تجهيز مكياج العرايس.. حياكم الله بالصور

[L A T T E]

اللوز باودر:
من ميك اب فور ايفر HD




ضروري للعرايس تكون عندهم لوز باودر، خاصة لانهم راح يستعملون الميك اب دايما ولفترة طويلة، علشان مايخرب كريمج لازم بعد ماتحطين الكريم تطبطبين عليه بالاسفنجة علشان يظل معاج طول اليوم..



بودرة الفينشنغ:
من ELF



مع ان بالصورة لونها بيج، بس اهيا مالها لون، عملية حطيها معاج بالجنطة، كل ماتحسين مكياجج دهن او شي اخذيها وطبطبي على ويهج.. مثالية للدوام والسفر.. ماخذتها من التاجرة UNIQUENESS

 

[L A T T E]

المحددات و الغلوسات..


أول شي المحددات:
من ريميل






أخذت: أحمر، عنابي، طبيعي، وردي.. واكتفيت بس فيهم :eh_s(15):


الغلوسات:

درجة بين الاحمر والفوشي:
من جيفنشي



ثابت ودرجته قوية مايحتاج قبلها حمرة او محدد..


بين الوردي والبنفسجي:
من انغلوت



هالدرجة أعشقها وااايد.. هم ماتحتاج لا محدد ولاحمرة.. اللون قوي


درجة مادري شسمها :
من انغلوت



وايد حبيت هالدرجة فأخذتها :eh_s(15):


الغلوس السحري:
من انغلوت



غلوس شفاف يعطيج انعكاسات حلوة.. لو كان لون حمرتج بايخ او كئيب هالغلوس يرجعلها الحياة ويعتبر اللمسة السحرية


مجموعة غلوسات متنوعة:
من ELF





فيها كل الالوان اللي تحتاجينهم، وفيهم شوي بيغمنت لزوم الكشخة :eh_s(15): يازين الرخص بس.. ماخذتهم من التاجرة UNIQUENESS

 

[طلتي هيبه]

يسلمو ويعطيج العافيه

 

[فيونكة_وردية]

عطيني رقم التاجره يونيكنس ولا عليج امر انتي تصلحين للدعايه والاعلان رووووووووووووووعه

عليج بالعافيه يهبلون ترى قاعد ابوق منج واسجل في شغلات عجبتني لووووول

 

[L A T T E]

يسلمو ويعطيج العافيه

الله يسلمج ويعاافيج شاكرتلج مرورج :eh_s(17):

 

[L A T T E]

عطيني رقم التاجره يونيكنس ولا عليج امر انتي تصلحين للدعايه والاعلان رووووووووووووووعه

عليج بالعافيه يهبلون ترى قاعد ابوق منج واسجل في شغلات عجبتني لووووول

والله للامانة تستاهل الدعاية مو علشان شي بس لان اسعارها وايد زينة و مناسبة و بنفس الوقت بضاعتها حيييل حلوة :eh_s(17):

وماعندها رقم بس تقدرين تطلبين منها بالرسايل الخاصة،، و هذا بروفايلها
http://www.q8yat.com/u335685.html

:eh_s(17):

 

[غنآآآتي]

ماشاء الله تبارك الرحمن بالعافيه عليج يالغاليه واللهم يهنيج ويسعدج ويوفقج يارب

 

[L A T T E]

الحمــــــــــر :eh_s(9):


أول شي بعطيكم نصيحة.. طبعا اكيد كل وحدة منكم تناسبها درجة معينة وتطلع وايد حلوة عليها، انا شخصيا يناسبني حيل الاحمر مع اني ما احطه الا نادرا :eh_s(10):.. فقررت اني اخذلي ثلاث درجات للاحمر.. علشان جذي يابنات كثروا من الدرجات الحلوة عليكم.. وبنفس الوقت حاولوا تاخذون كل الدرجات علشان البدل والتغيير.. :eh_s(15):



الحمرة الحمرا الاولى:
من ريفلون Love that red



درجتها تشوووق، وريفلون بشكل عام حمرهم حلوة وزقرتية


الحمرة الحمرا الثانية:
من ماك Russian Red



طبعا أشهر من نار على علم، لونها احمر بس غامج شوي


الحمرة الحمرا الثالثة:
من ماك Ruby Woo





اذا قالولج احمر احمر يعني روبي وو.. الدرجة احمر احمر ماعليه اي خلاف وحتى من بعييد يبين اللون واضح.. اللي يميزها انها جنها حمر الهنود لما اتحطينها تعطيج طبقة ثقيلة وثابتة.. بس ماتهبب بشفايفج نفس حمر الهنود طبعا



بكمل بعد شوي..

 

[L A T T E]

ماشاء الله تبارك الرحمن بالعافيه عليج يالغاليه واللهم يهنيج ويسعدج ويوفقج يارب

تسلمين ياقلبي ماتقصرين، اجمعين ياارب.. الله يعاافيج :eh_s(17): شاكرتلج مرورج العسل :eh_s(7):

 

[L A T T E]

الحمرا العنابية:
من ماك Dubonnet





وايد حبيتها :eh_s(22):

 

[& دلوعه زوجها &]

روعه ماشالله تتهني ياعسل ..

 

[L A T T E]

روعه ماشالله تتهني ياعسل ..

تسلمين ياقلبي ماقصرتي، اجمعين يارب شاكرتلج مرورج الطيب :eh_s(7):

 

[معزوفه حنين]

القلوساات روعه

 

[حآلية الذوق ~]

يعطيج العافية

 

[L A T T E]

تابع حمر ماك..


حمرة مشمشية:
Vegas Volt من ماك





لونها عجيييب بس يبيلها ميك اب صح ولا راح تخرب عليج كل الشغل :eh_s(10):




حمرة فوشية:
Girl About Town من ماك



أحلى حمرة فوشية بلااا منازع، روووعة وصج مالت عرايس




حمرة بنفسجية لحمية:
Captive من ماك





بصراحة هالحمرة لا يعلى عليها (يمكن لانها طلعت حلوة علي ) بس فعلا وايد حبيتها




حمرة بنفسجية فاتحة:
Up the Amp من ماك





لونها خطييير، احب هالدرجة وايد :eh_s(17):




حمرة وردية طبيعية:
Unlimited من ماك





وايد هادية و راقية، انصح فيها صراحة :eh_s(9):



اهني في وحدة حطت حمرة Girl About Town مع حمرة Captive وطلعت هالدرجة:

 

[L A T T E]

القلوساات روعه

من ذوقج ياقلبي ماااتقصرين، شاكرتلج مروورج :eh_s(17):

 

[L A T T E]

يعطيج العافية

الله يعااافيج و مشكوورة عالمروور :eh_s(7):

 

[L A T T E]

باجر بكمل الحمر إن شاء الله =)

 

[.: زقرتية :.]

ماشالله عليج تتهنين فيهم يارب

باين عليج تحبين المكياج ؛)

منو فينا مايحبه

متابعينج يا أحلى عروس

 

[لياليـ]

مشكوره او عليج بالعافيه
اتقبلي مروري