تجهيز عروس خطوة بخطوة .... متجدد

[عذبـة الاطبآع]

اهو احلى شي طريقة الاظرف وايكيآ

وابو مية حق العلاقات نبهتيني عليها

عموما جزاج الله خير

 

[هند الرشدان]

والله يااختي العزيزة السوق الحين نااار حتي الردي صار غالي صعبه اني اسوي فستان ب100 دينار الناس مهما كان تعرف الزين من الشين والحين العروس انتي تزيدينها بعد من فلوسج مهرها مايكفي

 

[مشتاقة الى الله]

ليش خذيتوا الموضوع بالحساسية الحين ما اجباري تعصبون وتتنرفزون عشان السعر هالشيء راجعلها ويا العروس
البنية ماقصرت صراحه و تقسيمات العروس ووواجد حلوة وعملها متعوب عليه
انا استفدت ودونت عندي عشان صديقتي تستفيد


مشكورة حبيبتي

 

[غلوريا ماكس]

١٠٠ دينار يعني ١٠٠٠ ريال وشويه بالسعودي ممكن فستان اجار يعني تشوفي موديل و تروحي محلات معينه عندنا وتفصيلي وتعطيهم تامين وترجعين الفستان بعد الزواج

 

[lferj]

اب

اب

 

[*مطبخ الذواقة*]

يعطيج العافيه .... ما قصرتي

 

[miss dora]

قوااج الله ويعطيج العافيه
صراحه الموضووع عجييب ويستاهل تعبج عليه وفتحتينا ع اشياء ماخطرت ع بالنا من ناحية التجهيزات والله يوفق الجميع
وهم اقول الناس اذوااق والبنت من اول شي قالت تحب توفر ومجتمع عن مجتمع يختلف وكل واحد حر بنفسه وبأختياراته
حتى البنت خرعتوها ماكملت موضوعا الله يسامحكم وحتى لو بتعلقون مو جذي صراحتا انا تضايقت من بعض الردوود وانا مو صاحبة الموضوع اجل شلون اللي كاتبه..؟؟؟
واب لعيونج وان شالله الكل يستفيد منه
وسلامتكم مايخالف تحملوني كثرت حجي..

 

[خلود ه]

مهري 8000دينار

طبعا اهوا 7000 بس اخواني لبي قلبهم زادوني

واي وقسم اني خذتني العبره

تخيلي الذهب 4 الاف
علي قوله الوالده الذهب ذخر لج

والعطور الصدمه الجلطه اللي ماله علاج تخيلي 1200 دينار طبعا الوالده اخذت المهر من وراي وراحت جم محل وللعود والقرشي وبودي شوب وعبت لين ريحت راسه وجت تقولي لوول شقول شكرته امي وبست راسه ورحت فضيت كل اللي بقلبي بغرفته

لا وحواسه ولويه الكهربْيات بحدود 200
والدراريع بحدود 150 دينار من العربيد
واغراض الجمعيه

ومكياج كريمات من بين ماكس وماك يعني شدو 2 وارواج من ماك وبكمل من الخبر

اغراض الحمام 30 دينار
وجم شغالات خاصه

وتخيلي صفيت
ولاشريت شيال ولاعبي ولااكسسوارات ولا نفنوف العرس ولاشريت الصباحيه ولا شريت قمصان نوم
ومابقي معي الا 1000 دينار


مدرى شنو اهبب فيهن كله رابطه راسي وابجي خليها علي الله ومعاشي كله رايح علي قروض سياره لي وقرض لاخوي يعني صفر يلا احصل ميه دينار بالشهر كابنت كان وايد علي بعد بس كاعروس شنو يكفي


يعني اقولج منيه لعرسي مع الف دينار التجهيز الباجي ققررت اجهز من السعوديه تحديدا من الخبر 3تربع الكويتيات يجهزون الان من الخبر ارخص واحلا

بس عنجد تخيلي ميه من معاشي لشهر خمسه يعني كل المبلغ 1400



صدعت راسج بس جد الله يوفقج خوش موضوع

عروس متلعوزه

 

[baby lotion]

كليتو البنت

يعطيج العافيه

 

[! q8ya !]

