:eh_s(7):السلام عليكم ورحمه الله وبركاته
سامحوني بنات طولت عليكم بس خلاص واصله حدي وهالايام كله مبلش فيني العوار :eh_s(11):
ادعولي الله يسهل .. وربي يسهل عليكم جميعا ..:yaaaaaarb:
بالنسبه للبنات اللي قاعدين يراسلوني عالخاص وعالتفون يبون اطلب لهم من الاغاراض نزلت موضوع في مول الاطفال لكم ..
وما ابي احط الرابط اهني لان لان هذا موضوع خاص ومو حابه اسوي تجاري ..
راح انزل لكم اخر شغلات سويتها ويمكن تستفيدون انتوا بعد..
اول شي حلو شغل ايدي واختي الغاليه للمستشفى اهو حيل بسيط بس انا جذي نظامي وما احب الخبه ( وهم لان خالتي اهي بتسويلي توزيعه البيبي )
الماي سونه لي الاخت ام عفاف ربي يسلمها من كل شر وطبعا ما حطيت اسم ( لان اسم ولدي على اسم البني وانا استحرم ان ينقط بالزباله بعدين )
وطلبت سكر ممن وحده بالانستقرام على شكل دبوب نقيت اللون الازرق والابيض وييي فيه عود يغنيج عن حطة القفشه .
وكاكاو للتوزيع بالمستشفى حلو صغير وذرب هم منها .
حلو قهوة حييييييييييييل عجبني بس بطلبه للبيت مو المستشفى من ترافل بوكس
هذي الاخت اتعرفت عليها بالانستقرام اتسوي لج كل شي للتقديم اسمها حفله جاي حق وين ما تبين
مستشفى .. البيت .. الدوام ( اتجهز كل شي لج .. مطارة جاي .. مطاره قهوه .. فناجين .. استكانات .. حلو .. موالح .. سكر . طاوله .. مفرش .. باقه ورد وشموع وبعدين كل شي يكون لج )
اسعارها اتبلش من 22 دينار لي 190 دينار حسب طلبج واللون اللي تبينه ..
انا اتفقت معاها اتيبلي المستشفى لان مالي خلق شيل وحط ولا ابهذل الوالده رايحه راده اتسوي جاي ولا قهوه .
بحط صور لشغلها ..
عاد ابي رايكم بشغلها ..
والحين انيي للاهم ( المساج ) :krkrkr:
هم حصلتهم بالانستقرام ييونج البيت يهيوؤن لج الجو جنج رايحه سبا والساعه فل مساج 15 دينار واذا تبين بعد نص ساعه زياده يصير عشرين هم عجبني عرضهم على الاقل لا اروح ولا ارد واكون قريبه من اعيالي .
وهذي وحده هم بالانستقرام :krkrkr: معششه فيه اتبيه اطقم مواليد كلها قطن وتركي واسعارها واااااو وشغلها حييييييييييل حلو .والاهم من هذا اخلاقها روعه وتستقبل بالبيت اذا بتشوفون .. واطقم البنات عنها عذااااااااااااب .
وانشالله اكون قاعده افيدكم بنات ولا تنسون تدعولي .:eh_s(7):
