تجهيزات العروسه من كل النواحي ضروووري لكل عروس الدخول مهم ،،

[فـديـت ^-^ روحـي]

فدييييييييييتج مهاوي

خوش موضوع

 

[bobo lover]

يعطيج ألف ألف عافية

 

[المـــــها]

عوده مع شغله ضرووووريه :wqedqw:​

مريلة الطبخ







لا تنسونها يا بناااات عشان لا بغينا نتفنتق بالمطبخ لو بنسوي فيمتو ولا تانك نلبسها نعيش جو هههههههههههههههه .....






+









وصفات مجربة تضبطينها من حلا و أطباق رئيسيه و سلطات ،، ترى الرجال يستانس لو مرته تطبخ له لا اشتهى شغله ،، ولا إذا تبين تسوين عشى رومنسي ،، و هم تسوين أطباق أو حلا لو صارت مناسبه عند أهل زوجج لما تنزلين عندهم ... (( سويلج ملف أحسن ))

و الحين نكمل مع ...​

اللانجري و قمصان النوم

تحسبين حسابج يكون من ضمن جهازج :
قمصان نوم طويله \ وسط (فوق الركبه) \ قصيره بأرواب \ بدون أرواب
بيبي دول \ تنكري
أطقم حلوه و كشخه
أطقم نفس ألوان بدلج و بجايمج للشقه
أطقم عمليه لنزلتج و للطلعات
شلحات حرير \ قطن \ نص \ قصير \ طويل
سراويل نص قطن
سراويل حفر \ حمالات
أطقم الملابس الداخليه للنوم اللي تجي بأشكال متنوعه \ بلوزه حفر \ شورت \ حفر .....
(( هيلاهوب اللمعه \ المشبك \ أسود ... حسب قمصانج ))


طبعا ما أقدر أحددلج العدد لأنه يختلف من وحده لي وحده
كل وحده تعرف نفسها ،، أهم شي تنوعين بالموديلات و الخامات و الألوان و الأطوال ههههههههه
لأن المتزوجات نصحوني ما أكثر قمصان و ما أكثر من الطويل عشان أشوف ذوق زوجي و شنو يحب ،،
و السوق مو طاير و كل يوم تنزل شغلات جديده و تجنن ،، فعندج المجال تشترين اللي يعجب أبو الشباب ....









و الحين وصلنا لأهم شي لأهم ليله ....







قميص أول الليله







و طبعا ألوانه هي الأبيض و الأف وايت \ السكري
و تاخذين معاه الأندروير و الحماله إذا يحتاج حماله
و الشحاطه (( تلقينها بخمسه عند المحل نفسه ))









*** ملاحظه ***


في عند محلات اللانجري كريم موحد للون مثل كريم الأساس للجسم يعني تحطينه عالأماكن الغامجه و يصير لونها نفس لون الجسم بالضبط (( طبعا في درجات )) ،، و ما يبين إنج حاطه كريم ...
للأمانه ما جربته بس رفيجتي تمدحه ...




​

يتبع ...​

 

[أمي غلاها غير]

متابعه

 

[معشووقة السفر]

متوفر عندي بجامات كشخه من تركيا يصلحون للنفاس و العرايس اقطانهم حلوه ومشغولين بالدانتيل في بجامات قطعتين وفي بجامات ثلاث قطع يعني معاهم الروب قصير
وفي ارواب ( اقصد دراعه مكسي علاق وفوقه روب خفيف )
متوفر مقاس 2 و 3 و 4 بكميات محدوده والاسعار تتراوح من 17 دك لي 22 دك
اعتذر عن عدم وجود صور تقدرون اتشوفونهم عالطبيعه نتواعد بمكان او ادزلكم المندوب وياخذ 2 دك

 

[فـديـت ^-^ روحـي]

متاااااااااااابعه بتركيييييييز

 

[حور العيون]

رد : تجهيزات العروسه من كل النواحي ضروووري لكل عروس الدخول مهم ،،

تسسلمين ياقلبي


كمليي يالبااا قلبج

 

[لحظة غروب]

رد : تجهيزات العروسه من كل النواحي ضروووري لكل عروس الدخول مهم ،،

جزاج الله خير كفيتي ووفيتي حبيبتي ..

وفعلا خلطة الكركم عجييبه تخلي البشره .. بشرة بيبي .. وتلاحظين من اول مره ...

