تجهيز للمولود

[vviipp]

السلام عليكم ورحمة الله وبركاته
حابه اعرف سراير مذركير باي فرع القاها انا ابي الي من الولاده الي 4 سنوات ؟ ومن تحت يكون فيها درج
وشنو الافضل نوعيه مذركير او سنتر بوينت
وكم سعرها مع الماترس و التلبيسه

 

[iLLuMinaTion]

رفع لعيونج وعيوني

 

[vviipp]

شكرا
وياريت البنات يساعدوي لاني ممنوعة من المشي

 

[سمووورة]

هلاا حبيبتي بالنسبه لمذركير رووحي معرض السالميه اللي بشارع الفناار يم مركز سلطاان وايد كبير وعارضين فيه السرير واما حق الافضل نفس الشي ثنينااتهم حلوووين بس سنتر بووي اسعااره شووي ارخص وهم عنده الغالي وبالنسبه للفرش تقريبا" يطلع 40 وشي اذا كامل غير سعر السرير اختي توهاا ماخذه من مذركير

وان شاء الله اكوون فدتج

 

[نور القمر 14]

والله أنا حصلت سرير البيبي هدية من الوالدة الله يحفظها من مذركير اعتقد انه سعره ٨٠ دينار طبعا على حسب الحجم الي تبينه

 

[تبطي عظم!]

الاسره الكبيره اسعارها من 70 وفووق وصرااحه انا شفتهم نفس الشيء ونفس الجوده

 

[المسكـ]

سنتر بوينت اررخص بوايد واثاثه اقل جوده من مذركير
بس مذركير غالي
واللبس مادري عن اسعاره انا مسويه تفصال مع السرير المدور من الكاروكه ب 200 ومتحسفه عليه بخليه حق ولادتي وبس بغير اللبس افصله لبس ثاني

 

[vviipp]

مشكورين حبايبي
بس انا ابي الكبير لسن 3 او 4 وطبعا كامل مع ماترس وتلبيسه بس ابي بحدود 100

 

[ساشا]

خلي احد اييبلج الكتالوج
ونقي بس مافي اسعار يعني اللي بييب لج الكتالوج خل يسال عن الاسعار ويسجلها على كل موديل
وانتي بعدين اختاري على رواق

 

[vviipp]

اعرف المديلات لان عند الكتلاوج بس ابي اعرف الاسعار

 

[مشغوله و محتاسه]

انا جربتهم اثنينهم


سنتربوينت حلووو و فرق بالسعر و ما لاحظت فرق بالجودة


بالعكس ماشاء الله سرير سنتربوينت عندي من 8 سنين و نام فيه 2 من عيالي و ما صار فيه شي شحلاته


الاسعار 70 و فوق


بس ترا السرير اللي يناسب بو سنه .. ما يناسب 4 سنوات

لان من الولادة الى سنتين لازم يكون السربر له جوانب عالية عشان الياهل ما يطيح لا سمح الله


عقب السنتين ... ممكن سرير له جوانب منخفضة عشان يقدر ينزل بروحه


و الله يسهل عليج