؟ وشنو السبب؟
الفيس لوك لان تويتر معقد!

 

[عاشقة_الجمال]

ما ادشهم وما عندي حساب فيهم

 

[فلبينية عبدة]

انا مسجلة بالفيس بوك م زمان دخلت كم مرة وبس

تويتر ما اعرفه

 

[ضايعة بدنيتي]

هالموقعين بالذات انا رافضة رفض تااام اني اشترك فيهم ما اشوفه له مغزى مفيد . الماسنجر يكفي ويوفي بالنسبة لي

ف ما عندي حسابات ولا اشتراكات فيهم وان شاء الله ما بيكون .

مشكورة حبوبة على الموضوع

 

[honey lust]

تدخلين الفيس بوك وتويتير
تعالو نتناقش :

*حاطه اسمج وصورتج أو حاطه نك نيم وصوره مولج؟

لا مو اسمي ولا صورتي و السبب ان اسمي غريب و ان حطيتيه كل من هب و دب بيعرفني

هذا غير اني لما سجلت وقتها ما كنت عارفه شسالفته بالضبط عبالي حاله حال هاي 5

و هالسوالف

و الصوره شي طبيعي مراح احط صورتي , حاطه صورة فنانة
*ياريت تقولونلي ليش؟

قلت ليش لووول
*تضيفين كل من هب ودب أو بس رفيجاتج وأهلج ؟
لا بس اللي اعرفهم بس في 2 افريقين لوووول ضفتهم لما ما كنت ادري شسالفه و للحين

موجودين لا اكلمهم ولا يكلموني
*الاكاونت شخصي أو مسويه قروبات ؟

شخصي
*شنو أكثر شي يشدج في هالسايتات ويعجبج فيه؟

ولا شي ما قمت ادشه بس مرات ادش اشوف صور و اخبار اللي اعرفهم بس
*تشوفينهم سايتات مهمه ماتقدرين تستغنين عنهم أوسايتات عاديه تقدرين تستغنين عندهم؟

استغني عنهم
*شكثر تقعدين عليهم في اليوم ؟

ولا شي يمكن بالشهر نص ساعه
* شلون عرفي توتيتر والفيس بوك؟

اضافه من بنت خالتي جنه مادري نسيت
* منو الأحلى عندج توتيتر أو الفيس بوك؟ وشنو السبب؟

ما ادش تويتر سوو بقول الفيس بووك

و بس

 

[أميرة-]

الفيس بوك مسجله فيه بس ماعرف له ومايشدني

وطبعا مسجله بنك نيم ومو حاطه صور

التويتر تو طحت فيه وقليل ما اكتب بس اتابع ومسويه فلو لاغلب النواب والشخصيات السياسية اجيك عليه كل ما فضيت بأيفوني حتى وأنا بدوام

 

[(كويتيه عسل)]

:eh_s(17):حياكم الله منورين

 

[جورجيت]

الفيس بوك مسجله فيه وحاطه اسمي واسم عائلتي الصريح لأنه بنظري موقع اجتماعي يجمع لي صداقات ومعارف قديمة ..

طبعا ما اضيف فيه اي احد بس زميلاتي واهلي ..

مو كثير متعلقه فيه يعني ممكن استغني عنه احيانا اسبوع ما ادخله !

ممممم وطبعا الأكيد ما احط صورتي ..