نوت غاليتي :
(((بالرفاء والبنين، أو بالرفاه والبنين، ورسول الله صلى الله عليه وسلم نهى في الحديث الصحيح عن هذا النوع من التهنئة، لماذا؟ أما كلمة الرفاء: فإنها تعني الالتحام والمقاربة والوئام وهذا لا إشكال فيه، أن تدعو للمتزوجين بالمقاربة والوئام والتوافق. ولكن الإشكال في قولهم: بالبنين، لماذا أيها الإخوة؟ لأن العرب كانوا يكرهون البنات، وكانوا يئدون البنات وهن أحياء، وكانوا ينسبون البنات لله عز وجل: وَإِذَا بُشِّرَ أَحَدُهُمْ بِالْأُنْثَى ظَلَّ وَجْهُهُ مُسْوَدّاً وَهُوَ كَظِيمٌ [النحل:58] ولذلك كان إذا جاء أحدهم البنت تمنى موتها، وإذا أتى لجاره بنت تمنى له أن تموت البنت.. وهكذا. ولذلك كانوا يقولون في تهنئتهم بالزواج: بالرفاء والبنين، أي: الذكور وألا يجيئك إناث، ولذلك حرَّم هذا القول في الإسلام ونهي عنه، وإنما تقول مهنئاً للمتزوج أو المتزوجة: (بارك الله لكما، وبارك عليكما، وجمع بينكما في خير) وكم يود الإنسان المسلم إذا فتح بطاقة من هذه البطاقات، أو تهنئة من هذه التهنئات بدلاً من أن يجد بالرفاء والبنين أو بالرفاه والبنين كما هي تهنئة الجاهلية، يجد مثلاً: (بارك الله لكما، وبارك عليكما، وجمع بينكما في خير). لا بد أن نتميز عن الكفار وأهل الجاهلية في ألفاظنا وعباراتنا وتحياتنا وتهنئة بعضنا لبعض.......))))

:eh_s::eh_s:

 

[المـــــها]

لحظة غروب


فديــــــــــــــتج يا قلبي


مشكوووووووووووووووووووووورة حبيبتي الحمدلله نبهتيني عن هالمعلومه صج ضروري نعرف معناتها


جزاج الله خير

 

[المـــــها]

و بما إنا تكلمنا عن اللانجري يا عرايس
لازم نتكلم عن ...​

** منتجات رائعــــه للعرائس و المتزوجات **

هالمنتجات تجنن عذاااااااااااااااب يا بناااااات ،،،
قصدي العطور و اللوشنات و الكريمات و الطعم و السنفرات ...
تلقين القلوسات بالطعم تجنن ،، و كريمات بنكهات مختلفه للجسم و عطورات رووووعه تعجب زوجج
في مجموعة كيك رووووعه لا تطوفكم بنات ... :ggdw:

و طبعا لازم تاخذون شغلات اللوشنز و العطور و الكريمات و الشور جل (( الست و مو شرط كله ))
تنوعون فيهم من المحلات و النكهات و لا تكثرووون ....




عندنا محلات كثيره أنا باخذ من كل محل شغلة عندنا :
بودي شوب
بودي سنتر
ماركس آند سبنسر
زهور الريف
و غيرها .....

و الآاااااان ننتقل لـ ...​

ملابس البيت

لأحلى عروسه


:hjy5jewf:

انتي براحتج تشترين بدل من فساتين قصيره \ سكينيز \ لقينز \ شورتات \جينز \ بديات الكت و المشخلع هااا :wqedqw: ههههههههههه و بعد ... تنانير قصيره و برمودات اللي تبينه حطي حرتج بهاللبس اللي ما تقدرين تلبسينه برا و الضيج و هالله هالله بالكشخه عاد و تسريحة الشعر الحلوه و العطر اللي يذبح :eh_s: .....

و الحين ندخل بـ ..​

الشوووووز

طبعا السليبرز بروحهم ولا مع البجايم ((يا حلاتهم))
شحاطات اشقتج ألوان و موديلات نعومه و زنوبه أم اصبع
جواتي \ صنادل للطلعه مع الحبيب تكون كشخه مرتبه و مريـــــــــــحه حطي تحتها 3 خطوط
صنادل و شحاطات للمناسبات و قدام الحريم يعني لازم تكون فل أوبشن هههههههههه
شحاطات لنزلتج عند أهل زوجج ..




​

​

يتبع ...​

 

[هيزار*]

الموضوع اينن
ماشاءلله وااااااااااااااايد حلو
مختصر ومفيد يعطيج اللف عافيه وربي يتمم عليج ويسعدج

 

[أمي غلاها غير]

بانتتضار التكمله

 

[Fantazya]

ما شاء الله تبارك الرحمن

الله يبارك لج ويهنيج

انا داشه وودي الاقي وحده متزوجه تفيدنا

الله يرضى عليج دنيا واخره

مشكووووووووووووووووووره وماتوفي
شكثر محتاجه لهالموضوع (الاخت بنت وحيده وعليميه بهالسوالف وماعندي احد اساله) -> الحاله كسيفه

حفظت الموضوع بال favorites وكل يوك ادش اجيك على ابداعاتج

 

[صديقتك ياليل]

رد : تجهيزات العروسه من كل النواحي ضروووري لكل عروس الدخول مهم ،،

تسلم الاييااااااااااااااااااااااااادي استفدت والله

 

