تجيبين خدامه نص دوام ؟!

[نجود بنت محمد]

،

خلونا نتشارك مع بعض

انا ساكنه بشقه بروحي و كنت اتعب انظف شقتي
ومرات مالي خلق ومرات اصلا ما عندي وقت :eh_s(2):

فقررت اجيب لي خدامه نص دوام طلبتها من هالمكتب ما اعرف اسمه
هذا رقمه خذيته من رفيجتي 66777905

الاسبوع الي طاف اول مره اطلب منهم فلبينيه و الله ي بنات شغلها نظيييف و نظفتلي البيت
و حدددددي ارتحت

اذا تبينها الصبح من 8 لي 1 و اذا العصر من 4 لي 9

انا طلبتها العصر و سعرها خمس ساعات بـ 10 دنانير

شرايكم جم مره اطلبها بالاسبوع كافي مره ؟

:eh_s(7):​

 

[manoooram]

مرة أو مرتين كافي
للتنظيف من قلب اذا تبينها

 

[شوقي وغلاي]

بما انج بشقة بروحج يعني ما في احد يوصخ مره بالاسبوع كافي واعتقد يكفيها ساعتين عندج ... 5 ساعات واجد انا تجيني وحدة نص دوام ب 3 ساعات وهي مخلصة شغلها ... الله يخلي اللي ب 3 دنانير اشزينهم تلقينهم بالمدارس

 

[@ام يوسف@]

ااااب

 

[popo]

اتوقع مرة في الاسبوع كفي مدري اختي احس غاليه شوي ؟؟

 

[lovely lovely]

اوووووله عشر دنانير هاذا اللي ناقص بعد نعطيهم عشر دنانير ترى صج طمعتوهم بهالسوالف
ثلاث دناير واجد عليها بعد

 

[ام حاتم *]

ليش عايش بقوطي هي ولا تنظيف مش حالك انا شقتي غرفتي و غرفة ملابس و صاله و حمامين و مطبخ و ما تلحق خمس ساعات

اختي جيبيها اول يوم يوم كامل و خليها تقلبلج الشقه فوق تحت
بعدين كل يومين كل ثلاث ايام جيبيها عشان تغسل الحمامات و تغسلج الملابس و تكوي و تمسحلج الارضيات و جذي

 

[Kawaii GiяL]

مرتين بالاسبوع كافي انا توبه اطلبلي خدامة مؤقته باقت و خمت الماجله كلها خلج وياها وقت التنظيف ينخاف منهم

 

[PuPa^^SWeeT]

انا اقووولج شتسويين


مرة وحدة او مرتيين اتنادينها في الشقة


اول يووم للتنظيف كااامل و عميييق


ثاني مرة حق الاوتي



يعني اتغسليين كل الهدووم مرة وحدة و اتشرينهم او اتنشفينهم



وعلى طووول اهيي اتيي مرة بالاسبوع و تضربهم اوتي



اول ماتزوجت جذي كنت اسوي اييب خدامة امي يووم تنظييف عمييق و يوم اوتي

 

[بعيون مغليك]

شسمها الي جتج وجم ارقام بو 3 دنانير