صراحه كل شي كتبته حلو شفيكك بسم الله كليتوها !!!
صح ممكن تسوي نفنوفها ١٠٠ عن خياط تعرفه ورخيص وزين مو حلم هذا عاذي هالشي صار والبنت عجبها النفنوف وسوت نفسه ليش الخبه حلو الناعم صراحه
والجنط عادي بالعكس شي حلو وفي حمايل ترى ماتفرق بين الماركه والتقليد والجنطه جم شهر تستعملها وبتمل منها ليش يعني لازم ماركه
في اسعار كاتبتها ممكن انكم تشوفونها شوي بس عادي لو تزيدون عليها شوي تطلع اوكي


والله يهديكم خرعتوا البنت بسم الله حتى الموضوع ماكملته مالوها
وياحبكم للخبه

 

[المزيــونه]

يعطيج العافيه عالبدايه بس طبعا وانا دايما اقول احلى شي تجهز حق شهر بالكثير شهرين والسوق مو طاير وحلاته ناعم وذرب وماركات

بس بعدها اجرمتي بحق العروس رأسي افتر من صجج 4 عرايس عندكم جهزو جذي
اول شي مو من حقها تخش من المهر واعتقد بعد مايجوز مو متأكده سألو شيخ دين وبعدين الرجال دفع مهر عشان يشوف شي نظيف وراقي وذرب مو عشان اتحطهم وديعه !!
واذا تحب تخش وحريصه عالفلوس تخش من فلوسها الخاصه لان عيب وفشله يكون تجهيز عروس بهالطريقه الناس لها عيون وتشوف الماركه او لا حتى زوجها راح يعرف نوعية اللبس مو عبالكم الرجال مايعرف شي ومايميز

وما انصح اي بنت اتسوي هالطريقه كلش اذا ماكشختي ولبستي شغلات مميزه بعرسج متى تلبسين ؟

نفنوف العروس المفروض يتفصل عند ارقى مصمم لان هاذي ليلة العمر
وثاني يوم لبست من كارين ميلين انا البسها بمناسبه عاديه اذا رحت لرفيجاتي !
وقمصان النوم كلهم بـ 200 بقولج عن بنت خالي وبنت عمي تو من شهر خالص عرسهم قميص اول ليله بروحه بــ 200 دينار وجناطتين ماركه و3 شوزات بـ 3 الالف يعني قيمة التجهيز كامل
لان عروس لازم تكون مميزه بكل شي من الالف لي الياء

والي سويتو مو حرص مع كل احترامي بخل لو عند عائلتنا قعدو سنه يتكلمون لان احنا البنات غير المهر اهلها يعطونها غير هدايا خالاتها وعماتها وكل هالفلوس تقطهم عالتجهيز

 

[~mmm~]

مع انه الموضوع قديم
بس برد
التقسيمه صح
والاظرف حلوه طريقتهم
بس الوديعه لا والله ليش عروس !
يعني بصراحه التقسيمه عجبتني حيل
بس مع تغيير الاسعار والارقام يعني مستحيل 3جناط
ومستحيل بدلتي ب 100 لان بعروس عيال اخواني او عيال عمي
بدلتي اقل شي ب 300
وبعرسي ب 100 !!!!!
حرام والله اسمي عروووس لازم اكشخ
ولازم في ظقم الماس وساعه الماس حتى لو الطقم ناعم على الاقل يحلي اللبس ويرز
مادري ودي اكتب بعد
بس نادر ناس جذي

 

[حلاوتي حلوه]

حبيبتي ! اسعار كلش مو شيء !
وين الاقي رخيص الحين !

أنا مهري 9 الالف ولا كفاني ! و امي خذت لي قرض ! هدور تقولين 3000 تكفي
نفنوف العرس بروحه على ايامي خذيته 2400

غير الصالون 600 دينار كل شيء سويت في

غير التجهيز ! انصدمت جنطه ! 100 !!!!!!!!!!!!!!