[Moddi]

جوا بنات بدا العروسة للافراح (قصر المحيسن) خصومات رمضان اسعارهم ببلاش لا ووصلت تشكيلة جديدة من الالبومات الحصرية وتوسعو صار عندهم تصوير رجالي بالاضافة الي الحريمي والبوفية والكوش والديجي والمهراجا ........ لاتعدون يعني تقريبا تجهيز العرس هم تخصصهم تصوير نسائي وطبعا كلة ديجيتال وعندهم البومات حصرية كلموهم وشوفو اسعارهم رقمهم:55555801-60664999

 

[ملكة الهدوؤوؤوء]

روعه روعه روعه ..


مأشأء الله ..


كفيتي ووفيتي ..


جزأإج الله خير ..

والله يسعدج ويوفقج يارب ..

 

[~ غـــيـــر البِشـــر }}]

متابعه ,,,,,

 

[المـــــها]

عوده لأحلى عرايس مع ...​

​

حقائب اليد و الأطقم





طبعا احنا تكلمنا عن الأحذيه و حبيت أنوه لشغله إن الأحذيه اللي تشترينها مثلا للطلعه تشترين بعضهم بروحه و البعض مع جنطته

و لاااااااازم و مهم للمناسبات يكون أطقم بالغالب ...


و جناط بروحها للتغيير أو مع العبايه

و لازم تراعين الموديل جديد و راقي و غريب لأنج عروس
و العدد حسب ألوان بدلج أو عباياتج ...

و الحين ندخل عالملابس بشكل عام ....​

ملابس الطلعه حسب لبسج بدل ولا عبايات
تحسبين حسابج إذا عبي ما يقل عن 3 يكونون عمليين و ناعمين و وحده رسميه لمراجعه أو طبيب أو جمعيه ...
و اللي تلبس بدل بصراحه مادري جم يكفيج بالضبط لأن كل وحده وستايلها و البدل تختلف عن العبايه يمكن ع الأقل تحتاجين 4

و نرد للعبايه
تحتاجين بعد للمناسبات تحسبين حسابج لعرس \ زيارات \ عزايم تكون شغل و ذربه و راقيه

بدل الاستقبال \ الدراريع
عالأقل 3 ...

اللي ساكنه عند حمولتها
عالأقل 5 دراريع عمليه و ناعمه
و اللي حمولتها يزورونهم ناس على طول تكون دراريع أكثر شغل

و البدلات بعد جهزي لج عالأقل ثنتين




الملافع : حسب لون بدلاتج للطلعه \ دراريعج لنزلتج عند حمولتج و حلو لو يكونون ملونين ...




طبعا أول شي لازم تبدين ببدل الاستقبال
الطلعات و العبي
دراريع الحموله

و بالأخير الملافع​

يتبع ...​

 

[المزيونه بنت المزيون]

يعطيج العافيه موضوع متعوب عليه

 

[المـــــها]

بنات هالشغله مهمه و خليها تكرمين للحمام








اشتري اللي يتعلق و يرش من نفسه أحلا لما تطلعين من الحمام ترشينه :klhfl:

ننتقل لـ ...​

العطورات








الفرنسيه
نصيحه لا تكثرون عالأقل 4 أو 5 و واحد يكون ست كامل : (( أهم شي بودره الجسم \ لوشن \ سبراي للشعر ))
نوعي بين ثقيل و بارد
و بعد اخذي لج من الشايع أو أجمل العطورات الفرنسيه حلوه للشقه خصوصا اللي ريحتها بناتيه و على حلاو ..

العربيه
عطر أو اثنين


دهن العود أعتقد واحد كافي <<< اللي تحب العود غير ههههههههه



و بنات اشتروا من القرشي
مسك العروس للجسم
و مسك الطهاره اللي لونه غامج للمنطقه الحساسه



عطور و مرشات الغرفه و الشقه
في حلوين عند الشايع
و في بعد أكوا يجنن اللي لونه بنفسجي
اثنين كافي مو ؟؟؟ :68_asmilies-com:





البخــــــــــــور
للشقه \ لج للعزايم
و هالله هالله بالبخور السنع
خلي ريحة البخور توصل لحمولتج عشان يسألونج شنو بخورج ...
خلي ريحتة شقتج خيال على طول
بس مو تخنقين الرجال باجر يصير فيه تنك :dddds:

















الاكسسوارات






لازم تشترين اكسسوارات

الشقه ،، يكون كيوت و ناعمه
المناسبات مع الوان البدل و العبايات
طبعا مع البدل لازم يكون أطقم اكسسوارات ،،، و طقمين كافيين و يكونون مناسبين لملابسج
و أهم شي لا تنسين ( الخلخال ) للشقه _03BA:








​

يتبع ...​