انتي عروس يعني لو ما صرفت على نفسي و قطيت على عمري بليله العمر متى اقط اخش فلوسي حق واتفشل جدام ناس
يعني 5 جناط ماركه والوحده 500 عليج الحسبه

فوقهم العطورات والمكياج و الساعات والاكسسوارات ! وصح الحين البنات ما يلبسون ذهب بس يلبسون الماس والماس غالي !
وتجهيز ما يخلص واللعلم أنا جهزت حق شهرين ! بس


وما شاء الله بناتنا مدلعات يعني اهما بنات مايرضون بتقليد شلون تجهيزهم

 

[لقياك]

اذا الفستان 100 دينار يعني بالسعودي 1000 ريال .. بصراحة قليل عليه ..بنت خالتي اخذته 5000 ريال بزواجها الاول وتطلقت وربي كتب لها الزواج الثاني اتوقع كلفها 8000 ريال ..والمكياج لازم ماركة معروفة ماراح العب ببشرتي على حساب توفير .. المهر لي عشان اشتري اللي بخاطري مو اوفر .. التوفير من وظيفتي ومن مصروفي ..اما الدراريع ذي كلش مالها داعي كأني عجوووز .. انا بنت اكيد راح البس اشياء مناسبة لعمري .. الدراريع لأمي
فيه اشياء كثيرة ناقصة ..
بس يعطيك العافية فيه اشياء ذكرتيها جميلة ..

 

[ماريا ماس]

الله يسعدك و يوفق خواتك

مرا كلامك جميل ومعك حق يفرق من مجتمع لثاني و من شخصيه لشخصية كمان بس حلو نستفيد من خبرات بعض حتى لو ما بنطبقها
انا معك بفستان الفرح مع ان عندنا بالسعودية مشاء الله أغلى فستان جاهز و مرا فخم 5 الألف ريال بس
برضو احكي مابغى اصرف اكثر من 3 الألف ريال و جالسه ابحث
مع ان باقي تجهيزي فوق الست الألف دينار بكثير بس فستان يلبسه كم ساعه و العروس ايش ما كانت لابسه له أطلتها و انتي الي تزهين اللبس كل ما كان ناعم كل ما بنتي انتي اكثر

عكسك في الذهب انا اصلن من قبل الزواج عندي ذهب و أخذته معي بالتجهيز و برضو نص المهر راح للذهب لأنو احبه
و حلات العروس بشبكتها و ذهبها يبان انها عروس ماحب للاكسسوارات :eh_s(4):



الله يسعدك :eh_s(7):

 

[عبوور21]

اول شي يعطيج العافيه ع الموضوع متعوب عليه ،،

بس عندي بعض الملاحظات يعني في فساتين بـ 100 واقل من جذي بعد !!!
بس اكيد في اختلاف بالفنشنق يعني ما راح يكون مثل الأصلي انا ما اقول اخذ 2000
بس اعلى من الـ 100 لازم يكون شي فخم ومتعوب عليه بعدين شنط انتي تقولين ماخذين 3 شنط بس ،،
ما اعتقد تكفي حتى 100 موكافيه يمكن انتو تحبون الشي الناعم حيييييييل بس هذي عروس يعني لازم اتكون متميزه عن الكل شدعوه والدراريع انا عند بيت اهلي ومومتزوجه اشتري اغلا من جذي بعدين مومعقوله عروس تاخذ دراريع بـ 6 دنانير شدعوه اصلاً الحين من 15 وفوق وكل شي غالي وموحلوه عروس تلبسهم لازم تكون غييييير عن الكل انا قريت الموضوع وانصدمت من الأسعار ،، بعد فتره انا ببدأ ان شاء الله وقلت لأمي عن موضوعج واستغربت من الأسعار احنا فارين ع مشاغل وشايفين اقل وحده بـ 45 لا وهذا بعد المكاسر ،،، بس ع حسب الميزانيه مستحيل احط هالسعار حق تجهيزي لان كل شي غالي والله والزين يفرض نفسه وصدقيني الناس اتعرف الفرق بين الماركه والتقليد واذا عروس كل الأنظار بتكون عليها فـلازم اتكون بأحلى طله ،،


يعطيج العافيه هذي وجه نظري ومادري عن الباقي ??

 

[Smra^_^Cool]

يعطيج العافيه

 

[monamoura]

اوله شفيكم عالبنت انا صراحة معروفة فبيتنا اني اكثر وحدة اصرف وعيوني ماتطيح الا على الغالي بس انا عندي عقل مستحيل اقط أكثر من 600 على نفنوف بلبسة اقل من ساعة واذا كثرت ساعتين وبعدها بيطيح بجبدي مادري وين أحطة ....... واللله مع انه الموضوع قديم بس واييد فتحتي مخي على اشياء مهمة مشكووورة وايد والله يوفقج وين ماتكونين .... :eh_s(17):

 

[^جود^]

ااااااااب

 

[ميمي الوحيده]

ماشاء الله